Sutra Navigation: Suryapragnapti ( સૂર્યપ્રજ્ઞપ્તિ સૂત્ર )

Search Details

Mool File Details

Anuvad File Details

Sr No : 1107126
Scripture Name( English ): Suryapragnapti Translated Scripture Name : સૂર્યપ્રજ્ઞપ્તિ સૂત્ર
Mool Language : Ardha-Magadhi Translated Language : Gujarati
Chapter :

प्राभृत-१८

 Translated Chapter :

પ્રાભૃત-૧૮
Section : Translated Section :
Sutra Number : 126 Category : Upang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] ता चंदस्स णं जोतिसिंदस्स जोतिसरण्णो कति अगमहिसीओ पन्नत्ताओ? ता चत्तारि अग्गमहिसीओ पन्नत्ताओ, तं जहा–चंदप्पभा दोसिणाभा अच्चिमाली पभंकरा। तत्थ णं एगमेगाए देवीए चत्तारि-चत्तारि देवीसाहस्सी परिवारो पन्नत्तो। पभू णं ताओ एगमेगा देवी अन्नाइं चत्तारि-चत्तारि देवीसहस्साइं परिवारं विउव्वित्तए। एवामेव सपुव्वावरेणं सोलस देवीसहस्सा। सेत्तं तुडिए। ता पभू णं चंदे जोतिसिंदे जोतिसराया चंदवडिंसए विमाने सभाए सुहम्माए तुडिएणं सद्धिं दिव्वाइं भोगभोगाइं भुंजमाणे विहरित्तए? नो इणट्ठे समट्ठे। ता कहं ते नो पभू चंदे जोतिसिंदे जोतिसिया चंदवडिंसए विमाने सभाए सुधम्माए तुडिएणं सद्धिं दिव्वाइं भोगभोगाइं भुंजमाणे विहरित्तए? ता चंदस्स णं जोतिसिंदस्स जोतिसरण्णो चंदवडिंसए विमाने सभाए सुधम्माए मानवए चेतियखंभे वइरामएसु गोलवट्टसमुग्गएसु बहवे जिणसकधा सन्निक्खित्ता चिट्ठंति, ताओ णं चंदस्स जोतिसिंदस्स जोतिसरण्णो अन्नेसिं च बहूणं जोतिसियाणं देवाण य देवीण य अच्चणिज्जाओ वंदणिज्जाओ पूयणिज्जाओ सक्कारणिज्जाओ सम्माणिज्जाओ कल्लाणं मंगलं देवयं चेइयं पज्जुवासणिज्जाओ। एवं खलु नो पभू चंदे जोतिसिंदे जोतिसराया चंदवडिंसए विमाने सभाए सुधम्माए तुडिएणं सद्धिं दिव्वाइं भोगभोगाइं भुंजमाणे विहरित्तए। पभू णं चंदे जोतिसिंदे जोतिसराया चंदवडिंसए विमाने सभाए सुहम्माए चंदंसि सीहासनंसि चउहिं सामाणियसाहस्सीहिं चउहिं अग्गमहिसीहिं सपरिवाराहिं, तिहिं परिसाहिं सत्तहिं अनिएहिं सत्तहिं अनिपाहिवईहिं सोलसहिं आयरक्खदेवसाहस्सीहिं अण्णेहिं य बहूहिं जोतिसिएहिं देवेहिं देवीहि य सद्धिं महयाहयनट्ट-गीय-वाइय-तंती-तल-ताल-तुडिय-घण-मुइंग-पडुप्पवाइयरवेणं दिव्वाइं भोगभोगाइं भुंजमाणे विहरित्तए, केवलं परियारणिड्ढीए, नो चेव णं मेहुणवत्तियं। ता सूरस्स णं जोतिसिंदस्स जोतिसरण्णो कति अग्गमहिसीओ पन्नत्ताओ? ता चत्तारि अग्गमहिसीओ पन्नत्ताओ, तं जहा–सूरप्पभा आतवा अच्चिमाली पभंकरा, सेसं जहा चंदस्स, नवरं–सूरवडेंसए विमाने जाव नो चेव णं मेहुणवत्तियं।
Sutra Meaning : જુઓ સૂત્ર ૧૨૫
Mool Sutra Transliteration : [sutra] ta chamdassa nam jotisimdassa jotisaranno kati agamahisio pannattao? Ta chattari aggamahisio pannattao, tam jaha–chamdappabha dosinabha achchimali pabhamkara. Tattha nam egamegae devie chattari-chattari devisahassi parivaro pannatto. Pabhu nam tao egamega devi annaim chattari-chattari devisahassaim parivaram viuvvittae. Evameva sapuvvavarenam solasa devisahassa. Settam tudie. Ta pabhu nam chamde jotisimde jotisaraya chamdavadimsae vimane sabhae suhammae tudienam saddhim divvaim bhogabhogaim bhumjamane viharittae? No inatthe samatthe. Ta kaham te no pabhu chamde jotisimde jotisiya chamdavadimsae vimane sabhae sudhammae tudienam saddhim divvaim bhogabhogaim bhumjamane viharittae? Ta chamdassa nam jotisimdassa jotisaranno chamdavadimsae vimane sabhae sudhammae manavae chetiyakhambhe vairamaesu golavattasamuggaesu bahave jinasakadha sannikkhitta chitthamti, tao nam chamdassa jotisimdassa jotisaranno annesim cha bahunam jotisiyanam devana ya devina ya achchanijjao vamdanijjao puyanijjao sakkaranijjao sammanijjao kallanam mamgalam devayam cheiyam pajjuvasanijjao. Evam khalu no pabhu chamde jotisimde jotisaraya chamdavadimsae vimane sabhae sudhammae tudienam saddhim divvaim bhogabhogaim bhumjamane viharittae. Pabhu nam chamde jotisimde jotisaraya chamdavadimsae vimane sabhae suhammae chamdamsi sihasanamsi chauhim samaniyasahassihim chauhim aggamahisihim saparivarahim, tihim parisahim sattahim aniehim sattahim anipahivaihim solasahim ayarakkhadevasahassihim annehim ya bahuhim jotisiehim devehim devihi ya saddhim mahayahayanatta-giya-vaiya-tamti-tala-tala-tudiya-ghana-muimga-paduppavaiyaravenam divvaim bhogabhogaim bhumjamane viharittae, kevalam pariyaraniddhie, no cheva nam mehunavattiyam. Ta surassa nam jotisimdassa jotisaranno kati aggamahisio pannattao? Ta chattari aggamahisio pannattao, tam jaha–surappabha atava achchimali pabhamkara, sesam jaha chamdassa, navaram–suravademsae vimane java no cheva nam mehunavattiyam.
Sutra Meaning Transliteration : Juo sutra 125