Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104179
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१६

 Translated Chapter :

શતક-૧૬
Section : उद्देशक-६ स्वप्न Translated Section : ઉદ્દેશક-૬ સ્વપ્ન
Sutra Number : 679 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] समणे भगवं महावीरे छउमत्थकालियाए अंतिमराइयंसि इमे दस महासुविणे पासित्ता णं पडिबुद्धे, तं जहा– १. एगं च णं महं घोररूवदित्तधरं तालपिसायं सुविणे पराजियं पासित्ता णं पडिबुद्धे। २. एगं च णं महं सुक्किलपक्खगं पुंसकोइलगं सुविणे पासित्ता णं पडिबुद्धे। ३. एगं च णं महं चित्तविचित्तपक्खगं पुंसकोइलगं सुविणे पासित्ता णं पडिबुद्धे। ४. एगं च णं महं दामदुगं सव्वरयणामयं सुविणे पासित्ता णं पडिबुद्धे। ५. एगं च णं महं सेयं गोवग्गं सुविणे पासित्ता णं पडिबुद्धे। ६. एगं च णं महं पउमसरं सव्वओ समंता कुसुमियं सुविणे पासित्ता णं पडिबुद्धे। ७. एगं च णं महं सागरं उम्मीवीयीसहस्सकलियं भूयाहिं तिण्णं सुविणे पासित्ता णं पडिबुद्धे। ८. एगं च णं महं दिणयरं तेयसा जलंतं सुविणे पासित्ता णं पडिबुद्धे। ९. एगं च णं महं हरिवेरुलियवण्णाभेणं नियगेणं अंतेणं माणुसुत्तरं पव्वयं सव्वओ समंता आवेढियं परिवेढियं सुविणे पासित्ता णं पडिबुद्धे। १०. एगं च णं महं मंदरे पव्वए मंदरचूलियाए उवरिं सीहासणवरगयं अप्पाणं सुविणे पासित्ता णं पडिबुद्धे। १. जण्णं समणे भगवं महावीरे एगं महं घोररूवदित्तधरं तालपिसायं सुविणे पराजियं पासित्ता णं पडिबुद्धे, तण्णं समणेणं भगवया महावीरेणं मोहणिज्जे मूलाओ उग्घाइए। २. जण्णं समणे भगवं महावीरे एगं महं सुक्किलपक्खगं पुंसकोइलगं सुविणे पासित्ता णं पडिबुद्धे, तण्णं समणे भगवं महावीरे सुक्कज्झाणोवगए विहरति। ३. जण्णं समणे भगवं महावीरे एगं महं चित्तविचित्तपक्खगं पुंसकोइलगं सुविणे पासित्ता णं पडिबुद्धे, तण्णं समणे भगवं महावीरे विचित्तं ससमयपरसमइयं दुवालसंगं गणिपिडगं आघवेति पन्नवेति परूवेति दंसेति निदंसेति उवदंसेति, तं जहा–आयारं, सूयगडं जाव दिट्ठिवायं। ४. जण्णं समणे भगवं महावीरे एगं महं दामदुगं सव्वरयणामयं सुविणे पासित्ता णं पडिबुद्धे, तण्णं समणे भगवं महावीरे दुविहे धम्मे पन्नवेति, तं जहा–अगारधम्मं वा, अनगारधम्मं वा। ५. जण्णं समणे भगवं महावीरे एगं महं सेयं गोवग्गं सुविणे पासित्ता णं पडिबुद्धे, तण्णं समणस्स भगवओ महावीरस्स चाउव्वण्णाइण्णे समणसंघे, तं जहा–समणा, समणीओ, सावया, सावियाओ। ६. जण्णं समणे भगवं महावीरे एगं महं पउमसरं सव्वओ समंता कुसुमियं सुविणे पासित्ता णं पडिबुद्धे, तण्णं समणे भगवं महावीरे चउव्विहे देवे पन्नवेति, तं जहा–भवनवासी, वाणमंतरे, जोतिसिए, वेमाणिए। ७. जण्णं समणे भगवं महावीरे एगं महं सागरं उम्मीवीयीसहस्सकलियं भूयाहिं तिण्णं सुविणे पासित्ता णं पडिबुद्धे, तण्णं समणेणं भगवया महावीरेणं अनादीए अणवदग्गे दीहमद्धे चाउरंते संसारकंतारे तिण्णे। ८. जण्णं समणे भगवं महावीरे एगं महं दिणयरं तेयसा जलंतं सुविणे पासित्ता णं पडिबुद्धे, तण्णं समणस्स भगवओ महावीरस्स अनंते अणुत्तरे निव्वाघाए निरावरणे कसिणे पडिपुण्णे केवल-वरनाणदंसणे समुप्पन्ने। ९. जण्णं समणे भगवं महावीरे एगं महं हरिवेरुलियवण्णाभेणं नियगेणं अंतेणं माणुसुत्तरं पव्वयं सव्वओ समंता आवेढियं परिवेढियं सुविणे पासित्ता णं पडिबुद्धे, तण्णं समणस्स भगवओ महा-वीरस्स ओराला कित्ति-वण्ण-सद्द-सिलोया सदेवमनुयासुरे लोए परिभमंति–इति खलु समणे भगवं महावीरे, इति खलु समणे भगवं महावीरे। १०. जण्णं समणे भगवं महावीरे मंदरे पव्वए मंदरचूलियाए उवरिं सीहासणवरगयं अप्पाणं सुविणे पासित्ता णं पडिबुद्धे, तण्णं समणे भगवं महावीरे सदेवमनुयासुराए परिसाए मज्झगए केवली धम्मं आघवेति पन्नवेति परूवेति दंसेति निदंसेति उवदंसेति।
Sutra Meaning : જુઓ સૂત્ર ૬૭૭
