Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104165
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१६

 Translated Chapter :

શતક-૧૬
Section : उद्देशक-१ अधिकरण Translated Section : ઉદ્દેશક-૧ અધિકરણ
Sutra Number : 665 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कति णं भंते! सरीरगा पन्नत्ता? गोयमा! पंच सरीरगा पन्नत्ता, तं जहा–ओरालिए, वेउव्विए, आहारए, तेयए, कम्मए। कति णं भंते! इंदिया पन्नत्ता? गोयमा! पंच इंदिया पन्नत्ता, तं जहा–सोइंदिए, चक्खिंदिए, घाणिंदिए, रसिंदिए, फासिंदिए। कतिविहे णं भंते! जोए पन्नत्ते? गोयमा! तिविहे जोए पन्नत्ते, तं जहा–मनजोए, वइजोए, कायजोए। जीवे णं भंते! ओरालियसरीरं निव्वत्तेमाणे किं अधिकरणी? अधिकरणं? गोयमा! अधिकरणी वि, अधिकरणं पि। से केणट्ठेणं भंते! एवं वुच्चइ–अधिकरणी वि, अधिकरणं पि? गोयमा! अविरतिं पडुच्च। से तेणट्ठेणं जाव अधिकरणं पि। पुढविकाइएण णं भंते! ओरालियसरीरं निव्वत्तेमाणे किं अधिकरणी? अधिकरणं? एवं चेव। एवं जाव मनुस्से। एवं वेउव्वियसरीरं पि, नवरं–जस्स अत्थि। जीवे णं भंते! आहारगसरीरं निव्वत्तेमाणे किं अधिकरणी–पुच्छा। गोयमा! अधिकरणी वि, अधिकरणं पि। से केणट्ठेणं जाव अधिकरणं पि? गोयमा! पमायं पडुच्च। से तेणट्ठेणं जाव अधिकरणं पि। एवं मनुस्से वि। तेयासरीरं जहा ओरालियं, नवरं–सव्वजीवाणं भाणियव्वं। एवं कम्मगसरीरं पि। जीवे णं भंते! सोइंदियं निव्वत्तेमाणे किं अधिकरणी? अधिकरणं? एवं जहेव ओरालियसरीरं तहेव सोइंदियं पि भाणियव्वं, नवरं–जस्स अत्थि सोइंदियं। एवं चक्खिंदिय-घाणिंदिय-जिब्भिंदिय-फासिंदियाण वि, नवरं–जाणियव्वं जस्स जं अत्थि। जीवे णं भंते! मनजोगं निव्वत्तेमाणे किं अधिकरणी? अधिकरणं? एवं जहेव सोइंदियं तहेव निरवसेसं। वइजोगो एवं चेव, नवरं–एगिंदियवज्जाणं। एवं कायजोगो वि, नवरं–सव्वजीवाणं जाव वेमाणिए। सेवं भंते! सेवं भंते! त्ति।
Sutra Meaning : જુઓ સૂત્ર ૬૬૪
Mool Sutra Transliteration : [sutra] kati nam bhamte! Sariraga pannatta? Goyama! Pamcha sariraga pannatta, tam jaha–oralie, veuvvie, aharae, teyae, kammae. Kati nam bhamte! Imdiya pannatta? Goyama! Pamcha imdiya pannatta, tam jaha–soimdie, chakkhimdie, ghanimdie, rasimdie, phasimdie. Kativihe nam bhamte! Joe pannatte? Goyama! Tivihe joe pannatte, tam jaha–manajoe, vaijoe, kayajoe. Jive nam bhamte! Oraliyasariram nivvattemane kim adhikarani? Adhikaranam? Goyama! Adhikarani vi, adhikaranam pi. Se kenatthenam bhamte! Evam vuchchai–adhikarani vi, adhikaranam pi? Goyama! Aviratim paduchcha. Se tenatthenam java adhikaranam pi. Pudhavikaiena nam bhamte! Oraliyasariram nivvattemane kim adhikarani? Adhikaranam? Evam cheva. Evam java manusse. Evam veuvviyasariram pi, navaram–jassa atthi. Jive nam bhamte! Aharagasariram nivvattemane kim adhikarani–puchchha. Goyama! Adhikarani vi, adhikaranam pi. Se kenatthenam java adhikaranam pi? Goyama! Pamayam paduchcha. Se tenatthenam java adhikaranam pi. Evam manusse vi. Teyasariram jaha oraliyam, navaram–savvajivanam bhaniyavvam. Evam kammagasariram pi. Jive nam bhamte! Soimdiyam nivvattemane kim adhikarani? Adhikaranam? Evam jaheva oraliyasariram taheva soimdiyam pi bhaniyavvam, navaram–jassa atthi soimdiyam. Evam chakkhimdiya-ghanimdiya-jibbhimdiya-phasimdiyana vi, navaram–janiyavvam jassa jam atthi. Jive nam bhamte! Manajogam nivvattemane kim adhikarani? Adhikaranam? Evam jaheva soimdiyam taheva niravasesam. Vaijogo evam cheva, navaram–egimdiyavajjanam. Evam kayajogo vi, navaram–savvajivanam java vemanie. Sevam bhamte! Sevam bhamte! Tti.
Sutra Meaning Transliteration : Juo sutra 664