Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102324
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-४

 Translated Chapter :

સ્થાન-૪
Section : उद्देशक-२ Translated Section : ઉદ્દેશક-૨
Sutra Number : 324 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : जंबुद्दीवे दीवे मंदरस्स पव्वयस्स दाहिणे णं चुल्लहिमवंतस्स वासहरपव्वयस्स चउसु विदिसासु लवणसमुद्दं तिन्नि-तिन्नि जोयणसयाइं ओगाहित्ता, एत्थ णं चत्तारि अंतरदीवा पन्नत्ता, तं जहा–एगरुयदीवे, आभासियदीवे, वेसाणियदीवे, णंगोलियदीवे। तेसु णं दीवेसु चउव्विहा मनुस्सा परिवसंति, तं जहा–एगूरुया, आभासिया, वेसाणिया, णंगोलिया। तेसि णं दीवाणं चउसु विदिसासु लवणसमुद्दं चत्तारि-चत्तारि जोयणसयाइं ओगाहेत्ता, एत्थ णं चत्तारि अंतरदीवा पन्नत्ता, तं जहा–हयकण्णदीवे, गयकण्णदीवे, गोकण्णदीवे, सक्कुलिकण्णदीवे। तेसु णं दीवेसु चउव्विधा मनुस्सा परिवसंति, तं०–हयकण्णा, गयकण्णा, गोकण्णा, सक्कुलिकण्णा। तेसि णं दीवाणं चउसु विदिसासु लवणसमुद्दं पंच-पंच जोयणसयाइं ओगाहित्ता, एत्थ णं चत्तारि अंतरदीवा पन्नत्ता, तं जहा–आयंसमुहदीवे, मेंढमुहदीवे, अओमुहदीवे, गोमुहदीवे। तेसु णं दीवेसु चउव्विहा मनुस्सा परिवसंति, तं जहा–आयंसमुहा, मेंढमुहा, अओमुहा, गोमुहा। तेसि णं दीवाणं चउसु विदिसासु लवणसमुद्दं छ-छ जोयणसयाइं ओगाहेत्ता, एत्थ णं चत्तारि अंतरदीवा पन्नत्ता, तं जहा–आसमुहदीवे, हत्थिमुहदीवे, सीहमुहदीवे, वग्घमुहदीवे। तेसु णं दीवेसु चउव्विहा मनुस्सा परिवसंति, तं जहा–आसमुहा, हत्थिमुहा, सीहमुहा, वग्घमुहा। तेसि णं दीवाणं चउसु विदिसासु लवणसमुद्दं सत्त-सत्त जोयणसयाइं ओगाहेत्ता, एत्थ णं चत्तारि अंतरदीवा पन्नत्ता, तं जहा–आसकण्णदीवे, हत्थिकण्णदीवे, अकण्णदीवे, कण्णपाउरणदीवे। तेसु णं दीवेसु चउव्विहा मनुस्सा परिवसंति, तं जहा–आसकण्णा, हत्थिकण्णा, अकण्णा, कण्णपाउरणा। तेसि णं दीवाणं चउसु विदिसासु लवणसमुद्दं अट्ठट्ठ जोयणसयाइं ओगाहेत्ता, एत्थ णं चत्तारि अंतरदीवा पन्नत्ता, तं जहा–उक्कामुहदीवे, मेहमुहदीवे, विज्जुमुहदीवे, विज्जुदंतदीवे। तेसु णं दीवेसु चउव्विहा मनुस्सा परिवसंति, तं जहा–उक्कामुहा, मेहमुहा, विज्जुमुहा, विज्जुदंता। तेसि णं दीवाणं चउसु विदिसासु लवणसमुद्दं नव-नव जोयणसयाइं ओगाहेत्ता, एत्थ णं चत्तारि अंतरदीवा पन्नत्ता, तं जहा–घणदंतदीवे, लट्ठदंतदीवे, गूढदंतदीवे, सुद्धदंतदीवे। तेसु णं दीवेसु चउव्विहा मनुस्सा परिवसंति, तं जहा–घनदंता, लट्ठदंता, गूढदंता, सुद्धदंता। जंबुद्दीवे दीवे मंदरस्स पव्वयस्स उत्तरे णं सिहरिस्स वासहरपव्वयस्स चउसु विदिसासु लवणसमुद्दं तिन्नि-तिन्नि जोयणसयाइं ओगाहेत्ता, एत्थ णं चत्तारि अंतरदीवा पन्नत्ता, तं जहा–एगूरुयदीवे, सेसं तहेव नीरवसेसं भाणियव्वं जाव सुद्धदंता।
Sutra Meaning : જુઓ સૂત્ર ૩૨૩
