Sutra Navigation: Jivajivabhigam ( जीवाभिगम उपांग सूत्र )

Search Details

Mool File Details

Anuvad File Details

Sr No : 1005985
Scripture Name( English ): Jivajivabhigam Translated Scripture Name : जीवाभिगम उपांग सूत्र
Mool Language : Ardha-Magadhi Translated Language : Hindi
Chapter :

चतुर्विध जीव प्रतिपत्ति

 Translated Chapter :

चतुर्विध जीव प्रतिपत्ति
Section : जंबुद्वीप वर्णन Translated Section : जंबुद्वीप वर्णन
Sutra Number : 185 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से केणट्ठेणं भंते! एवं वुच्चति–जंबुद्दीवे दीवे? गोयमा! जंबुद्दीवे दीवे मंदरस्स पव्वयस्स उत्तरेणं नीलवंतस्स दाहिणेणं मालवंतस्स वक्खारपव्वयस्स पच्चत्थिमेणं गंधमायणस्स वक्खारपव्वयस्स पुरत्थिमेणं, एत्थ णं उत्तरकुरा नाम कुरा पन्नत्ता–पाईणपडिणायता उदीणदाहिणवित्थिण्णा अद्ध-चंदसंठाणसंठिता एक्कारस जोयणसहस्साइं अट्ठ य बायाले जोयणसते दोन्नि य एक्कोनवीसतिभागे जोयणस्स विक्खंभेणं। तीसे जीवा उत्तरेणं पाईणपडिणायता दुहओ वक्खारपव्वयं पुट्ठा, पुरत्थि-मिल्लाए कोडीए पुरत्थिमिल्लं वक्खारपव्वतं पुट्ठा, पच्चत्थिमिल्लाए कोडीए पच्चत्थिमिल्लं वक्खारपव्वयं पुट्ठा, तेवण्णं जोयणसहस्साइं आयामेणं, तीसे धणुपट्ठं दाहिणेणं सट्ठिं जोयणसहस्साइं चत्तारि य अट्ठारसुत्तरे जोयणसते दुवालस य एकूणवीसतिभाए जोयणस्स परिक्खेवेणं पन्नत्ता। उत्तरकुराए णं भंते! कुराए केरिसए आगारभावपडीयारे पन्नत्ते? गोयमा! से जहानामए आलिंगपुक्खरेइ वा जाव तणाणं मणीण य वण्णो गंधो फासो सद्दो य भाणितव्वो। उत्तरकुराए णं कुराए तत्थतत्थ देसे तहिंतहिं बहुईओ खुड्डाखुड्डीयाओ वावीओ जाव बिल-पंतियाओ, तिसोवानपडिरूवगा, तोरणा, पव्वयगा, पव्वयगेसु आसनाइं, घरगा, घरएसु आसनाइं, मंडवगा, मंडवएसु पुढविसिलापट्टगा। तत्थ णं बहवे उत्तरकुरा मनुस्सा मनुस्सीओ य आसयंति सयंति चिट्ठंति निसीयंति तुयट्टंति रमंति ललंति कीलंति मोहंति पुरा पोराणाणं सुचिण्णाणं सुपरक्कंताणं सुभाणं कडाणं कम्माणं कल्लाणाणं कल्लाणं फलवित्तिविसेसं पच्चणुभवमाणा विहरंति। उत्तरकुराए णं कुराए तत्थतत्थ देसे तहिंतहिं बहवे सेरियागुम्मा नोमालियागुम्मा कोरंटयगुम्मा बंधुजीवगुम्मा मणोज्जगुम्मा बीयगुम्मा बाणगुम्मा कणइरगुम्मा कुज्जायगुम्मा सिंदुवारगुम्मा जाति-गुम्मा मोग्गरगुम्मा जूहियागुम्मा मल्लियागुम्मा वासंतियागुम्मा बत्थुलगुम्मा कत्थुलगुम्मा सेवालगुम्मा अगत्थिगुम्मा मगदंतियागुम्मा चंपकगुम्मा जातिगुम्मा नवनीइयागुम्मा कुंदगुम्मा महाजाइगुम्मा। ते णं गुम्मा दसद्धवण्णं कुसुमं कुसुमंति जेण कुराए बहुसमरमणिज्जे भूमिभागे वायविहुयग्गसालेहिं मुक्कपुप्फपुंजोवयारकलिए सिरीए अईव उवसोभेमाणे चिट्ठइ। उत्तरकुराए णं कुराए तत्थतत्थ देसे तहिंतहिं बहवे रुक्खा हेरुयालवणा भेरुयालवणा मेरुयालवणा सालवणा सरलवणा सत्तवण्णवणा पूयफलिवणा खज्जूरिवणा नालिएरिवणा कुस विकुस विसुद्धरुक्खमूला मूलमंतो कंदमंतो जाव अनेगसगड रह जाण जुग्ग गिल्लि थिल्लि सीय संदमाणियपडिमोयणा सुरम्मा पासादीया दरिसणिज्जा अभिरूवा पडिरूवा, पत्तेहि य पुप्फेहि य अच्छण्णपडिच्छण्णा सिरीए अतीवअतीव उवसोभेमाणा-उवसोभेमाणा चिट्ठंति। उत्तरकुराए णं कुराए तत्थतत्थ देसे तहिंतहिं बहवे उद्दालका कोद्दालका मोद्दालका कतमाला नट्टमाला वट्टमाला दंतमाला सिंगमाला संखमाला सेयमाला नाम दुमगणा पन्नत्ता समणाउसो! कुस विकुस विसुद्धरुक्खमूला जाव चिट्ठंति। उत्तरकुराए णं कुराए तत्थतत्थ देसे तहिंतहिं बहवे तिलया लउया छत्तोवा सिरीसा सत्तिवण्णा लोद्धा धवा चंदना अज्जुना नीवा कुडया कदंवा फणसा साला तमाला पियाला पियंगू पारेवया रायरुक्खा नंदिरुक्खा कुस विकुस विसुद्धरुक्खमूला जाव चिट्ठंति। उत्तरकुराए णं कुराए तत्थतत्थ देसे तहिंतहिं बहूओ पउमलयाओ नागलयाओ असोग-लयाओ चंपगलयाओ चूयलयाओ वणलयाओ वासंतिकलयाओ अइमुत्तकलयाओ कुंदलयाओ सामलयाओ निच्चं कुसुमियाओ जाव वडिंसयधराओ पासा दीयाओ दरिसणिज्जाओ अभिरूवाओ पडिरूवाओ। उत्तरकुराए णं कुराए तत्थतत्थ देसे तहिंतहिं बहूओ वणराईओ पन्नत्ताओ। ताओ णं वणराईओ किण्हाओ किण्होभासाओ जाव अनेगसगड रह जाण जुग्ग गिल्लि थिल्लि सीय संदमाणियपडिमोयणाओ सुरम्माओ पासाईयाओ दरिसणिज्जाओ अभिरूवाओ पडिरूवाओ। उत्तरकुराए णं कुराए तत्थतत्थ देसे तहिंतहिं बहवे मत्तंगया नाम दुमगणा पन्नत्ता समणाउसो! जहा मे चंदप्पभमणिसिलागवरसीधुवरवारूणिसुजातपत्तपुप्फफलचोयणिज्जाससारबहुदव्वजुत्त-संभारकालसंधियासवा महुमेरगरिट्ठाभदुद्धजातिपसन्नतेल्लगसताउखज्जूरमुद्दियासार काविसायण सुपक्कखोयरसवरसुरा वण्णरसगंध फरिसजुत्त बलवीरियपरिणामा मज्जविही बहुप्पगारा तहेव ते मत्तंगयावि दुमगणा अनेगबहुविविहवीससापरिणयाए मज्जविहीए उववेया फलेहिं पुण्णा वीसंदंति कुसविकुस विसुद्ध रुक्खमूला जाव चिट्ठंति॥१॥ उत्तरकुराए णं कुराए तत्थतत्थ देसे तहिंतहिं बहवे भिंगंगया नाम दुमगणा पन्नत्ता समणाउसो! जहा से करग घडग कलस कक्करि पायंचणि उदंक वद्धणि सुपइट्ठग विट्ठर पारी चसग भिंगार करोडि सरग परग पत्ती थाल मल्लग चवलिय दगवारक विचित्तवट्टक मणिवट्टक सुत्तिचारु-पिणया कंचन मणि रयणभत्तिचित्ता भाजनविधी बहुप्पगारा तहेव ते भिंगंगयावि दुमगणा अनेगबहु-विविहवीससापरिणताए भाजणविधीए उववेया कुस विकुस विसुद्धरुक्खमूला जाव चिट्ठंति॥२॥ उत्तरकुराए णं कुराए तत्थतत्थ देसे तहिंतहिं बहवे तुडियंगा नाम दुमगणा पन्नत्ता–समणाउसो! जहा से आलिंग मुइंग पनव पडह दद्दरग करडि डिंडिम भंभा होरंभ कणिय खरमुहि मगुंद संखिय पिरली वच्चग परिवाइणि वंस वेणु सुघोस विपंचि महति कच्छभि रगसिगा तल ताल कंसताल सुसंपउत्ता आतोज्जविधी बहुप्पगारा निउण गंधव्वसमयकुसलेहिं फंदिया तिट्ठाणसुद्धा तहेव ते तुडियंगयावि दुमगणा अनेगबहुविविधवीससापरिणयाए तत वितत घण झुसिराए चउव्विहाए आतोज्जविहीए उववेया कुस विकुस विसुद्धरुक्खमूला जाव चिट्ठंति॥३॥ उत्तरकुराए णं कुराए तत्थतत्थ देसे तहिंतहिं बहवे दीवसिहा नाम दुमगणा पन्नत्ता समणाउसो! जहा से संझाविरागसमए नवनिहिपतिणो दीविया चक्कवालविंदे पभूयवट्टिपलित्तनेहे धणिउज्जालिए तिमिरमद्दए कनगणिगरण कुसुमितपारिजातकवणप्पगासे कंचनमणिरयण विमल-महरिहविचित्तदंडाहि दीवियाहिं सहसापज्जालिउस्सप्पियणिद्ध तेय दिप्पंतविमलगहगणसमप्पहाहिं वितिमिरकरसूर पसरिउज्जोय चिल्लियाहिं जालुज्जल पहसियाभिरामाहिं सोभेमाणा तहेव ते दीवसिहावि दुमगणा अनेगबहुविविहवीससापरिणयाए उज्जोयविधीए उववेया कुस विकुस विसुद्धरुक्खमूला जाव चिट्ठंति॥४॥ उत्तरकुराए णं कुराए तत्थतत्थ देसे तहिंतहिं बहवे जोतिसिया नाम दुमगणा पन्नत्ता समणाउसो! जहा से अचिरुग्गयसरयसूरमंडलपडंतउक्कासहस्सदिप्पंतविज्जुउज्जलहुयवह-निद्धूमजलियनिद्धंतधोयतत्ततवणिज्जकिंसुयासोयजासुयणकुसुमविमउलिय पुंजमनिरयणकिरण-जच्चहिंगुलुयणिगररूवाइरेगरूवा तहेव ते जोतिसियावि दुमगणा अनेगबहुविविहवीससापरिणयाए उज्जोयविहीए उववेया कुस विकुस विसुद्धरुक्खमूला जाव चिट्ठंति॥५॥ उत्तरकुराए णं कुराए तत्थतत्थ देसे तहिंतहिं बहवे चित्तंगा णाम दुमगणा पन्नत्ता समणाउसो! जहा से पेच्छाघरे विचित्ते रम्मे वरकुसुमदाममालुज्जले भासंतमुक्कपुप्फपुंजोवयारकलिए विरल्लियविचित्तमल्लसिरिसमुदयप्पगब्भे गंथिमवेढिमपूरिमसंघाइमेणं मल्लेणं छेयसिप्पियविभाग-रइएण सव्वतो चेव समनुबद्धे पविरल लंबंत विप्पइट्ठेहिं पंचवण्णेहिं कुसुमदामेहिं सोभमाणे वणमालकतग्गए चेव दिप्पमाणे तहेव ते चित्तंगयावि दुमगणा अनेगबहुविविहवीससापरिणयाए मल्लविहीए उववेया कुस विकुस विसुद्धरुक्खमूला जाव चिट्ठंति॥६॥ उत्तरकुराए णं कुराए तत्थतत्थ देसे तहिंतहिं बहवे चित्तरसा णाम दुमगणा पन्नत्ता समणाउसो! जहा से सुगंधवरकलमसालितंदुल विसिट्ठणिरुवहतदुद्धरद्धे सारयघय गुड खंड महुमेलिए अतिरसे परमण्णे होज्ज उत्तमवण्णगंधमंते, रन्नो जहा वा चक्कवट्टिस्स होज्ज निउणेहिं सूयपुरिसेहिं सज्जिए चउरकप्पसेयसित्ते इव ओदणे कलमसालिणिव्वत्तिए विपक्के सबप्फमिउ विसय सगलसित्थे अनेगसालणगसंजुत्ते अहवा पडिपुण्णदव्वुवक्खडे सुसक्कए वण्णगंधरसफरिस-जुत्तबलविरियपरिणामे इंदियबलपुट्ठिबद्धणे खुप्पिवासमहणे पहाणगुलकढियखंडमच्छंडिघ ओवणीएव्व मोयगे सण्हसमियगब्भे पन्नत्ते तहेव ते चित्तरसावि दुमगणा अनेगबहुविविहवीससा-परिणयाए भोजणविहीए उववेया कुस विकुस विसुद्धरुक्खमूला जाव चिट्ठंति॥७॥ उत्तरकुराए णं कुराए तत्थतत्थ देसे तहिंतहिं बहवे मणियंगा नाम दुमगणा पन्नत्ता समणाउसो! जहा से हारद्धहारवेढणगमउडकुंडल-वामुत्तग-हेमजालमणिजालकनगजालगसुत्तग-ओवियकडगखुड्डिय-एगावलिकंठसुत्तमगरिग-उरत्थगेवेज्ज-सोणिसुत्तग चूलामणि कनगतिलग फुल्लग सिद्धत्थय कण्णवालि ससि सूर उसभ चक्कग तलभंगय तुडिय हत्थ मालग हरिसय केयूर वलय पालंद अंगुलेज्जग बलक्ख दीनारमालिया कंची मेहला कलाव पयरग पारिहेरग घंटिया खिंखिणि रयणोरुजाल वरनेउर चलणमालिया कनगनिगलमालिया कंचनमणिरयणभत्तिचित्ता भूसणविधी बहुप्पगारा, तहेव ते मणियंगावि दुमगणा अनेगबहुविविहवीससापरिणताए भूसणविहीए उववेया कुस विकुस विसुद्धरुक्खमूला जाव चिट्ठंति॥८॥ उत्तरकुराए णं कुराए तत्थतत्थ देसे तहिंतहिं बहवे गेहागारा नाम दुमगणा पन्नत्ता–समणाउसो! जहा से पागारट्टालग चरिय दार गोपुर पासायाकासतल मंडव एगसालग बिसालग तिसालग चउसालग गब्भघर मोहनघर बलभिघर चित्त सालमालय भत्तिघर वट्टतंसचउरंस-नंदियावत्तसंठिया पंडुरतलमुंडमालहम्मियं अहव णं धवलहर अद्धमागहविब्भम सेलद्धसेलसुट्ठिय कूडागारड्ढ सुविहिकोट्ठग अनेगघर सरण लेण आवणा विडंग जालवंद निज्जूह अपवरक चंदसालिय रूवविभत्तिकलिता भवनविही बहूविकप्पा तहेव ते गेहागारावि दुमगणा अनेगबहुविविधवीससा-परिणयाए सुहारुहणसुहोत्ताराए सुहनिक्खमणप्पवेसाए दद्दरसोपाणपंतिकलिताए पइरिक्कसुह-विहाराए मनोनुकूलाए भवनविहीए उववेया कुस विकुस विसुद्धरुक्खमूला जाव चिट्ठंति॥९॥ उत्तरकुराए णं कुराए तत्थतत्थ देसे तहिंतहिं बहवे अणिगणा नामं दुमगणा पन्नत्ता समणाउसो! जहा से आइणग खोम तणुय कंबल दुगुल्ल कोसेज्ज कालमिगपट्ट अंसुय चीणंसुय पट्टा आभरणचित्त सहिणग कल्लाणग भिंगिनील कज्जलबहुवण्ण रत्त पीत सुक्किल सक्कय मिगलोमहेमप्प रल्लग अवरुत्तर सिंधु उसभ दामिल वंग कलिंग नलिणतंतुमयभत्तिचित्ता वत्थविही बहुप्पकारा हवेज्ज वरपट्टणुग्गता वण्णरागकलिता तहेव ते अनिगणावि दुमगणा अनेगबहुविविह-वीससापरिणताए वत्थविधीए उववेया कुस विकुस विसुद्धरुक्खमूला जाव चिट्ठंति॥१॥ उत्तरकुराए णं भंते! कुराए मनुयाणं केरिसए आगारभावपडोयारे पन्नत्ते? गोयमा! ते णं मनुया अतीव सोमचारुरूवा भोगुत्तमगयलक्खणा भोगसस्सिरीया सुजाय सव्वंगसुंदरंगा सुपतिट्ठिय कुम्मचारुचलणा रत्तुप्पलपत्त मउयसुकुमालकोमलतला नग नगर मगर सागर चक्कंकहरंक लक्खणंकियचलणा अनुपुव्वसुसाहतंगुलीया उन्नय तणु तंबनिद्धक्खा संठिय सुसिलिट्ठ गूढगुप्फा एणी कुरुविंद वत्त वट्टाणुपुव्वजंघा समुग्ग निमग्ग गूढजाणू गयससण सुजात सन्निभोरू वरवारणमत्त तुल्लविक्कम विलासितगती पमुइयवरतुरग सीहवरवट्टियकडी वरतुरगसुजातगुज्झदेसा आइण्ण-हयव्व निरुवलेवा साहयसोणंद मुसल दप्पण निगरितवरकनगच्छरुसरिस वरवइरवलित-मज्झा उज्जुय समसंहित सुजात जच्चतणु कसिण णिद्ध आदेज्ज लडह सुकुमाल मउय रमणिज्जरोमराई गंगावत्तय पयाहिणावत्त तरंगभंगुर रविकिरणतरुणबोधिय आकोसायंतपउम गंभीरवियडणाभा झस विहग सुजातपीणकुच्छी झसोदरा सुइकरणा सण्णयपासा संगतपासा सुंदरपासा सुजातपासा मितमाइय पीणरइयपासा अकरंडुयकनगरुयगनिम्मल सुजाय निरुवहय-देहधारी कनगसिला-तलुज्जल पसत्थ समतल उवचिय विच्छिण्ण पिहुलवच्छा सिरिवच्छंकियवच्छा जुगसन्निभ-पीणरतिय-पीवरपउट्ठसंठियसुसिलिट्ठविसिट्ठ-घणथिरसुबद्धसंधी पुरवरफलिहवट्टियभुया भुयगीसर-विपुलभोगआयाणफलिहउच्छूडदीहबाहू रत्ततलोवइतमउय मंसल सुजाय अच्छिद्द-जालपाणी पीवरकोमलवरंगुलीया आतंब तलिण सुचि रुइर निद्धणक्खा... ...चंदपाणिलेहा सूरपाणिलेहा चक्कपाणिलेहा दिसासोवत्थियपाणिलेहा चंद सूर संख चक्क दिसासोवत्थिय पाणिलेहा अनेग-वरलक्खणुत्तम पसत्थ सुविरइयपाणिलेहा वरमहिस वराह सीह सद्दूल उसभ नागवर पडिपुन्न-विउलखंधा चउरंगुलसुप्पमाणकंबुवरसरिसगीवा मंसलसंठिय पसत्थ सद्दूलविपुलहणुया अवट्ठित सुविभत्त चित्तमंसू ओयवियसिलप्पवाल बिंबफल सन्निभाहरोट्ठा पंडुरससिसलग विमलनिम्मलसंख गोखीरफेण कुंद दगरयमुणालिया धवलदंतसेढी अखंडदंता अप्फुडियदंता सुजातदंता अविरलदंता एगदंतसेढिव्व अनेगदंता हुतवहनिद्धंतधोततत्ततवणिज्ज-रत्ततलतालुजीहा गरुलायतउज्जुतुंगणासा कोकासितधवलपत्तलच्छा विप्फालियपुंडरीयनयणा आणामियचावरुइल तणु कसिण निद्धभुया अल्लीण प्पमाणजुत्त सवणा सुसवणा पीण मंसल कवोल देसभागा निव्वण सम लट्ठ मट्ठ चंदद्धसमनिडाला उडुवतिपडिपुण्णसोमवइणा घननिचिय-सुबद्धलक्खणुण्णयकूडागारणिभपिंडियसिरा छत्तागारुत्तमंगदेसा दाडिमपुप्फपगास तवणिज्ज-सरिस निम्मल सुजाय केसंतकेसभूमी सामलिबोंडघणणिचियछोडिय मिउविसयपसत्थ-सुहुमलक्खण सुगंधसुंदर भुयमोयगभिंगि नील कज्जल पहट्ठभमरगणणिद्ध निकुरंबनिचिय कुंचिय पयाहिणावत्त मुद्धसिरया लक्खणवंजणगुणोववेया सुजायसुविभत्तसुरूवगा पासाईया दरिसणिज्जा अभिरूवा पडिरूवा। उत्तरकुराए णं भंते! कुराए मनुईणं केरिसए आगारभावपडोयारे पन्नत्ते? गोयमा! ताओ णं मनुईओ सुजायसव्वंगसुंदरीओ पहाणमहेलागुणजुत्ताओ अइकंत विसप्पमाण पउमसूमाल कुम्मसंठित विसिट्ठचलणा उज्जु मउय पीवर पुट्ठ साहयंगुलीओ उन्नय रतिय तलिणतंव सुइ णिद्धणखा रोमरहिय वट्ट लट्ठसंठिय अजहन्नपसत्थलक्खणजंघजुयला सुनिम्मिय सुगूढजाणू मंसलसुबद्धसंधी कयलीखंभातिरेगसंठिय निव्वण सुकुमाल मउय कोमल अविरल सम संहत सुजात वट्ट पीवर निरंतरोरू अट्ठावयवीचिपट्टसंठिय पसत्थ विच्छिण्ण पिहुलसोणी वदनायामप्पमाणदुगुणितविसाल मंसलसुबद्धजहनवरधारणीओ वज्जविराइय पसत्थलक्खण-निरोदरा तिवलिवलिय तणुनमियमज्झिमाओ उज्जुय सम संहित जच्चतणु कसिण निद्ध आदेज्ज लडह सुविभत्त सुजात सोभंत रुइल रमणिज्जरोमराई गंगावत्तय पयाहिणावत्त तरंगभंगुर रविकिरणतरुणबोधिय आकोसायंतपउम गंभीर वियडणाभा अनुब्भड पसत्थ पीनकुच्छी सण्णय-पासा संगयपासा सुंदरपासा सुजायपासा मितमाइयपीणरइयपासा अकरंडुय कनगरुयगनिम्मल सुजाय निरुवहयगातलट्ठी कंचनकलस सुप्पमाण सम संहित सुजात लट्ठचूचुयआमेलग जमलजुगल वट्टिय अब्भुन्नयरतियसंठियपयोधराओ भुजंगअनुपुव्वतणुय गोपुच्छवट्टसम संहिय नमिय आएज्ज ललियवाहा तंबणहा मंसलग्गहत्था पीवरकोमलवरंगुलीआ... ...