Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106624
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-५ विशेष

 Translated Chapter :

પદ-૫ વિશેષ
Section : Translated Section :
Sutra Number : 324 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] परमाणुपोग्गलाणं भंते! केवतिया पज्जवा पन्नत्ता? गोयमा! परमाणुपोग्गलाणं अनंता पज्जवा पन्नत्ता। से केणट्ठेणं भंते! एवं वुच्चति– परमाणुपोग्गलाणं अनंता पज्जवा पन्नत्ता? गोयमा! परमाणुपोग्गले परमाणुपोग्गलस्स दव्वट्ठयाए तुल्ले। पदेसट्ठयाते तुल्ले। ओगाहणट्ठयाए तुल्ले। ठितीए सिय हीने सिय तुल्ले सिय अब्भहिए– जदि हीने असंखेज्जभागहीने वा संखेज्जभागहीने वा संखेज्जगुणहीने वा असंखेज्जगुणहीने वा। अह अब्भहिए असंखेज्जभागमब्भहिए वा संखेज्ज-भागमब्भहिए वा संखेज्जगुणमब्भहिए वा असंखेज्जगुणमब्भहिए वा। कालवण्णपज्जवेहिं सिय हीने सिय तुल्ले सिय अब्भहिए– जदि हीने अनंतभागहीने वा असंखेज्जभागहीने वा संखेज्जभागहीने वा संखेज्जगुणहीने वा असंखेज्जगुणहीने वा अनंतगुण-हीने वा। अह अब्भहिए अनंतभागमब्भहिए वा असंखेज्जभागमब्भहिए वा संखेज्जभागमब्भहिए वा संखेज्जगुणमब्भहिए वा असंखेज्जगुणमब्भहिए वा अनंतगुणमब्भहिए वा। एवं अवसेसवण्ण-गंध-रस-फासपज्जवेहिं छट्ठाणवडिते। फासा णं सीय-उसिण-निद्ध-लुक्खेहिं छट्ठाण-वडिते। से तेणट्ठेणं गोयमा! एवं वुच्चति–परमाणुपोग्गलाणं अनंता पज्जवा पन्नत्ता। दुपदेसियाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! दुपदेसिए दुपदेसियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए सिय हीने सिय तुल्ले सिय अब्भहिए–जदि हीने पदेसहीने। अह अब्भहिए पदेसमब्भहिए। ठितीए चउट्ठाणवडिते। वण्णादीहिं उवरिल्लेहिं चउहिं फासेहिं य छट्ठाणवडिते। एवं तिपएसिए वि, नवरं–ओगाहणट्ठयाए सिय हीने सिय तुल्ले सिय अब्भहिए–जदि हीने पएसहीने वा दुपएसहीने वा। अह अब्भहिए पएसमब्भहिए वा दुपएसमब्भहिए वा। एवं जाव दसपएसिए, नवरं–ओगाहणाए पएसपरिवुड्ढी कायव्वा जाव दसपएसिए नवपएसहीने त्ति। संखेज्जपदेसियाणं पुच्छा। गोयमा! अनंता। से केणट्ठेणं भंते! एवं वुच्चति? गोयमा! संखेज्जपएसिए खंधे संखेज्जपएसियस्स खंधस्स दव्वट्ठयाए तुल्ले। पदेसट्ठयाए सिय हीने सिय तुल्ले सिय अब्भहिए– जदि हीने संखेज्जभागहीने वा संखेज्जगुणहीने वा। अह अब्भहिए एवं चेव। ओगाहणट्ठयाए वि दुट्ठाणवडिते। ठितीए चउट्ठाण-वडिते। वण्णादि उवरिल्लचउफासपज्जवेहि य