Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1103576
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१

 Translated Chapter :

શતક-૧
Section : उद्देशक-६ यावंत Translated Section : ઉદ્દેશક-૬ યાવંત
Sutra Number : 76 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] भंतेति! भगवं गोयमे समणं भगवं महावीरं जाव एवं वयासी– कतिविहा णं भंते! लोयट्ठिती पन्नत्ता? गोयमा! अट्ठविहा लोयट्ठिति पन्नत्ता, तं जहा–१. आगासपइट्ठिए वाए। २. वायपइट्ठिए उदही। ३. उदहिपइट्ठिया पुढवी। ४. पुढविपइट्ठिया तसथावरा पाणा। ५. अजीवा जीवपइट्ठिया। ६. जीवा कम्मपइट्ठिया। ७. अजीवा जीवसंगहिया। ८. जीवा कम्मसंगहीया। से केणट्ठेणं भंते! एवं वुच्चइ–अट्ठविहा लोयट्ठिती जाव जीवा कम्मसंगहिया? गोयमा! से जहानामए केइ पुरिसे वत्थिमाडोवेइ, वत्थिमाडोवेत्ता उप्पिं सितं बंधइ, बंधित्ता मज्झे गंठिं बंधइ, बंधित्ता उवरिल्लं गंठिं मुयइ, मुइत्ता उवरिल्लं देसं वामेइ, वामेत्ता उवरिल्लं देसं आउयायस्स पूरेइ, पूरेत्ता उप्पिं सितं बंधइ, बंधित्ता मज्झिल्लं गंठिं मुयइ। से नूनं गोयमा! से आउयाए तस्स वाउयायस्स उप्पिं उवरिमतले चिट्ठइ? हंता चिट्ठइ। से तेणट्ठेणं गोयमा! एवं वुच्चइ– अट्ठविहा लोयट्ठिती जाव जीवा कम्मसंगहिया। से जहा वा केइ पुरिसे वत्थिमाडोवेइ, वत्थिमाडोवेत्ता कडीए बंधइ, बंधित्ता अत्थाहमतारम-पोरुसियंसि उदगंसि ओगाहेज्जा। से नूनं गोयमा! से पुरिसे तस्स आउयायस्स उवरिमतले चिट्ठइ? हंता चिट्ठइ। एवं वा अट्ठविहा लोयट्ठिई जाव जीवा कम्मसंगहिया।
Sutra Meaning : જુઓ સૂત્ર ૭૨
Mool Sutra Transliteration : [sutra] bhamteti! Bhagavam goyame samanam bhagavam mahaviram java evam vayasi– Kativiha nam bhamte! Loyatthiti pannatta? Goyama! Atthaviha loyatthiti pannatta, tam jaha–1. Agasapaitthie vae. 2. Vayapaitthie udahi. 3. Udahipaitthiya pudhavi. 4. Pudhavipaitthiya tasathavara pana. 5. Ajiva jivapaitthiya. 6. Jiva kammapaitthiya. 7. Ajiva jivasamgahiya. 8. Jiva kammasamgahiya. Se kenatthenam bhamte! Evam vuchchai–atthaviha loyatthiti java jiva kammasamgahiya? Goyama! Se jahanamae kei purise vatthimadovei, vatthimadovetta uppim sitam bamdhai, bamdhitta majjhe gamthim bamdhai, bamdhitta uvarillam gamthim muyai, muitta uvarillam desam vamei, vametta uvarillam desam auyayassa purei, puretta uppim sitam bamdhai, bamdhitta majjhillam gamthim muyai. Se nunam goyama! Se auyae tassa vauyayassa uppim uvarimatale chitthai? Hamta chitthai. Se tenatthenam goyama! Evam vuchchai– atthaviha loyatthiti java jiva kammasamgahiya. Se jaha va kei purise vatthimadovei, vatthimadovetta kadie bamdhai, bamdhitta atthahamatarama-porusiyamsi udagamsi ogahejja. Se nunam goyama! Se purise tassa auyayassa uvarimatale chitthai? Hamta chitthai. Evam va atthaviha loyatthii java jiva kammasamgahiya.
Sutra Meaning Transliteration : Juo sutra 72