Sutra Navigation: Gyatadharmakatha ( ધર્મકથાંગ સૂત્ર )

Search Details

Mool File Details

Anuvad File Details

Sr No : 1104840
Scripture Name( English ): Gyatadharmakatha Translated Scripture Name : ધર્મકથાંગ સૂત્ર
Mool Language : Ardha-Magadhi Translated Language : Gujarati
Chapter :

श्रुतस्कंध-१

अध्ययन-९ माकंदी

 Translated Chapter :

શ્રુતસ્કંધ-૧

અધ્યયન-૯ માકંદી
Section : Translated Section :
Sutra Number : 140 Category : Ang-06
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तेणं कालेणं तेणं समएणं समणे भगवं महावीरे समोसढे। जिनपालिए धम्मं सोच्चा पव्वइए। एगारसंगवी। मासियाए संलेहणाए अप्पाणं ज्झोसेत्ता, सट्ठिं भत्ताइं अनसणाए छेएत्ता कालमासे कालं किच्चा सोहम्मे कप्पे देवत्ताए उववन्ने। दो सागरोवमाइं ठिई। महाविदेहे वासे सिज्झिहिइ जाव सव्वदुक्खाणमंतं काहिइ। एवामेव समणाउसो! जो अम्हं निग्गंथो वा निग्गंथी वा आयरिय-उवज्झायाणं अंतिए मुंडे भवित्ता अगाराओ अण गारियं पव्वइए समाणे मानुस्सए कामभोगे नो पुनरवि आसयइ पत्थयइ पीहेइ, सेणं इह भवे चेव बहूणं समणाणं बहूणं समणीणं बहूणं सावयाणं बहूणं सावयाण य अच्चणिज्जे जाव चाउरंतं संसारकंतारं वीईवइस्सइ–जहा व से जिनपालिए। एवं खलु जंबू! समणेणं भगवया महावीरेणं आइगरेणं तित्थगरेणं जाव सिद्धिगइनामधेज्जं ठाणं संपत्तेणं नवमस्स नायज्झयणस्स अयमट्ठे पन्नत्ते ।
Sutra Meaning : જુઓ સૂત્ર ૧૨૩
Mool Sutra Transliteration : [sutra] tenam kalenam tenam samaenam samane bhagavam mahavire samosadhe. Jinapalie dhammam sochcha pavvaie. Egarasamgavi. Masiyae samlehanae appanam jjhosetta, satthim bhattaim anasanae chheetta kalamase kalam kichcha sohamme kappe devattae uvavanne. Do sagarovamaim thii. Mahavidehe vase sijjhihii java savvadukkhanamamtam kahii. Evameva samanauso! Jo amham niggamtho va niggamthi va ayariya-uvajjhayanam amtie mumde bhavitta agarao ana gariyam pavvaie samane manussae kamabhoge no punaravi asayai patthayai pihei, senam iha bhave cheva bahunam samananam bahunam samaninam bahunam savayanam bahunam savayana ya achchanijje java chauramtam samsarakamtaram viivaissai–jaha va se jinapalie. Evam khalu jambu! Samanenam bhagavaya mahavirenam aigarenam titthagarenam java siddhigainamadhejjam thanam sampattenam navamassa nayajjhayanassa ayamatthe pannatte.
Sutra Meaning Transliteration : Juo sutra 123