निद्धपाणिलेहा रवि ससि संख चक्क सोत्थिय विभत्त सुविरइयपाणिलेहा पीणुन्नयकक्ख वक्ख वत्थिप्पदेसा पडिपुण्णगलकवोला चउरंगुलसुप्पमाण कंबुवरसरिसगीवा मंसल संठिय पसत्थहणूया दाडिमपुप्फप्पगासपीवरपवराधरा सुंदरोत्तरोट्ठा दधिदगरयचंदकुंदवासंतिमउलधवल अच्छिद्दविमलदंसणा रत्तुप्पलरत्तमउयसूमालतालुजीहा कणइरमउल अब्भुग्गय उज्जुतुंगनासा सारयनवकमलकुमुदकुवलयविमुक्कदलणिगरसरिस लक्खणअंकियनयना पत्तल चवलायंत तंबलोयणाओ आणामितचावरुइल किण्हब्भराइसंठिय संगत आयय सुजात तनु कसिण निद्धभमुया अल्लीण पमाणजुत्त सवणा पीण मट्ठ रमणिज्जगंडलेहा चउरंस पसत्थ समनिडाला कोमुइरयणिकर विमलपडिपुण्णसोमवयणा छत्तुन्नयउत्तिमंगा कुडिल सुसिणिद्धदीहसिरया छत्त ज्झय जूव थूभ दामिणिकमंडलु कलस वावि सोत्थिय पडाग जव मच्छ कुम्म रहवर मगर सुक थाल अंकुस अट्ठावय सुपइट्ठक मऊर सिरिदामाभिसेय तोरण मेइणि उदधि वरभवन गिरि वरआयंसललियगय उसभ सीह चामर उत्तमपसत्थबत्तीसलक्खणधरीओ हंससरिसगतीओ कोइलमहुरगिरासुस्सराओ कंताओ सव्वस्स अणुमयाओ ववगतवलिपलिया वंग दुव्वण्ण वाही दोभग्गसोगमुक्काओ उच्चत्तेण य नराण थोवूणमूसियाओ सभावसिंगारचारुवेसा संगय गय हसिय भणिय चेट्ठिय विलास संलाव निउणजुत्तो- वयारकुसला। सुंदरथण जहण वयण करचरण णयण लावण्ण वण्ण रूव जोव्वण विलासकलिया नंदनवनचारिणीओव्व अच्छराओ अच्छेरगपेच्छणिज्जा पासाईयाओ दरिसणिज्जाओ अभिरूवाओ पडिरूवाओ। ते णं मनुया ओहस्सरा हंसस्सरा कोंचस्सरा नंदिस्सरा नंदिघोसा सीहस्सरा सीहघोसा मंजुस्सरा मंजुघोसा सुस्सरा सुस्सरनिग्घोसा पउमुप्पलगंधसरिसनीसाससुरभिवयणा छवी णिरातंक उत्तमपसत्थअइसेस निरुवमतणू जल्ल मल्ल कलंक सेय रय दोसवज्जिय सरीर निरुवलेवा छायाउज्जोइयंगमंगा अनुलोमवाउवेगा कंकग्गहणी कवोतपरिणामा सउणिपोस पिट्ठंतरोरुपरिणता विग्गहिय उन्नयकुच्छी वज्जरिसभनारायसंघयणा समचउरंससंठाणसंठिया छघनुसहस्समूसिया। तेसिं मनुयाणं दोछप्पन्नपिट्ठिकरंडगसता पन्नत्ता समणाउसो! ते णं मनुया पगतिभद्दगा पगति उवसंता पगतिपयणुकोहमाणमायालोभा मिउमद्दवसंपन्ना अल्लीणा भद्दगा विणीया अप्पिच्छा असंनिहिसंचया अचंडा विडिमंतरपरिवसणा जहिच्छिय-कामगामिणो य ते मनुयगणा पन्नत्ता समणाउसो! तेसि णं भंते! मनुयाणं केवतिकालस्स आहारट्ठे समुप्पज्जति? गोयमा! अट्ठमभत्तस्स आहारट्ठे समुप्पज्जति। ते णं भंते! मनुया किमाहारमाहारेंति? गोयमा! पुढवीपुप्फफलाहारा ते मनुयगणा पन्नत्ता समणाउसो! तीसे णं भंते! पुढवीए केरिसए आसाए पन्नत्ते? गोयमा! से जहानामए गुलेति वा खंडेति वा सक्कराति वा मच्छंडियाति वा पप्पडमोयएति वा भिसकंदेति वा पुप्फुत्तराइ वा पउमुत्तराइ वा विजयाति वा महाविजयाति वा उवमाति वा अणोवमाति वा चाउरक्के वा गोक्खीरे खंडगुलमच्छंडिउवणीए पयत्तमंदग्गिकढिए वण्णेणं उववेते गंधेणं उववेते रसेणं उववेते फासेणं उववेते भवेयारूवे सिया? नो तिणट्ठे समट्ठे, तीसे णं पुढवीए एत्तो इट्ठतराए चेव कंततराए चेव पियतराए चेव मणुन्नतराए चेव मनामतराए चेव आसाए णं पन्नत्ते। तेसि णं भंते! पुप्फफलाणं केरिसए आसाए पन्नत्ते? गोयमा! से जहानामए रन्नो चाउरंतचक्कवट्टिस्स कल्लाणे भोयणे सतसहस्सनिप्फन्ने वण्णेणं उववेते गंधेणं उववेते रसेणं उववेते फासेणं उववेते आसादणिज्जे वीसादणिज्जे दीवणिज्जे दप्पणिज्जे मयणिज्जे बिंहणिज्जे सव्विंदियगातपल्हायणिज्जे, भवेयारूवे सिया? नो तिणट्ठे समट्ठे, तेसि णं पुप्फफलाणं एत्तो इट्ठतराए चेव जाव मनामतराए चेव आसाए णं पन्नत्ते। ते णं भंते! मनुया तमाहारमाहारित्ता कहिं वसहिं उवेंति? गोयमा! रुक्खगेहालया णं ते मनुयगणा पन्नत्ता समणाउसो! ते णं भंते! रुक्खा किं संठिया पन्नत्ता? गोयमा! अप्पेगा कूडागारसंठिया अप्पेगा पेच्छाघरसंठिया अप्पेगा छत्तसंठिया अप्पेगा झयसंठिया अप्पेगा थूभसंठिया अप्पेगा तोरणसंठिया अप्पेगा गोपुरसंठिया अप्पेगा बेइयसंठिया अप्पेगा चोप्पालसंठिया अप्पेगा अट्टालगसंठिया अप्पेगा बीहिसंठिया अप्पेगा पासायसंठिया अप्पेगा हम्मियतलसंठिया अप्पेगा गवक्खसंठिया अप्पेगा बालग्गपोतियसंठिया अप्पेगा बलभीसंठिया अप्पेगा वरभवनविसिट्ठसंठाणसंठिया सुहसीयलच्छाया णं ते दुमगणा पन्नत्ता समणाउसो! अत्थि णं भंते! उत्तरकुराए कुराए गेहाणि वा गेहाययणाणि वा? नो तिणट्ठे समट्ठे, रुक्खगेहालया णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए गामाति वा नगराति वा जाव सन्निवेसाति वा? नो तिणट्ठे समट्ठे, जहिच्छियकामगामिणो णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए असीति वा मसीति वा किसीति वा विवणीति वा पणीति वा वाणिज्जाति वा? नो तिणट्ठे समट्ठे, ववगयअसिमसिकिसिविवणिपणिवाणिज्जा णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए हिरण्णेति वा सुवण्णेति वा कंसेति वा दूसेति वा मणिमोत्तियसंखसिलप्पवालसंतसारसावएज्जेति वा? हंता अत्थि, नो चेव णं तेसिं मनुयाणं तिव्वे ममत्तभावे समुप्पज्जति। अत्थि णं भंते! उत्तरकुराए कुराए रायाति वा जुवरायाति वा ईसरेति वा तलवरेइ वा कोडुंबिएति वा माडंबिएति वा इब्भेति वा सेट्ठीति वा सेणावतीति वा सत्थवाहेति वा? नो तिणट्ठे समट्ठे, ववगयइड्ढिसक्कारा णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए दासेति वा पेसेति वा सिस्सेति वा भयगेति वा भाइल्लगेति वा कम्मारएति वा? नो तिणट्ठे समट्ठे, ववगतआभिओगिया णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए माताति वा पियाति वा भायाति वा भइणीति वा भज्जाति वा पुत्ताति वा धूयाति वा सुण्हाति वा? हंता अत्थि, नो चेव णं तेसि णं मनुयाणं तिव्वे पेज्जबंधणे समुप्पज्जति, पयणुपेज्जबंधणा णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए अरीति वा वेरीति वा घातकेति वा वहकेति वा पडिणीएति वा पच्चामित्तेति वा? नो तिणट्ठे समट्ठे, ववगतवेराणुबंधा णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए मित्तेति वा वयंसेति वा सहीति वा सुहिएति वा संगतिएति वा? नो तिणट्ठे समट्ठे, ववगतनेहाणुरागा ते मनुयगणा पन्नत्ता समणाउसो! अत्थि णं भंते! उत्तरकुराए कुराए आवाहाति वा वीवाहाति वा जन्नाति वा सद्धाति वा थालिपाकाति वा पितिपिंडनिवेदणाति वा चूलोवणयणाति वा सीमंतोवणयाति वा? नो तिणट्ठे समट्ठे, ववगतआबाहवीवाहजन्नसद्धथालिपागपितिपिंडनिवेदणचूलोवणयणसीमंतोवणयणा णं ते मनुय-गणा पन्नत्ता समणाउसो! अत्थि णं भंते! उत्तरकुराए कुराए इंदमहाति वा खंदमहाति वा रुद्दमहाति वा सिवमहाति वा वेसमणमहाति वा णागमहाति वा जक्खमहाति वा भूतमहाति वा मुगुंदमहाति वा कूवमहाति वा तलागमहाति वा णदिमहाति वा दहमहाति वा पव्वयमहाति वा रुक्खमहाति वा चेइयमहाति वा थूभमहाति वा? नो तिणट्ठे समट्ठे, ववगतमहामहिमा णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए नडपेच्छाति वा नट्टपेच्छाति वा जल्लपेच्छाति वा मल्लपेच्छाति वा मुट्ठियपेच्छाति वा वेलंबगपेच्छाति वा कहगपेच्छाति वा पवगपेच्छाति वा लासग-पेच्छाति वा अक्खाइगपेच्छाति वा लंखपेच्छाति वा मंखपेच्छाति वा तूणइल्लपेच्छाति वा तुंबवीणपेच्छाति वा कावपेच्छाति वा मागहपेच्छाति वा? नो तिणट्ठे समट्ठे, ववगतकोउहल्ला णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए सगडाति वा रहाति वा जाणाति वा जुग्गाति वा गिल्लीति वा थिल्लीति वा सीयाति वा संदमाणियाति वा? नो तिणट्ठे समट्ठे, पादचारविहारिणो णं ते मणयगणा पन्नत्ता समणाउसो! अत्थि णं भंते! उत्तरकुराए कुराए आसाति वा हत्थीति वा उट्टाति वा गोणाति वा महिसाति वा खराति वा घोडाति वा अजाति वा एलाति वा? हंता अत्थि, नो चेव णं तेसिं मनुयाणं परिभोगत्ताए हव्वमागच्छंति। अत्थि णं भंते! उत्तरकुराए कुराए गावीति वा महिसीति वा उट्टीति वा अयाति वा एलिगाति वा? हंता अत्थि, नो चेव णं तेसिं मनुयाणं परिभोगत्ताए हव्वमागच्छंति। अत्थि णं भंते! उत्तरकुराए कुराए सीहाति वा वग्घाति वा विगाति वा दीविगाति वा अच्छाति वा परस्सराति वा सियालाति वा बिडालाति वा सुणगाति वा कोलसुणगाति वा कोकंतियाति वा ससगाति वा चित्तलाति वा चिल्लगाति वा? हंता अत्थि, नो चेव णं ते अन्नमन्नस्स तेसिं वा मनुयाणं किंचि आबाहं वा वाबाहं वा छविच्छेदं वा करेंति, पगतिभद्दगा णं ते सावयगणा पन्नत्ता समणाउसो! अत्थि णं भंते! उत्तरकुराए कुराए सालीति वा वीहीति वा गोधूमाति वा जवाति वा तिलाति वा उक्खूति वा? हंता अत्थि, नो चेव णं तेसिं मनुयाणं परिभोगत्ताए हव्वमागच्छंति। अत्थि णं भंते! उत्तरकुराए कुराए खाणूति वा कंटएति वा हीरएति वा सक्कराति वा