Mool Sutra Transliteration : [sutra] samane bhagavam mahavire chhaumatthakaliyae amtimaraiyamsi ime dasa mahasuvine pasitta nam padibuddhe, tam jaha– 1. Egam cha nam maham ghoraruvadittadharam talapisayam suvine parajiyam pasitta nam padibuddhe. 2. Egam cha nam maham sukkilapakkhagam pumsakoilagam suvine pasitta nam padibuddhe. 3. Egam cha nam maham chittavichittapakkhagam pumsakoilagam suvine pasitta nam padibuddhe. 4. Egam cha nam maham damadugam savvarayanamayam suvine pasitta nam padibuddhe. 5. Egam cha nam maham seyam govaggam suvine pasitta nam padibuddhe. 6. Egam cha nam maham paumasaram savvao samamta kusumiyam suvine pasitta nam padibuddhe. 7. Egam cha nam maham sagaram ummiviyisahassakaliyam bhuyahim tinnam suvine pasitta nam padibuddhe. 8. Egam cha nam maham dinayaram teyasa jalamtam suvine pasitta nam padibuddhe. 9. Egam cha nam maham hariveruliyavannabhenam niyagenam amtenam manusuttaram pavvayam savvao samamta avedhiyam parivedhiyam suvine pasitta nam padibuddhe. 10. Egam cha nam maham mamdare pavvae mamdarachuliyae uvarim sihasanavaragayam appanam suvine pasitta nam padibuddhe. 1. Jannam samane bhagavam mahavire egam maham ghoraruvadittadharam talapisayam suvine parajiyam pasitta nam padibuddhe, tannam samanenam bhagavaya mahavirenam mohanijje mulao ugghaie. 2. Jannam samane bhagavam mahavire egam maham sukkilapakkhagam pumsakoilagam suvine pasitta nam padibuddhe, tannam samane bhagavam mahavire sukkajjhanovagae viharati. 3. Jannam samane bhagavam mahavire egam maham chittavichittapakkhagam pumsakoilagam suvine pasitta nam padibuddhe, tannam samane bhagavam mahavire vichittam sasamayaparasamaiyam duvalasamgam ganipidagam aghaveti pannaveti paruveti damseti nidamseti uvadamseti, tam jaha–ayaram, suyagadam java ditthivayam. 4. Jannam samane bhagavam mahavire egam maham damadugam savvarayanamayam suvine pasitta nam padibuddhe, tannam samane bhagavam mahavire duvihe dhamme pannaveti, tam jaha–agaradhammam va, anagaradhammam va. 5. Jannam samane bhagavam mahavire egam maham seyam govaggam suvine pasitta nam padibuddhe, tannam samanassa bhagavao mahavirassa chauvvannainne samanasamghe, tam jaha–samana, samanio, savaya, saviyao. 6. Jannam samane bhagavam mahavire egam maham paumasaram savvao samamta kusumiyam suvine pasitta nam padibuddhe, tannam samane bhagavam mahavire chauvvihe deve pannaveti, tam jaha–bhavanavasi, vanamamtare, jotisie, vemanie. 7. Jannam samane bhagavam mahavire egam maham sagaram ummiviyisahassakaliyam bhuyahim tinnam suvine pasitta nam padibuddhe, tannam samanenam bhagavaya mahavirenam anadie anavadagge dihamaddhe chauramte samsarakamtare tinne. 8. Jannam samane bhagavam mahavire egam maham dinayaram teyasa jalamtam suvine pasitta nam padibuddhe, tannam samanassa bhagavao mahavirassa anamte anuttare nivvaghae niravarane kasine padipunne kevala-varananadamsane samuppanne. 9. Jannam samane bhagavam mahavire egam maham hariveruliyavannabhenam niyagenam amtenam manusuttaram pavvayam savvao samamta avedhiyam parivedhiyam suvine pasitta nam padibuddhe, tannam samanassa bhagavao maha-virassa orala kitti-vanna-sadda-siloya sadevamanuyasure loe paribhamamti–iti khalu samane bhagavam mahavire, iti khalu samane bhagavam mahavire. 10. Jannam samane bhagavam mahavire mamdare pavvae mamdarachuliyae uvarim sihasanavaragayam appanam suvine pasitta nam padibuddhe, tannam samane bhagavam mahavire sadevamanuyasurae parisae majjhagae kevali dhammam aghaveti pannaveti paruveti damseti nidamseti uvadamseti.
Sutra Meaning Transliteration : Juo sutra 677