Sutra Navigation: Prashnavyakaran ( પ્રશ્નવ્યાપકરણાંગ સૂત્ર )

Search Details

Mool File Details

Anuvad File Details

Sr No : 1105443
Scripture Name( English ): Prashnavyakaran Translated Scripture Name : પ્રશ્નવ્યાપકરણાંગ સૂત્ર
Mool Language : Ardha-Magadhi Translated Language : Gujarati
Chapter :

संवर द्वार श्रुतस्कंध-२

अध्ययन-४ ब्रह्मचर्य

 Translated Chapter :

સંવર દ્વાર શ્રુતસ્કંધ-૨

અધ્યયન-૪ બ્રહ્મચર્ય
Section : Translated Section :
Sutra Number : 43 Category : Ang-10
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जेण सुद्धचरिएण भवइ सुबंभणो सुसमणो सुसाहू। स इसी स मुणी स संजए स एव भिक्खू, जो सुद्धं चरति बंभचेरे। इमं च रति राग दोस मोह पवड्ढणकरं किंमज्झ पमायदोस पासत्थसीलकरणं अब्भंगणाणि य तेल्लमज्जणाणि य अभिक्खणं कक्खसीसकरचरणवदणधोवण संबाहण गायकम्म परिमद्दण अनु-लेवण चुण्णवास धूवण सरीरपरिमंडण बाउसिक हसिय भणिय नट्टगीयवाइयनडनट्टकजल्ल-मल्लपेच्छण बेलंबक जाणि य सिंगारागाराणि य अण्णाणि य एवमादियाणि तव संजम बंभचेर घातोवघातियाइं अणुचरमाणेणं बंभचेरं वज्जेयव्वाइं सव्वकालं। भावेयव्वो भवइ य अंतरप्पा इमेहिं तव नियम सील जोगेहिं निच्चकालं, किं ते? – अण्हाणकऽदंतधोवण सेयमलजल्लधारण मूणवय केसलोय खम दम अचेलग खुप्पिवास लाघव सितोसिण कट्ठसेज्ज भूमिनिसेज्ज परघरपवेस लद्धावलद्ध मानावमान निंदण दंसमसगफास नियम तवगुणविणयमादिएहिं जहा से थिरतरगं होइ बंभचेरं। इमं च अबंभचेरविरमणं परिरक्खणट्ठयाए पावयणं भगवया सुकहियं अत्तहित पेच्चाभाविकं आगमे-सिभद्दं सुद्धं नेया उयं अकुडिलं अणुत्तरं सव्वदुक्खपावाण विओसवणं। तस्स इमा पंच भावणाओ चउत्थवयस्स होंति अबंभचेरवेरमणपरिरक्खणट्ठयाए। पढमं–सयणासण घरदुवारअंगण आगास गवक्ख साल अभिलोयण पच्छवत्थुक पसाहण-कण्हाणिकावकासा, अव-कासा जे य वेसियाणं, अच्छंति य जत्थ इत्थिकाओ अभिक्खणं मोह दोस रति रागवड्ढणीओ, कहिंति य कहाओ बहुविहाओ, ते हु वज्जणिज्जा। इत्थिसंसत्त संकिलिट्ठा, अन्नेवि य एवमादी अवकासा ते हु वज्जणिज्जा जत्थ मणोविब्भमोवा भंगो वा भंसणा वा अट्टं रुद्दं च होज्ज ज्झाणं तं तं वज्जेज्ज वज्जभीरू अणायतणं अंतपंतवासी। एवमसंसत्तवासवसहीसमितिजोगेण भावितो भवति अंतरप्पा, आरतमनविरयगामधम्मे जितेंदिए बंभचेरगुत्ते। बितियं–नारीजनस्स मज्झे न कहेयव्वा कहा–विचित्ता विब्बोय विलास संपउत्ता हास सिंगार लोइयकह व्व मोहजणणी, न आवाह विवाह वरकहा, इत्थीणं वा सुभग दुब्भग कहा, चउसट्ठिं च महिला गुणा, न वण्ण देस जाति कुल रूव नाम नेवत्थ परिजणकहव्व इत्थियाणं, अण्णा वि य एवमादियाओ कहाओ सिंगार कलुणाओ तव संजम बंभचेर घातोवघातियाओ अणुचरमाणेण बंभचेरं न कहेयव्वा, न सुणेयव्वा, न चिंतेयव्वा। एवं इत्थीकहविरतिसमितिजोगेण भावितो भवति अंतरप्पा, आरतमणविरयगामधम्मे जितेंदिए बंभचेरगुत्ते। ततियं–नारीण हसिय भणिय चेट्ठिय विप्पेक्खिय गइ विलास कीलियं, विब्बोइय नट्ट गीत वाइय सरीरसंठाण वण्ण कर चरण नयण लावण्ण रूव जोवण्ण पयोहर अधर वत्थ अलंकार भूसणाणि य, गुज्झोकासियाइं, अण्णाणि य एवमादियाइं तव संजम बंभचेर घातोवघातियाइं अनुचरमानेन बंभचेरं न चक्खुसा न मणसा न वयसा पत्थेयव्वाइं पावकम्माइं। एवं इत्थीरूवविरतिसमितिजोगेण भावितो भवति अंतरप्पा, आरतमणविरयगामधम्मे जितेंदिए बंभचेरगुत्ते। चउत्थं–पुव्वरय पुव्वकीलिय पुव्वसग्गंथ गंथ संथुया जे ते आवाह विवाह चोल्लकेसु य तिथिसु जण्णेसु उस्सवेसु य सिंगारागारचारुवेसाहिं इत्थीहिं हाव भाव पललिय विक्खेय विलास सालिणीहिं अणुकूलपेम्मिकाहिं सद्धिं अणुभूया