Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102345
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-४

 Translated Chapter :

સ્થાન-૪
Section : उद्देशक-३ Translated Section : ઉદ્દેશક-૩
Sutra Number : 345 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] चउहिं ठाणेहिं अहुणोववन्ने देवे देवलोगेसु इच्छेज्ज मानुसं लोगं हव्वमागच्छित्तए, नो चेव णं संचाएति हव्वमागच्छित्तए, तं जहा– १.अहुणोववन्ने देवे देवलोगेसु दिव्वेसु कामभोगेसु मुच्छिते गिद्धे गढिते अज्झोववन्ने, से णं मानुस्सए कामभोगे नो आढाइ, नो परियाणाति, नो अट्ठं बंधइ, नो नियाणं पगरेति, नो ठितिपगप्पं पगरेति। २. अहुणोववन्ने देवे देवलोगेसु दिव्वेसु कामभोगेसु मुच्छिते गिद्धे गढिते अज्झोववन्ने, तस्स णं मानुस्सए कामभोगे पेमे वोच्छिन्ने दिव्वे संकंते भवति। ३. अहुणोववन्ने देवे देवलोगेसु दिव्वेसु कामभोगेसु मुच्छिते गिद्धे गढिते अज्झोववन्ने, तस्स णं एवं भवति–इण्हिं गच्छं मुहुत्तेणं गच्छं, तेणं कालेणमप्पाउया मनुस्सा कालधम्मुणा संजुत्ता भवति। ४. अहुणोववन्ने देवे देवलोगेसु दिव्वेसु कामभोगेसु मुच्छिते गिद्धे गढिते अज्झोववन्ने, तस्स णं मानुस्सए गंधे पडिकूले पडिलोमे यावि भवति, उड्ढंपि य णं मानुस्सए गंधे जाव चत्तारि पंच जोयणसयाइं हव्वमागच्छति। इच्चेतेहिं चउहिं ठाणेहिं अहुणोववन्ने देवे देवलोएसु इच्छेज्ज मानुसं लोगं हव्वमागच्छित्तए, नो चेव णं संचाएति हव्वमागच्छित्तए। चउहिं ठाणेहिं अहुणोववन्ने देवे देवलोएसु इच्छेज्ज मानुसं लोगं हव्वमागच्छित्तए, संचाएति हव्वमागच्छित्तए, तं जहा– १. अहुणोववन्ने देवे देवलोगेसु दिव्वेसु कामभोगेसु अमुच्छिते अगिद्धे अगढिते अणज्झोववन्ने, तस्स णं एवं भवति–अत्थि खलु मम मानुस्सए भवे आयरिएति वा उवज्झाएति वा पवत्तीति वा थेरेति वा गणीति वा गणधरेति गणावच्छेदेति वा, जेसिं पभावेणं मए इमा एतारूवा दिव्वा देविड्ढी दिव्वा देवजुती दिव्वे देवाणुभावे लद्धे पत्ते अभिसमन्नागते, तं गच्छामि णं ते भगवंते वंदामि नमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि। २. अहुणोववन्ने देवे देवलोएसु दिव्वेसु कामभोगेसु अमुच्छिते अगिद्धे अगढिते अणज्झोववन्ने, तस्स णमेवं भवति–एस णं मानुस्सए भवे णाणीति वा तवस्सीति वा अइदुक्कर-दुक्करकारगे, तं गच्छामि णं ते भगवंते वंदामि नमंसामि सक्कारेमि सम्माणेमि कल्लाणं मंगलं देवयं चेइयं पज्जुवासामि। ३. अहुणोववन्ने देवे देवलोएसु दिव्वेसु कामभोगेसु अमुच्छिते अगिद्धे अगढिते अणज्झोववन्ने, तस्स णमेवं भवति–अत्थि णं मम मानुस्सए भवे माताति वा, पियाति वा भायाति वा भगिनीति वा भज्जाति वा पुत्ताति वा धूयाति वा सुण्हाति वा, तं गच्छामि णं तेसिमंतियं पाउब्भवामि, पासंतु ता मे इममेतारूवं दिव्वं देविड्ढिं दिव्वं देवजुतिं दिव्वं देवानुभावं लद्धं पत्तं अभिसमन्नागतं। ४. अहुणोववन्ने देवे देवलोगेसु दिव्वेसु कामभोगेसु अमुच्छिते अगिद्धे अगढिते अणज्झोववन्ने, तस्स णमेवं भवति–अत्थि णं मम मानुस्सए भवे मित्तेति वा सहाति वा सुहीति वा सहाएति वा संगइएति वा, तेसिं च णं अम्हे अन्नमन्नस्स संगारे पडिसुते भवति–जो मे पुव्विं चयति से संबोहेतव्वे। इच्चेतेहिं चउहिं ठाणेहिं अहुणोववन्ने देवे देवलोएसु इच्छेज्ज मानुसं लोगं हव्वमागच्छित्तए संचाएति हव्वमागच्छित्तए।
Sutra Meaning : જુઓ સૂત્ર ૩૪૩
