Sutra Navigation: Samavayang ( સમવયાંગ સૂત્ર )

Search Details

Mool File Details

Anuvad File Details

Sr No : 1103149
Scripture Name( English ): Samavayang Translated Scripture Name : સમવયાંગ સૂત્ર
Mool Language : Ardha-Magadhi Translated Language : Gujarati
Chapter :

समवाय-१९

 Translated Chapter :

સમવાય-૧૯
Section : Translated Section :
Sutra Number : 49 Category : Ang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जंबुद्दीवे णं दीवे सूरिआ उक्कोसेणं एकूनवीसं जोयणसयाइं उड्ढमहो तवंति। सुक्केणं महग्गहे अवरेणं उदिए समाणे एकूनवीसं नक्खत्ताइं समं चारं चरित्ता अवरेणं अत्थमणं उवागच्छइ। जंबुद्दीवस्स णं दीवस्स कलाओ एकूनवीसं छेयणाओ पन्नत्ताओ। एकूनवीसं तित्थयरा अगारमज्झा वसित्ता मुंडे भवित्ता णं अगाराओ अनगारिअं पव्वइआ। इमीसे णं रयणप्पभाए पुढवीए अत्थेगइयाणं नेरइयाणं एकूनवीसं पलिओवमाइं ठिई पन्नत्ता। छट्ठीए पुढवीए अत्थेगइयाणं नेरइयाणं एकूनवीसं सागरोवमाइं ठिई पन्नत्ता। असुरकुमाराणं देवाणं अत्थेगइयाणं एकूनवीसं पलिओवमाइं ठिई पन्नत्ता। सोहम्मीसानेसु कप्पेसु अत्थेगइयाणं देवाणं एकूनवीसं पलिओवमाइं ठिई पन्नत्ता। आणयकप्पे देवाणं उक्कोसेणं एकूनवीसं सागरोवमाइं ठिई पन्नत्ता। पाणए कप्पे देवाणं जहन्नेणं एकूनवीसं सागरोवमाइं ठिई पन्नत्ता। जे देवा आणतं पाणतं नतं विनतं घनं सुसिरं इंदं इंदोकंतं इंदुत्तरवडेंसगं विमानं देवत्ताए उववन्ना, तेसि णं देवाणं उक्कोसेणं एकूनवीसं सागरोवमाइं ठिई पन्नत्ता। ते णं देवा एगूणवीसाए अद्धमासाणं आणमंति वा पाणमंति वा ऊससंति वा नीससंति वा। तेसि णं देवाणं एगूणवीसाए वाससहस्सेहिं आहारट्ठे समुप्पज्जइ। संतेगइया भवसिद्धिया जीवा, जे एगूणवीसाए भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति।
Sutra Meaning : જુઓ સૂત્ર ૪૬
Mool Sutra Transliteration : [sutra] jambuddive nam dive suria ukkosenam ekunavisam joyanasayaim uddhamaho tavamti. Sukkenam mahaggahe avarenam udie samane ekunavisam nakkhattaim samam charam charitta avarenam atthamanam uvagachchhai. Jambuddivassa nam divassa kalao ekunavisam chheyanao pannattao. Ekunavisam titthayara agaramajjha vasitta mumde bhavitta nam agarao anagariam pavvaia. Imise nam rayanappabhae pudhavie atthegaiyanam neraiyanam ekunavisam paliovamaim thii pannatta. Chhatthie pudhavie atthegaiyanam neraiyanam ekunavisam sagarovamaim thii pannatta. Asurakumaranam devanam atthegaiyanam ekunavisam paliovamaim thii pannatta. Sohammisanesu kappesu atthegaiyanam devanam ekunavisam paliovamaim thii pannatta. Anayakappe devanam ukkosenam ekunavisam sagarovamaim thii pannatta. Panae kappe devanam jahannenam ekunavisam sagarovamaim thii pannatta. Je deva anatam panatam natam vinatam ghanam susiram imdam imdokamtam imduttaravademsagam vimanam devattae uvavanna, tesi nam devanam ukkosenam ekunavisam sagarovamaim thii pannatta. Te nam deva egunavisae addhamasanam anamamti va panamamti va usasamti va nisasamti va. Tesi nam devanam egunavisae vasasahassehim aharatthe samuppajjai. Samtegaiya bhavasiddhiya jiva, je egunavisae bhavaggahanehim sijjhissamti bujjhissamti muchchissamti parinivvaissamti savvadukkhanamamtam karissamti.
Sutra Meaning Transliteration : Juo sutra 46