Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106625
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-५ विशेष

 Translated Chapter :

પદ-૫ વિશેષ
Section : Translated Section :
Sutra Number : 325 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जहन्नपदेसियाणं भंते! खंधाणं पुच्छा। गोयमा! अनंता। से केणट्ठेणं? गोयमा! जहन्नपदेसिते खंधे जहन्नपएसियस्स खंधस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए सिय हीने सिय तुल्ले सिय अब्भहिए–जदि हीने पदेसहीने। अह अब्भहिए पदेसमब्भहिए। ठितीए चउट्ठाणवडिते वण्ण-गंध-रस-उवरिल्लचउफासपज्जवेहिं छट्ठाणवडिते। उक्कोसपएसियाणं भंते! खंधाणं पुच्छा। गोयमा! अनंता। से केणट्ठेणं? गोयमा! उक्कोसपएसिए खंधे उक्कोसपएसियस्स खंधस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादि-अट्ठफास-पज्जवेहि य छट्ठाणवडिते। अजहन्नमनुक्कोसपदेसियाणं भंते! खंधाणं केवतिया पज्जवा पन्नत्ता? गोयमा! अनंता। से केणट्ठेणं? गोयमा! अजहन्नमनुक्कोसपदेसिए खंधे अजहन्नमनुक्कोसपदेसियस्स खंधस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादिअट्ठफासपज्जवेहि य छट्ठाणवडिते। जहन्नोगाहणगाणं भंते! पोग्गलाणं पुच्छा। गोयमा! अनंता। से केणट्ठेणं? गोयमा! जहन्नो-गाहणए पोग्गले जहन्नोगाहणगस्स पोग्गलस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए तुल्ले। ठितीए चउट्ठाणवडिते। वण्णादि- उवरिल्लफासेहि य छट्ठाणवडिते। उक्कोसोगाहणए वि एवं चेव, नवरं–ठितीए तुल्ले। अजहन्नमणुक्कोसोगाहणगाणं भंते! पोग्गलाणं पुच्छा। गोयमा! अनंता। से केणट्ठेणं? गोयमा! अजहन्नमणुक्कोसोगाहणए पोग्गले अजहन्नमणुक्कोसोगाहणगस्स पोग्गलस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादिअट्ठफासपज्जवेहिं छट्ठाणवडिते जहन्नट्ठितीयाणं भंते! पोग्गलाणं पुच्छा। गोयमा! अनंता।से केणट्ठेणं? गोयमा! जहन्नट्ठितीए पोग्गले जहन्नट्ठितीयस्स पोग्गलस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए तुल्ले। वण्णादि- अट्ठफास-पज्जवेहि य छट्ठाणवडिते। एवं उक्कोसट्ठितीए वि। अजहन्नमनुक्कोसट्ठितीए वि एवं चेव, नवरं–ठितीए चउट्ठाणवडिते। जहन्नगुणकालयाणं भंते! पोग्गलाणं केवतिया पज्जवा पन्नत्ता? गोयमा! अनंता। से केणट्ठेणं? गोयमा! जहन्नगुणकालए पोग्गले जहन्नगुणकालयस्स पोग्गलस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। कालवण्णपज्जवेहिं तुल्ले। अवसेसेहिं वण्ण-गंध-रस-फासपज्जवेहि य छट्ठाणवडिते। से एएणट्ठेणं गोयमा! एवं वुच्चति जहन्नगुणकालयाणं पोग्गलाणं अनंता पज्जवा पन्नत्ता। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं–सट्ठाणे छट्ठाणवडिते। एवं जहा कालवण्णपज्जवाणं वत्तव्वया भणिता तहा सेसाण वि वण्ण-गंध-रस-फासपज्जवाणं वत्तव्वया भणित-व्वा जाव अजहन्नमनुक्कोसलुक्खे सट्ठाणे छट्ठाणवडिते। से त्तं रूविअजीवपज्जवा। से त्तं अजीवपज्जवा।
Sutra Meaning : જુઓ સૂત્ર ૩૨૨
Mool Sutra Transliteration : [sutra] jahannapadesiyanam bhamte! Khamdhanam puchchha. Goyama! Anamta. Se kenatthenam? Goyama! Jahannapadesite khamdhe jahannapaesiyassa khamdhassa davvatthayae tulle. Padesatthayae tulle. Ogahanatthayae siya hine siya tulle siya abbhahie–jadi hine padesahine. Aha abbhahie padesamabbhahie. Thitie chautthanavadite vanna-gamdha-rasa-uvarillachauphasapajjavehim chhatthanavadite. Ukkosapaesiyanam bhamte! Khamdhanam puchchha. Goyama! Anamta. Se kenatthenam? Goyama! Ukkosapaesie khamdhe ukkosapaesiyassa khamdhassa davvatthayae tulle. Paesatthayae tulle. Ogahanatthayae chautthanavadite. Thitie chautthanavadite. Vannadi-atthaphasa-pajjavehi ya chhatthanavadite. Ajahannamanukkosapadesiyanam bhamte! Khamdhanam kevatiya pajjava pannatta? Goyama! Anamta. Se kenatthenam? Goyama! Ajahannamanukkosapadesie khamdhe ajahannamanukkosapadesiyassa khamdhassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Vannadiatthaphasapajjavehi ya chhatthanavadite. Jahannogahanaganam bhamte! Poggalanam puchchha. Goyama! Anamta. Se kenatthenam? Goyama! Jahanno-gahanae poggale jahannogahanagassa poggalassa davvatthayae tulle. Padesatthayae chhatthanavadite. Ogahanatthayae tulle. Thitie chautthanavadite. Vannadi- uvarillaphasehi ya chhatthanavadite. Ukkosogahanae vi evam cheva, navaram–thitie tulle. Ajahannamanukkosogahanaganam bhamte! Poggalanam puchchha. Goyama! Anamta. Se kenatthenam? Goyama! Ajahannamanukkosogahanae poggale ajahannamanukkosogahanagassa poggalassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Vannadiatthaphasapajjavehim chhatthanavadite Jahannatthitiyanam bhamte! Poggalanam puchchha. Goyama! AnamtA.Se kenatthenam? Goyama! Jahannatthitie poggale jahannatthitiyassa poggalassa davvatthayae tulle. Padesatthayae chhatthanavadite. Ogahanatthayae chautthanavadite. Thitie tulle. Vannadi- atthaphasa-pajjavehi ya chhatthanavadite. Evam ukkosatthitie vi. Ajahannamanukkosatthitie vi evam cheva, navaram–thitie chautthanavadite. Jahannagunakalayanam bhamte! Poggalanam kevatiya pajjava pannatta? Goyama! Anamta. Se kenatthenam? Goyama! Jahannagunakalae poggale jahannagunakalayassa poggalassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Kalavannapajjavehim tulle. Avasesehim vanna-gamdha-rasa-phasapajjavehi ya chhatthanavadite. Se eenatthenam goyama! Evam vuchchati jahannagunakalayanam poggalanam anamta pajjava pannatta. Evam ukkosagunakalae vi. Ajahannamanukkosagunakalae vi evam cheva, navaram–satthane chhatthanavadite. Evam jaha kalavannapajjavanam vattavvaya bhanita taha sesana vi vanna-gamdha-rasa-phasapajjavanam vattavvaya bhanita-vva java ajahannamanukkosalukkhe satthane chhatthanavadite. Se ttam ruviajivapajjava. Se ttam ajivapajjava.
Sutra Meaning Transliteration : Juo sutra 322