तणकयवराति वा पत्तकयवराति वा असुईति वा पूइयाति वा दुब्भिगंधाति वा अचोक्खाति वा? नो तिणट्ठे समट्ठे, ववगयखाणु कंटक हीर सक्कर तणकयवरपत्तकयवर असुई पूइय दुब्भिगंधम-चोक्खपरिवज्जिया णं उत्तरकुरा पन्नत्ता समणाउसो! अत्थि णं भंते! उत्तरकुराए कुराए गड्डाति वा दरीति वा घसीति वा भिगूति वा विसमेति वा धूलीति वा पंकेति वा चलणीति वा? नो तिणट्ठे समट्ठे, उत्तरकुराए णं कुराए बहुसमरमणिज्जे भूमिभागे पन्नत्ते समणाउसो! अत्थि णं भंते! उत्तरकुराए कुराए दंसाति वा मसगाति वा ढिंकुणाति वा जूवाति वा लिक्खाति वा? नो तिणट्ठे समट्ठे, ववगतोवद्दवा णं उत्तरकुरा पन्नत्ता समणाउसो! अत्थि णं भंते! उत्तरकुराए कुराए अहीति वा अयगराति वा महोरगाति वा? हंता अत्थि, नो चेव णं ते अण्ण मण्णस्स तेसिं वा मनुयाणं किंचि आबाहं वा वाबाहं वा छविच्छेयं वा करेंति, पगइभद्दगा णं ते बालगणा पन्नत्ता समणाउसो! अत्थि णं भंते! उत्तरकुराए कुराए गहदंडाति वा गहमुसलाति वा गहगज्जिताति वा गहजुद्धाति वा गहसंघाडगाति वा गहअवसव्वाति वा अब्भाति वा अब्भरुक्खाति वा संझाति वा गंधव्वनगराति वा गज्जिताति वा विज्जुताति वा उक्कापाताति वा दिसादाहाति वा णिग्घाताति वा पंसुविट्ठीति वा जूवगाति वा जक्खालित्ताति वा धूमियाति वा महियाति वा रउग्घाताति वा चंदोवरागाति वा सूरोवरागाति वा चंदपरिवेसाति वा सूरपरिवेसाति वा पडिचंदाति वा पडिसूराति वा इंदधणूति वा उदगमच्छाति वा कविहसियाति वा अमोहाति वा पाईणवायाति वा पडीणवायाति वा जाव सुद्धवाताति वा गामदाहाति वा नगरदाहाति वा जाव सन्निवेसदाहाति वा पाणक्खय भूतक्खय कुलक्खयाति वा? नो तिणट्ठे समट्ठे। अत्थि णं भंते! उत्तरकुराए कुराए डिंबाति वा डमराति वा कलहाति वा बोलाति वा खाराति वा वेराति वा महाजुद्धाति वा महासंगामाति वा महासन्नाहाति वा महापुरिसनिपडणाति वा महासत्थनिपडणाति वा ववगतडिंब डमर कलह बोल खार वेरा णं ते मनुयगणा पन्नत्ता समणाउसो! अत्थि णं भंते! उत्तरकुराए कुराए दुब्भूयाति वा कुलरोगाति वा गामरोगाति वा नगररोगाति वा मंडलरोगाति वा पंडुरोगाति वा पोट्टरोगाति वा सिरोवेदणाति वा अच्छिवेदणाति वा कण्णवेदणाति वा नखवेदणाति वा दंतवेदणाति वा कासाति वा सासाति वा सोसाति वा जराति वा दाहाति वा कच्छूति वा खसराति वा कुट्ठाति वा अरिसाति वा अजीरगाति वा भगंदलाति वा इंदग्गहाति वा खंदग्गहाति वा कुमारग्गहाति वा णागग्गहाति वा जक्खग्गहाति वा भूतग्गहाति वा धनुग्गहाति वा उव्वेगाति वा एगाहियाति वा बेयाहियाति वा तेयाहियाति वा चाउत्थगाहियाति वा हिययसूलाति वा मत्थगसूलाति वा पाससूलाति वा कुच्छिसूलाति वा जोणिसूलाति वा गाममारीति वा जाव सन्निवेसमारीति वा पाणक्खयाति वा जनक्खयाति वा धनक्खयाति वा कुलक्खयाति वा वसणभूतमणारियाति वा? नो तिणट्ठे समट्ठे, ववगतरोगातंका णं ते मनुयगणा पन्नत्ता समणाउसो! तेसि णं भंते! मनुया णं केवतिकालं ठिती पन्नत्ता? गोयमा! जहन्नेणं देसूणाइं तिन्नि पलिओवमाइं पलिओवमस्स असंखेज्जतिभागेणं ऊणगाणि, उक्कोसेणं तिन्नि पलिओवमाइं। ते णं भंते! मनुया कालमासे कालं किच्चा कहिं गच्छंति? कहिं उववज्जंति? गोयमा! ते णं मनुया छम्मासावसेसाउया जुयलगं पसवंति, पसवित्ता एगूणपन्नं राइंदियाइं अनुपालेंति, अनुपालेत्ता कासित्ता छीइत्ता जंभाइत्ता अक्किट्ठा अव्वहित्ता अपरियाविया कालमासे कालं किच्चा देवलोएसु उववज्जंति। देवलोगपरिग्गहिया णं ते मनुयगणा पन्नत्ता समणाउसो! उत्तरकुराए णं भंते! कुराए कतिविधा मनुया अणुसज्जंति? गोयमा! छव्विहा मनुया अनुसज्जंति, तं जहा–पउमगंधा मियगंधा अममा तेतली सहा सणिंचरा।
Sutra Meaning : हे भगवन्‌ ! जम्बूद्वीप, जम्बूद्वीप क्यों कहलाता है ? हे गौतम ! जम्बूद्वीप नामक द्वीप के मेरुपर्वत के उत्तर में, नीलवंत पर्वत के दक्षिणमें, मालवंतवक्षस्कार पर्वत के पश्चिममें एवं गन्धमादन वक्षस्कारपर्वत के पूर्वमें उत्तरकुरा क्षेत्र। वह पूर्व पश्चिम लम्बा और उत्तर – दक्षिण चौड़ा है, अष्टमी के चाँद की तरह अर्ध गोलाकार है। इसका विष्कम्भ ११८४२ – २/१९ योजन है। इसकी जीवा पूर्व – पश्चिम लम्बी है। और दोनों ओर से वक्षस्कार पर्वतों को छूती हैं। वह जीवा ५३००० योजन लम्बी है। इस उत्तरकुरा का धनुपृष्ठ दक्षिण दिशामें ६०४१८ – १२/१९ योजन है हे भगवन्‌ ! उत्तरकुरा का भूमिभाग बहुत सम और रमणीय है। वह आलिंगपुष्कर के मढ़े हुए चमड़े के समान समतल है – इत्यादि एकोरुक द्वीप अनुसार कहना यावत्‌ वे मनुष्य मरकर देवलोक में उत्पन्न होते हैं। अन्तर इतना है कि इनकी ऊंचाई छह हजार धनुष की होती है। दो सौ छप्पन इनकी पसलियाँ होती हैं। तीन दिन के बाद इन्हें आहार की ईच्छा होती है। इनकी जघन्य स्थिति पल्योपम का असंख्यातवाँ भाग कम – देशोन तीन पल्योपम की है और उत्कृष्ट स्थिति तीन पल्योपम की है। ये ४९ दिन तक अपत्य की अनुपालन करते हैं। उत्तरकुरा क्षेत्र में छह प्रकार के मनुष्य पैदा होते हैं, पद्मगंध, मृगगन्ध, अमम, सह, तेयालीस और शनैश्चारी।
Mool Sutra Transliteration : [sutra] se kenatthenam bhamte! Evam vuchchati–jambuddive dive? Goyama! Jambuddive dive mamdarassa pavvayassa uttarenam nilavamtassa dahinenam malavamtassa vakkharapavvayassa pachchatthimenam gamdhamayanassa vakkharapavvayassa puratthimenam, ettha nam uttarakura nama kura pannatta–painapadinayata udinadahinavitthinna addha-chamdasamthanasamthita ekkarasa joyanasahassaim attha ya bayale joyanasate donni ya ekkonavisatibhage joyanassa vikkhambhenam. Tise jiva uttarenam painapadinayata duhao vakkharapavvayam puttha, puratthi-millae kodie puratthimillam vakkharapavvatam puttha, pachchatthimillae kodie pachchatthimillam vakkharapavvayam puttha, tevannam joyanasahassaim ayamenam, tise dhanupattham dahinenam satthim joyanasahassaim chattari ya attharasuttare joyanasate duvalasa ya ekunavisatibhae joyanassa parikkhevenam pannatta. Uttarakurae nam bhamte! Kurae kerisae agarabhavapadiyare pannatte? Goyama! Se jahanamae alimgapukkharei va java tananam manina ya vanno gamdho phaso saddo ya bhanitavvo. Uttarakurae nam kurae tatthatattha dese tahimtahim bahuio khuddakhuddiyao vavio java bila-pamtiyao, tisovanapadiruvaga, torana, pavvayaga, pavvayagesu asanaim, gharaga, gharaesu asanaim, mamdavaga, mamdavaesu pudhavisilapattaga. Tattha nam bahave uttarakura manussa manussio ya asayamti sayamti chitthamti nisiyamti tuyattamti ramamti lalamti kilamti mohamti pura porananam suchinnanam suparakkamtanam subhanam kadanam kammanam kallananam kallanam phalavittivisesam pachchanubhavamana viharamti. Uttarakurae nam kurae tatthatattha dese tahimtahim bahave seriyagumma nomaliyagumma koramtayagumma bamdhujivagumma manojjagumma biyagumma banagumma kanairagumma kujjayagumma simduvaragumma jati-gumma moggaragumma juhiyagumma malliyagumma vasamtiyagumma batthulagumma katthulagumma sevalagumma agatthigumma magadamtiyagumma champakagumma jatigumma navaniiyagumma kumdagumma mahajaigumma. Te nam gumma dasaddhavannam kusumam kusumamti jena kurae bahusamaramanijje bhumibhage vayavihuyaggasalehim mukkapupphapumjovayarakalie sirie aiva uvasobhemane chitthai. Uttarakurae nam kurae tatthatattha dese