Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1103920
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-८

 Translated Chapter :

શતક-૮
Section : उद्देशक-८ प्रत्यनीक Translated Section : ઉદ્દેશક-૮ પ્રત્યનીક
Sutra Number : 420 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अंतराइए णं भंते! कम्मे कति परीसहा समोयरंति? गोयमा! एगे अलाभपरीसहे समोयरइ। सत्तविहबंधगस्स णं भंते! कति परीसहा पन्नत्ता? गोयमा! बावीसं परीसहा पन्नत्ता। वीसं पुण वेदेइ–जं समयं सीयपरीसहं वेदेइ नो तं समयं उसिणपरीसहं वेदेइ, जं समयं उसिणपरीसहं वेदेइ नो तं समयं सीयपरीसहं वेदेइ, जं समयं चरियापरीसहं वेदेइ नो तं समयं निसीहियापरीसहं वेदेइ, जं समयं निसीहियापरीसहं वेदेइ नो तं समयं चरियापरीसहं वेदेइ। एवं अट्ठविहबंधगस्स वि। छव्विहबंधगस्स णं भंते! सरागछउमत्थस्स कति परीसहा पन्नत्ता? गोयमा! चोद्दस परिसहा पन्नत्ता। बारस पुण वेदेइ–जं समयं सीयपरीसहं वेदेइ नो तं समयं उसिणपरीसहं वेदेइ, जं समयं उसिणपरीसहं वेदेइ नो तं समयं सीयपरीसहं वेदेइ, जं समयं चरियापरीसहं वेदेइ नो तं समयं सेज्जापरीसहं वेदेइ, जं समयं सेज्जापरीसहं वेदेइ नो तं समयं चरियापरीसहं वेदेइ। एक्कविहबंधगस्स णं भंते! वीयरागछउमत्थस्स कति परीसहा पन्नत्ता? गोयमा! एवं चेव–जहेव छव्विहबंधगस्स। एगविहबंधगस्स णं भंते! सजोगिभवत्थकेवलिस्स कति परीसहा पन्नत्ता? गोयमा! एक्कारस परीसहा पन्नत्ता। नव पुण वेदेइ। सेसं जहा छव्विहबंधगस्स। अबंधगस्स णं भंते! अयोगिभवत्थकेवलिस्स कति परीसहा पन्नत्ता? गोयमा! एक्कारस परीसहा पन्नत्ता। नव पुण वेदेइ–जं समयं सीयपरीसहं वेदेइ नो तं समयं उसिणपरीसहं वेदेइ, जं समयं उसिणपरीसहं वेदेइ नो तं समयं सीयपरीसहं वेदेइ, जं समयं चरियापरीसहं वेदेइ नो तं समयं सेज्जापरीसहं वेदेइ, जं समयं सेज्जापरीसहं वेदेइ नो तं समयं चरियापरीसहं वेदेइ।
Sutra Meaning : જુઓ સૂત્ર ૪૧૮
Mool Sutra Transliteration : [sutra] amtaraie nam bhamte! Kamme kati parisaha samoyaramti? Goyama! Ege alabhaparisahe samoyarai. Sattavihabamdhagassa nam bhamte! Kati parisaha pannatta? Goyama! Bavisam parisaha pannatta. Visam puna vedei–jam samayam siyaparisaham vedei no tam samayam usinaparisaham vedei, jam samayam usinaparisaham vedei no tam samayam siyaparisaham vedei, jam samayam chariyaparisaham vedei no tam samayam nisihiyaparisaham vedei, jam samayam nisihiyaparisaham vedei no tam samayam chariyaparisaham vedei. Evam atthavihabamdhagassa vi. Chhavvihabamdhagassa nam bhamte! Saragachhaumatthassa kati parisaha pannatta? Goyama! Choddasa parisaha pannatta. Barasa puna vedei–jam samayam siyaparisaham vedei no tam samayam usinaparisaham vedei, jam samayam usinaparisaham vedei no tam samayam siyaparisaham vedei, jam samayam chariyaparisaham vedei no tam samayam sejjaparisaham vedei, jam samayam sejjaparisaham vedei no tam samayam chariyaparisaham vedei. Ekkavihabamdhagassa nam bhamte! Viyaragachhaumatthassa kati parisaha pannatta? Goyama! Evam cheva–jaheva chhavvihabamdhagassa. Egavihabamdhagassa nam bhamte! Sajogibhavatthakevalissa kati parisaha pannatta? Goyama! Ekkarasa parisaha pannatta. Nava puna vedei. Sesam jaha chhavvihabamdhagassa. Abamdhagassa nam bhamte! Ayogibhavatthakevalissa kati parisaha pannatta? Goyama! Ekkarasa parisaha pannatta. Nava puna vedei–jam samayam siyaparisaham vedei no tam samayam usinaparisaham vedei, jam samayam usinaparisaham vedei no tam samayam siyaparisaham vedei, jam samayam chariyaparisaham vedei no tam samayam sejjaparisaham vedei, jam samayam sejjaparisaham vedei no tam samayam chariyaparisaham vedei.
Sutra Meaning Transliteration : Juo sutra 418