Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106810
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-२१ अवगाहना संस्थान

 Translated Chapter :

પદ-૨૧ અવગાહના સંસ્થાન
Section : Translated Section :
Sutra Number : 510 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] कति णं भंते! सरीरया पन्नत्ता? गोयमा! पंच सरीरया पन्नत्ता, तं जहा–ओरालिए वेउव्विए आहारए तेयए कम्मए। ओरालियसरीरे णं भंते! कतिविहे पन्नत्ते? गोयमा! पंचविहे पन्नत्ते, तं जहा–एगिंदियओरालियसरीरे जाव पंचेंदियओरालियसरीरे। एगिंदियओरालियसरीरे णं भंते! कतिविहे पन्नत्ते? गोयमा! पंचविहे पन्नत्ते, तं जहा–पुढविक्काइयएगिंदियओरालियसरीरे जाव वणप्फइकाइयएगिंदियओरालियसरीरे। पुढविक्काइयएगिंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–सुहुमपुढविक्का-इयएगिंदियओरालियसरीरे य बादरपुढविक्काइयएगिंदियओरालियसरीरे य। सुहुमपुढविकाइयएगिंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–पज्जत्तगसुहुमपुढविक्काइयएगिंदियओरालियसरीरे य अपज्जत्तगसुहुमपुढविक्काइयएगिंदियओरा -लियसरीरे य। बादरपुढविक्काइया वि एवं चेव। एवं जाव वणस्सइकाइयएगिंदियओरालियसरीरे त्ति बेइंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–पज्जत्तबेइंदियओरालियसरीरे य अपज्जत्तबेइंदियओरालियसरीरे य। एवं तेइंदियचउरिंदिया वि। पंचेंदियओरालियसरीरे णं भंते! कइविहे पन्नत्ते? गोयमा! दुविहे पन्नत्ते, तं जहा–तिरिक्ख-पंचेंदियओरालियसरीरे य मनुस्सपंचेंदियओरालियसरीरे य। तिरिक्खजोणियपंचेंदियओरालियसरीरे णं भंते! कतिविहे पन्नत्ते? गोयमा! तिविहे पन्नत्ते, तं जहा–जलयरतिरिक्खजोणियपंचेंदियओरालियसरीरे य थलयरतिरिक्खजोणियपंचेंदियओरालिय- सरीरे य खहयरतिरिक्खजोणियपंचेंदियओरालियसरीरे य। जलयरतिरिक्खजोणियपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–सम्मुच्छिमजलयरतिरिक्खजोणियपंचेंदियओरालियसरीरे य गब्भवक्कंतियजलयर-तिरिक्खजोणियपंचेंदियओरालियसरीरे य। सम्मुच्छिमजलयरतिरिक्खजोणियपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–पज्जत्तगसम्मुच्छिमतिरिक्खजोणियपंचेंदियओरालियसरीरे य अपज्जत्तग-सम्मुच्छिमतिरिक्खजोणियपंचेंदियओरालियसरीरे य। एवं गब्भवक्कंतिए वि। थलयरतिरिक्खजोणियपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–चउप्पयथलयरतिरिक्खजोणियपंचेंदियओरालियसरीरे य परिसप्पथलयरतिरिक्ख-जोणियपंचेंदियओरालियसरीरे य। चउप्पयथलयरतिरिक्खजोणियपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–सम्मुच्छिमचउप्पयथलयरतिरिक्खजोणियपंचेंदियओरालियसरीरे य गब्भ-वक्कंतियचउप्पयथलयरतिरिक्खजोणियपंचेंदियओरालियसरीरे य। सम्मुच्छिमचउप्पयथलयरतिरिक्खजोणियपंचेंदियओरालियसरीरे णं भंते! कइविहे पन्नत्ते? गोयमा! दुविहे पन्नत्ते, तं जहा–पज्जत्तगसम्मुच्छिमचउप्पयथलयरतिरिक्खजोणियपंचेंदिय-ओरालियसरीरे य अपज्जत्तगसम्मुच्छिमचउप्पयथलयरति-रिक्खजोणियपंचेंदियओरालियसरीरे य। एवं गब्भवक्कंतिए वि। परिसप्पथलयरतिरिक्खजोणियपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–उरपरिसप्पथलयरतिरिक्खजोणियपंचेंदियओरालियसरीरे