Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106755
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-१७ लेश्या

 Translated Chapter :

પદ-૧૭ લેશ્યા
Section : उद्देशक-२ Translated Section : ઉદ્દેશક-૨
Sutra Number : 455 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] एतेसि णं भंते! तिरिक्खजोणियाणं कण्हलेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा तिरिक्खजोणिया सुक्कलेसा, एवं जहा ओहिया, नवरं– अलेस्सवज्जा। एतेसि णं भंते! एगिंदियाणं कण्हलेस्साणं जाव तेउलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा एगिंदिया तेउलेस्सा, काउलेस्सा अनंतगुणा, नीललेस्सा विसेसाहिया, कण्हलेस्सा विसेसाहिया। एतेसि णं भंते! पुढविक्काइयाणं कण्हलेस्साणं जाव तेउलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! जहा ओहिया एगिंदिया, नवरं–काउलेस्सा असंखेज्जगुणा। एवं आउक्काइयाण वि। एतेसि णं भंते! तेउक्काइयाणं कण्हलेस्साणं नीललेस्साणं काउलेस्साणं य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा तेउक्काइया काउलेस्सा, नीललेस्सा विसेसाहिया, कण्हलेस्सा विसेसाहिया। एवं वाउक्काइयाण वि। एतेसि णं भंते! वणप्फइकाइयाणं कण्हलेस्साणं जाव तेउलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? जहा एगिंदियओहियाणं बेइंदिय तेइंदिय चउरिंदियाणं जहा तेउक्काइयाणं। एतेसि णं भंते! पंचेंदियतिरिक्खजोणियाणं कण्हलेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! जहा ओहियाणं तिरिक्ख-जोणियाणं, नवरं–काउलेस्सा असंखेज्जगुणा। सम्मुच्छिमपंचेंदियतिरिक्खजोणियाणं जहा तेउक्का-इयाणं। गब्भवक्कंतियपंचेंदियतिरिक्खजोणियाणं जहा ओहियाणं तिरिक्खजोणियाणं, नवरं–काउ-लेस्सा संखेज्जगुणा। एवं तिरिक्खजोणिणीण वि। एतेसि णं भंते! सम्मुच्छिमपंचेंदियतिरिक्खजोणियाणं गब्भवक्कंतियपंचेंदियतिरिक्ख-जोणियाण य कण्हलेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा गब्भवक्कंतियपंचेंदियतिरिक्खजोणिया सुक्कलेस्सा, पम्हलेस्सा संखेज्जगुणा, तेउलेस्सा संखेज्जगुणा, काउलेस्सा संखेज्जगुणा, नीललेस्सा विसेसा-हिया, कण्हलेस्सा विसेसाहिया, काउलेस्सा सम्मुच्छिमपंचेंदियतिरिक्खजोणिया असंखेज्जगुणा, नीललेस्सा विसेसाहिया, कण्हलेस्सा विसेसाहिया। एतेसि णं भंते! सम्मुच्छिमपंचेंदियतिरिक्खजोणियाणं तिरिक्खजोणिणीण य कण्हलेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! जहेव पंचमं तहा इमं पि छट्ठं भाणियव्वं। एतेसि णं भंते! गब्भवक्कंतियपंचेंदियतिरिक्खजोणियाणं तिरिक्खजोणिणीण य कण्ह-लेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा गब्भवक्कंतियपंचेंदियतिरिक्खजोणिया सुक्कलेस्सा, सुक्कलेस्साओ तिरिक्ख-जोणिणीओ संखेज्जगुणाओ, पम्हलेस्सा गब्भवक्कंतियपंचेंदियतिरिक्खजोणिया संखेज्जगुणा, पम्हलेस्साओ तिरिक्खजोणिणीओ संखेज्जगुणाओ, तेउलेस्सा संखेज्जगुणा, तेउलेस्साओ संखेज्जगुणाओ, काउलेस्सा संखेज्जगुणा, नीललेस्सा विसेसाहिया, कण्हलेस्सा विसेसाहिया, काउ-लेस्साओ संखेज्जगुणाओ, नीललेस्साओ विसेसाहियाओ, कण्हलेस्साओ विसेसाहियाओ। एतेसि णं भंते! सम्मुच्छिमपंचेंदियतिरिक्खजोणियाणं गब्भवक्कंतियपंचेंदियतिरिक्ख-जोणियाणं तिरिक्खजोणिणीण य कण्हलेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा गब्भवक्कंतियपंचेंदियतिरिक्खजोणिया सुक्कलेस्सा सुक्कलेस्साओ तिरिक्खजोणिणीओ संखेज्जगुणाओ, पम्हलेस्सा