Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106852
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-२८ आहार

 Translated Chapter :

પદ-૨૮ આહાર
Section : उद्देशक-१ Translated Section : ઉદ્દેશક-૧
Sutra Number : 552 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] नेरइया णं भंते! किं सचित्ताहारा अचित्ताहारा मोसाहारा? गोयमा! नो सचित्ताहारा, अचित्ताहारा, नो मीसाहारा एवं असुरकुमारा जाव वेमानिया। ओरालियसरीरी जाव मनूसा सचित्ताहारा वि अचित्ताहारा वि मीसाहारा वि। नेरइया णं भंते! आहारट्ठी? हंता गोयमा! आहारट्ठी। नेरइयाणं भंते! केवतिकालस्स आहारट्ठे समुप्पज्जति? गोयमा! नेरइयाणं आहारे दुविहे पन्नत्ते, तं जहा–आभोगनिव्वत्तिए य अणाभोगनिव्वत्तिए य। तत्थ णं जेसे अणाभोगनिव्वत्तिए से णं अणुसमयमविरहिए आहारट्ठे समुप्पज्जति। तत्थ णं जेसे आभोगनिव्वत्तिए से णं असंखेज्जसमइए अंतोमुहुत्तिए आहारट्ठे समुप्पज्जति। नेरइया णं भंते! किमाहारमाहारेंति? गोयमा! दव्वओ अनंतपदेसियाइं दव्वाइं, खेत्तओ असंखेज्जपदेसोगाढाइं, कालतो अण्णतरठितियाइं, भावओ वण्णमंताइं गंधमंताइं रसमंताइं फासमंताइं। जाइं भावओ वण्णमंताइं आहारेंति ताइं किं एगवण्णाइं आहारेंति जाव किं पंचवण्णाइं आहारेंति? गोयमा! ठाणमग्गणं पडुच्च एगवण्णाइं पि आहारेंति जाव पंचवण्णाइं पि आहारेंति, विहाणमग्गणं पडुच्च कालवण्णाइं पि आहारेंति जाव सुक्कि लाइं पि आहारेंति। जाइं वण्णओ कालवण्णाइं आहारेंति ताइं किं एगगुणकालाइं आहारेंति जाव दसगुणकालाइं आहारेंति? संखेज्जगुणकालाइं असंखेज्जगुणालाइं अनंतगुणकालाइं आहारेंति? गोयमा! एगगुण-कालाइं पि आहारेंति जाव अनंतगुणकालाइं पि आहारेंति। एवं जाव सुक्किलाइं पि। एवं गंधओ वि रसतो वि। जाइं भावओ फासमंताइं ताइं नो एगफासाइं आहारेंति नो दुफासाइं आहारेंति नो तिफासाइं आहारेंति, चउफासाइं आहारेंति जाव अट्ठफासाइं पि आहारेंति, विहाणमग्गणं पडुच्च कक्खडाइं पि आहारेंति जाव लुक्खाइं पि। जाइं फासओ कक्खडाइं आहारेंति ताइं किं एगगुणकक्खडाइं आहारेंति जाव अनंतगुण-कक्खडाइं आहारेंति? गोयमा! एगगुणकक्खडाइं पि आहारेंति जाव अनंतगुणकक्खडाइं पि आहारेंति। एवं अट्ठ वि फासा भाणियव्वा जाव अनंतगुण-लुक्खाइं पि आहारेंति। जाइं भंते! अनंतगुणलुक्खाइं आहारेंति ताइं किं पुट्ठाइं आहारेंति? अपुट्ठाइं आहारेंति? गोयमा! पुट्ठाइं आहारेंति नो अपुट्ठाइं आहारेंति। जाइं भंते! पुट्ठाइं आहारेंति, ताइं किं ओगाढाइं आहारेंति? अणोगाढाइं आहारेंति? गोयमा! ओगाढाइं आहारेंति नो अणोगाढाइं आहारेंति। जाइं भंते! ओगाढाइं आहारेंति, ताइं किं अनंतरोगाढाइं आहारेंति? परंपरोगाढाइं आहारेंति? गोयमा! अनंतरोगाढाइं आहारेंति, नो परंपरोगाढाइं आहारेंति। जाइं भंते! अनंतरोगाढाइं आहारेंति, ताइं किं अणूइं आहारेंति? बादराइं आहारेंति? गोयमा! अणूइं पि आहारेंति, बादराइं पि आहारेंति। जाइं भंते! अणूइं पि आहारेंति, बादराइं पि आहारेंति, ताइं किं उड्ढं आहारेंति? अहे आहारेंति? तिरियं आहारेंति? गोयमा! उड्ढं पि आहारेंति, अहे वि आहारेंति, तिरियं पि आहारेंति। जाइं भंते! उड्ढं पि आहारेंति, अहे वि आहारेंति, तिरियं पि आहारेंति, ताइं किं आदिं आहारेंति? मज्झे आहारेंति? पज्जवसाणे आहारेंति? गोयमा! आदिं पि आहारेंति, मज्झे वि आहारेंति पज्जवसाणे वि आहारेंति। जाइं भंते! आदिं पि आहारेंति, मज्झे वि आहारेंति, पज्जवसाणे वि आहारेंति, ताइं किं सविसए आहारेंति? अविसए आहारेंति? गोयमा! सविसए आहारेंति, नो अविसए आहारेंति। जाइं भंते! सविसए आहारेंति, ताइं किं आनुपुव्विं आहारेंति? अनानुपुव्विं आहारेंति? गोयमा! आनुपुव्विं आहारेंति, नो अनानुपुव्विं आहारेंति। जाइं भंते! आनुपुव्विं आहारेंति, ताइं किं तिदिसिं आहारेंति जाव छद्दिसिं आहारेंति? गोयमा! नियमा छद्दिसिं आहारेंति।