छट्ठाणवडिते। असंखेज्जपएसियाणं पुच्छा। गोयमा! अनंता। से केणट्ठेणं भंते! एवं वुच्चति? गोयमा! असंखेज्जपएसिए खंधे असंखेज्जपएसियस्स खंधस्स दव्वट्ठयाए तुल्ले। पएसट्ठयाए चउट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादिउवरिल्लचउफासेहि य छट्ठाणवडिते अनंतपएसियाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! अनंतपएसिए खंधे अनंतपएसियस्स खंधस्स दव्वट्ठयाए तुल्ले। पएसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्ण-गंध-रसफासपज्जवेहिं छट्ठाणवडिते। एगपएसोगाढाणं पोग्गलाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! एगपएसोगाढे पोग्गले एगपएसोगाढस्स पोग्गलस्स दव्वट्ठयाए तुल्ले। पएसट्ठयाए छट्ठाणवडिते। ओगाहणट्ठयाए तुल्ले। ठितीए चउट्ठाणवडिते। वण्णादि-उवरिल्लचउफासेहि य छट्ठाणवडिते। एवं दुपएसोगाढे वि जाव दसपएसोगाढे। संखेज्जपएसोगाढाणं पुच्छा। गोयमा! अनंता। से केणट्ठेणं भंते! एवं वुच्चति? गोयमा! संखेज्जपएसोगाढे पोग्गले संखेज्जपएसोगाढस्स पोग्गलस्स दव्वट्ठयाए तुल्ले। पएसट्ठयाए छट्ठाणवडिते। ओगाहणट्ठयाए दुट्ठाणवडिते। ठितीए चउट्ठाणवडिते। वण्णाइ-उवरिल्लचउफासेहि य छट्ठाणवडिते। असंखेज्जपएसोगाढाणं पुच्छा। गोयमा! अनंता पज्जवा। से केणट्ठेणं भंते! एवं वुच्चति? गोयमा! असंखेज्जपएसोगाढे पोग्गले असंखेज्जपएसो-गाढस्स पोग्गलस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादि-अट्ठफासेहिं छट्ठाणवडिते एगसमयट्ठितीयाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! एगसमयट्ठितीए पोग्गले एगसमयट्ठितीयस्स पोग्गलस्स दव्वट्ठयाए तुल्ले। पएसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए तुल्ले। वण्णादि-अट्ठफासेहिं छट्ठाणवडिते। एवं जाव दससमयट्ठिईए। संखेज्जसमयट्ठितीयाणं एवं चेव, नवरं–ठितीए दुट्ठाणवडिते। असंखेज्जसमयट्ठितीयाणं एवं चेव, नवरं–ठिईए चउट्ठाणवडिते। एगगुणकालगाणं पुच्छा। गोयमा! अनंता पज्जवा। से केणट्ठेणं भंते! एवं वुच्चति? गोयमा! एगगुणकालए पोग्गले एगगुणकालगस्स पोग्गलस्स दव्वट्ठयाए तुल्ले। पएसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। कालवण्णपज्जवेहिं तुल्ले। अवसेसेहिं वण्ण-गंध-रस-फासपज्जवेहिं छट्ठाणवडिते। अट्ठहिं फासेहिं छट्ठाणवडिते। एवं जाव दसगुणकालए। संखेज्जगुणकालए वि एवं चेव, नवरं–सट्ठाणे दुट्ठाणवडिते। एवं असंखेज्जगुणकालए वि, नवरं–सट्ठाणे चउट्ठाणवडिते। एवं अनंतगुणकालए वि, नवरं–सट्ठाणे