य भुयपरिसप्प-थलयरतिरिक्खजोणियपंचेंदियओरालियसरीरे य। उरपरिसप्पथलयरतिरिक्खजोणियपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–सम्मुच्छिमउरपरिसप्पथलयरतिरिक्खजोणियपंचेंदियओरालियसरीरे य गब्भवक्कंतियउरपरिसप्पथलयरतिरिक्खजोणियपंचेंदियओरालियसरीरे य। सम्मुच्छिमे दुविहे पन्नत्ते, तं जहा–अपज्जत्तसम्मुच्छिमउरपरिसप्पथलयरतिरिक्खजोणिय-पंचेंदियओरालियसरीरे य पज्जत्तसम्मुच्छिमउरपरिसप्पथलयरतिरिक्खजोणियपंचेंदियओरालिय-सरीरे य। एवं गब्भवक्कंतियउरपरिसप्पचउक्कओ भेदो। एवं भुयपरिसप्पा वि सम्मुच्छिम-गब्भ-वक्कंतिय-पज्जत्त-अपज्जत्ता। खहयरा दुविहा पन्नत्ता, तं जहा– सम्मुच्छिमा य गब्भवक्कंतिया य। सम्मुच्छिमा दुविहा पन्नत्ता, तं जहा–पज्जत्ता य अपज्जत्ता य। गब्भवक्कंतिया वि पज्जत्ता य अपज्जत्ता य। मनूसपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–सम्मुच्छिममनूसपंचेंदियओरालियसरीरे य गब्भवक्कंतियमनूसपंचेंदियओरालियसरीरे य। गब्भ-वक्कंतियमनूसपंचेंदियओरालियसरीरे णं भंते! कतिविहे पन्नत्ते? गोयमा! दुविहे पन्नत्ते, तं जहा–पज्जत्तगगब्भवक्कंतियमनूसपंचेंदियओरालियसरीरे य अपज्जत्तगगब्भवक्कंतियमनूसपंचेंदिय-ओरालियसरीरे य।
Sutra Meaning : જુઓ સૂત્ર ૫૦૯
Mool Sutra Transliteration : [sutra] kati nam bhamte! Sariraya pannatta? Goyama! Pamcha sariraya pannatta, tam jaha–oralie veuvvie aharae teyae kammae. Oraliyasarire nam bhamte! Kativihe pannatte? Goyama! Pamchavihe pannatte, tam jaha–egimdiyaoraliyasarire java pamchemdiyaoraliyasarire. Egimdiyaoraliyasarire nam bhamte! Kativihe pannatte? Goyama! Pamchavihe pannatte, tam jaha–pudhavikkaiyaegimdiyaoraliyasarire java vanapphaikaiyaegimdiyaoraliyasarire. Pudhavikkaiyaegimdiyaoraliyasarire nam bhamte! Kativihe pannatte? Goyama! Duvihe pannatte, tam jaha–suhumapudhavikka-iyaegimdiyaoraliyasarire ya badarapudhavikkaiyaegimdiyaoraliyasarire ya. Suhumapudhavikaiyaegimdiyaoraliyasarire nam bhamte! Kativihe pannatte? Goyama! Duvihe pannatte, tam jaha–pajjattagasuhumapudhavikkaiyaegimdiyaoraliyasarire ya apajjattagasuhumapudhavikkaiyaegimdiyaora -liyasarire ya. Badarapudhavikkaiya vi evam cheva. Evam java vanassaikaiyaegimdiyaoraliyasarire tti Beimdiyaoraliyasarire nam bhamte! Kativihe pannatte? Goyama! Duvihe pannatte, tam jaha–pajjattabeimdiyaoraliyasarire ya apajjattabeimdiyaoraliyasarire ya. Evam teimdiyachaurimdiya vi. Pamchemdiyaoraliyasarire nam bhamte! Kaivihe pannatte? Goyama! Duvihe pannatte, tam jaha–tirikkha-pamchemdiyaoraliyasarire ya manussapamchemdiyaoraliyasarire ya. Tirikkhajoniyapamchemdiyaoraliyasarire nam bhamte! Kativihe pannatte? Goyama! Tivihe pannatte, tam jaha–jalayaratirikkhajoniyapamchemdiyaoraliyasarire ya thalayaratirikkhajoniyapamchemdiyaoraliya- sarire ya khahayaratirikkhajoniyapamchemdiyaoraliyasarire ya. Jalayaratirikkhajoniyapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–sammuchchhimajalayaratirikkhajoniyapamchemdiyaoraliyasarire ya gabbhavakkamtiyajalayara-tirikkhajoniyapamchemdiyaoraliyasarire ya. Sammuchchhimajalayaratirikkhajoniyapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–pajjattagasammuchchhimatirikkhajoniyapamchemdiyaoraliyasarire ya apajjattaga-sammuchchhimatirikkhajoniyapamchemdiyaoraliyasarire ya. Evam gabbhavakkamtie vi. Thalayaratirikkhajoniyapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–chauppayathalayaratirikkhajoniyapamchemdiyaoraliyasarire ya parisappathalayaratirikkha-joniyapamchemdiyaoraliyasarire ya. Chauppayathalayaratirikkhajoniyapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–sammuchchhimachauppayathalayaratirikkhajoniyapamchemdiyaoraliyasarire ya gabbha-vakkamtiyachauppayathalayaratirikkhajoniyapamchemdiyaoraliyasarire ya. Sammuchchhimachauppayathalayaratirikkhajoniyapamchemdiyaoraliyasarire nam bhamte! Kaivihe pannatte? Goyama! Duvihe pannatte, tam jaha–pajjattagasammuchchhimachauppayathalayaratirikkhajoniyapamchemdiya-oraliyasarire ya apajjattagasammuchchhimachauppayathalayarati-rikkhajoniyapamchemdiyaoraliyasarire ya. Evam gabbhavakkamtie vi. Parisappathalayaratirikkhajoniyapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–uraparisappathalayaratirikkhajoniyapamchemdiyaoraliyasarire ya bhuyaparisappa-thalayaratirikkhajoniyapamchemdiyaoraliyasarire ya. Uraparisappathalayaratirikkhajoniyapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–sammuchchhimauraparisappathalayaratirikkhajoniyapamchemdiyaoraliyasarire ya gabbhavakkamtiyauraparisappathalayaratirikkhajoniyapamchemdiyaoraliyasarire ya. Sammuchchhime duvihe pannatte, tam jaha–apajjattasammuchchhimauraparisappathalayaratirikkhajoniya-pamchemdiyaoraliyasarire ya pajjattasammuchchhimauraparisappathalayaratirikkhajoniyapamchemdiyaoraliya-sarire ya. Evam gabbhavakkamtiyauraparisappachaukkao bhedo. Evam bhuyaparisappa vi sammuchchhima-gabbha-vakkamtiya-pajjatta-apajjatta. Khahayara duviha pannatta, tam jaha– sammuchchhima ya gabbhavakkamtiya ya. Sammuchchhima duviha pannatta, tam jaha–pajjatta ya apajjatta ya. Gabbhavakkamtiya vi pajjatta ya apajjatta ya. Manusapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–sammuchchhimamanusapamchemdiyaoraliyasarire ya gabbhavakkamtiyamanusapamchemdiyaoraliyasarire ya. Gabbha-vakkamtiyamanusapamchemdiyaoraliyasarire nam bhamte! Kativihe pannatte? Goyama! Duvihe pannatte, tam jaha–pajjattagagabbhavakkamtiyamanusapamchemdiyaoraliyasarire ya apajjattagagabbhavakkamtiyamanusapamchemdiya-oraliyasarire ya.
Sutra Meaning Transliteration : Juo sutra 509