Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106644
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-६ व्युत्क्रान्ति

 Translated Chapter :

પદ-૬ વ્યુત્ક્રાન્તિ
Section : Translated Section :
Sutra Number : 344 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] वेमानिया णं भंते कओहिंतो उववज्जंति किं नेरइएहिंतो पंचेंदियतिरिक्खजोणिहिंतो मनुस्सेहिंतो देवेहिंतो गोयमा नो नेरइएहिंतो उववज्जंति पंचिंदियतिरिक्खजोणिएहिंतो उववज्जंति मनुस्सेहिंतो उववज्जंति नो देवेहिंतो उववज्जंति एवं चेव वेमानिया वि सोहम्मीसाणगा भाणितव्वा। एवं सणंकुमारगा वि, नवरं–असंखेज्जवासाउयअकम्मभूमगवज्जेहिंतो उववज्जंति। एवं जाव सहस्सार-कप्पोवगवेमानियदेवा भाणितव्वा। आणयदेवा णं भंते! कतोहिंतो उववज्जंति? किं नेरइएहिंतो जाव देवेहिंतो उववज्जंति? गोयमा! नो नेरइएहिंतो उववज्जंति, नो तिरिक्खजोणिएहिंतो उववज्जंति, मनुस्सेहिंतो उववज्जंति, नो देवेहिंतो। जदि मनुस्सेहिंतो उववज्जंति किं सम्मुच्छिममनुस्सेहिंतो गब्भवक्कंतियमनुस्सेहिंतो उववज्जंति? गोयमा! गब्भव-क्कंतियमनुस्सेहिंतो उववज्जंति, नो सम्मुच्छिममनुस्सेहिंतो। जदि गब्भवक्कंतियमनुस्सेहिंतो उववज्जंति किं कम्मभूमगेहिंतो उववज्जंति? अकम्मभूम-गेहिंतो उववज्जंति? अंतरदीवगेहिंतो उववज्जंति? गोयमा! कम्मभूमगगब्भवक्कंतियमनुस्सेहिंतो उववज्जंति, नो अकम्मभूमगेहिंतो, नो अंतरदीवगेहिंतो। जदि कम्मभूमगगब्भवक्कंतियमनुस्सेहिंतो उववज्जंति किं संखेज्जवासाउएहिंतो उवव-ज्जंति? असंखेज्जवासाउएहिंतो उववज्जंति? गोयमा! संखेज्जवासाउएहिंतो, नो असंखेज्जवासा-उएहिंतो उववज्जंति। जदि संखेज्जवासाउयकम्मभूमगगब्भवक्कंतियमनुस्सेहिंतो उववज्जंति किं पज्जत्तएहिंतो अपज्जत्तएहिंतो उववज्जंति? गोयमा! पज्जत्तगसंखेज्जवासाउयकम्मभूमगगब्भवक्कंतिय-मनुस्सेहिंतो उववज्जंति, नो अपज्जत्तएहिंतो। जदि पज्जत्तगसंखेज्जवासाउयकम्मभूमगगब्भवक्कंतियमनुस्सेहिंतो उववज्जंति किं सम्म-द्दिट्ठिपज्जत्तगसंखेज्जवासाउयकम्मभूमगेहिंतो उववज्जंति? मिच्छद्दिट्ठिपज्जत्तगसंखेज्जवासाउ- एहिंतो उववज्जंति? सम्मामिच्छद्दिट्ठिपज्जत्तगसंखेज्जवासाउयकम्मभूमगगब्भवक्कंतियमनुस्से-हिंतो उववज्जंति? गोयमा! सम्मद्दिट्ठिपज्जत्तगसंखेज्जवासाउयकम्मभूमगगब्भवक्कंतियमनुस्से-हिंतो उववज्जंति, मिच्छद्दिट्ठिपज्जत्तगेहिंतो उववज्जंति, नो सम्मामिच्छाद्दिट्ठिपज्जत्तगेहिंतो उववज्जंति। जदि सम्मद्दिट्ठिपज्जत्तगसंखेज्जवासाउयकम्मभूमगगब्भवक्कंतियमनुस्सेहिंतो उववज्जंति किं संजतसम्मद्दिट्ठिहिंतो? असंजतसम्मद्दिट्ठिपज्जत्तएहिंतो? संजयासंजयसम्मद्दिट्ठिपज्जत्तग-संखेज्जवासाउएहिंतो उववज्जंति? गोयमा! तीहिंतो वि उववज्जंति। एवं जाव अच्चुओ कप्पो। एवं गेवेज्जगदेवा वि, नवरं–असंजत-संजतासंजतेहिंतो वि एते पडिसेहेयव्वा। एवं जहेव गेवेज्जगदेवा तहेव अनुत्तरोववाइया वि, नवरं–इमं नाणत्तं–संजया चेव। संजतसम्मद्दिट्ठिपज्जत्तसंखेज्जवासाउयकम्मभूमगगब्भवक्कंतियमनुस्सेहिंतो उववज्जंति किं पमत्तसंजतसम्मद्दिट्ठिपज्जत्तए-हिंतो अपमत्तसंजतेहिंतो उववज्जंति? गोयमा! अपमत्त-संजएहिंतो उववज्जंति, नो पमत्तसंजएहिंतो उववज्जंति। जदि अपमत्तसंजएहिंतो उववज्जंति किं इड्ढिपत्तअपमत्तसंजतेहिंतो उववज्जंति? अनिड्ढि-पत्तअपमत्तसंजतेहिंतो उववज्जंति? गोयमा! दोहिंतो वि उववज्जंति।
Sutra Meaning : જુઓ સૂત્ર ૩૩૪