छट्ठाणवडिते। एवं जहा कालवण्णस्स वत्तव्वया भणिया तहा सेसाण वि वण्ण-गंध-रस-फासाणं वत्तव्वया भाणितव्वा जाव अनंतगुणलुक्खे। जहन्नोगाहणगाणं भंते! दुपएसियाणं पुच्छा। गोयमा! अनंता। से केणट्ठेणं भंते! एवं वुच्चति? गोयमा! जहन्नोगाहणए दुपएसिए खंधे जहन्नोगाहणगस्स दुपएसियस्स खंधस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए तुल्ले। ठितीए चउट्ठाणवडिते। कालवण्णपज्जवेहिं छट्ठाणवडिते। सेसवण्ण-गंध-रसपज्जवेहिं छट्ठाणवडिते। सीय-उसिणणिदद्धलुक्खफासपज्जवेहिं छट्ठाणवडिते। से तेणट्ठेणं गोयमा! एवं वुच्चति जहन्नोगाहणगाणं दुपएसियाणं पोग्गलाणं अनंता पज्जवा पन्नत्ता। उक्कोसोगाहणए वि एवं चेव। अजहन्नमणुक्कोसोगाहणओ नत्थि। जहन्नोगाहणयाणं भंते! तिपएसियाणं पुच्छा। गोयमा! अनंता पज्जवा। से केणट्ठेणं भंते! एवं वुच्चति? गोयमा! जहा दुपएसिए जहन्नोगाहणए। उक्कोसोगाहणए वि एवं चेव। एवं अजहन्नमणुक्कोसोगाहणए वि। जहन्नोगाहणयाणं भंते! चउपएसियाणं पुच्छा। गोयमा! जहा जहन्नोगाहणए दुपएसिए तहा जहन्नोगाहणए चउपएसिए। एवं जहा उक्कोसोगाहणए दुपएसिए तहा उक्कोसोगाहणए चउप्पएसिए वि। एवं अजहन्नमनुक्कोसोगाहणए वि चउप्पएसिए, नवरं–ओगाहणट्ठयाए सिय हीने सिय तुल्ले सिय अब्भहिए–जदि हीने पएसहीने। अह अब्भहिए पएसमब्भहिए। एवं जाव दसपएसिए नेयव्वं, नवरं–अजहन्नुक्कोसोगाहणए पदेसपरिवुड्ढी कातव्वा जाव दसपएसियस्स सत्त पएसा परिवड्ढिज्जंति। जहन्नोगाहणगाणं भंते! संखेज्जपएसियाणं पुच्छा। गोयमा! अनंता। से केणट्ठेणं भंते! एवं वुच्चति? गोयमा! जहन्नोगाहणए संखेज्जपएसिए जहन्नोगाहणगस्स संखेज्जपएसियस्स दव्वट्ठयाए तुल्ले। पएसट्ठयाए दुट्ठाणवडिते। ओगाहणट्ठयाए तुल्ले। ठितीए चउट्ठाणवडिए। वण्णादि-चउफासपज्जवेहि य छट्ठाणवडिते। एवं उक्कोसोगाहणए वि। अजहन्नमणुक्कोसोगाहणए वि एवं चेव, नवरं–सट्ठाणे दुट्ठाण-वडिते। जहन्नोगाहणगाणं भंते! असंखेज्जपएसियाणं पुच्छा। गोयमा! अनंता। से केणट्ठेणं भंते! एवं वुच्चति? गोयमा! जहन्नोगाहणए असंखेज्जपएसिए खंधे जहन्नो-गाहणगस्स असंखेज्ज-पएसियस्स खंधस्स दव्वट्ठयाए तुल्ले। पएसट्ठयाए चउट्ठाणवडिते। ओगाहण-ट्ठयाए तुल्ले। ठितीए चउट्ठाणवडिते। वण्णादि-उवरिल्लचउफासेहि य छट्ठाणवडिते। एवं उक्कोसोगाहणए वि। अजहन्नमनुक्कोसोगाहणए वि एवं चेव, नवरं–सट्ठाणे चउट्ठाण-वडिते। जहन्नोगाहणगाणं भंते! अनंतपएसियाणं पुच्छा। गोयमा! अनंता। से केणट्ठेणं भंते! एवं वुच्चइ? गोयमा! जहन्नोगाहणए अनंतपएसिए खंधे जहन्नोगाहणगस्स