Mool Sutra Transliteration : [sutra] chauhim thanehim ahunovavanne deve devalogesu ichchhejja manusam logam havvamagachchhittae, no cheva nam samchaeti havvamagachchhittae, tam jaha– 1.Ahunovavanne deve devalogesu divvesu kamabhogesu muchchhite giddhe gadhite ajjhovavanne, se nam manussae kamabhoge no adhai, no pariyanati, no attham bamdhai, no niyanam pagareti, no thitipagappam pagareti. 2. Ahunovavanne deve devalogesu divvesu kamabhogesu muchchhite giddhe gadhite ajjhovavanne, tassa nam manussae kamabhoge peme vochchhinne divve samkamte bhavati. 3. Ahunovavanne deve devalogesu divvesu kamabhogesu muchchhite giddhe gadhite ajjhovavanne, tassa nam evam bhavati–inhim gachchham muhuttenam gachchham, tenam kalenamappauya manussa kaladhammuna samjutta bhavati. 4. Ahunovavanne deve devalogesu divvesu kamabhogesu muchchhite giddhe gadhite ajjhovavanne, tassa nam manussae gamdhe padikule padilome yavi bhavati, uddhampi ya nam manussae gamdhe java chattari pamcha joyanasayaim havvamagachchhati. Ichchetehim chauhim thanehim ahunovavanne deve devaloesu ichchhejja manusam logam havvamagachchhittae, no cheva nam samchaeti havvamagachchhittae. Chauhim thanehim ahunovavanne deve devaloesu ichchhejja manusam logam havvamagachchhittae, samchaeti havvamagachchhittae, tam jaha– 1. Ahunovavanne deve devalogesu divvesu kamabhogesu amuchchhite agiddhe agadhite anajjhovavanne, tassa nam evam bhavati–atthi khalu mama manussae bhave ayarieti va uvajjhaeti va pavattiti va thereti va ganiti va ganadhareti ganavachchhedeti va, jesim pabhavenam mae ima etaruva divva deviddhi divva devajuti divve devanubhave laddhe patte abhisamannagate, tam gachchhami nam te bhagavamte vamdami namamsami sakkaremi sammanemi kallanam mamgalam devayam cheiyam pajjuvasami. 2. Ahunovavanne deve devaloesu divvesu kamabhogesu amuchchhite agiddhe agadhite anajjhovavanne, tassa namevam bhavati–esa nam manussae bhave naniti va tavassiti va aidukkara-dukkarakarage, tam gachchhami nam te bhagavamte vamdami namamsami sakkaremi sammanemi kallanam mamgalam devayam cheiyam pajjuvasami. 3. Ahunovavanne deve devaloesu divvesu kamabhogesu amuchchhite agiddhe agadhite anajjhovavanne, tassa namevam bhavati–atthi nam mama manussae bhave matati va, piyati va bhayati va bhaginiti va bhajjati va puttati va dhuyati va sunhati va, tam gachchhami nam tesimamtiyam paubbhavami, pasamtu ta me imametaruvam divvam deviddhim divvam devajutim divvam devanubhavam laddham pattam abhisamannagatam. 4. Ahunovavanne deve devalogesu divvesu kamabhogesu amuchchhite agiddhe agadhite anajjhovavanne, tassa namevam bhavati–atthi nam mama manussae bhave mitteti va sahati va suhiti va sahaeti va samgaieti va, tesim cha nam amhe annamannassa samgare padisute bhavati–jo me puvvim chayati se sambohetavve. Ichchetehim chauhim thanehim ahunovavanne deve devaloesu ichchhejja manusam logam havvamagachchhittae samchaeti havvamagachchhittae.
Sutra Meaning Transliteration : Juo sutra 343