Sutra Navigation: Samavayang ( સમવયાંગ સૂત્ર )

Search Details

Mool File Details

Anuvad File Details

Sr No : 1103199
Scripture Name( English ): Samavayang Translated Scripture Name : સમવયાંગ સૂત્ર
Mool Language : Ardha-Magadhi Translated Language : Gujarati
Chapter :

समवाय-३०

 Translated Chapter :

સમવાય-૩૦
Section : Translated Section :
Sutra Number : 99 Category : Ang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] थेरे णं मंडियपुत्ते तीसं वासाइं सामण्णपरियायं पाउणित्ता सिद्धे बुद्धे मुत्ते अंतगडे परिनिव्वुडे सव्वदुक्खप्पहीणे। एगमेगे णं अहोरत्ते तीसं मुहुत्ता मुहुत्तग्गेणं पन्नत्ता एएसि णं तीसाए मुहुत्ताणं तीसं नामधेज्जा पन्नत्ता, तं जहा– रोद्दे सेते मित्ते वाऊ सुपीए अभियंदे माहिंदे पलंबे बंभे सच्चे आनंदे विजए वीससेने वायावच्चे उवसमे ईसाने तिट्ठे भावियप्पा वेसमणे वरुणे सतरिसभे गंधव्वे अग्गिवेसायणे आतवं आवधं तट्ठवे भूमहे रिसभे सव्वट्ठसिद्धे रक्खसे। अरे णं अरहा तीसं धणुइं उड्ढं उच्चत्तेणं होत्था। सहस्सारस्स णं देविंदस्स देवरन्नो तीसं सामानियसाहस्सीओ पन्नत्ताओ। पासे णं अरहा तीसं वासाइं अगारमज्झे वसित्ता मुंडे भवित्ता अगाराओ अनगारियं पव्वइए। समणे भगवं महावीरे तीसं वासाइं अगारमज्झे वसित्ता मुंडे भवित्ता अगाराओ अनगारियं पव्वइए। रयणप्पभाए णं पुढवीए तीसं निरयावाससयसहस्सा पन्नत्ता। इमीसे णं रयणप्पभाए पुढवीए अत्थेगइयाणं नेरइयाणं तीसं पलिओवमाइं ठिई पन्नत्ता। अहेसत्तमाए पुढवीए अत्थेगइयाणं नेरइयाणं तीसं सागरोवमाइं ठिई पन्नत्ता। असुरकुमाराणं देवाणं अत्थेगइयाणं तीसं पलिओवमाइं ठिई पन्नत्ता। उवरिम-उवरिम-गेवेज्जयाणं देवाणं जहन्नेणं तीसं सागरोवमाइं ठिई पन्नत्ता। जे देवा उवरिम-मज्झिम-गेवेज्जएसु विमानेसु देवत्ताए उववन्ना, तेसि णं देवाणं उक्कोसेणं तीसं सागरोवमाइं ठिई पन्नत्ता। ते णं देवा तीसाए अद्धमासेहिं आणमंति वा पाणमंति वा ऊससंति वा नीससंति वा। तेसि णं देवाणं तीसाए वाससहस्सेहिं आहारट्ठे समुप्पज्जइ। संतेगइया भवसिद्धिया जीवा, जे तीसाए भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति।
Sutra Meaning : જુઓ સૂત્ર ૬૪
Mool Sutra Transliteration : [sutra] there nam mamdiyaputte tisam vasaim samannapariyayam paunitta siddhe buddhe mutte amtagade parinivvude savvadukkhappahine. Egamege nam ahoratte tisam muhutta muhuttaggenam pannatta eesi nam tisae muhuttanam tisam namadhejja pannatta, tam jaha– rodde sete mitte vau supie abhiyamde mahimde palambe bambhe sachche anamde vijae visasene vayavachche uvasame isane titthe bhaviyappa vesamane varune satarisabhe gamdhavve aggivesayane atavam avadham tatthave bhumahe risabhe savvatthasiddhe rakkhase. Are nam araha tisam dhanuim uddham uchchattenam hottha. Sahassarassa nam devimdassa devaranno tisam samaniyasahassio pannattao. Pase nam araha tisam vasaim agaramajjhe vasitta mumde bhavitta agarao anagariyam pavvaie. Samane bhagavam mahavire tisam vasaim agaramajjhe vasitta mumde bhavitta agarao anagariyam pavvaie. Rayanappabhae nam pudhavie tisam nirayavasasayasahassa pannatta. Imise nam rayanappabhae pudhavie atthegaiyanam neraiyanam tisam paliovamaim thii pannatta. Ahesattamae pudhavie atthegaiyanam neraiyanam tisam sagarovamaim thii pannatta. Asurakumaranam devanam atthegaiyanam tisam paliovamaim thii pannatta. Uvarima-uvarima-gevejjayanam devanam jahannenam tisam sagarovamaim thii pannatta. Je deva uvarima-majjhima-gevejjaesu vimanesu devattae uvavanna, tesi nam devanam ukkosenam tisam sagarovamaim thii pannatta. Te nam deva tisae addhamasehim anamamti va panamamti va usasamti va nisasamti va. Tesi nam devanam tisae vasasahassehim aharatthe samuppajjai. Samtegaiya bhavasiddhiya jiva, je tisae bhavaggahanehim sijjhissamti bujjhissamti muchchissamti parinivvaissamti savvadukkhanamamtam karissamti.
Sutra Meaning Transliteration : Juo sutra 64