गब्भवक्कंतिय-पंचेंदियतिरिक्खजोणिया संखेज्जगुणा, पम्हलेस्साओ तिरिक्खजोणिणीओ संखेज्जगुणाओ, तेउलेस्सा गब्भवक्कंतियपंचेंदियतिरिक्खजोणिया संखेज्जगुणा, तेउलेस्साओ तिरिक्खजोणिणीओ संखेज्जगुणाओ, काउलेस्सा तिरिक्खजोणिया संखेज्जगुणा, नीललेस्सा विसेसाहिया, कण्हलेस्सा विसेसाहिया, काउलेस्साओ संखेज्जगुणाओ, नीललेस्साओ विसेसाहियाओ, कण्हलेस्साओ विसे-साहियाओ, काउलेस्सा सम्मुच्छिमपंचेंदियतिरिक्खजोणिया असंखेज्जगुणा, नीललेस्सा विसेसा-हिया, कण्हलेस्सा विसेसाहिया। एतेसि णं भंते! पंचेंदियतिरिक्खजोणियाणं तिरिक्खजोणिणीण य कण्हलेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! सव्वत्थोवा पंचेंदियतिरिक्खजोणिया सुक्कलेस्सा, सुक्कलेस्साओ संखेज्जगुणाओ, पम्हलेस्सा संखेज्जगुणा, पम्हलेस्साओ संखेज्जगुणाओ, तेउलेस्सा संखेज्जगुणा तेउलेस्साओ संखेज्जगुणाओ, काउ-लेस्साओ संखेज्जगुणाओ, नीललेस्साओ विसेसाहियाओ, कण्हलेस्साओ विसेसाहियाओ, काउ-लेस्सा असंखेज्जगुणा, नीललेस्सा विसेसाहिया, कण्हलेस्सा विसेसाहिया। एतेसि णं भंते! तिरिक्खजोणियाणं तिरिक्खजोणिणीण य कण्हलेस्साणं जाव सुक्कलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा! जहेव णवमं अप्पाबहुगं तहा इमं पि, नवरं–काउलेस्सा तिरिक्खजोणिया अनंतगुणा। एवं एगिंदियबहुगा तिरिक्खजोणियाणं।
Sutra Meaning : જુઓ સૂત્ર ૪૫૪
Mool Sutra Transliteration : [sutra] etesi nam bhamte! Tirikkhajoniyanam kanhalessanam java sukkalessana ya katare katarehimto appa va bahuya va tulla va visesahiya va? Goyama! Savvatthova tirikkhajoniya sukkalesa, evam jaha ohiya, navaram– alessavajja. Etesi nam bhamte! Egimdiyanam kanhalessanam java teulessana ya katare katarehimto appa va bahuya va tulla va visesahiya va? Goyama! Savvatthova egimdiya teulessa, kaulessa anamtaguna, nilalessa visesahiya, kanhalessa visesahiya. Etesi nam bhamte! Pudhavikkaiyanam kanhalessanam java teulessana ya katare katarehimto appa va bahuya va tulla va visesahiya va? Goyama! Jaha ohiya egimdiya, navaram–kaulessa asamkhejjaguna. Evam aukkaiyana vi. Etesi nam bhamte! Teukkaiyanam kanhalessanam nilalessanam kaulessanam ya katare katarehimto appa va bahuya va tulla va visesahiya va? Goyama! Savvatthova teukkaiya kaulessa, nilalessa visesahiya, kanhalessa visesahiya. Evam vaukkaiyana vi. Etesi nam bhamte! Vanapphaikaiyanam kanhalessanam java teulessana ya katare katarehimto appa va bahuya va tulla va visesahiya va? Jaha egimdiyaohiyanam beimdiya teimdiya chaurimdiyanam jaha teukkaiyanam. Etesi nam bhamte! Pamchemdiyatirikkhajoniyanam kanhalessanam java sukkalessana ya katare katarehimto appa va bahuya va tulla va visesahiya va? Goyama! Jaha ohiyanam tirikkha-joniyanam, navaram–kaulessa asamkhejjaguna. Sammuchchhimapamchemdiyatirikkhajoniyanam jaha teukka-iyanam. Gabbhavakkamtiyapamchemdiyatirikkhajoniyanam jaha ohiyanam tirikkhajoniyanam, navaram–kau-lessa samkhejjaguna. Evam tirikkhajoninina vi. Etesi nam bhamte! Sammuchchhimapamchemdiyatirikkhajoniyanam gabbhavakkamtiyapamchemdiyatirikkha-joniyana ya kanhalessanam java sukkalessana ya katare