tahimtahim bahave rukkha heruyalavana bheruyalavana meruyalavana salavana saralavana sattavannavana puyaphalivana khajjurivana nalierivana kusa vikusa visuddharukkhamula mulamamto kamdamamto java anegasagada raha jana jugga gilli thilli siya samdamaniyapadimoyana suramma pasadiya darisanijja abhiruva padiruva, pattehi ya pupphehi ya achchhannapadichchhanna sirie ativaativa uvasobhemana-uvasobhemana chitthamti. Uttarakurae nam kurae tatthatattha dese tahimtahim bahave uddalaka koddalaka moddalaka katamala nattamala vattamala damtamala simgamala samkhamala seyamala nama dumagana pannatta samanauso! Kusa vikusa visuddharukkhamula java chitthamti. Uttarakurae nam kurae tatthatattha dese tahimtahim bahave tilaya lauya chhattova sirisa sattivanna loddha dhava chamdana ajjuna niva kudaya kadamva phanasa sala tamala piyala piyamgu parevaya rayarukkha namdirukkha kusa vikusa visuddharukkhamula java chitthamti. Uttarakurae nam kurae tatthatattha dese tahimtahim bahuo paumalayao nagalayao asoga-layao champagalayao chuyalayao vanalayao vasamtikalayao aimuttakalayao kumdalayao samalayao nichcham kusumiyao java vadimsayadharao pasa diyao darisanijjao abhiruvao padiruvao. Uttarakurae nam kurae tatthatattha dese tahimtahim bahuo vanaraio pannattao. Tao nam vanaraio kinhao kinhobhasao java anegasagada raha jana jugga gilli thilli siya samdamaniyapadimoyanao surammao pasaiyao darisanijjao abhiruvao padiruvao. Uttarakurae nam kurae tatthatattha dese tahimtahim bahave mattamgaya nama dumagana pannatta samanauso! Jaha me chamdappabhamanisilagavarasidhuvaravarunisujatapattapupphaphalachoyanijjasasarabahudavvajutta-sambharakalasamdhiyasava mahumeragaritthabhaduddhajatipasannatellagasataukhajjuramuddiyasara kavisayana supakkakhoyarasavarasura vannarasagamdha pharisajutta balaviriyaparinama majjavihi bahuppagara taheva te mattamgayavi dumagana anegabahuvivihavisasaparinayae majjavihie uvaveya phalehim punna visamdamti kusavikusa visuddha rukkhamula java chitthamti.1. Uttarakurae nam kurae tatthatattha dese tahimtahim bahave bhimgamgaya nama dumagana pannatta samanauso! Jaha se karaga ghadaga kalasa kakkari payamchani udamka vaddhani supaitthaga vitthara pari chasaga bhimgara karodi saraga paraga patti thala mallaga chavaliya dagavaraka vichittavattaka manivattaka sutticharu-pinaya kamchana mani rayanabhattichitta bhajanavidhi bahuppagara taheva te bhimgamgayavi dumagana anegabahu-vivihavisasaparinatae bhajanavidhie uvaveya kusa vikusa visuddharukkhamula java chitthamti.2. Uttarakurae nam kurae tatthatattha dese tahimtahim bahave tudiyamga nama dumagana pannatta–samanauso! Jaha se alimga muimga panava padaha daddaraga karadi dimdima bhambha horambha kaniya kharamuhi magumda samkhiya pirali vachchaga parivaini vamsa venu sughosa vipamchi mahati kachchhabhi ragasiga tala tala kamsatala susampautta atojjavidhi bahuppagara niuna gamdhavvasamayakusalehim phamdiya titthanasuddha taheva te tudiyamgayavi dumagana anegabahuvividhavisasaparinayae tata vitata ghana jhusirae chauvvihae atojjavihie uvaveya kusa vikusa visuddharukkhamula java chitthamti.3. Uttarakurae nam kurae tatthatattha dese tahimtahim bahave divasiha nama dumagana pannatta samanauso! Jaha se samjhaviragasamae navanihipatino diviya chakkavalavimde pabhuyavattipalittanehe dhaniujjalie timiramaddae kanaganigarana kusumitaparijatakavanappagase kamchanamanirayana vimala-maharihavichittadamdahi diviyahim sahasapajjaliussappiyaniddha teya dippamtavimalagahaganasamappahahim vitimirakarasura pasariujjoya chilliyahim jalujjala pahasiyabhiramahim sobhemana taheva te divasihavi dumagana anegabahuvivihavisasaparinayae ujjoyavidhie uvaveya kusa vikusa visuddharukkhamula java chitthamti.4. Uttarakurae nam kurae tatthatattha dese tahimtahim bahave jotisiya nama dumagana pannatta samanauso! Jaha se achiruggayasarayasuramamdalapadamtaukkasahassadippamtavijjuujjalahuyavaha-niddhumajaliyaniddhamtadhoyatattatavanijjakimsuyasoyajasuyanakusumavimauliya pumjamanirayanakirana-jachchahimguluyanigararuvairegaruva taheva te jotisiyavi dumagana anegabahuvivihavisasaparinayae ujjoyavihie uvaveya kusa vikusa visuddharukkhamula java chitthamti.5. Uttarakurae nam kurae tatthatattha dese tahimtahim bahave chittamga nama dumagana pannatta samanauso! Jaha se pechchhaghare vichitte ramme varakusumadamamalujjale bhasamtamukkapupphapumjovayarakalie viralliyavichittamallasirisamudayappagabbhe gamthimavedhimapurimasamghaimenam mallenam chheyasippiyavibhaga-raiena savvato cheva samanubaddhe pavirala lambamta vippaitthehim pamchavannehim kusumadamehim sobhamane vanamalakataggae cheva dippamane taheva te chittamgayavi dumagana anegabahuvivihavisasaparinayae mallavihie uvaveya kusa vikusa visuddharukkhamula java chitthamti.6. Uttarakurae nam kurae tatthatattha dese tahimtahim bahave chittarasa nama dumagana pannatta samanauso! Jaha se sugamdhavarakalamasalitamdula visitthaniruvahataduddharaddhe sarayaghaya guda khamda mahumelie atirase paramanne hojja uttamavannagamdhamamte, ranno jaha va chakkavattissa hojja niunehim suyapurisehim sajjie chaurakappaseyasitte iva odane kalamasalinivvattie vipakke sabapphamiu visaya sagalasitthe anegasalanagasamjutte ahava padipunnadavvuvakkhade susakkae vannagamdharasapharisa-juttabalaviriyapariname imdiyabalaputthibaddhane khuppivasamahane pahanagulakadhiyakhamdamachchhamdigha ovanievva moyage sanhasamiyagabbhe pannatte taheva te chittarasavi dumagana anegabahuvivihavisasa-parinayae bhojanavihie uvaveya kusa vikusa visuddharukkhamula java chitthamti.7. Uttarakurae nam kurae tatthatattha dese tahimtahim bahave maniyamga nama dumagana pannatta samanauso! Jaha se haraddhaharavedhanagamaudakumdala-vamuttaga-hemajalamanijalakanagajalagasuttaga-oviyakadagakhuddiya-egavalikamthasuttamagariga-uratthagevejja-sonisuttaga chulamani kanagatilaga phullaga siddhatthaya kannavali sasi sura usabha chakkaga talabhamgaya tudiya hattha malaga harisaya keyura valaya palamda amgulejjaga balakkha dinaramaliya kamchi mehala kalava payaraga pariheraga ghamtiya khimkhini rayanorujala varaneura chalanamaliya kanaganigalamaliya kamchanamanirayanabhattichitta bhusanavidhi bahuppagara, taheva te maniyamgavi dumagana anegabahuvivihavisasaparinatae bhusanavihie uvaveya kusa vikusa