अनंतपएसियस्स खंधस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए तुल्ले। ठितीए चउट्ठाणवडिते। वण्णादिउवरिल्लचउफासेहिं छट्ठाणवडिए। उक्कोसोगाहणए वि एवं चेव, नवरं–ठितीए तुल्ले। अजहन्नमनुक्कोसोगाहणगाणं भंते! अनंतपएसियाणं पुच्छा। गोयमा! अनंता। से केणट्ठेणं? गोयमा! अजहन्नमनुक्कोसोगाहणए अनंतपएसिए खंधे अजहन्नमनुक्कोसो-गाहणगस्स अनंतपदे-सियस्स खंधस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादिअट्ठफासेहिं छट्ठाणवडिते। जहन्नट्ठितीयाणं भंते! परमाणुपोग्गलाणं पुच्छा। गोयमा! अनंता। से केणट्ठेणं? गोयमा! जहन्नट्ठितीए परमाणुपोग्गले जहन्नट्ठितीयस्स परमाणुपोग्गलस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए तुल्ले। ठितीए तुल्ले। वण्णादि-दुफासेहि य छट्ठाणवडिते। एवं उक्कोसट्ठितीए वि। अजहन्नमनुक्कोसट्ठितीए वि एवं चेव, नवरं–ठितीए चउट्ठाणवडिते। जहन्नट्ठितीयाणं दुपएसियाणं पुच्छा। गोयमा! अनंता। से केणट्ठेणं? गोयमा! जहन्नट्ठितीए दुपएसिए जहन्नट्ठितीयस्स दुपएसियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए सिय हीने सिय तुल्ले सिय अब्भहिए– जदि हीने पदेसहीने। अह अब्भहिए पदेसमब्भहिए। ठितीए तुल्ले। वण्णादि-चउफासेहि य छट्ठाणवडिते। एवं उक्कोसट्ठितीए वि। अजहन्नमनुक्कोसट्ठितीए वि एवं चेव, नवरं–ठितीए चउट्ठाणवडिते। एवं जाव दसपदेसिए नवरं–पदेसपरिवुड्ढी कातव्वा। ओगाहणट्ठयाए तिसु वि गमएसु जाव दसपएसिए णव पएसा वड्ढिज्जंति। जहन्नट्ठितीयाणं भंते! संखेज्जपदेसियाणं पुच्छा। गोयमा! अनंता। से केणट्ठेणं? गोयमा! जहन्नट्ठितीए संखेज्जपदेसिए खंधे जहन्नट्ठितीयस्स संखेज्ज-पएसियस्स खंधस्स दव्वट्ठयाए तुल्ले। पदेसट्ठयाए दुट्ठाणवडिते। ओगाहणट्ठयाए दुट्ठाणवडिते। ठितीए तुल्ले। वण्णादिउवरिल्लचउफासेहि य छट्ठाणवडिते एवं उक्कोसट्ठितीए वि। अजहन्नमनुक्कोसट्ठितीए वि एवं चेव, नवरं–ठितीए चउट्ठाणवडिते। जहन्नट्ठितीयाणं असंखेज्जपएसियाणं पुच्छा। गोयमा! अनंता। से केणट्ठेणं? गोयमा! जहन्नट्ठितीए असंखेज्जपएसिए जहन्नट्ठितीयस्स असंखेज्जपदेसि-यस्स दव्वट्ठयाए तुल्ले। पदेसट्ठयाए चउट्ठाणवडिते। ओगाहणट्ठयाए चउट्ठाणवडिते। ठितीए तुल्ले। वण्णादि-उवरिल्लचउफासेहि य छट्ठाणवडिते। एवं उक्कोसट्ठिईए वि। अजहन्नमनुक्कोसट्ठितीए वि एवं चेव, नवरं–ठितीए चउट्ठाणवडिते। जहन्नट्ठितीयाणं अनंतपदेसियाणं पुच्छा। गोयमा! अनंता। से केणट्ठेणं? गोयमा! जहन्नट्ठितीए अनंतपएसिए जहन्नट्ठितीयस्स