Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104867
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-१६ अवरकंका

 Translated Chapter :

શ્રુતસ્કંધ-૧

અધ્યયન-૧૬ અવરકંકા
Section : Translated Section :
Sutra Number : 167 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं सा सूमालिया अज्जा सरीरवाउसिया जाया यावि होत्था–अभिक्खणं-अभिक्खणं हत्थे धोवेइ, पाए धोवेइ, सीसं धोवेइ, मुहं धोवेइ, थणंतराइं धोवेइ, कक्खंतराइं धोवेइ, गुज्झंतराइं धोवेइ, जत्थ णं ठाणं वा सेज्जं वा निसीहियं वा चेइए, तत्थ वि य णं पुव्वामेव उदएणं अब्भुक्खेत्ता तओ पच्छा ठाणं वा सेज्जं वा निसीहियं वा चेएइ। तए णं ताओ गोवालियाओ अज्जाओ सूमालियं अज्जं एवं वयासी–एवं खलु अज्जे! अम्हे समणीओ निग्गंथीओ इरियासमियाओ जाव बंभचेरधारिणीओ। नो खलु कप्पइ अम्हं सरीरबाउसियाए होत्तए। तुमं च णं अज्जे! सरीरबाउसिया अभिक्खणं-अभिक्खणं हत्थे धोवेसि, पाए धोवेसि, सीसं धोवेसि, मुहं धोवेसि, थणंतराइं धोवेसि, कक्खंतराइं धोवेसि, गुज्झंतराइं धोवेसि, जत्थ णं ठाणं वा सेज्जं वा निसीहियं वा चेएसि, तत्थ वि य णं पुव्वामेव उदएणं अब्भुक्खेत्ता तओ पच्छा ठाणं वा सेज्जं वा निसीहियं वा०चेएसि। तं तुमं णं देवानुप्पिए! एयस्स ठाणस्स आलोएहिं निंदाहिं गरिहाहिं पडिक्कमाहिं विउट्टाहि विसोहेहि अकरणयाए अब्भुट्ठेहि, अहारिहं तवोकम्मं पायच्छित्तं पडिवज्जाहि। तए णं सा सूमालिया गोवालियाणं अज्जाणं एयमट्ठं नो आढाइ नो परियाणाइ, अणाढायमाणी अपरियाणमाणी विहरइ। तए णं ताओ अज्जाओ सूमालियं अज्जं अभिक्खणं-अभिक्खणं हीलेंति निंदेंति खिंसेंति गरिहंति परिभवंति, अभिक्खणं-अभिक्खणं एयमट्ठं निवारेंति। तए णं तीसे सूमालियाए समणीहिं निग्गंथीहिं हीलिज्जमाणीए निंदिज्जमाणीए खिंसिज्जमाणीए गरिहिज्जमाणीए परिभविज्जमाणीए अभिक्खणं-अभिक्खणं एयमट्ठं निवा-रिज्जमाणीए इमेयारूवे अज्झत्थिए चिंतिए पत्थिए मनोगए संकप्पे समुप्पज्जित्था–जया णं अहं अगारमज्झे वसामि, तया णं अहं अप्पवसा। जया णं अहं मुंडा भवित्ता पव्वइया, तया णं अहं परवसा। पुव्विं च णं ममं समणीओ आढंति परिजाणंति, इयाणिं नो आढंति नो परिजाणंति। तं सेयं खलु मम कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिनयरे तेयसा जलंते गोवालियाणं अज्जाणं अंतियाओ पडिनिक्खमित्ता पाडिएक्कं उवस्सयं उवसंपज्जित्ता णं विहरित्तए त्ति कट्टु एवं संपेहेइ, संपेहेत्ता कल्लं पाउप्पभायाए रयणीए उट्ठियम्मि सूरे सहस्सरस्सिम्मि दिनयरे तेयसा जलंते गोवालियाणं अज्जाणं अंतियाओ पडिनिक्खमइ, पडिनिक्खमित्ता पाडिएक्कं उवस्सयं उवसंपज्जित्ता णं विहरइ। तए णं सा सूमालिया अज्जा अणोहट्टिया अनिवारिया सच्छंदमई अभिक्खणं-अभिक्खणं हत्थे धोवेइ, पाए धोवेइ सीसं धोवेइ, मुहं धोवेइ, थणंतराइं धोवेइ, कक्खंतराइं धोवेइ, गुज्झंतराइं धोवेइ, जत्थ णं ठाणं वा सेज्जं वा निसीहियं वा चेएइ, तत्थ वि य णं पुव्वामेव उदएणं अब्भुक्खेत्ता तओ पच्छा ठाणं वा सेज्जं वा निसीहियं वा चेएइ। तत्थ वि य णं पासत्था पासत्थविहारिणी ओसन्ना ओसन्नविहारिणी कुसीला कुसील-विहारिणी संसत्ता संसत्तविहारिणी बहूणि वासाणि सामण्णपरियागं पाउणइ, पाउणित्ता अद्ध-मासियाए संलेहणाए अप्पाणं ज्झोसेत्ता, तीसं भत्ताइं अनसणाए छेएत्ता, तस्स ठाणस्स अनालोइयपडिक्कंता कालमासे कालं किच्चा ईसाणे कप्पे अन्नयरंसि विमाणंसि देवगणियत्ताए उववन्ना। तत्थेगइयाणं देवीणं नवपलिओवमाइं ठिई पन्नत्ता। तत्थ णं सूमालियाए देवीए नवपलिओवमाइं ठिई पन्नत्ता।
Sutra Meaning : જુઓ સૂત્ર ૧૬૬