Mool Sutra Transliteration : [sutra] vemaniya nam bhamte kaohimto uvavajjamti kim neraiehimto pamchemdiyatirikkhajonihimto manussehimto devehimto goyama no neraiehimto uvavajjamti pamchimdiyatirikkhajoniehimto uvavajjamti manussehimto uvavajjamti no devehimto uvavajjamti evam cheva vemaniya vi sohammisanaga bhanitavva. Evam sanamkumaraga vi, navaram–asamkhejjavasauyaakammabhumagavajjehimto uvavajjamti. Evam java sahassara-kappovagavemaniyadeva bhanitavva. Anayadeva nam bhamte! Katohimto uvavajjamti? Kim neraiehimto java devehimto uvavajjamti? Goyama! No neraiehimto uvavajjamti, no tirikkhajoniehimto uvavajjamti, manussehimto uvavajjamti, no devehimto. Jadi manussehimto uvavajjamti kim sammuchchhimamanussehimto gabbhavakkamtiyamanussehimto uvavajjamti? Goyama! Gabbhava-kkamtiyamanussehimto uvavajjamti, no sammuchchhimamanussehimto. Jadi gabbhavakkamtiyamanussehimto uvavajjamti kim kammabhumagehimto uvavajjamti? Akammabhuma-gehimto uvavajjamti? Amtaradivagehimto uvavajjamti? Goyama! Kammabhumagagabbhavakkamtiyamanussehimto uvavajjamti, no akammabhumagehimto, no amtaradivagehimto. Jadi kammabhumagagabbhavakkamtiyamanussehimto uvavajjamti kim samkhejjavasauehimto uvava-jjamti? Asamkhejjavasauehimto uvavajjamti? Goyama! Samkhejjavasauehimto, no asamkhejjavasa-uehimto uvavajjamti. Jadi samkhejjavasauyakammabhumagagabbhavakkamtiyamanussehimto uvavajjamti kim pajjattaehimto apajjattaehimto uvavajjamti? Goyama! Pajjattagasamkhejjavasauyakammabhumagagabbhavakkamtiya-manussehimto uvavajjamti, no apajjattaehimto. Jadi pajjattagasamkhejjavasauyakammabhumagagabbhavakkamtiyamanussehimto uvavajjamti kim samma-dditthipajjattagasamkhejjavasauyakammabhumagehimto uvavajjamti? Michchhadditthipajjattagasamkhejjavasau- ehimto uvavajjamti? Sammamichchhadditthipajjattagasamkhejjavasauyakammabhumagagabbhavakkamtiyamanusse-himto uvavajjamti? Goyama! Sammadditthipajjattagasamkhejjavasauyakammabhumagagabbhavakkamtiyamanusse-himto uvavajjamti, michchhadditthipajjattagehimto uvavajjamti, no sammamichchhadditthipajjattagehimto uvavajjamti. Jadi sammadditthipajjattagasamkhejjavasauyakammabhumagagabbhavakkamtiyamanussehimto uvavajjamti kim samjatasammadditthihimto? Asamjatasammadditthipajjattaehimto? Samjayasamjayasammadditthipajjattaga-samkhejjavasauehimto uvavajjamti? Goyama! Tihimto vi uvavajjamti. Evam java achchuo kappo. Evam gevejjagadeva vi, navaram–asamjata-samjatasamjatehimto vi ete padiseheyavva. Evam jaheva gevejjagadeva taheva anuttarovavaiya vi, navaram–imam nanattam–samjaya cheva. Samjatasammadditthipajjattasamkhejjavasauyakammabhumagagabbhavakkamtiyamanussehimto uvavajjamti kim pamattasamjatasammadditthipajjattae-himto apamattasamjatehimto uvavajjamti? Goyama! Apamatta-samjaehimto uvavajjamti, no pamattasamjaehimto uvavajjamti. Jadi apamattasamjaehimto uvavajjamti kim iddhipattaapamattasamjatehimto uvavajjamti? Aniddhi-pattaapamattasamjatehimto uvavajjamti? Goyama! Dohimto vi uvavajjamti.
Sutra Meaning Transliteration : Juo sutra 334