Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102295
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-४

 Translated Chapter :

સ્થાન-૪
Section : उद्देशक-२ Translated Section : ઉદ્દેશક-૨
Sutra Number : 295 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] चत्तारि उसभा पन्नत्ता, तं जहा–जातिसंपन्ने, कुलसंपन्ने, बलसंपन्ने, रूवसंपन्ने। एवामेव चत्तारि पुरिसजाया पन्नत्ता, तं जहा–जातिसंपन्ने, कुलसंपन्ने, बलसंपन्ने, रूवसंपन्ने। चत्तारि उसभा पन्नत्ता, तं जहा–जातिसंपन्ने नामं एगे नो कुलसंपन्ने, कुलसंपन्ने नाम एगे नो जातिसंपन्ने एगे जातिसंपन्नेवि कुलसंपन्नेवि, एगे नो जातिसंपन्ने नो कुलसंपन्ने। एवामेव चत्तारि पुरिसजाया पन्नत्ता, तं जहा–जातिसंपन्ने नाममेगे नो कुलसंपन्ने, कुलसंपन्ने नाममेगे नो जातिसंपन्ने, एगे जातिसंपन्नेवि कुलसंपन्नेवि, एगे नो जातिसंपन्ने नो कुलसंपन्ने। चत्तारि उसभा पन्नत्ता, तं जहा–जातिसंपन्ने नामं एगे नो बलसंपन्ने, बलसंपन्ने नामं एगे नो जातिसंपन्ने, एगे जातिसंपन्नेवि बलसंपन्नेवि, एगे नो जातिसंपन्ने नो बलसंपन्ने। एवामेव चत्तारि पुरिसजाया पन्नत्ता, तं जहा–जातिसंपन्ने नामं एगे नो बलसंपन्ने, बलसंपन्ने नामं एगे नो जातिसंपन्ने, एगे जातिसंपन्नेवि बलसंपन्नेवि, एगे नो जातिसंपन्ने नो बलसंपन्ने। चत्तारि उसभा पन्नत्ता, तं जहा–जातिसंपन्ने नामं एगे नो रूवसंपन्ने, रूवसंपन्ने नामं एगे नो जातिसंपन्ने, एगे जातिसंपन्नेवि रूवसंपन्नेवि, एगे नो जातिसंपन्ने नो रूवसंपन्ने। एवामेव चत्तारि पुरिसजाया पन्नत्ता, तं जहा–जातिसंपन्ने नामं एगे नो रूवसंपन्ने, रूवसंपन्ने नामं एगे नो जातिसंपन्ने, एगे जातिसंपन्नेवि रूवसंपन्नेवि, एगे नो जातिसंपन्ने नो रूवसंपन्ने। चत्तारि उसभा पन्नत्ता, तं जहा–कुलसंपन्ने नामं एगे नो बलसंपन्ने, बलसंपन्ने नामं एगे नो कुलसंपन्ने, एगे कुलसंपन्नेवि बलसंपन्नेवि, एगे नो कुलसंपन्ने नो बलसंपन्ने। एवामेव चत्तारि पुरिसजाया पन्नत्ता, तं जहा–कुलसंपन्ने नामं एगे नो बलसंपन्ने, बलसंपन्ने नामं एगे नो कुलसंपन्ने, एगे कुलसंपन्नेवि बलसंपन्नेवि, एगे नो कुलसंपन्ने नो बलसंपन्ने। चत्तारि उसभा पन्नत्ता, तं जहा–कुलसंपन्ने नामं एगे नो रूवसंपन्ने, रूवसंपन्ने नामं एगे नो कुलसंपन्ने, एगे कुलसंपन्नेवि रूवसंपन्नेवि, एगे नो कुलसंपन्ने नो रूवसंपन्ने। एवामेव चत्तारि पुरिसजाया पन्नत्ता, तं जहा–कुलसंपन्ने नामं एगे नो रूवसंपन्ने, रूवसंपन्ने नामं एगे नो कुलसंपन्ने, एगे कुलसंपन्नेवि रूवसंपन्नेवि, एगे नो कुलसंपन्ने नो रूवसंपन्ने। चत्तारि उसभा पन्नत्ता, तं जहा–बलसंपन्ने नामं एगे नो रूवसंपन्ने, रूवसंपन्ने नामं एगे नो बलसंपन्ने, एगे बलसंपन्नेवि रूवसंपन्नेवि, एगे नो बलसंपन्ने नो रूवसंपन्ने। एवामेव चत्तारि पुरिसजाया पन्नत्ता, तं जहा–बलसंपन्ने नामं एगे नो रूवसंपन्ने, रूवसंपन्ने नामं एगे नो बलसंपन्ने, एगे बलसंपन्नेवि रूवसंपन्नेवि, एगे नो बलसंपन्ने नो रूवसंपन्ने। चत्तारि हत्थी पन्नत्ता, तं जहा–भद्दे, मंदे, मिए, संकिण्णे। एवामेव