Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106646
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-६ व्युत्क्रान्ति

 Translated Chapter :

પદ-૬ વ્યુત્ક્રાન્તિ
Section : Translated Section :
Sutra Number : 346 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] असुरकुमारा णं भंते! अनंतरं उव्वट्टित्ता कहिं गच्छंति? कहिं उववज्जंति? किं नेरइएसु उववज्जंति जाव देवेसु उववज्जंति? गोयमा! नो नेरइएसु उववज्जंति, तिरिक्खजोणिएसु उववज्जंति, मनुस्सेसु उववज्जंति, नो देवेसु उववज्जंति। जदि तिरिक्खजोणिएसु उववज्जंति किं एगिंदियतिरिक्खजोणिएसु जाव पंचेंदियतिरिक्ख-जोणिएसु उववज्जंति? गोयमा! एगिंदियतिरिक्खजोणिएसु उववज्जंति, नो बेइंदिएसु जाव नो चउरिंदिएसु उववज्जंति, पंचेंदियतिरिक्खजोणिएसु उववज्जंति। जदि एगिंदिएसु उववज्जंति किं पुढविकाइयएगिंदिएसु जाव वणस्सइकाइयएगिंदिएसु उववज्जंति? गोयमा! पुढविकाइयएगिंदिएसु वि आउकाइयएगिंदिएसु वि उववज्जंति, नो तेउकाइएसु नो वाउकाइएसु उववज्जंति, वणस्सइकाइएसु उववज्जंति। जदि पुढविकाइएसु उववज्जंति किं सुहुमपुढविकाइएसु उववज्जंति? बादरपुढविकाइएसु उववज्जंति? गोयमा! बादरपुढवि-काइएसु उववज्जंति, नो सुहुमपुढविकाइएसु। जदि बादरपुढविकाइएसु उववज्जंति किं पज्जत्तगबादरपुढविकाइएसु उववज्जंति? अपज्जत्तगबायरपुढविकाइएसु उववज्जंति? गोयमा! पज्जत्तएसु उववज्जंति, नो अपज्जत्तएसु। एवं आउवणस्सतीसु वि भाणितव्वं। पंचेंदियतिरिक्खजोणियमनुस्सेसु य जहा नेरइयाणं उव्वट्टणा सम्मुच्छिमवज्जा तहा भाणितव्वा। एवं जाव थणियकुमारा।
Sutra Meaning : જુઓ સૂત્ર ૩૪૫
Mool Sutra Transliteration : [sutra] asurakumara nam bhamte! Anamtaram uvvattitta kahim gachchhamti? Kahim uvavajjamti? Kim neraiesu uvavajjamti java devesu uvavajjamti? Goyama! No neraiesu uvavajjamti, tirikkhajoniesu uvavajjamti, manussesu uvavajjamti, no devesu uvavajjamti. Jadi tirikkhajoniesu uvavajjamti kim egimdiyatirikkhajoniesu java pamchemdiyatirikkha-joniesu uvavajjamti? Goyama! Egimdiyatirikkhajoniesu uvavajjamti, no beimdiesu java no chaurimdiesu uvavajjamti, pamchemdiyatirikkhajoniesu uvavajjamti. Jadi egimdiesu uvavajjamti kim pudhavikaiyaegimdiesu java vanassaikaiyaegimdiesu uvavajjamti? Goyama! Pudhavikaiyaegimdiesu vi aukaiyaegimdiesu vi uvavajjamti, no teukaiesu no vaukaiesu uvavajjamti, vanassaikaiesu uvavajjamti. Jadi pudhavikaiesu uvavajjamti kim suhumapudhavikaiesu uvavajjamti? Badarapudhavikaiesu uvavajjamti? Goyama! Badarapudhavi-kaiesu uvavajjamti, no suhumapudhavikaiesu. Jadi badarapudhavikaiesu uvavajjamti kim pajjattagabadarapudhavikaiesu uvavajjamti? Apajjattagabayarapudhavikaiesu uvavajjamti? Goyama! Pajjattaesu uvavajjamti, no apajjattaesu. Evam auvanassatisu vi bhanitavvam. Pamchemdiyatirikkhajoniyamanussesu ya jaha neraiyanam uvvattana sammuchchhimavajja taha bhanitavva. Evam java thaniyakumara.
Sutra Meaning Transliteration : Juo sutra 345