Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104878
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-१६ अवरकंका

 Translated Chapter :

શ્રુતસ્કંધ-૧

અધ્યયન-૧૬ અવરકંકા
Section : Translated Section :
Sutra Number : 178 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं से कण्हे वासुदेवे लवणसमुद्दं मज्झंमज्झेणं वीईवयमाणे-वीईवयमाणे गंगं उवागए उवागम्म ते पंच पंडवे एवं वयासी–गच्छह णं तुब्भे देवानुप्पिया! गंगं महानइं उत्तरह जाव ताव अहं सुट्ठियं लवणाहिवइं पासामि। तए णं ते पंच पंडवा कण्हेणं वासुदेवेणं एवं वुत्ता समाणा जेणेव गंगा महानदी तेणेव उवागच्छति, उवागच्छित्ता एगट्ठियाए मग्गण-गवेसणं करेंति, करेत्ता एगट्ठियाए गंगं महानइं उत्तरंति, उत्तरित्ता अन्नमन्नं एवं वयंति–पहू णं देवानुप्पिया! कण्हे वासुदेवे गंगं महानइं बाहाहिं उत्तरित्तए, उदाहू नो पहू उत्तरित्तए? त्ति कट्टु एगट्ठियं णूमेंति, णूमेत्ता कण्हं वासुदेवं पडिवालेमाणा-पडिवालेमाणा चिट्ठंति। तए णं से कण्हे वासुदेवे सुट्ठियं लवणाहिवइं पासइ, पासित्ता जेणेव गंगा महानई तेणेव उवागच्छइ, उवागच्छित्ता एगट्ठियाए सव्वओ समंता मग्गण-गवेसणं करेइ, करेत्ता एगट्ठियं अपासमाणे एगाए बाहाए रहं सतुरगं ससारहिं गेण्हइ, एगाए बाहाए गंगं महानइं वासट्ठिं जोयणाइं अद्धजोयणं च वित्थिण्णं उत्तरिउं पयत्ते यावि होत्था। तए णं से कण्हे वासुदेवे गंगाए महानईए बहुमज्झदेसभाए संपत्ते समाणे संते तंते परितंते बद्धसेए जाए यावि होत्था। तए णं तस्स कण्हस्स वासुदेवस्स इमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था– अहो णं पंच पंडवा महाबलवगा जेहिं गंगा महानई वासट्ठिं जोयणाइं अद्धजोयणं च वित्थिण्णा बाहाहिं उत्तिण्णा। इच्छंतएहिं णं पंचहिं पंडवेहिं पउमनाभे हय-महिय-पवरवीर-घाइय-विवडियचिंध-धय-पडागे किच्छोवगयपाणे दिसोदिसिं नो पडिसेहिए। तए णं गंगादेवी कण्हस्स वासुदेवस्स इमं एयारूवं अज्झत्थियं चिंतियं पत्थियं मनोगयं संकप्पं जाणित्ता थाहं वियरइ। तए णं से कण्हे वासुदेवे मुहुत्तंतरं समासासेइ, समासासेत्ता गंगं महानदिं बासट्ठिं जोयणाइं अद्धजोयणं च वित्थिण्णं बाहाए उत्तरइ, उत्तरित्ता जेणेव पंच पंडवा तेणेव उवागच्छइ, उवागच्छित्ता पंच पंडवे एवं वयासी–अहो णं तुब्भे देवाणुप्पि-या! महाबलवगा, जेहिं णं तुब्भेहिं गंगा महानई बासट्ठिं जोयणाइं अद्धजोयणं च वित्थिण्णा बाहाहिं उत्तिण्णा। इच्छंतएहिं णं तुब्भेहिं पउमनाहे हय-महिय-पवरवीर-धाइय-विवडियचिंध-धय-पडागे किच्छोवगयपाणे दिसोदिसिं नो पडिसेहिए। तए णं ते पंच पंडवा कण्हेणं वासुदेवेणं एवं वुत्ता समाणा कण्हं वासुदेवं एवं वयासी–एवं खलु देवानुप्पिया! अम्हे तुब्भेहिं विसज्जिया समाणा जेणेव गंगा महानई तेणेव उवागच्छामो, उवागच्छित्ता एगट्ठियाए मग्गणगवेसणं करेमो, करेत्ता एगट्ठियाए गंगं महानइं उत्तरेमो, उत्तरेत्ता अन्नमन्नं एवं वयामो–पहू णं देवानुप्पिया! कण्हे वासुदेवे गंगं महानइं बाहाहिं उत्तरित्तए, उदाहु नो पहू उत्तरित्तए? त्ति कट्टु एगट्ठियं नूमेमो, तुब्भे पडिवालेमाणा चिट्ठामो। तए णं से कण्हे वासुदेवे तेसिं पंचपंडवाणं एयमट्ठं सोच्चा निसम्म आसुरुत्ते रुट्ठे कुविए चंडिक्किए मिसिमिसेमाणे तिवलियं भिउडिं निडाले साहट्टु एवं वयासी–अहो णं जया मए लवणसमुद्दं दुवे जोयणसयसहस्सवित्थिण्णं वीईवइत्ता पउमनाभं हय-महिय-पवरवीर-धाइय-विवडियचिंध-धय-पडागं किच्छोवगयपानं दिसोदिसिं पडिसेहित्ता अवरकंका संभग्गा, दोवई साहत्थिं उवणीया, तया णं तुब्भेहिं मम माहप्प न विण्णायं, इयाणिं जाणिस्सह त्ति कट्टु लोहदंडं परामुसइ, पंचण्हं पंडवाणं रहे सुसूरेइ, सुसूरेत्ता पंच पंडवे निव्विसए आणवेइ। तत्थ णं रहमद्दणे नामं कोट्ठे निविट्ठे। तए णं से कण्हे वासुदेवे जेणेव सए खंधावारे तेणेव उवागच्छइ, उवागच्छित्ता सएणं खंधावारेणं सद्धिं अभिसमन्नागए यावि होत्था। तए णं से कण्हे वासुदेवे जेणेव बारवई नयरी तेणेव उवागच्छइ, उवागच्छित्ता सयं भवणं अनुप्पविसइ।
Sutra Meaning : જુઓ સૂત્ર ૧૭૭