चत्तारि पुरिसजाया पन्नत्ता, तं जहा–भद्दे, मंदे, मिए, संकिण्णे। चत्तारि हत्थी पन्नत्ता, तं जहा–भद्दे नाममेगे भद्दमने, भद्दे नाममेगे मंदमने, भद्दे नाममेगे मियमने, भद्दे नाममेगे संकिण्णमने। एवामेव चत्तारि पुरिसजाया पन्नत्ता, तं जहा–भद्दे नाममेगे भद्दमने, भद्दे नाममेगे मंदमने, भद्दे नाममेगे मियमने, भद्दे नाममेगे संकिण्णमने। चत्तारि हत्थी पन्नत्ता, तं जहा–मंदे नाममेगे भद्दमने, मंदे नाममेगे मंदमने, मंदे नाममेगे मियमने, मंदे नाम-मेगे संकिण्णमने। एवामेव चत्तारि पुरिसजाया पन्नत्ता, तं जहा–मंदे नाममेगे भद्दमने, मंदे नाममेगे मंदमने, मंदे नाममेगे मियमने, मंदे नाममेगे संकिण्णमने। चत्तारि हत्थी पन्नत्ता, तं जहा–मिए नाममेगे भद्दमने, मिए नाममेगे मंदमने, मिए नाममेगे मियमने, मिए नाममेगे संकिण्णमने। एवामेव चत्तारि पुरिसजाया पन्नत्ता, तं जहा–मिए नाममेगे भद्दमने, मिए नाममेगे मंदमने, मिए नाममेगे मियमने, मिए नाममेगे संकिण्णमने। चत्तारि हत्थी पन्नत्ता, तं जहा–संकिण्णे नाममेगे भद्दमने, संकिण्णे नाममेगे मंदमने, संकिण्णे नाममेगे मियमने, संकिण्णे नाममेगे संकिण्णमने। एवामेव चत्तारि पुरिसजाया पन्नत्ता, तं जहा–संकिण्णे नाममेगे भद्दमने, संकिण्णे नाममेगे मंदमने, संकिण्णे नाममेगे मियमने, संकिण्णे नाममेगे संकिण्णमने।
Sutra Meaning : જુઓ સૂત્ર ૨૯૪
Mool Sutra Transliteration : [sutra] chattari usabha pannatta, tam jaha–jatisampanne, kulasampanne, balasampanne, ruvasampanne. Evameva chattari purisajaya pannatta, tam jaha–jatisampanne, kulasampanne, balasampanne, ruvasampanne. Chattari usabha pannatta, tam jaha–jatisampanne namam ege no kulasampanne, kulasampanne nama ege no jatisampanne ege jatisampannevi kulasampannevi, ege no jatisampanne no kulasampanne. Evameva chattari purisajaya pannatta, tam jaha–jatisampanne namamege no kulasampanne, kulasampanne namamege no jatisampanne, ege jatisampannevi kulasampannevi, ege no jatisampanne no kulasampanne. Chattari usabha pannatta, tam jaha–jatisampanne namam ege no balasampanne, balasampanne namam ege no jatisampanne, ege jatisampannevi balasampannevi, ege no jatisampanne no balasampanne. Evameva chattari purisajaya pannatta, tam jaha–jatisampanne namam ege no balasampanne, balasampanne namam ege no jatisampanne, ege jatisampannevi balasampannevi, ege no jatisampanne no balasampanne. Chattari usabha pannatta, tam jaha–jatisampanne namam ege no ruvasampanne, ruvasampanne namam ege no jatisampanne, ege jatisampannevi ruvasampannevi, ege no jatisampanne no ruvasampanne. Evameva chattari purisajaya pannatta, tam jaha–jatisampanne namam ege no ruvasampanne, ruvasampanne namam ege no jatisampanne, ege jatisampannevi ruvasampannevi, ege no jatisampanne no ruvasampanne. Chattari