Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106638
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-६ व्युत्क्रान्ति

 Translated Chapter :

પદ-૬ વ્યુત્ક્રાન્તિ
Section : Translated Section :
Sutra Number : 338 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पुढविकाइया णं भंते! कओहिंतो उववज्जंति? किं नेरइएहिंतो जाव देवेहिंतो उववज्जंति? गोयमा! नो नेरइएहिंतो उववज्जंति, तिरिक्खजोणिएहिंतो मनुस्सेहिंतो देवेहिंतो वि उववज्जंति। जदि तिरिक्खजोणिएहिंतो उववज्जंति किं एगिंदियतिरिक्खजोणिएहिंतो उववज्जंति जाव पंचेंदियतिरिक्खजोणिएहिंतो उववज्जंति? गोयमा! एगिंदियतिरिक्खजोणिएहिंतो वि जाव पंचेंदियतिरिक्खजोणिएहिंतो वि उववज्जंति। जदि एगिंदियतिरिक्खजोणिएहिंतो उववज्जंति किं पुढविकाइएहिंतो जाव वणप्फइ-काइएहिंतो उववज्जंति? गोयमा! पुढविकाइएहिंतो वि जाव वणप्फइकाइएहिंतो वि उववज्जंति। जदि पुढविकाइएहिंतो उववज्जंति किं सुहुमपुढविकाइएहिंतो उववज्जंति? बादर-पुढविकाइएहिंतो उववज्जंति? गोयमा! दोहिंतो वि उववज्जंति। जदि सुहुमपुढविकाइएहिंतो उववज्जंति किं पज्जत्तयपुढविकाइएहिंतो उववज्जंति? अपज्जत्तयपुढविकाइएहिंतो उववज्जंति? गोयमा! दोहिंतो वि उववज्जंति। जदि बादरपुढविकाइएहिंतो उववज्जंति किं पज्जत्तएहिंतो उववज्जंति? अपज्जत्तएहिंतो उववज्जंति? गोयमा! दोहिंतो वि उववज्जंति। एवं जाव वणस्सतिकाइया चउक्कएणं भेदेणं उववाएयव्वा। जदि बेइंदियतिरिक्खजोणिएहिंतो उववज्जंति किं पज्जत्तयबेइंदिएहिंतो उववज्जंति? अपज्जत्तयबेइंदिएहिंतो उववज्जंति? गोयमा! दोहिंतो वि उववज्जंति। एवं तेइंदियचउरिंदिएहिंतो वि उववज्जंति। जदि पंचेंदियतिरिक्खजोणिएहिंतो उववज्जंति किं जलयरपंचेंदिएहिंतो उववज्जंति? एवं जेहिंतो नेरइयाणं उववाओ भणितो तेहिंतो एतेसिं पि भाणितव्वो, नवरं–पज्जत्तग-अपज्जत्तगेहिंतो वि उववज्जंति। सेसं तं चेव। जदि मनुस्सेहिंतो उववज्जंति किं सम्मुच्छिममनुस्सेहिंतो उववज्जंति? गब्भवक्कंतिय-मनुस्सेहिंतो उववज्जंति? गोयमा! दोहिंतो वि उववज्जंति। जदि गब्भवक्कंतियमनुस्सेहिंतो उववज्जंति किं कम्मभूमगगब्भवक्कंतियमनुस्सेहिंतो उववज्जंति? अकम्मभूमगगब्भवक्कंतियम-णुस्सेहिंतो उववज्जंति? सेसं जहा नेरइयाणं, नवरं–अपज्जत्तएहिंतो वि उववज्जंति। जदि देवेहिंतो उववज्जंति किं भवनवासि-वाणमंतर-जोइसिय-वेमानियदेवेहिंतो उववज्जंति? गोयमा! भवनवासि देवेहिंतो वि उववज्जंति जाव वेमानियदेवेहिंतो वि उववज्जंति। जदि भवनवासिदेवेहिंतो उववज्जंति किं असुरकुमारदेवेहिंतो जाव थणियकुमारदेवेहिंतो उववज्जंति? गोयमा! असुरकुमारदेवेहिंतो वि जाव थणियकुमारदेवेहिंतो वि उववज्जंति। जदि वाणमंतरदेवेहिंतो उववज्जंति किं पिसाएहिंतो जाव गंधव्वेहिंतो उववज्जंति? गोयमा! पिसाएहिंतो वि जाव गंधव्वेहिंतो वि उववज्जंति। जदि जोइसियदेवेहिंतो उववज्जंति किं चंदविमानेहिंतो जाव ताराविमानेहिंतो उववज्जंति? गोयमा! चंदविमान-जोइसियदेवेहिंतो वि जाव ताराविमानजोइसियदेवेहिंतो वि उववज्जंति। जदि वेमानियदेवेहिंतो उववज्जंति किं कप्पोवगवेमानियदेवेहिंतो उववज्जंति? कप्पातीतग वेमानियदेवेहिंतो उववज्जंति? गोयमा! कप्पोवगवेमानियदेवेहिंतो उववज्जंति, नो कप्पातीतग-वेमानियदेवेहिंतो उववज्जंति। जदि कप्पोवगवेमानियदेवेहिंतो उववज्जंति किं सोहम्मेहिंतो जाव अच्चुएहिंतो उववज्जंति? गोयमा! सोहम्मीसाणेहिंतो उववज्जंति, नो सणंकुमार जाव अच्चुएहिंतो उववज्जंति। एवं आउक्काइया वि। एवं तेउ-वाऊ वि, नवरं–देववज्जेहिंतो उववज्जंति। वणस्सइकाइया जहा पुढविकाइया।
Sutra Meaning : જુઓ સૂત્ર ૩૩૪