Mool Sutra Transliteration : [sutra] tae nam se kanhe vasudeve lavanasamuddam majjhammajjhenam viivayamane-viivayamane gamgam uvagae uvagamma te pamcha pamdave evam vayasi–gachchhaha nam tubbhe devanuppiya! Gamgam mahanaim uttaraha java tava aham sutthiyam lavanahivaim pasami. Tae nam te pamcha pamdava kanhenam vasudevenam evam vutta samana jeneva gamga mahanadi teneva uvagachchhati, uvagachchhitta egatthiyae maggana-gavesanam karemti, karetta egatthiyae gamgam mahanaim uttaramti, uttaritta annamannam evam vayamti–pahu nam devanuppiya! Kanhe vasudeve gamgam mahanaim bahahim uttarittae, udahu no pahu uttarittae? Tti kattu egatthiyam numemti, numetta kanham vasudevam padivalemana-padivalemana chitthamti. Tae nam se kanhe vasudeve sutthiyam lavanahivaim pasai, pasitta jeneva gamga mahanai teneva uvagachchhai, uvagachchhitta egatthiyae savvao samamta maggana-gavesanam karei, karetta egatthiyam apasamane egae bahae raham saturagam sasarahim genhai, egae bahae gamgam mahanaim vasatthim joyanaim addhajoyanam cha vitthinnam uttarium payatte yavi hottha. Tae nam se kanhe vasudeve gamgae mahanaie bahumajjhadesabhae sampatte samane samte tamte paritamte baddhasee jae yavi hottha. Tae nam tassa kanhassa vasudevassa imeyaruve ajjhatthie chimtie patthie manogae samkappe samuppajjittha– aho nam pamcha pamdava mahabalavaga jehim gamga mahanai vasatthim joyanaim addhajoyanam cha vitthinna bahahim uttinna. Ichchhamtaehim nam pamchahim pamdavehim paumanabhe haya-mahiya-pavaravira-ghaiya-vivadiyachimdha-dhaya-padage kichchhovagayapane disodisim no padisehie. Tae nam gamgadevi kanhassa vasudevassa imam eyaruvam ajjhatthiyam chimtiyam patthiyam manogayam samkappam janitta thaham viyarai. Tae nam se kanhe vasudeve muhuttamtaram samasasei, samasasetta gamgam mahanadim basatthim joyanaim addhajoyanam cha vitthinnam bahae uttarai, uttaritta jeneva pamcha pamdava teneva uvagachchhai, uvagachchhitta pamcha pamdave evam vayasi–aho nam tubbhe devanuppi-ya! Mahabalavaga, jehim nam tubbhehim gamga mahanai basatthim joyanaim addhajoyanam cha vitthinna bahahim uttinna. Ichchhamtaehim nam tubbhehim paumanahe haya-mahiya-pavaravira-dhaiya-vivadiyachimdha-dhaya-padage kichchhovagayapane disodisim no padisehie. Tae nam te pamcha pamdava kanhenam vasudevenam evam vutta samana kanham vasudevam evam vayasi–evam khalu devanuppiya! Amhe tubbhehim visajjiya samana jeneva gamga mahanai teneva uvagachchhamo, uvagachchhitta egatthiyae magganagavesanam karemo, karetta egatthiyae gamgam mahanaim uttaremo, uttaretta annamannam evam vayamo–pahu nam devanuppiya! Kanhe vasudeve gamgam mahanaim bahahim uttarittae, udahu no pahu uttarittae? Tti kattu egatthiyam numemo, tubbhe padivalemana chitthamo. Tae nam se kanhe vasudeve tesim pamchapamdavanam eyamattham sochcha nisamma asurutte rutthe kuvie chamdikkie misimisemane tivaliyam bhiudim nidale sahattu evam vayasi–aho nam jaya mae lavanasamuddam duve joyanasayasahassavitthinnam viivaitta paumanabham haya-mahiya-pavaravira-dhaiya-vivadiyachimdha-dhaya-padagam kichchhovagayapanam disodisim padisehitta avarakamka sambhagga, dovai sahatthim uvaniya, taya nam tubbhehim mama mahappa na vinnayam, iyanim janissaha tti kattu lohadamdam paramusai, pamchanham pamdavanam rahe susurei, susuretta pamcha pamdave nivvisae anavei. Tattha nam rahamaddane namam kotthe nivitthe. Tae nam se kanhe vasudeve jeneva sae khamdhavare teneva uvagachchhai, uvagachchhitta saenam khamdhavarenam saddhim abhisamannagae yavi hottha. Tae nam se kanhe vasudeve jeneva baravai nayari teneva uvagachchhai, uvagachchhitta sayam bhavanam anuppavisai.
Sutra Meaning Transliteration : Juo sutra 177