usabha pannatta, tam jaha–kulasampanne namam ege no balasampanne, balasampanne namam ege no kulasampanne, ege kulasampannevi balasampannevi, ege no kulasampanne no balasampanne. Evameva chattari purisajaya pannatta, tam jaha–kulasampanne namam ege no balasampanne, balasampanne namam ege no kulasampanne, ege kulasampannevi balasampannevi, ege no kulasampanne no balasampanne. Chattari usabha pannatta, tam jaha–kulasampanne namam ege no ruvasampanne, ruvasampanne namam ege no kulasampanne, ege kulasampannevi ruvasampannevi, ege no kulasampanne no ruvasampanne. Evameva chattari purisajaya pannatta, tam jaha–kulasampanne namam ege no ruvasampanne, ruvasampanne namam ege no kulasampanne, ege kulasampannevi ruvasampannevi, ege no kulasampanne no ruvasampanne. Chattari usabha pannatta, tam jaha–balasampanne namam ege no ruvasampanne, ruvasampanne namam ege no balasampanne, ege balasampannevi ruvasampannevi, ege no balasampanne no ruvasampanne. Evameva chattari purisajaya pannatta, tam jaha–balasampanne namam ege no ruvasampanne, ruvasampanne namam ege no balasampanne, ege balasampannevi ruvasampannevi, ege no balasampanne no ruvasampanne. Chattari hatthi pannatta, tam jaha–bhadde, mamde, mie, samkinne. Evameva chattari purisajaya pannatta, tam jaha–bhadde, mamde, mie, samkinne. Chattari hatthi pannatta, tam jaha–bhadde namamege bhaddamane, bhadde namamege mamdamane, bhadde namamege miyamane, bhadde namamege samkinnamane. Evameva chattari purisajaya pannatta, tam jaha–bhadde namamege bhaddamane, bhadde namamege mamdamane, bhadde namamege miyamane, bhadde namamege samkinnamane. Chattari hatthi pannatta, tam jaha–mamde namamege bhaddamane, mamde namamege mamdamane, mamde namamege miyamane, mamde nama-mege samkinnamane. Evameva chattari purisajaya pannatta, tam jaha–mamde namamege bhaddamane, mamde namamege mamdamane, mamde namamege miyamane, mamde namamege samkinnamane. Chattari hatthi pannatta, tam jaha–mie namamege bhaddamane, mie namamege mamdamane, mie namamege miyamane, mie namamege samkinnamane. Evameva chattari purisajaya pannatta, tam jaha–mie namamege bhaddamane, mie namamege mamdamane, mie namamege miyamane, mie namamege samkinnamane. Chattari hatthi pannatta, tam jaha–samkinne namamege bhaddamane, samkinne namamege mamdamane, samkinne namamege miyamane, samkinne namamege samkinnamane. Evameva chattari purisajaya pannatta, tam jaha–samkinne namamege bhaddamane, samkinne namamege mamdamane, samkinne namamege miyamane, samkinne namamege samkinnamane.
Sutra Meaning Transliteration : Juo sutra 294