Mool Sutra Transliteration : [sutra] tae nam sa sumaliya ajja sariravausiya jaya yavi hottha–abhikkhanam-abhikkhanam hatthe dhovei, pae dhovei, sisam dhovei, muham dhovei, thanamtaraim dhovei, kakkhamtaraim dhovei, gujjhamtaraim dhovei, jattha nam thanam va sejjam va nisihiyam va cheie, tattha vi ya nam puvvameva udaenam abbhukkhetta tao pachchha thanam va sejjam va nisihiyam va cheei. Tae nam tao govaliyao ajjao sumaliyam ajjam evam vayasi–evam khalu ajje! Amhe samanio niggamthio iriyasamiyao java bambhacheradharinio. No khalu kappai amham sarirabausiyae hottae. Tumam cha nam ajje! Sarirabausiya abhikkhanam-abhikkhanam hatthe dhovesi, pae dhovesi, sisam dhovesi, muham dhovesi, thanamtaraim dhovesi, kakkhamtaraim dhovesi, gujjhamtaraim dhovesi, jattha nam thanam va sejjam va nisihiyam va cheesi, tattha vi ya nam puvvameva udaenam abbhukkhetta tao pachchha thanam va sejjam va nisihiyam va0cheesi. Tam tumam nam devanuppie! Eyassa thanassa aloehim nimdahim garihahim padikkamahim viuttahi visohehi akaranayae abbhutthehi, ahariham tavokammam payachchhittam padivajjahi. Tae nam sa sumaliya govaliyanam ajjanam eyamattham no adhai no pariyanai, anadhayamani apariyanamani viharai. Tae nam tao ajjao sumaliyam ajjam abhikkhanam-abhikkhanam hilemti nimdemti khimsemti garihamti paribhavamti, abhikkhanam-abhikkhanam eyamattham nivaremti. Tae nam tise sumaliyae samanihim niggamthihim hilijjamanie nimdijjamanie khimsijjamanie garihijjamanie paribhavijjamanie abhikkhanam-abhikkhanam eyamattham niva-rijjamanie imeyaruve ajjhatthie chimtie patthie manogae samkappe samuppajjittha–jaya nam aham agaramajjhe vasami, taya nam aham appavasa. Jaya nam aham mumda bhavitta pavvaiya, taya nam aham paravasa. Puvvim cha nam mamam samanio adhamti parijanamti, iyanim no adhamti no parijanamti. Tam seyam khalu mama kallam pauppabhayae rayanie utthiyammi sure sahassarassimmi dinayare teyasa jalamte govaliyanam ajjanam amtiyao padinikkhamitta padiekkam uvassayam uvasampajjitta nam viharittae tti kattu evam sampehei, sampehetta kallam pauppabhayae rayanie utthiyammi sure sahassarassimmi dinayare teyasa jalamte govaliyanam ajjanam amtiyao padinikkhamai, padinikkhamitta padiekkam uvassayam uvasampajjitta nam viharai. Tae nam sa sumaliya ajja anohattiya anivariya sachchhamdamai abhikkhanam-abhikkhanam hatthe dhovei, pae dhovei sisam dhovei, muham dhovei, thanamtaraim dhovei, kakkhamtaraim dhovei, gujjhamtaraim dhovei, jattha nam thanam va sejjam va nisihiyam va cheei, tattha vi ya nam puvvameva udaenam abbhukkhetta tao pachchha thanam va sejjam va nisihiyam va cheei. Tattha vi ya nam pasattha pasatthaviharini osanna osannaviharini kusila kusila-viharini samsatta samsattaviharini bahuni vasani samannapariyagam paunai, paunitta addha-masiyae samlehanae appanam jjhosetta, tisam bhattaim anasanae chheetta, tassa thanassa analoiyapadikkamta kalamase kalam kichcha isane kappe annayaramsi vimanamsi devaganiyattae uvavanna. Tatthegaiyanam devinam navapaliovamaim thii pannatta. Tattha nam sumaliyae devie navapaliovamaim thii pannatta.
Sutra Meaning Transliteration : Juo sutra 166