Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1103862
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-७

 Translated Chapter :

શતક-૭
Section : उद्देशक-७ अणगार Translated Section : ઉદ્દેશક-૭ અણગાર
Sutra Number : 362 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] रूवी भंते! कामा? अरूवी कामा? गोयमा! रूवी कामा, नो अरूवी कामा। सचित्ता भंते! कामा? अचित्ता कामा? गोयमा! सचित्ता वि कामा, अचित्ता वि कामा। जीवा भंते! कामा? अजीवा कामा? गोयमा! जीवा वि कामा, अजीवा वि कामा। जीवाणं भंते! कामा? अजीवाणं कामा? गोयमा! जीवाणं कामा, नो अजीवाणं कामा। कतिविहा णं भंते! कामा पन्नत्ता? गोयमा! दुविहा कामा पन्नत्ता, तं जहा–सद्दा य, रूवा य। रूवी भंते! भोगा? अरूवी भोगा? गोयमा! रूवी भोगा, नो अरूवी भोगा। सचित्ता भंते! भोगा? अचित्ता भोगा? गोयमा! सचित्ता वि भोगा, अचित्ता वि भोगा। जीवा भंते! भोगा? अजीवा भोगा? गोयमा! जीवा वि भोगा, अजीवा वि भोगा। जीवाणं भंते! भोगा? अजीवाणं भोगा? गोयमा! जीवाणं भोगा, नो अजीवाणं भोगा। कतिविहा णं भंते! भोगा पन्नत्ता? गोयमा! तिविहा भोगा पन्नत्ता, तं जहा–गंधा, रसा, फासा। कतिविहा णं भंते! काम-भोगा पन्नत्ता? गोयमा! पंचविहा काम-भोगा पन्नत्ता, तं जहा–सद्दा, रूवा, गंधा, रसा, फासा। जीवा णं भंते! किं कामी? भोगी? गोयमा! जीवा कामी वि, भोगी वि। से केणट्ठेणं भंते! एवं वुच्चइ–जीवा कामी वि? भोगी वि? गोयमा! सोइंदिय-चक्खिंदियाइं पडुच्च कामी, घाणिंदिय-जिब्भिंदिय-फासिंदियाइं पडुच्च भोगी। से तेणट्ठेणं गोयमा! एवं वुच्चइ–जीवा कामी वि, भोगी वि। नेरइया णं भंते! किं कामी? भोगी? एवं चेव जाव थणियकुमारा। पुढविकाइयाणं–पुच्छा। गोयमा! पुढविकाइया नो कामी, भोगी। से केणट्ठेणं जाव भोगी? गोयमा! फासिंदियं पडुच्च। से तेणट्ठेणं जाव भोगी। एवं जाव वणस्सइकाइया। बेइंदिया एवं चेव, नवरं–जिब्भिंदियफासिं-दियाइं पडुच्च। तेइंदिया वि एवं चेव, नवरं–घाणिंदिय-जिब्भिंदिय-फासिंदियाइं पडुच्च। चउरिंदियाणं–पुच्छा। गोयमा! चउरिंदिया कामी वि, भोगी वि। से केणट्ठेणं जाव भोगी वि? गोयमा! चक्खिंदिय पडुच्च कामी, घाणिंदिय-जिब्भिंदिय-फासिंदियाइं पडुच्च भोगी। से तेणट्ठेणं जाव भोगी वि। अवसेसा जहा जीवा जाव वेमाणिया। एएसि णं भंते! जीवाणं कामभोगीणं, नोकामीणं, नोभोगीणं, भोगीणं य कयरे कयरेहिंतो अप्पा वा? बहुया वा? तुल्ला वा? विसेसाहिया वा? गोयमा! सव्वत्थोवा जीवा कामभोगी, नोकामी नोभोगी अनंतगुणा, भोगी अनंतगुणा।
Sutra Meaning : જુઓ સૂત્ર ૩૬૧
Mool Sutra Transliteration : [sutra] ruvi bhamte! Kama? Aruvi kama? Goyama! Ruvi kama, no aruvi kama. Sachitta bhamte! Kama? Achitta kama? Goyama! Sachitta vi kama, achitta vi kama. Jiva bhamte! Kama? Ajiva kama? Goyama! Jiva vi kama, ajiva vi kama. Jivanam bhamte! Kama? Ajivanam kama? Goyama! Jivanam kama, no ajivanam kama. Kativiha nam bhamte! Kama pannatta? Goyama! Duviha kama pannatta, tam jaha–sadda ya, ruva ya. Ruvi bhamte! Bhoga? Aruvi bhoga? Goyama! Ruvi bhoga, no aruvi bhoga. Sachitta bhamte! Bhoga? Achitta bhoga? Goyama! Sachitta vi bhoga, achitta vi bhoga. Jiva bhamte! Bhoga? Ajiva bhoga? Goyama! Jiva vi bhoga, ajiva vi bhoga. Jivanam bhamte! Bhoga? Ajivanam bhoga? Goyama! Jivanam bhoga, no ajivanam bhoga. Kativiha nam bhamte! Bhoga pannatta? Goyama! Tiviha bhoga pannatta, tam jaha–gamdha, rasa, phasa. Kativiha nam bhamte! Kama-bhoga pannatta? Goyama! Pamchaviha kama-bhoga pannatta, tam jaha–sadda, ruva, gamdha, rasa, phasa. Jiva nam bhamte! Kim kami? Bhogi? Goyama! Jiva kami vi, bhogi vi. Se kenatthenam bhamte! Evam vuchchai–jiva kami vi? Bhogi vi? Goyama! Soimdiya-chakkhimdiyaim paduchcha kami, ghanimdiya-jibbhimdiya-phasimdiyaim paduchcha bhogi. Se tenatthenam goyama! Evam vuchchai–jiva kami vi, bhogi vi. Neraiya nam bhamte! Kim kami? Bhogi? Evam cheva java thaniyakumara. Pudhavikaiyanam–puchchha. Goyama! Pudhavikaiya no kami, bhogi. Se kenatthenam java bhogi? Goyama! Phasimdiyam paduchcha. Se tenatthenam java bhogi. Evam java vanassaikaiya. Beimdiya evam cheva, navaram–jibbhimdiyaphasim-diyaim paduchcha. Teimdiya vi evam cheva, navaram–ghanimdiya-jibbhimdiya-phasimdiyaim paduchcha. Chaurimdiyanam–puchchha. Goyama! Chaurimdiya kami vi, bhogi vi. Se kenatthenam java bhogi vi? Goyama! Chakkhimdiya paduchcha kami, ghanimdiya-jibbhimdiya-phasimdiyaim paduchcha bhogi. Se tenatthenam java bhogi vi. Avasesa jaha jiva java vemaniya. Eesi nam bhamte! Jivanam kamabhoginam, nokaminam, nobhoginam, bhoginam ya kayare kayarehimto appa va? Bahuya va? Tulla va? Visesahiya va? Goyama! Savvatthova jiva kamabhogi, nokami nobhogi anamtaguna, bhogi anamtaguna.
Sutra Meaning Transliteration : Juo sutra 361