visuddharukkhamula java chitthamti.8. Uttarakurae nam kurae tatthatattha dese tahimtahim bahave gehagara nama dumagana pannatta–samanauso! Jaha se pagarattalaga chariya dara gopura pasayakasatala mamdava egasalaga bisalaga tisalaga chausalaga gabbhaghara mohanaghara balabhighara chitta salamalaya bhattighara vattatamsachauramsa-namdiyavattasamthiya pamduratalamumdamalahammiyam ahava nam dhavalahara addhamagahavibbhama seladdhaselasutthiya kudagaraddha suvihikotthaga anegaghara sarana lena avana vidamga jalavamda nijjuha apavaraka chamdasaliya ruvavibhattikalita bhavanavihi bahuvikappa taheva te gehagaravi dumagana anegabahuvividhavisasa-parinayae suharuhanasuhottarae suhanikkhamanappavesae daddarasopanapamtikalitae pairikkasuha-viharae manonukulae bhavanavihie uvaveya kusa vikusa visuddharukkhamula java chitthamti.9. Uttarakurae nam kurae tatthatattha dese tahimtahim bahave anigana namam dumagana pannatta samanauso! Jaha se ainaga khoma tanuya kambala dugulla kosejja kalamigapatta amsuya chinamsuya patta abharanachitta sahinaga kallanaga bhimginila kajjalabahuvanna ratta pita sukkila sakkaya migalomahemappa rallaga avaruttara simdhu usabha damila vamga kalimga nalinatamtumayabhattichitta vatthavihi bahuppakara havejja varapattanuggata vannaragakalita taheva te aniganavi dumagana anegabahuviviha-visasaparinatae vatthavidhie uvaveya kusa vikusa visuddharukkhamula java chitthamti.1. Uttarakurae nam bhamte! Kurae manuyanam kerisae agarabhavapadoyare pannatte? Goyama! Te nam manuya ativa somacharuruva bhoguttamagayalakkhana bhogasassiriya sujaya savvamgasumdaramga supatitthiya kummacharuchalana rattuppalapatta mauyasukumalakomalatala naga nagara magara sagara chakkamkaharamka lakkhanamkiyachalana anupuvvasusahatamguliya unnaya tanu tambaniddhakkha samthiya susilittha gudhaguppha eni kuruvimda vatta vattanupuvvajamgha samugga nimagga gudhajanu gayasasana sujata sannibhoru varavaranamatta tullavikkama vilasitagati pamuiyavaraturaga sihavaravattiyakadi varaturagasujatagujjhadesa ainna-hayavva niruvaleva sahayasonamda musala dappana nigaritavarakanagachchharusarisa varavairavalita-majjha ujjuya samasamhita sujata jachchatanu kasina niddha adejja ladaha sukumala mauya ramanijjaromarai gamgavattaya payahinavatta taramgabhamgura ravikiranatarunabodhiya akosayamtapauma gambhiraviyadanabha jhasa vihaga sujatapinakuchchhi jhasodara suikarana sannayapasa samgatapasa sumdarapasa sujatapasa mitamaiya pinaraiyapasa akaramduyakanagaruyaganimmala sujaya niruvahaya-dehadhari kanagasila-talujjala pasattha samatala uvachiya vichchhinna pihulavachchha sirivachchhamkiyavachchha jugasannibha-pinaratiya-pivarapautthasamthiyasusilitthavisittha-ghanathirasubaddhasamdhi puravaraphalihavattiyabhuya bhuyagisara-vipulabhogaayanaphalihauchchhudadihabahu rattatalovaitamauya mamsala sujaya achchhidda-jalapani pivarakomalavaramguliya atamba talina suchi ruira niddhanakkha.. ..Chamdapanileha surapanileha chakkapanileha disasovatthiyapanileha chamda sura samkha chakka disasovatthiya panileha anega-varalakkhanuttama pasattha suviraiyapanileha varamahisa varaha siha saddula usabha nagavara padipunna-viulakhamdha chauramgulasuppamanakambuvarasarisagiva mamsalasamthiya pasattha saddulavipulahanuya avatthita suvibhatta chittamamsu oyaviyasilappavala bimbaphala sannibhaharottha pamdurasasisalaga vimalanimmalasamkha gokhiraphena kumda dagarayamunaliya dhavaladamtasedhi akhamdadamta apphudiyadamta sujatadamta aviraladamta egadamtasedhivva anegadamta hutavahaniddhamtadhotatattatavanijja-rattatalatalujiha garulayataujjutumganasa kokasitadhavalapattalachchha vipphaliyapumdariyanayana anamiyachavaruila tanu kasina niddhabhuya allina ppamanajutta savana susavana pina mamsala kavola desabhaga nivvana sama lattha mattha chamdaddhasamanidala uduvatipadipunnasomavaina ghananichiya-subaddhalakkhanunnayakudagaranibhapimdiyasira chhattagaruttamamgadesa dadimapupphapagasa tavanijja-sarisa nimmala sujaya kesamtakesabhumi samalibomdaghananichiyachhodiya miuvisayapasattha-suhumalakkhana sugamdhasumdara bhuyamoyagabhimgi nila kajjala pahatthabhamaragananiddha nikurambanichiya kumchiya payahinavatta muddhasiraya lakkhanavamjanagunovaveya sujayasuvibhattasuruvaga pasaiya darisanijja abhiruva padiruva. Uttarakurae nam bhamte! Kurae manuinam kerisae agarabhavapadoyare pannatte? Goyama! Tao nam manuio sujayasavvamgasumdario pahanamahelagunajuttao aikamta visappamana paumasumala kummasamthita visitthachalana ujju mauya pivara puttha sahayamgulio unnaya ratiya talinatamva sui niddhanakha romarahiya vatta latthasamthiya ajahannapasatthalakkhanajamghajuyala sunimmiya sugudhajanu mamsalasubaddhasamdhi kayalikhambhatiregasamthiya nivvana sukumala mauya komala avirala sama samhata sujata vatta pivara niramtaroru atthavayavichipattasamthiya pasattha vichchhinna pihulasoni vadanayamappamanadugunitavisala mamsalasubaddhajahanavaradharanio vajjaviraiya pasatthalakkhana-nirodara tivalivaliya tanunamiyamajjhimao ujjuya sama samhita jachchatanu kasina niddha adejja ladaha suvibhatta sujata sobhamta ruila ramanijjaromarai gamgavattaya payahinavatta taramgabhamgura ravikiranatarunabodhiya akosayamtapauma gambhira viyadanabha anubbhada pasattha pinakuchchhi sannaya-pasa samgayapasa sumdarapasa sujayapasa mitamaiyapinaraiyapasa akaramduya kanagaruyaganimmala sujaya niruvahayagatalatthi kamchanakalasa suppamana sama samhita sujata latthachuchuyaamelaga jamalajugala vattiya abbhunnayaratiyasamthiyapayodharao bhujamgaanupuvvatanuya gopuchchhavattasama samhiya namiya aejja laliyavaha tambanaha mamsalaggahattha pivarakomalavaramgulia.. ..Niddhapanileha ravi sasi samkha chakka sotthiya vibhatta suviraiyapanileha pinunnayakakkha vakkha vatthippadesa padipunnagalakavola chauramgulasuppamana kambuvarasarisagiva mamsala samthiya pasatthahanuya dadimapupphappagasapivarapavaradhara sumdarottarottha dadhidagarayachamdakumdavasamtimauladhavala achchhiddavimaladamsana rattuppalarattamauyasumalatalujiha kanairamaula abbhuggaya ujjutumganasa sarayanavakamalakumudakuvalayavimukkadalanigarasarisa lakkhanaamkiyanayana pattala chavalayamta tambaloyanao anamitachavaruila kinhabbharaisamthiya samgata ayaya sujata tanu kasina niddhabhamuya allina pamanajutta savana pina mattha ramanijjagamdaleha