Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102321
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-४

 Translated Chapter :

સ્થાન-૪
Section : उद्देशक-२ Translated Section : ઉદ્દેશક-૨
Sutra Number : 321 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जंबुद्दीवे दीवे देवकुरुउत्तरकुरुवज्जाओ चत्तारि अकम्मभूमीओ पन्नत्ताओ, तं जहा–हेमवते, हेरण्णवते, हरिवरिसे, रम्मगवरिसे। चत्तारि वट्टवेयड्ढपव्वता पन्नत्ता, तं जहा–सद्दावाती, वियडावाती, गंधावाती, मालवंतपरिताते। तत्थ णं चत्तारि देवा महिड्ढिया जाव पलिओवमट्ठितीया परिवसंति, तं जहा– साती, पभासे, अरुणे, पउमे। जंबुद्दीवे दीवे महाविदेहे वासे चउव्विहे पन्नत्ते, तं जहा–पुव्वविदेहे, अवरविदेहे, देवकुरा, उत्तरकुरा। सव्वे वि णं निसढनीलवंतवासहरपव्वता चत्तारि जोयणसयाइं उड्ढं उच्चत्तेणं, चत्तारि गाउसयाइं उव्वेहेणं पन्नत्ता। जंबुद्दीवे दीवे मंदरस्स पव्वयस्स पुरत्थिमे णं सीताए महानदीए उत्तरकूले चत्तारि वक्खारपव्वया पन्नत्ता, तं जहा–चित्तकूडे, पम्हकूडे, नलिनकूडे, एगसेले। जंबुद्दीवे दीवे मंदरस्स पव्वयस्स पुरत्थिमे णं सीताए महानदीए दाहिणकूले चत्तारि वक्खारपव्वया पन्नत्ता, तं जहा– तिकूडे, वेसमणकूडे, अंजणे, मातंजणे। जंबुद्दीवे दीवे मंदरस्स पव्वयस्स पच्चत्थिमे णं सीओदाए महानदीए दाहिणकूले चत्तारि वक्खार-पव्वया पन्नत्ता, तं जहा–अंकावती, पम्हावती, आसीविसे, सुहावहे। जंबुद्दीवे दीवे मंदरस्स पव्वयस्स पच्चत्थिमे णं सीओदाए महानदीए उत्तरकूले चत्तारि वक्खारपव्वया पन्नत्ता, तं जहा–चंदपव्वते, सूरपव्वते, देवपव्वते, णागपव्वते। जंबुद्दीवे दीवे मंदरस्स पव्वयस्स चउसु विदिसासु चत्तारि वक्खारपव्वया पन्नत्ता, तं जहा–सोमणसे, विज्जुप्पभे, गंधमायणे, मालवंते। जंबुद्दीवे दीवे महाविदेहे वासे जहन्नपए चत्तारि अरहंता चत्तारि चक्कवट्टी चत्तारि बलदेवा चत्तारि वासुदेवा उप्पज्जिंसु वा उप्पज्जंति वा उप्पज्जिस्संति वा। जंबुद्दीवे दीवे मंदरे पव्वते चत्तारि वना पन्नत्ता, तं जहा–भद्दसालवने, नंदनवने, सोमणसवने, पंडगवने। जंबुद्दीवे दीवे मंदरे पव्वते पंडगवने चत्तारि अभिसेगसिलाओ पन्नत्ताओ, तं जहा–पंडुकंबलसिला, अइपंडुकंबलसिला, रत्तकंबलसिला, अतिरत्तकंबलसिला। मंदरचूलिया णं उवरिं चत्तारि जोयणाइं विक्खंभेणं पन्नत्ता। एवं–धायइसंडदीवपुरत्थिमद्धेवि कालं आदिं करेत्ता जाव मंदरचूलियत्ति। एवं जाव पुक्खरवर-दीवपच्चत्थिमद्धे जाव मंदरचूलियत्ति।
Sutra Meaning : જુઓ સૂત્ર ૩૧૯
Mool Sutra Transliteration : [sutra] jambuddive dive devakuruuttarakuruvajjao chattari akammabhumio pannattao, tam jaha–hemavate, herannavate, harivarise, rammagavarise. Chattari vattaveyaddhapavvata pannatta, tam jaha–saddavati, viyadavati, gamdhavati, malavamtaparitate. Tattha nam chattari deva mahiddhiya java paliovamatthitiya parivasamti, tam jaha– sati, pabhase, arune, paume. Jambuddive dive mahavidehe vase chauvvihe pannatte, tam jaha–puvvavidehe, avaravidehe, devakura, uttarakura. Savve vi nam nisadhanilavamtavasaharapavvata chattari joyanasayaim uddham uchchattenam, chattari gausayaim uvvehenam pannatta. Jambuddive dive mamdarassa pavvayassa puratthime nam sitae mahanadie uttarakule chattari vakkharapavvaya pannatta, tam jaha–chittakude, pamhakude, nalinakude, egasele. Jambuddive dive mamdarassa pavvayassa puratthime nam sitae mahanadie dahinakule chattari vakkharapavvaya pannatta, tam jaha– tikude, vesamanakude, amjane, matamjane. Jambuddive dive mamdarassa pavvayassa pachchatthime nam siodae mahanadie dahinakule chattari vakkhara-pavvaya pannatta, tam jaha–amkavati, pamhavati, asivise, suhavahe. Jambuddive dive mamdarassa pavvayassa pachchatthime nam siodae mahanadie uttarakule chattari vakkharapavvaya pannatta, tam jaha–chamdapavvate, surapavvate, devapavvate, nagapavvate. Jambuddive dive mamdarassa pavvayassa chausu vidisasu chattari vakkharapavvaya pannatta, tam jaha–somanase, vijjuppabhe, gamdhamayane, malavamte. Jambuddive dive mahavidehe vase jahannapae chattari arahamta chattari chakkavatti chattari baladeva chattari vasudeva uppajjimsu va uppajjamti va uppajjissamti va. Jambuddive dive mamdare pavvate chattari vana pannatta, tam jaha–bhaddasalavane, namdanavane, somanasavane, pamdagavane. Jambuddive dive mamdare pavvate pamdagavane chattari abhisegasilao pannattao, tam jaha–pamdukambalasila, aipamdukambalasila, rattakambalasila, atirattakambalasila. Mamdarachuliya nam uvarim chattari joyanaim vikkhambhenam pannatta. Evam–dhayaisamdadivapuratthimaddhevi kalam adim karetta java mamdarachuliyatti. Evam java pukkharavara-divapachchatthimaddhe java mamdarachuliyatti.
Sutra Meaning Transliteration : Juo sutra 319