Sutra Navigation: Auppatik ( ઔપપાતિક ઉપાંગ સૂત્ર )

Search Details

Mool File Details

Anuvad File Details

Sr No : 1105654
Scripture Name( English ): Auppatik Translated Scripture Name : ઔપપાતિક ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

उपपात वर्णन

 Translated Chapter :

ઉપપાત વર્ણન
Section : Translated Section :
Sutra Number : 54 Category : Upang-01
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कइसमए णं भंते! आवज्जीकरणे पन्नत्ते? गोयमा! असंखेज्जसमइए अंतोमुहुत्तिए पन्नत्ते। केवलिसमुग्घाए णं भंते! कइसमइए पन्नत्ते? गोयमा! अट्ठसमइए पन्नत्ते, तं जहा–पढमे समए दंडं करेइ, बीए समए कवाडं करेइ, तइए समए मंथं करेइ, चउत्थे समए लोयं पूरेइ, पंचमे समए लोयं पडिसाहरइ, छट्ठे समए मंथं पडिसा-हरइ, सत्तमे समए कबाडं पडिसाहरइ, अट्ठमे समए दंडं पडिसाहरइ, पडिसाहरित्ता सरीरत्थे भवइ। से णं भंते! तहा समुग्घायगए किं मनजोगं जुंजइ? वयजोगं जुंजइ? कायजोगं जुंजइ? गोयमा! नो मणजोगं जुंजइ, नो वयजोगं जुंजइ, कायजोगं जुंजइ। कायजोगं जुंजमाणे किं ओरालियसरीरकायजोगं जुंजइ? ओरालियमीसासरीरकायजोगं जुंजइ? वेउव्वियसरीरकायजोगं जुंजइ? वेउव्वियमीसासरीरकायजोगं जुंजइ? आहारगसरीर-कायजोगं जुंजइ? आहारगमीसासरीरकायजोगं जुंजइ? कम्मगसरीरकायजोगं जुंजइ? गोयमा! ओरालियसरीरकायजोगं जुंजइ, ओरालियमीसासरीरकायजोगं पि जुंजइ, नो वेउव्वियसरी-रकायजोगं जुंजइ, नो वेउव्वियमीसासरीरकायजोगं जुंजइ, नो आहारगसरीरकायजोगं जुंजइ, नो आहारगमीसासरीरकायजोगं जुंजइ, कम्मगसरीरकायजोगं पि जुंजइ। पढमट्ठमेसु समएसु ओरालियसरीरकायजोगं जुंजइ, बिइय छट्ठ सत्तमेसु समएसु ओरालि-यमीसासरीरकायजोगं जुंजइ, तइय चउत्थ पंचमेहिं कम्मसरीरकायजोगं जुंजइ। से णं भंते! तहा समुग्घायगए सिज्झइ बुज्झइ मुच्चइ परिणिव्वाइ सव्वदुक्खाणमंतं करेइ? नो इणट्ठे समट्ठे। से णं तओ पडिणियत्तइ, पडिणियतित्ता इहमागच्छइ, आगच्छित्ता तओ पच्छा मणजोगं पि जुंजइ, वयजोगं पि जुंजइ, कायजोगं पि जुंजइ। मनजोगं जुंजमाणे किं सच्चमनजोगं जुंजइ? मोसमनजोगं जुंजइ? सच्चामोसमनजोगं जुंजइ? असच्चामोसमनजोगं जुंजइ? गोयमा! सच्चमनजोगं जुंजइ, नो मोसमनजोगं जुंजइ, नो सच्चामोसमनजोगं जुंजइ, असच्चामोसमनजोगं पि जुंजइ वयजोगं जुंजमाणे किं सच्चवइजोगं जुंजइ? मोसवइजोगं जुंजइ? सच्चामोसवइजोगं जुंजइ? असच्चामोसवइजोगं जुंजइ? गोयमा! सच्चवइजोगं जुंजइ, नो मोसवइजोगं जुंजइ, नो सच्चामोसवइजोगं जुंजइ, असच्चामोसवइजोगं पि जुंजइ। कायजोगं जुंजमाणे आगच्छेज्ज वा चिट्ठेज्ज वा निसीएज्ज वा तुयट्टेज्ज वा उल्लंघेज्ज वा पल्लंघेज्ज वा, उक्खेवणं वा अवक्खेवणं वा तिरियक्खेवणं वा करेज्जा, पाडिहारियं वा पीढ फलग सेज्जा संथारगं पच्चप्पिणेज्जा।
Sutra Meaning : જુઓ સૂત્ર ૫૨
Mool Sutra Transliteration : [sutra] kaisamae nam bhamte! Avajjikarane pannatte? Goyama! Asamkhejjasamaie amtomuhuttie pannatte. Kevalisamugghae nam bhamte! Kaisamaie pannatte? Goyama! Atthasamaie pannatte, tam jaha–padhame samae damdam karei, bie samae kavadam karei, taie samae mamtham karei, chautthe samae loyam purei, pamchame samae loyam padisaharai, chhatthe samae mamtham padisa-harai, sattame samae kabadam padisaharai, atthame samae damdam padisaharai, padisaharitta sariratthe bhavai. Se nam bhamte! Taha samugghayagae kim manajogam jumjai? Vayajogam jumjai? Kayajogam jumjai? Goyama! No manajogam jumjai, no vayajogam jumjai, kayajogam jumjai. Kayajogam jumjamane kim oraliyasarirakayajogam jumjai? Oraliyamisasarirakayajogam jumjai? Veuvviyasarirakayajogam jumjai? Veuvviyamisasarirakayajogam jumjai? Aharagasarira-kayajogam jumjai? Aharagamisasarirakayajogam jumjai? Kammagasarirakayajogam jumjai? Goyama! Oraliyasarirakayajogam jumjai, oraliyamisasarirakayajogam pi jumjai, no veuvviyasari-rakayajogam jumjai, no veuvviyamisasarirakayajogam jumjai, no aharagasarirakayajogam jumjai, no aharagamisasarirakayajogam jumjai, kammagasarirakayajogam pi jumjai. Padhamatthamesu samaesu oraliyasarirakayajogam jumjai, biiya chhattha sattamesu samaesu orali-yamisasarirakayajogam jumjai, taiya chauttha pamchamehim kammasarirakayajogam jumjai. Se nam bhamte! Taha samugghayagae sijjhai bujjhai muchchai parinivvai savvadukkhanamamtam karei? No inatthe samatthe. Se nam tao padiniyattai, padiniyatitta ihamagachchhai, agachchhitta tao pachchha manajogam pi jumjai, vayajogam pi jumjai, kayajogam pi jumjai. Manajogam jumjamane kim sachchamanajogam jumjai? Mosamanajogam jumjai? Sachchamosamanajogam jumjai? Asachchamosamanajogam jumjai? Goyama! Sachchamanajogam jumjai, no mosamanajogam jumjai, no sachchamosamanajogam jumjai, asachchamosamanajogam pi jumjai Vayajogam jumjamane kim sachchavaijogam jumjai? Mosavaijogam jumjai? Sachchamosavaijogam jumjai? Asachchamosavaijogam jumjai? Goyama! Sachchavaijogam jumjai, no mosavaijogam jumjai, no sachchamosavaijogam jumjai, asachchamosavaijogam pi jumjai. Kayajogam jumjamane agachchhejja va chitthejja va nisiejja va tuyattejja va ullamghejja va pallamghejja va, ukkhevanam va avakkhevanam va tiriyakkhevanam va karejja, padihariyam va pidha phalaga sejja samtharagam pachchappinejja.
Sutra Meaning Transliteration : Juo sutra 52