chauramsa pasattha samanidala komuirayanikara vimalapadipunnasomavayana chhattunnayauttimamga kudila susiniddhadihasiraya chhatta jjhaya juva thubha daminikamamdalu kalasa vavi sotthiya padaga java machchha kumma rahavara magara suka thala amkusa atthavaya supaitthaka maura siridamabhiseya torana meini udadhi varabhavana giri varaayamsalaliyagaya usabha siha chamara uttamapasatthabattisalakkhanadhario hamsasarisagatio koilamahuragirasussarao kamtao savvassa anumayao vavagatavalipaliya vamga duvvanna vahi dobhaggasogamukkao uchchattena ya narana thovunamusiyao sabhavasimgaracharuvesa samgaya gaya hasiya bhaniya chetthiya vilasa samlava niunajutto- vayarakusala. Sumdarathana jahana vayana karacharana nayana lavanna vanna ruva jovvana vilasakaliya namdanavanachariniovva achchharao achchheragapechchhanijja pasaiyao darisanijjao abhiruvao padiruvao. Te nam manuya ohassara hamsassara komchassara namdissara namdighosa sihassara sihaghosa mamjussara mamjughosa sussara sussaranigghosa paumuppalagamdhasarisanisasasurabhivayana chhavi niratamka uttamapasatthaaisesa niruvamatanu jalla malla kalamka seya raya dosavajjiya sarira niruvaleva chhayaujjoiyamgamamga anulomavauvega kamkaggahani kavotaparinama sauniposa pitthamtaroruparinata viggahiya unnayakuchchhi vajjarisabhanarayasamghayana samachauramsasamthanasamthiya chhaghanusahassamusiya. Tesim manuyanam dochhappannapitthikaramdagasata pannatta samanauso! Te nam manuya pagatibhaddaga pagati uvasamta pagatipayanukohamanamayalobha miumaddavasampanna allina bhaddaga viniya appichchha asamnihisamchaya achamda vidimamtaraparivasana jahichchhiya-kamagamino ya te manuyagana pannatta samanauso! Tesi nam bhamte! Manuyanam kevatikalassa aharatthe samuppajjati? Goyama! Atthamabhattassa aharatthe samuppajjati. Te nam bhamte! Manuya kimaharamaharemti? Goyama! Pudhavipupphaphalahara te manuyagana pannatta samanauso! Tise nam bhamte! Pudhavie kerisae asae pannatte? Goyama! Se jahanamae guleti va khamdeti va sakkarati va machchhamdiyati va pappadamoyaeti va bhisakamdeti va pupphuttarai va paumuttarai va vijayati va mahavijayati va uvamati va anovamati va chaurakke va gokkhire khamdagulamachchhamdiuvanie payattamamdaggikadhie vannenam uvavete gamdhenam uvavete rasenam uvavete phasenam uvavete bhaveyaruve siya? No tinatthe samatthe, tise nam pudhavie etto itthatarae cheva kamtatarae cheva piyatarae cheva manunnatarae cheva manamatarae cheva asae nam pannatte. Tesi nam bhamte! Pupphaphalanam kerisae asae pannatte? Goyama! Se jahanamae ranno chauramtachakkavattissa kallane bhoyane satasahassanipphanne vannenam uvavete gamdhenam uvavete rasenam uvavete phasenam uvavete asadanijje visadanijje divanijje dappanijje mayanijje bimhanijje savvimdiyagatapalhayanijje, bhaveyaruve siya? No tinatthe samatthe, tesi nam pupphaphalanam etto itthatarae cheva java manamatarae cheva asae nam pannatte. Te nam bhamte! Manuya tamaharamaharitta kahim vasahim uvemti? Goyama! Rukkhagehalaya nam te manuyagana pannatta samanauso! Te nam bhamte! Rukkha kim samthiya pannatta? Goyama! Appega kudagarasamthiya appega pechchhagharasamthiya appega chhattasamthiya appega jhayasamthiya appega thubhasamthiya appega toranasamthiya appega gopurasamthiya appega beiyasamthiya appega choppalasamthiya appega attalagasamthiya appega bihisamthiya appega pasayasamthiya appega hammiyatalasamthiya appega gavakkhasamthiya appega balaggapotiyasamthiya appega balabhisamthiya appega varabhavanavisitthasamthanasamthiya suhasiyalachchhaya nam te dumagana pannatta samanauso! Atthi nam bhamte! Uttarakurae kurae gehani va gehayayanani va? No tinatthe samatthe, rukkhagehalaya nam te manuyagana pannatta samanauso! Atthi nam bhamte! Uttarakurae kurae gamati va nagarati va java sannivesati va? No tinatthe samatthe, jahichchhiyakamagamino nam te manuyagana pannatta samanauso! Atthi nam bhamte! Uttarakurae kurae asiti va masiti va kisiti va vivaniti va paniti va vanijjati va? No tinatthe samatthe, vavagayaasimasikisivivanipanivanijja nam te manuyagana pannatta samanauso! Atthi nam bhamte! Uttarakurae kurae hiranneti va suvanneti va kamseti va duseti va manimottiyasamkhasilappavalasamtasarasavaejjeti va? Hamta atthi, no cheva nam tesim manuyanam tivve mamattabhave samuppajjati. Atthi nam bhamte! Uttarakurae kurae rayati va juvarayati va isareti va talavarei va kodumbieti va madambieti va ibbheti va setthiti va senavatiti va satthavaheti va? No tinatthe samatthe, vavagayaiddhisakkara nam te manuyagana pannatta samanauso! Atthi nam bhamte! Uttarakurae kurae daseti va peseti va sisseti va bhayageti va bhaillageti va kammaraeti va? No tinatthe samatthe, vavagataabhiogiya nam te manuyagana pannatta samanauso! Atthi nam bhamte! Uttarakurae kurae matati va piyati va bhayati va bhainiti va bhajjati va puttati va dhuyati va sunhati va? Hamta atthi, no cheva nam tesi nam manuyanam tivve pejjabamdhane samuppajjati, payanupejjabamdhana nam te manuyagana pannatta samanauso! Atthi nam bhamte! Uttarakurae kurae ariti va veriti va ghataketi va vahaketi va padinieti va pachchamitteti va? No tinatthe samatthe, vavagataveranubamdha nam te manuyagana pannatta samanauso! Atthi nam bhamte! Uttarakurae kurae mitteti va vayamseti va sahiti va suhieti va samgatieti va? No tinatthe samatthe, vavagatanehanuraga te manuyagana pannatta samanauso! Atthi nam bhamte! Uttarakurae kurae avahati va vivahati va jannati va saddhati va thalipakati va pitipimdanivedanati va chulovanayanati va simamtovanayati va? No tinatthe samatthe, vavagataabahavivahajannasaddhathalipagapitipimdanivedanachulovanayanasimamtovanayana nam te manuya-gana pannatta samanauso! Atthi nam bhamte! Uttarakurae kurae imdamahati va khamdamahati va ruddamahati va sivamahati va vesamanamahati va nagamahati va jakkhamahati va bhutamahati va mugumdamahati va kuvamahati va talagamahati va nadimahati va dahamahati va pavvayamahati va rukkhamahati va cheiyamahati va thubhamahati va? No tinatthe samatthe, vavagatamahamahima nam te manuyagana pannatta samanauso! Atthi nam bhamte! Uttarakurae kurae nadapechchhati va nattapechchhati va jallapechchhati va mallapechchhati va mutthiyapechchhati va velambagapechchhati va kahagapechchhati va pavagapechchhati va lasaga-pechchhati va