सयण संपओगा, उदुसुह वरकुसुम सुरभिचंदण सुगंधिवर वास धूव सुहफरिस वत्थ भूसणगुणोववेया, रमणिज्जाओज्ज गेज्ज पउरनड नट्टक जल्ल मल्ल मुट्ठिक वेलबंग कहग पवग लासग आइक्खग लंख मंख तूणइल्ल तुंबवीणिय तालायर पकरणाणि य बहूणि महुरसर-गीत सुस्सराइं, अन्नाणि य एवमाइयाइं तव संजम बंभचेर घातोव-घातियाइं अणुचरमाणेण बंभचेरं न ताइं समणेण लब्भा दट्ठुं न कहेउं नवि सुमरिउं जे। एवं पुव्वरयपुव्वकीलियविरतिसमितिजोगेण भावितो भवति अंतरप्पा, आरयमण विरतगामधम्मे जिइंदिए बंभचेरगुत्ते। पंचमगं–आहारपणीय निद्धभोयण विवज्जए संजते सुसाहू ववगयखीर दहि सप्पि नवनीय तेल्ल गुल खंड मच्छंडिक महु मज्ज मंस खज्जक विगति परिचत्त कयाहारे न दप्पणं न बहुसो न नितिकं न सायसूपाहिकं न खद्धं, तहा भोत्तव्वं जह से जायामाता य भवति, न य भवति विब्भमो भंसणा य धम्मस्स। एवं पणीयाहारविरतिसमितिजोगेण भावितो भवति अंतरप्पा, आरयमणविरतगामधम्मे जिइंदिए बंभचेरगुत्ते। एवमिणं संवरस्स दारं सम्मं संवरियं होइ सुप्पणिहितं इमेहिं पंचहि वि कारणेहिं मण वयण काय परिरक्खिएहिं। निच्चं आमरणंतं च एस जोगो णेयव्वो धितिमता मतिमता अणासवो अकलुसो अच्छिद्दो अपरिस्सावी असंकिलिट्ठो सुद्धो सव्वजिणमणुन्नाओ। एवं चउत्थं संवरदारं फासितं पालितं सोहितं तीरितं किट्टितं आराहितं आणाए अनुपालितं भवति। एवं नायमुणिणा भगवया पण्णवियं परूवियं पसिद्धं सिद्धवरसासणमिणं आघवियं सुदेसितं पसत्थं। चउत्थं संवरदारं समत्तं।
Sutra Meaning : જુઓ સૂત્ર ૩૯
Mool Sutra Transliteration : [sutra] jena suddhachariena bhavai subambhano susamano susahu. Sa isi sa muni sa samjae sa eva bhikkhu, jo suddham charati bambhachere. Imam cha rati raga dosa moha pavaddhanakaram kimmajjha pamayadosa pasatthasilakaranam abbhamganani ya tellamajjanani ya abhikkhanam kakkhasisakaracharanavadanadhovana sambahana gayakamma parimaddana anu-levana chunnavasa dhuvana sariraparimamdana bausika hasiya bhaniya nattagiyavaiyanadanattakajalla-mallapechchhana belambaka jani ya simgaragarani ya annani ya evamadiyani tava samjama bambhachera ghatovaghatiyaim anucharamanenam bambhacheram vajjeyavvaim savvakalam. Bhaveyavvo bhavai ya amtarappa imehim tava niyama sila jogehim nichchakalam, kim te? – Anhanakadamtadhovana seyamalajalladharana munavaya kesaloya khama dama achelaga khuppivasa laghava sitosina katthasejja bhuminisejja paragharapavesa laddhavaladdha manavamana nimdana damsamasagaphasa niyama tavagunavinayamadiehim jaha se thirataragam hoi bambhacheram. Imam cha abambhacheraviramanam parirakkhanatthayae pavayanam bhagavaya sukahiyam attahita pechchabhavikam agame-sibhaddam suddham neya uyam akudilam anuttaram savvadukkhapavana viosavanam. Tassa ima pamcha bhavanao chautthavayassa homti abambhacheraveramanaparirakkhanatthayae. Padhamam–sayanasana gharaduvaraamgana agasa gavakkha sala abhiloyana pachchhavatthuka pasahana-kanhanikavakasa, ava-kasa je ya vesiyanam, achchhamti ya jattha itthikao abhikkhanam moha dosa rati ragavaddhanio, kahimti ya kahao bahuvihao, te hu vajjanijja. Itthisamsatta samkilittha, annevi ya evamadi avakasa te hu vajjanijja jattha manovibbhamova bhamgo va bhamsana va attam ruddam cha hojja jjhanam tam tam vajjejja vajjabhiru anayatanam