Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104202
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१७

 Translated Chapter :

શતક-૧૭
Section : उद्देशक-२ संयत Translated Section : ઉદ્દેશક-૨ સંયત
Sutra Number : 702 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] देवे णं भंते! महिड्ढिए जाव महेसक्खे पुव्वामेव रूवी भवित्ता पभू अरूविं विउव्वित्ता णं चिट्ठित्तए? नो इणट्ठे समट्ठे। से केणट्ठेणं भंते! एवं वुच्चइ–देवे णं महिड्ढिए जाव महेसक्खे पुव्वामेव रूवी भवित्ता नो पभू अरूविं विउव्वित्ता णं चिट्ठित्तए? गोयमा! अहमेयं जाणामि, अहमेयं पासामि, अहमेयं बुज्झामि, अहमेयं अभिसमण्णागच्छामि, मए एयं नायं, मए एयं दिट्ठं, मम एयं बुद्धं, मए एयं अभिसमण्णागयं–जण्णं तहागयस्स जीवस्स सरूविस्स, सकम्मस्स, सरागस्स, सवेदस्स, समोहस्स, सलेसस्स, ससरीरस्स, ताओ सरीराओ अविप्पमुक्कस्स एवं पण्णायति, तं जहा–कालत्ते वा जाव सुक्किलत्ते वा, सुब्भिगंधत्ते वा, दुब्भिगंधत्ते वा, तित्तत्ते वा जाव महुरत्ते वा, कक्खडत्ते वा जाव लुक्खत्ते वा। से तेणट्ठेणं गोयमा! एवं वुच्चइ–देवे णं महिड्ढिए जाव महेसक्खे पुव्वामेव रूवी भवित्ता नो पभू अरूविं विउव्वित्ता णं चिट्ठित्तए। सच्चेव णं भंते! से जीवे पुव्वामेव अरूवी भवित्ता पभू रूविं विउव्वित्ता णं चिट्ठित्तए? नो इणट्ठे समट्ठे। से केणट्ठेणं भंते! एवं वुच्चइ–सच्चेव णं से जीवे पुव्वामेव अरूवी भवित्ता नो पभू रूविं विउव्वित्ता णंचिट्ठित्तए? गोयमा! अहमेयं जाणामि, अहमेयं पासामि, अहमेयं बुज्झामि, अहमेयं अभिसमण्णागच्छामि, मए एयं नायं, मए एयं दिट्ठं मम एयं बुद्धं, मए एयं अभिसमण्णागयं–जण्णं तहागयस्स जीवस्स अरूविस्स, अकम्मस्स, अरागस्स, अवेदस्स, अमोहस्स, अले-सस्स, असरीरस्स, ताओ सरीराओ विप्पमुक्कस्स नो एवं पण्णायति, तं जहा–कालत्ते वा जाव सुक्किलत्ते वा, सुब्भिगंधत्ते वा, दुब्भि-गंधत्ते वा, तित्तत्ते वा जाव महुरत्ते वा, कक्खडत्ते वा जाव लुक्खत्ते वा। से तेणट्ठेणं गोयमा! एवं वुच्चइ–सच्चेव णं से जीवे पुव्वा मेव अरूवी भवित्ता नो पभू रूवि विउव्वित्ता णं चिट्ठित्तए। सेवं भंते! सेवं भंते! त्ति।
Sutra Meaning : જુઓ સૂત્ર ૭૦૧
Mool Sutra Transliteration : [sutra] deve nam bhamte! Mahiddhie java mahesakkhe puvvameva ruvi bhavitta pabhu aruvim viuvvitta nam chitthittae? No inatthe samatthe. Se kenatthenam bhamte! Evam vuchchai–deve nam mahiddhie java mahesakkhe puvvameva ruvi bhavitta no pabhu aruvim viuvvitta nam chitthittae? Goyama! Ahameyam janami, ahameyam pasami, ahameyam bujjhami, ahameyam abhisamannagachchhami, mae eyam nayam, mae eyam dittham, mama eyam buddham, mae eyam abhisamannagayam–jannam tahagayassa jivassa saruvissa, sakammassa, saragassa, savedassa, samohassa, salesassa, sasarirassa, tao sarirao avippamukkassa evam pannayati, tam jaha–kalatte va java sukkilatte va, subbhigamdhatte va, dubbhigamdhatte va, tittatte va java mahuratte va, kakkhadatte va java lukkhatte va. Se tenatthenam goyama! Evam vuchchai–deve nam mahiddhie java mahesakkhe puvvameva ruvi bhavitta no pabhu aruvim viuvvitta nam chitthittae. Sachcheva nam bhamte! Se jive puvvameva aruvi bhavitta pabhu ruvim viuvvitta nam chitthittae? No inatthe samatthe. Se kenatthenam bhamte! Evam vuchchai–sachcheva nam se jive puvvameva aruvi bhavitta no pabhu ruvim viuvvitta namchitthittae? Goyama! Ahameyam janami, ahameyam pasami, ahameyam bujjhami, ahameyam abhisamannagachchhami, mae eyam nayam, mae eyam dittham mama eyam buddham, mae eyam abhisamannagayam–jannam tahagayassa jivassa aruvissa, akammassa, aragassa, avedassa, amohassa, ale-sassa, asarirassa, tao sarirao vippamukkassa no evam pannayati, tam jaha–kalatte va java sukkilatte va, subbhigamdhatte va, dubbhi-gamdhatte va, tittatte va java mahuratte va, kakkhadatte va java lukkhatte va. Se tenatthenam goyama! Evam vuchchai–sachcheva nam se jive puvva meva aruvi bhavitta no pabhu ruvi viuvvitta nam chitthittae. Sevam bhamte! Sevam bhamte! Tti.
Sutra Meaning Transliteration : Juo sutra 701