katarehimto appa va bahuya va tulla va visesahiya va? Goyama! Savvatthova gabbhavakkamtiyapamchemdiyatirikkhajoniya sukkalessa, pamhalessa samkhejjaguna, teulessa samkhejjaguna, kaulessa samkhejjaguna, nilalessa visesa-hiya, kanhalessa visesahiya, kaulessa sammuchchhimapamchemdiyatirikkhajoniya asamkhejjaguna, nilalessa visesahiya, kanhalessa visesahiya. Etesi nam bhamte! Sammuchchhimapamchemdiyatirikkhajoniyanam tirikkhajoninina ya kanhalessanam java sukkalessana ya katare katarehimto appa va bahuya va tulla va visesahiya va? Goyama! Jaheva pamchamam taha imam pi chhattham bhaniyavvam. Etesi nam bhamte! Gabbhavakkamtiyapamchemdiyatirikkhajoniyanam tirikkhajoninina ya kanha-lessanam java sukkalessana ya katare katarehimto appa va bahuya va tulla va visesahiya va? Goyama! Savvatthova gabbhavakkamtiyapamchemdiyatirikkhajoniya sukkalessa, sukkalessao tirikkha-joninio samkhejjagunao, pamhalessa gabbhavakkamtiyapamchemdiyatirikkhajoniya samkhejjaguna, pamhalessao tirikkhajoninio samkhejjagunao, teulessa samkhejjaguna, teulessao samkhejjagunao, kaulessa samkhejjaguna, nilalessa visesahiya, kanhalessa visesahiya, kau-lessao samkhejjagunao, nilalessao visesahiyao, kanhalessao visesahiyao. Etesi nam bhamte! Sammuchchhimapamchemdiyatirikkhajoniyanam gabbhavakkamtiyapamchemdiyatirikkha-joniyanam tirikkhajoninina ya kanhalessanam java sukkalessana ya katare katarehimto appa va bahuya va tulla va visesahiya va? Goyama! Savvatthova gabbhavakkamtiyapamchemdiyatirikkhajoniya sukkalessa sukkalessao tirikkhajoninio samkhejjagunao, pamhalessa gabbhavakkamtiya-pamchemdiyatirikkhajoniya samkhejjaguna, pamhalessao tirikkhajoninio samkhejjagunao, teulessa gabbhavakkamtiyapamchemdiyatirikkhajoniya samkhejjaguna, teulessao tirikkhajoninio samkhejjagunao, kaulessa tirikkhajoniya samkhejjaguna, nilalessa visesahiya, kanhalessa visesahiya, kaulessao samkhejjagunao, nilalessao visesahiyao, kanhalessao vise-sahiyao, kaulessa sammuchchhimapamchemdiyatirikkhajoniya asamkhejjaguna, nilalessa visesa-hiya, kanhalessa visesahiya. Etesi nam bhamte! Pamchemdiyatirikkhajoniyanam tirikkhajoninina ya kanhalessanam java sukkalessana ya katare katarehimto appa va bahuya va tulla va visesahiya va? Goyama! Savvatthova pamchemdiyatirikkhajoniya sukkalessa, sukkalessao samkhejjagunao, pamhalessa samkhejjaguna, pamhalessao samkhejjagunao, teulessa samkhejjaguna teulessao samkhejjagunao, kau-lessao samkhejjagunao, nilalessao visesahiyao, kanhalessao visesahiyao, kau-lessa asamkhejjaguna, nilalessa visesahiya, kanhalessa visesahiya. Etesi nam bhamte! Tirikkhajoniyanam tirikkhajoninina ya kanhalessanam java sukkalessana ya katare katarehimto appa va bahuya va tulla va visesahiya va? Goyama! Jaheva navamam appabahugam taha imam pi, navaram–kaulessa tirikkhajoniya anamtaguna. Evam egimdiyabahuga tirikkhajoniyanam.
Sutra Meaning Transliteration : Juo sutra 454