akkhaigapechchhati va lamkhapechchhati va mamkhapechchhati va tunaillapechchhati va tumbavinapechchhati va kavapechchhati va magahapechchhati va? No tinatthe samatthe, vavagatakouhalla nam te manuyagana pannatta samanauso! Atthi nam bhamte! Uttarakurae kurae sagadati va rahati va janati va juggati va gilliti va thilliti va siyati va samdamaniyati va? No tinatthe samatthe, padacharaviharino nam te manayagana pannatta samanauso! Atthi nam bhamte! Uttarakurae kurae asati va hatthiti va uttati va gonati va mahisati va kharati va ghodati va ajati va elati va? Hamta atthi, no cheva nam tesim manuyanam paribhogattae havvamagachchhamti. Atthi nam bhamte! Uttarakurae kurae gaviti va mahisiti va uttiti va ayati va eligati va? Hamta atthi, no cheva nam tesim manuyanam paribhogattae havvamagachchhamti. Atthi nam bhamte! Uttarakurae kurae sihati va vagghati va vigati va divigati va achchhati va parassarati va siyalati va bidalati va sunagati va kolasunagati va kokamtiyati va sasagati va chittalati va chillagati va? Hamta atthi, no cheva nam te annamannassa tesim va manuyanam kimchi abaham va vabaham va chhavichchhedam va karemti, pagatibhaddaga nam te savayagana pannatta samanauso! Atthi nam bhamte! Uttarakurae kurae saliti va vihiti va godhumati va javati va tilati va ukkhuti va? Hamta atthi, no cheva nam tesim manuyanam paribhogattae havvamagachchhamti. Atthi nam bhamte! Uttarakurae kurae khanuti va kamtaeti va hiraeti va sakkarati va tanakayavarati va pattakayavarati va asuiti va puiyati va dubbhigamdhati va achokkhati va? No tinatthe samatthe, vavagayakhanu kamtaka hira sakkara tanakayavarapattakayavara asui puiya dubbhigamdhama-chokkhaparivajjiya nam uttarakura pannatta samanauso! Atthi nam bhamte! Uttarakurae kurae gaddati va dariti va ghasiti va bhiguti va visameti va dhuliti va pamketi va chalaniti va? No tinatthe samatthe, uttarakurae nam kurae bahusamaramanijje bhumibhage pannatte samanauso! Atthi nam bhamte! Uttarakurae kurae damsati va masagati va dhimkunati va juvati va likkhati va? No tinatthe samatthe, vavagatovaddava nam uttarakura pannatta samanauso! Atthi nam bhamte! Uttarakurae kurae ahiti va ayagarati va mahoragati va? Hamta atthi, no cheva nam te anna mannassa tesim va manuyanam kimchi abaham va vabaham va chhavichchheyam va karemti, pagaibhaddaga nam te balagana pannatta samanauso! Atthi nam bhamte! Uttarakurae kurae gahadamdati va gahamusalati va gahagajjitati va gahajuddhati va gahasamghadagati va gahaavasavvati va abbhati va abbharukkhati va samjhati va gamdhavvanagarati va gajjitati va vijjutati va ukkapatati va disadahati va nigghatati va pamsuvitthiti va juvagati va jakkhalittati va dhumiyati va mahiyati va raugghatati va chamdovaragati va surovaragati va chamdaparivesati va suraparivesati va padichamdati va padisurati va imdadhanuti va udagamachchhati va kavihasiyati va amohati va painavayati va padinavayati va java suddhavatati va gamadahati va nagaradahati va java sannivesadahati va panakkhaya bhutakkhaya kulakkhayati va? No tinatthe samatthe. Atthi nam bhamte! Uttarakurae kurae dimbati va damarati va kalahati va bolati va kharati va verati va mahajuddhati va mahasamgamati va mahasannahati va mahapurisanipadanati va mahasatthanipadanati va vavagatadimba damara kalaha bola khara vera nam te manuyagana pannatta samanauso! Atthi nam bhamte! Uttarakurae kurae dubbhuyati va kularogati va gamarogati va nagararogati va mamdalarogati va pamdurogati va pottarogati va sirovedanati va achchhivedanati va kannavedanati va nakhavedanati va damtavedanati va kasati va sasati va sosati va jarati va dahati va kachchhuti va khasarati va kutthati va arisati va ajiragati va bhagamdalati va imdaggahati va khamdaggahati va kumaraggahati va nagaggahati va jakkhaggahati va bhutaggahati va dhanuggahati va uvvegati va egahiyati va beyahiyati va teyahiyati va chautthagahiyati va hiyayasulati va matthagasulati va pasasulati va kuchchhisulati va jonisulati va gamamariti va java sannivesamariti va panakkhayati va janakkhayati va dhanakkhayati va kulakkhayati va vasanabhutamanariyati va? No tinatthe samatthe, vavagatarogatamka nam te manuyagana pannatta samanauso! Tesi nam bhamte! Manuya nam kevatikalam thiti pannatta? Goyama! Jahannenam desunaim tinni paliovamaim paliovamassa asamkhejjatibhagenam unagani, ukkosenam tinni paliovamaim. Te nam bhamte! Manuya kalamase kalam kichcha kahim gachchhamti? Kahim uvavajjamti? Goyama! Te nam manuya chhammasavasesauya juyalagam pasavamti, pasavitta egunapannam raimdiyaim anupalemti, anupaletta kasitta chhiitta jambhaitta akkittha avvahitta apariyaviya kalamase kalam kichcha devaloesu uvavajjamti. Devalogapariggahiya nam te manuyagana pannatta samanauso! Uttarakurae nam bhamte! Kurae katividha manuya anusajjamti? Goyama! Chhavviha manuya anusajjamti, tam jaha–paumagamdha miyagamdha amama tetali saha sanimchara.
Sutra Meaning Transliteration : He bhagavan ! Jambudvipa, jambudvipa kyom kahalata hai\? He gautama ! Jambudvipa namaka dvipa ke meruparvata ke uttara mem, nilavamta parvata ke dakshinamem, malavamtavakshaskara parvata ke pashchimamem evam gandhamadana vakshaskaraparvata ke purvamem uttarakura kshetra. Vaha purva pashchima lamba aura uttara – dakshina chaura hai, ashtami ke chamda ki taraha ardha golakara hai. Isaka vishkambha 11842 – 2/19 yojana hai. Isaki jiva purva – pashchima lambi hai. Aura donom ora se vakshaskara parvatom ko chhuti haim. Vaha jiva 53000 yojana lambi hai. Isa uttarakura ka dhanuprishtha dakshina dishamem 60418 – 12/19 yojana hai He bhagavan ! Uttarakura ka bhumibhaga bahuta sama aura ramaniya hai. Vaha alimgapushkara ke marhe hue chamare ke samana samatala hai – ityadi ekoruka dvipa anusara kahana yavat ve manushya marakara devaloka mem utpanna hote haim. Antara itana hai ki inaki umchai chhaha hajara dhanusha ki hoti hai. Do sau chhappana inaki pasaliyam hoti haim. Tina dina ke bada inhem ahara ki ichchha hoti hai. Inaki jaghanya sthiti palyopama ka asamkhyatavam bhaga kama – deshona tina palyopama ki hai aura utkrishta sthiti tina palyopama ki hai. Ye 49 dina taka apatya ki anupalana karate haim. Uttarakura kshetra mem chhaha prakara ke manushya paida hote haim, padmagamdha, mrigagandha, amama, saha, teyalisa aura shanaishchari.