Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1103754
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-५

 Translated Chapter :

શતક-૫
Section : उद्देशक-७ पुदगल कंपन Translated Section : ઉદ્દેશક-૭ પુદગલ કંપન
Sutra Number : 254 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] परमाणुपोग्गले णं भंते! असिधारं वा खुरधारं वा ओगाहेज्जा? हंता ओगाहेज्जा। से णं भंते! तत्थ छिज्जेज्ज वा भिज्जेज्ज वा? गोयमा! नो तिणट्ठे समट्ठे, नो खलु तत्थ सत्थं कमइ। एवं जाव असंखेज्जपएसिओ। अनंतपएसिए णं भंते! खंधे असिधारं वा खुरधारं वा ओगाहेज्जा? हंता ओगाहेज्जा। गोयमा! अत्थेगइए छिज्जेज्ज वा भिज्जेज्ज वा, अत्थेगइए नो छिज्जेज्ज वा नो भिज्जेज्ज वा। परमाणुपोग्गले णं भंते? अगनिकायस्स मज्झंमज्झेणं वीइवएज्जा? हंता वीइवएज्जा। से णं भंते! तत्थ ज्झियाएज्जा? गोयमा! नो इणट्ठे समट्ठे, नो खलु तत्थ सत्थं कमइ। से णं भंते! पुक्खलसंवट्टगस्स महामेहस्स मज्झंमज्झेणं वीइवएज्जा? हंता वीइवएज्जा। से णं भंते! तत्थ उल्ले सिया? गोयमा! नो इणट्ठे समट्ठे, नो खलु तत्थ सत्थं कमइ। से णं भंते! गंगाए महानदीए पडिसोयं हव्वमागच्छेज्जा? हंता हव्वमागच्छेज्जा। से णं भंते! तत्थ विनिहायमावज्जेज्जा? गोयमा! नो इणट्ठे समट्ठे, नो खलु तत्थ सत्थं कमइ। से णं भंते! उदगावत्तं वा उदगबिंदुं वा ओगाहेज्जा? हंता ओगाहेज्जा। से णं भंते! तत्थ परियावज्जेज्जा? गोयमा! नो इणट्ठे समट्ठे, नो खलु तत्थ सत्थं कमइ। एवं जाव असंखेज्जपएसिओ। अनंतपएसिए णं भंते! खंधे अगनिकायस्स मज्झंमज्झेणं वीइवएज्जा? हंता वीइवएज्जा। से णं भंते! तत्थ ज्झियाएज्जा? गोयमा! अत्थेगइए ज्झियाएज्जा, अत्थेगइए नो ज्झियाएज्जा। से णं भंते! पुक्खलसंवट्टगस्स महामेहस्स मज्झंमज्झेणं वीइवएज्जा। हंता वीइवएज्जा। से णं भंते! तत्थ उल्ले सिया? गोयमा! अत्थेगइए उल्ले सिया, अत्थेगइए नो उल्ले सिया। से णं भंते! गंगाए महानईए पडिसोयं हव्वमागच्छेज्जा? हंता हव्वमागच्छेज्जा। से णं भंते! तत्थ विनिहायमावज्जेज्जा? गोयमा! अत्थेगइए विनिहायमावज्जेज्जा, अत्थेगइए नो विनिहायमावज्जेज्जा। से णं भंते! उदगावत्तं वा उदगबिंदुं वा ओगाहेज्जा? हंता ओगाहेज्जा। से णं भंते! तत्थ परियावज्जेज्जा? गोयमा! अत्थेगइए परियावज्जेज्जा, अत्थेगइए नो परियावज्जेज्जा।
Sutra Meaning : જુઓ સૂત્ર ૨૫૩
Mool Sutra Transliteration : [sutra] paramanupoggale nam bhamte! Asidharam va khuradharam va ogahejja? Hamta ogahejja. Se nam bhamte! Tattha chhijjejja va bhijjejja va? Goyama! No tinatthe samatthe, no khalu tattha sattham kamai. Evam java asamkhejjapaesio. Anamtapaesie nam bhamte! Khamdhe asidharam va khuradharam va ogahejja? Hamta ogahejja. Goyama! Atthegaie chhijjejja va bhijjejja va, atthegaie no chhijjejja va no bhijjejja va. Paramanupoggale nam bhamte? Aganikayassa majjhammajjhenam viivaejja? Hamta viivaejja. Se nam bhamte! Tattha jjhiyaejja? Goyama! No inatthe samatthe, no khalu tattha sattham kamai. Se nam bhamte! Pukkhalasamvattagassa mahamehassa majjhammajjhenam viivaejja? Hamta viivaejja. Se nam bhamte! Tattha ulle siya? Goyama! No inatthe samatthe, no khalu tattha sattham kamai. Se nam bhamte! Gamgae mahanadie padisoyam havvamagachchhejja? Hamta havvamagachchhejja. Se nam bhamte! Tattha vinihayamavajjejja? Goyama! No inatthe samatthe, no khalu tattha sattham kamai. Se nam bhamte! Udagavattam va udagabimdum va ogahejja? Hamta ogahejja. Se nam bhamte! Tattha pariyavajjejja? Goyama! No inatthe samatthe, no khalu tattha sattham kamai. Evam java asamkhejjapaesio. Anamtapaesie nam bhamte! Khamdhe aganikayassa majjhammajjhenam viivaejja? Hamta viivaejja. Se nam bhamte! Tattha jjhiyaejja? Goyama! Atthegaie jjhiyaejja, atthegaie no jjhiyaejja. Se nam bhamte! Pukkhalasamvattagassa mahamehassa majjhammajjhenam viivaejja. Hamta viivaejja. Se nam bhamte! Tattha ulle siya? Goyama! Atthegaie ulle siya, atthegaie no ulle siya. Se nam bhamte! Gamgae mahanaie padisoyam havvamagachchhejja? Hamta havvamagachchhejja. Se nam bhamte! Tattha vinihayamavajjejja? Goyama! Atthegaie vinihayamavajjejja, atthegaie no vinihayamavajjejja. Se nam bhamte! Udagavattam va udagabimdum va ogahejja? Hamta ogahejja. Se nam bhamte! Tattha pariyavajjejja? Goyama! Atthegaie pariyavajjejja, atthegaie no pariyavajjejja.
Sutra Meaning Transliteration : Juo sutra 253