ओसन्नकारणं पडुच्च वण्णओ काल-नीलाइं गंधओ दुब्भिगंधाइं रसतो तित्तरसकडुयाइं फासओ कक्खड-गरुय-सीय-लुक्खाइं, तेसिं पोराणे वण्णगुणे गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अण्णे अपुव्वे वण्णगुणे गंधगुणे रसगुणे फासगुणे उप्पाएत्ता आयसरीरखेत्तोगाढे पोग्गले सव्वप्पणयाए आहारमाहरेंति। नेरइया णं भंते! सव्वतो आहारेंति सव्वतो परिणामेंति सव्वओ ऊससंति सव्वओ नीससंति, अभिक्खणं आहारेंति अभिक्खणं परिणामेंति अभिक्खणं ऊससंति अभिक्खणं नीससंति, आहच्च आहारेंति आहच्च परिणामेंति आहच्च ऊससंति आहच्च नीससंति? हंता गोयमा! नेरइया सव्वतो आहारेंति एवं तं चेव जाव आहच्च नीससंति। नेरइया णं भंते! जे पोग्गले आहारत्ताए गेण्हंति ते णं तेसिं पोग्गलाणं सेयालंसि कतिभागं आहारेंति? कतिभागं आसाएंति? गोयमा! असंखेज्जतिभागं आहारेंति, अनंतभागं अस्साएंति। नेरइया णं भंते! जे पोग्गले आहारत्ताए गेण्हंति ते किं सव्वे आहारेंति नो सव्वे आहारेंति? गोयमा! ते सव्वे अपरिसेसिए आहारेंति। नेरइया णं भंते! जे पोग्गले आहारत्ताए गेण्हंति ते णं तेसिं पोग्गला कीसत्ताए भुज्जो-भुज्जो परिणमंति? गोयमा! सोइंदियत्ताए जाव फासिंदियत्ताए अनिट्ठत्ताए अकंतत्ताए अप्पियत्ताए असुभत्ताए अमणुन्नत्ताए अमणामत्ताए अनिच्छियत्ताए अभिज्झियत्ताए अहत्ताए–नो उड्ढत्ताए दुक्खत्ताए–नो सुहत्ताए ते तेसिं, भुज्जो-भुज्जो परिणमंति।
Sutra Meaning : જુઓ સૂત્ર ૫૫૦
Mool Sutra Transliteration : [sutra] neraiya nam bhamte! Kim sachittahara achittahara mosahara? Goyama! No sachittahara, achittahara, no misahara evam asurakumara java vemaniya. Oraliyasariri java manusa sachittahara vi achittahara vi misahara vi. Neraiya nam bhamte! Aharatthi? Hamta goyama! Aharatthi. Neraiyanam bhamte! Kevatikalassa aharatthe samuppajjati? Goyama! Neraiyanam ahare duvihe pannatte, tam jaha–abhoganivvattie ya anabhoganivvattie ya. Tattha nam jese anabhoganivvattie se nam anusamayamavirahie aharatthe samuppajjati. Tattha nam jese abhoganivvattie se nam asamkhejjasamaie amtomuhuttie aharatthe samuppajjati. Neraiya nam bhamte! Kimaharamaharemti? Goyama! Davvao anamtapadesiyaim davvaim, khettao asamkhejjapadesogadhaim, kalato annatarathitiyaim, bhavao vannamamtaim gamdhamamtaim rasamamtaim phasamamtaim. Jaim bhavao vannamamtaim aharemti taim kim egavannaim aharemti java kim pamchavannaim aharemti? Goyama! Thanamagganam paduchcha egavannaim pi aharemti java pamchavannaim pi aharemti, vihanamagganam paduchcha kalavannaim pi aharemti java sukki laim pi aharemti. Jaim vannao kalavannaim aharemti taim kim egagunakalaim aharemti java dasagunakalaim aharemti? Samkhejjagunakalaim asamkhejjagunalaim anamtagunakalaim aharemti? Goyama! Egaguna-kalaim pi aharemti java anamtagunakalaim pi aharemti. Evam java sukkilaim pi. Evam gamdhao vi rasato vi. Jaim bhavao phasamamtaim taim no egaphasaim aharemti no duphasaim aharemti no tiphasaim aharemti, chauphasaim aharemti java atthaphasaim pi aharemti, vihanamagganam paduchcha kakkhadaim pi aharemti java lukkhaim pi. Jaim phasao kakkhadaim