amtapamtavasi. Evamasamsattavasavasahisamitijogena bhavito bhavati amtarappa, aratamanavirayagamadhamme jitemdie bambhacheragutte. Bitiyam–narijanassa majjhe na kaheyavva kaha–vichitta vibboya vilasa sampautta hasa simgara loiyakaha vva mohajanani, na avaha vivaha varakaha, itthinam va subhaga dubbhaga kaha, chausatthim cha mahila guna, na vanna desa jati kula ruva nama nevattha parijanakahavva itthiyanam, anna vi ya evamadiyao kahao simgara kalunao tava samjama bambhachera ghatovaghatiyao anucharamanena bambhacheram na kaheyavva, na suneyavva, na chimteyavva. Evam itthikahaviratisamitijogena bhavito bhavati amtarappa, aratamanavirayagamadhamme jitemdie bambhacheragutte. Tatiyam–narina hasiya bhaniya chetthiya vippekkhiya gai vilasa kiliyam, vibboiya natta gita vaiya sarirasamthana vanna kara charana nayana lavanna ruva jovanna payohara adhara vattha alamkara bhusanani ya, gujjhokasiyaim, annani ya evamadiyaim tava samjama bambhachera ghatovaghatiyaim anucharamanena bambhacheram na chakkhusa na manasa na vayasa pattheyavvaim pavakammaim. Evam itthiruvaviratisamitijogena bhavito bhavati amtarappa, aratamanavirayagamadhamme jitemdie bambhacheragutte. Chauttham–puvvaraya puvvakiliya puvvasaggamtha gamtha samthuya je te avaha vivaha chollakesu ya tithisu jannesu ussavesu ya simgaragaracharuvesahim itthihim hava bhava palaliya vikkheya vilasa salinihim anukulapemmikahim saddhim anubhuya sayana sampaoga, udusuha varakusuma surabhichamdana sugamdhivara vasa dhuva suhapharisa vattha bhusanagunovaveya, ramanijjaojja gejja pauranada nattaka jalla malla mutthika velabamga kahaga pavaga lasaga aikkhaga lamkha mamkha tunailla tumbaviniya talayara pakaranani ya bahuni mahurasara-gita sussaraim, annani ya evamaiyaim tava samjama bambhachera ghatova-ghatiyaim anucharamanena bambhacheram na taim samanena labbha datthum na kaheum navi sumarium je. Evam puvvarayapuvvakiliyaviratisamitijogena bhavito bhavati amtarappa, arayamana viratagamadhamme jiimdie bambhacheragutte. Pamchamagam–aharapaniya niddhabhoyana vivajjae samjate susahu vavagayakhira dahi sappi navaniya tella gula khamda machchhamdika mahu majja mamsa khajjaka vigati parichatta kayahare na dappanam na bahuso na nitikam na sayasupahikam na khaddham, taha bhottavvam jaha se jayamata ya bhavati, na ya bhavati vibbhamo bhamsana ya dhammassa. Evam paniyaharaviratisamitijogena bhavito bhavati amtarappa, arayamanaviratagamadhamme jiimdie bambhacheragutte. Evaminam samvarassa daram sammam samvariyam hoi suppanihitam imehim pamchahi vi karanehim mana vayana kaya parirakkhiehim. Nichcham amaranamtam cha esa jogo neyavvo dhitimata matimata anasavo akaluso achchhiddo aparissavi asamkilittho suddho savvajinamanunnao. Evam chauttham samvaradaram phasitam palitam sohitam tiritam kittitam arahitam anae anupalitam bhavati. Evam nayamunina bhagavaya pannaviyam paruviyam pasiddham siddhavarasasanaminam aghaviyam sudesitam pasattham. Chauttham samvaradaram samattam.
Sutra Meaning Transliteration : Juo sutra 39