Mool Sutra Transliteration : [sutra] pudhavikaiya nam bhamte! Kaohimto uvavajjamti? Kim neraiehimto java devehimto uvavajjamti? Goyama! No neraiehimto uvavajjamti, tirikkhajoniehimto manussehimto devehimto vi uvavajjamti. Jadi tirikkhajoniehimto uvavajjamti kim egimdiyatirikkhajoniehimto uvavajjamti java pamchemdiyatirikkhajoniehimto uvavajjamti? Goyama! Egimdiyatirikkhajoniehimto vi java pamchemdiyatirikkhajoniehimto vi uvavajjamti. Jadi egimdiyatirikkhajoniehimto uvavajjamti kim pudhavikaiehimto java vanapphai-kaiehimto uvavajjamti? Goyama! Pudhavikaiehimto vi java vanapphaikaiehimto vi uvavajjamti. Jadi pudhavikaiehimto uvavajjamti kim suhumapudhavikaiehimto uvavajjamti? Badara-pudhavikaiehimto uvavajjamti? Goyama! Dohimto vi uvavajjamti. Jadi suhumapudhavikaiehimto uvavajjamti kim pajjattayapudhavikaiehimto uvavajjamti? Apajjattayapudhavikaiehimto uvavajjamti? Goyama! Dohimto vi uvavajjamti. Jadi badarapudhavikaiehimto uvavajjamti kim pajjattaehimto uvavajjamti? Apajjattaehimto uvavajjamti? Goyama! Dohimto vi uvavajjamti. Evam java vanassatikaiya chaukkaenam bhedenam uvavaeyavva. Jadi beimdiyatirikkhajoniehimto uvavajjamti kim pajjattayabeimdiehimto uvavajjamti? Apajjattayabeimdiehimto uvavajjamti? Goyama! Dohimto vi uvavajjamti. Evam teimdiyachaurimdiehimto vi uvavajjamti. Jadi pamchemdiyatirikkhajoniehimto uvavajjamti kim jalayarapamchemdiehimto uvavajjamti? Evam jehimto neraiyanam uvavao bhanito tehimto etesim pi bhanitavvo, navaram–pajjattaga-apajjattagehimto vi uvavajjamti. Sesam tam cheva. Jadi manussehimto uvavajjamti kim sammuchchhimamanussehimto uvavajjamti? Gabbhavakkamtiya-manussehimto uvavajjamti? Goyama! Dohimto vi uvavajjamti. Jadi gabbhavakkamtiyamanussehimto uvavajjamti kim kammabhumagagabbhavakkamtiyamanussehimto uvavajjamti? Akammabhumagagabbhavakkamtiyama-nussehimto uvavajjamti? Sesam jaha neraiyanam, navaram–apajjattaehimto vi uvavajjamti. Jadi devehimto uvavajjamti kim bhavanavasi-vanamamtara-joisiya-vemaniyadevehimto uvavajjamti? Goyama! Bhavanavasi devehimto vi uvavajjamti java vemaniyadevehimto vi uvavajjamti. Jadi bhavanavasidevehimto uvavajjamti kim asurakumaradevehimto java thaniyakumaradevehimto uvavajjamti? Goyama! Asurakumaradevehimto vi java thaniyakumaradevehimto vi uvavajjamti. Jadi vanamamtaradevehimto uvavajjamti kim pisaehimto java gamdhavvehimto uvavajjamti? Goyama! Pisaehimto vi java gamdhavvehimto vi uvavajjamti. Jadi joisiyadevehimto uvavajjamti kim chamdavimanehimto java taravimanehimto uvavajjamti? Goyama! Chamdavimana-joisiyadevehimto vi java taravimanajoisiyadevehimto vi uvavajjamti. Jadi vemaniyadevehimto uvavajjamti kim kappovagavemaniyadevehimto uvavajjamti? Kappatitaga vemaniyadevehimto uvavajjamti? Goyama! Kappovagavemaniyadevehimto uvavajjamti, no kappatitaga-vemaniyadevehimto uvavajjamti. Jadi kappovagavemaniyadevehimto uvavajjamti kim sohammehimto java achchuehimto uvavajjamti? Goyama! Sohammisanehimto uvavajjamti, no sanamkumara java achchuehimto uvavajjamti. Evam aukkaiya vi. Evam teu-vau vi, navaram–devavajjehimto uvavajjamti. Vanassaikaiya jaha pudhavikaiya.
Sutra Meaning Transliteration : Juo sutra 334