aharemti taim kim egagunakakkhadaim aharemti java anamtaguna-kakkhadaim aharemti? Goyama! Egagunakakkhadaim pi aharemti java anamtagunakakkhadaim pi aharemti. Evam attha vi phasa bhaniyavva java anamtaguna-lukkhaim pi aharemti. Jaim bhamte! Anamtagunalukkhaim aharemti taim kim putthaim aharemti? Aputthaim aharemti? Goyama! Putthaim aharemti no aputthaim aharemti. Jaim bhamte! Putthaim aharemti, taim kim ogadhaim aharemti? Anogadhaim aharemti? Goyama! Ogadhaim aharemti no anogadhaim aharemti. Jaim bhamte! Ogadhaim aharemti, taim kim anamtarogadhaim aharemti? Paramparogadhaim aharemti? Goyama! Anamtarogadhaim aharemti, no paramparogadhaim aharemti. Jaim bhamte! Anamtarogadhaim aharemti, taim kim anuim aharemti? Badaraim aharemti? Goyama! Anuim pi aharemti, badaraim pi aharemti. Jaim bhamte! Anuim pi aharemti, badaraim pi aharemti, taim kim uddham aharemti? Ahe aharemti? Tiriyam aharemti? Goyama! Uddham pi aharemti, ahe vi aharemti, tiriyam pi aharemti. Jaim bhamte! Uddham pi aharemti, ahe vi aharemti, tiriyam pi aharemti, taim kim adim aharemti? Majjhe aharemti? Pajjavasane aharemti? Goyama! Adim pi aharemti, majjhe vi aharemti pajjavasane vi aharemti. Jaim bhamte! Adim pi aharemti, majjhe vi aharemti, pajjavasane vi aharemti, taim kim savisae aharemti? Avisae aharemti? Goyama! Savisae aharemti, no avisae aharemti. Jaim bhamte! Savisae aharemti, taim kim anupuvvim aharemti? Ananupuvvim aharemti? Goyama! Anupuvvim aharemti, no ananupuvvim aharemti. Jaim bhamte! Anupuvvim aharemti, taim kim tidisim aharemti java chhaddisim aharemti? Goyama! Niyama chhaddisim aharemtI.Osannakaranam paduchcha vannao kala-nilaim gamdhao dubbhigamdhaim rasato tittarasakaduyaim phasao kakkhada-garuya-siya-lukkhaim, tesim porane vannagune gamdhagune rasagune phasagune vipparinamaitta paripilaitta parisadaitta parividdhamsaitta anne apuvve vannagune gamdhagune rasagune phasagune uppaetta ayasarirakhettogadhe poggale savvappanayae aharamaharemti. Neraiya nam bhamte! Savvato aharemti savvato parinamemti savvao usasamti savvao nisasamti, abhikkhanam aharemti abhikkhanam parinamemti abhikkhanam usasamti abhikkhanam nisasamti, ahachcha aharemti ahachcha parinamemti ahachcha usasamti ahachcha nisasamti? Hamta goyama! Neraiya savvato aharemti evam tam cheva java ahachcha nisasamti. Neraiya nam bhamte! Je poggale aharattae genhamti te nam tesim poggalanam seyalamsi katibhagam aharemti? Katibhagam asaemti? Goyama! Asamkhejjatibhagam aharemti, anamtabhagam assaemti. Neraiya nam bhamte! Je poggale aharattae genhamti te kim savve aharemti no savve aharemti? Goyama! Te savve aparisesie aharemti. Neraiya nam bhamte! Je poggale aharattae genhamti te nam tesim poggala kisattae bhujjo-bhujjo parinamamti? Goyama! Soimdiyattae java phasimdiyattae anitthattae akamtattae appiyattae asubhattae amanunnattae amanamattae anichchhiyattae abhijjhiyattae ahattae–no uddhattae dukkhattae–no suhattae te tesim, bhujjo-bhujjo parinamamti.
Sutra Meaning Transliteration : Juo sutra 550