Mool Sutra Transliteration : Jambuddive dive mamdarassa pavvayassa dahine nam chullahimavamtassa vasaharapavvayassa chausu vidisasu lavanasamuddam tinni-tinni joyanasayaim ogahitta, ettha nam chattari amtaradiva pannatta, tam jaha–egaruyadive, abhasiyadive, vesaniyadive, namgoliyadive. Tesu nam divesu chauvviha manussa parivasamti, tam jaha–eguruya, abhasiya, vesaniya, namgoliya. Tesi nam divanam chausu vidisasu lavanasamuddam chattari-chattari joyanasayaim ogahetta, ettha nam chattari amtaradiva pannatta, tam jaha–hayakannadive, gayakannadive, gokannadive, sakkulikannadive. Tesu nam divesu chauvvidha manussa parivasamti, tam0–hayakanna, gayakanna, gokanna, sakkulikanna. Tesi nam divanam chausu vidisasu lavanasamuddam pamcha-pamcha joyanasayaim ogahitta, ettha nam chattari amtaradiva pannatta, tam jaha–ayamsamuhadive, memdhamuhadive, aomuhadive, gomuhadive. Tesu nam divesu chauvviha manussa parivasamti, tam jaha–ayamsamuha, memdhamuha, aomuha, gomuha. Tesi nam divanam chausu vidisasu lavanasamuddam chha-chha joyanasayaim ogahetta, ettha nam chattari amtaradiva pannatta, tam jaha–asamuhadive, hatthimuhadive, sihamuhadive, vagghamuhadive. Tesu nam divesu chauvviha manussa parivasamti, tam jaha–asamuha, hatthimuha, sihamuha, vagghamuha. Tesi nam divanam chausu vidisasu lavanasamuddam satta-satta joyanasayaim ogahetta, ettha nam chattari amtaradiva pannatta, tam jaha–asakannadive, hatthikannadive, akannadive, kannapauranadive. Tesu nam divesu chauvviha manussa parivasamti, tam jaha–asakanna, hatthikanna, akanna, kannapaurana. Tesi nam divanam chausu vidisasu lavanasamuddam atthattha joyanasayaim ogahetta, ettha nam chattari amtaradiva pannatta, tam jaha–ukkamuhadive, mehamuhadive, vijjumuhadive, vijjudamtadive. Tesu nam divesu chauvviha manussa parivasamti, tam jaha–ukkamuha, mehamuha, vijjumuha, vijjudamta. Tesi nam divanam chausu vidisasu lavanasamuddam nava-nava joyanasayaim ogahetta, ettha nam chattari amtaradiva pannatta, tam jaha–ghanadamtadive, latthadamtadive, gudhadamtadive, suddhadamtadive. Tesu nam divesu chauvviha manussa parivasamti, tam jaha–ghanadamta, latthadamta, gudhadamta, suddhadamta. Jambuddive dive mamdarassa pavvayassa uttare nam siharissa vasaharapavvayassa chausu vidisasu lavanasamuddam tinni-tinni joyanasayaim ogahetta, ettha nam chattari amtaradiva pannatta, tam jaha–eguruyadive, sesam taheva niravasesam bhaniyavvam java suddhadamta.
Sutra Meaning Transliteration : Juo sutra 323