अनंतपएसियस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए तुल्ले। वण्णादि-अट्ठफासेहि य छट्ठाणवडिते। एवं उक्कोसट्ठितीए वि। अजहन्नमनुक्कोसट्ठितीए वि एवं चेव, नवरं–ठितीए चउट्ठाणवडिते। जहन्नगुणकालयाणं परमाणुपोग्गलाणं पुच्छा। गोयमा! अनंता। से केणट्ठेणं? गोयमा! जहन्नगुणकालए परमाणुपोग्गले जहन्नगुणकालगस्स परमाणु-पोग्गलस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए तुल्ले। ठितीए चउट्ठाणवडिते। कालवण्णपज्जवेहिं तुल्ले। अवसेसा वण्णा नत्थि, गंध-रस-दुफासपज्जवेहि य छट्ठाणवडिते। एवं उक्कोसगुणकालए वि। एवमजहन्नमणुक्कोसगुणकालए वि, नवरं–सट्ठाणे छट्ठाण-वडिते। जहन्नगुणकालयाणं भंते! दुपएसियाणं पुच्छा। गोयमा! अनंता। से केणट्ठेणं? गोयमा! जहन्नगुणकालए दुपएसिए जहन्नगुणकालगस्स दुपएसियस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए सिय हीने सिय तुल्ले सिय अब्भहिए–जदि हीने पदेसहीने। अह अब्भहिए पएसमब्भहिए। ठितीए चउट्ठाणवडिते। कालवण्णपज्जवेहिं तुल्ले। अवसेसवण्णादि-उवरिल्लचउफासेहि य छट्ठाणवडिते। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं–सट्ठाणे छट्ठाण-वडिते। एवं जाव दसपएसिए, नवरं–दस पएसपरिवुड्ढी, ओगाहणा तहेव। जहन्नगुणकालयाणं भंते! संखेज्जपएसियाणं पुच्छा। गोयमा! अनंता। से केणट्ठेणं? गोयमा! जहन्नगुणकालए संखेज्जपएसिए जहन्नगुणकालगस्स संखेज्ज-पएसियस्स दव्वट्ठयाए तुल्ले। पएसट्ठयाए दुट्ठाणवडिते। ओगाहणट्ठयाए दुट्ठाणवडिते। ठितीए चउट्ठाणवडिते। कालवण्णपज्जवेहिं तुल्ले अवसेसेहिं वण्णादि-उवरिल्लचउफासेहि य छट्ठाणवडिते। एवं उक्कोसगुणकालए वि। एवं अजहन्नमनुक्कोसगुणकालए वि, नवरं–सट्ठाणे छट्ठाणवडिते। जहन्नगुणकालयाणं भंते! असंखेज्जपएसियाणं पुच्छा। गोयमा! अनंता। से केणट्ठेणं? गोयमा! जहन्नगुणकालए असंखेज्जपएसिए जहन्नगुणकालगस्स असंखेज्ज-पएसियस्स दव्वट्ठयाए तुल्ले। पएसट्ठयाए चउट्ठाणवडिते। ठितीए चउट्ठाणवडिते। ओगाहणट्ठयाए चउट्ठाणवडिते। कालवण्णपज्जवेहिं तुल्ले। अवसेसेहिं वण्णादिउवरिल्लचउफासेहि य छट्ठाण-वडिते। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं–सट्ठाणे छट्ठाणवडिते। जहन्नगुणकालयाणं भंते! अनंतपएसियाणं पुच्छा। गोयमा! अनंता। से केणट्ठेणं भंते! एवं वुच्चति? गोयमा! जहन्नगुणकालए अनंतपएसिए जहन्नगुणकालयस्स अनंतपएसि-यस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। कालवण्णपज्जवेहिं तुल्ले। अवसेसेहिं वण्णादिअट्ठफासेहि य छट्ठाणवडिते। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं–सट्ठाणे छट्ठाणवडिते। एवं नील-लोहित-हालिद्द-सुक्किल-सुब्भिगंध-दुब्भिगंध-तित्त-कडुय-कसाय-अंबिल-महुररस-पज्जवेहि य वत्तव्वया भाणियव्वा, नवरं–परमाणुपोग्गलस्स सुब्भिगंधस्स दुब्भिगंधो न भण्णति, दुब्भिगंधस्स सुब्भिगंधो न भण्णति, तित्तस्स अवसेसा न भण्णंति। एवं कडुयादीण वि। सेसं तं चेव। जहन्नगुणकक्खडाणं अनंतपएसियाणं पुच्छा। गोयमा! अनंता। से केणट्ठेणं? गोयमा! जहन्नगुणकक्खडे अनंतपएसिए जहन्नगुणकक्खडस्स अनंत-पदेसियस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्ण-गंध-रसेहिं छट्ठाणवडिते। कक्खड फासपज्जवेहिं तुल्ले। अवसेसेहिं सत्तफासपज्जवेहिं छट्ठाणवडिते। एवं उक्कोसगुणकक्खडे वि। अजहन्नमनुक्कोसगुणकक्खडे वि एवं चेव, नवरं–सट्ठाणे छट्ठाणवडिते। एवं मउय-गरुय-लहुए वि भाणितव्वे। जहन्नगुणसीयाणं भंते! परमाणुपोग्गलाणं पुच्छा। गोयमा! अनंता। से केणट्ठेणं? गोयमा! जहन्नगुणसीते परमाणुपोग्गले जहन्नगुणसीतस्स परमाणुपोग्गलस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए तुल्ले। ठितीए चउट्ठाणवडिते वण्ण-गंध-रसेहिं छट्ठाणवडिते। सीतफास-पज्जवेहि य तुल्ले। उसिणफासो न भण्णति। निद्ध-लुक्खफासपज्जवेहिं छट्ठाणवडिते। एवं उक्कोस गुणसीते वि। अजहन्नमनुक्कोसगुणसीते वि एवं चेव, नवरं–सट्ठाणे छट्ठाण-वडिते। जहन्नगुणसीयाणं दुपएसियाणं पुच्छा। गोयमा! अनंता। से केणट्ठेणं? गोयमा! जहन्नगुणसीते दुपएसिए जहन्नगुणसीयस्स दुपएसिस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए सिय हीने सिय तुल्ले सिय अब्भहिए–जइ हीने पएसहीने। अह अब्भहिए पएसमब्भहिए। ठिईए चउट्ठाणवडिते। वण्ण-गंध-रसपज्जवेहिं छट्ठाणवडिते। सीत-फासपज्जवेहिं तुल्ले। उसिण-निद्ध-लुक्खफासपज्जवेहिं छट्ठाणवडिते। एवं उक्कोसगुणसीए वि। अजहन्नमनुक्कोसगुणसीते वि एवं चेव, नवरं–सट्ठाणे छट्ठाण-वडिते। एवं जाव दसपएसिए, नवरं–ओगाहणट्ठयाए पदेसपरिवुड्ढी कायव्वा जाव दसपएसियस्स नव पएसा वड्ढिज्जंति। जहन्नगुणसीयाणं संखेज्जपएसियाणं भंते! पुच्छा। गोयमा! अनंता। से केणट्ठेणं? गोयमा! जहन्नगुणसीते संखेज्जपएसिए जहन्नगुणसीयस्स संखेज्जपएसियस्स दव्वट्ठयाए तुल्ले। पएसट्ठयाए दुट्ठाणवडिते। ओगाहणट्ठयाए दुट्ठाणवडिते। ठितीए चउट्ठाणवडिते। वण्णाईहिं छट्ठाणवडिते। सीतफासपज्जवेहिं तुल्ले। उसिणनिद्धलुक्खेहिं छट्ठाणवडिते। एवं उक्कोसगुणसीए वि। अजहन्नमनुक्कोसगुणसीए वि एवं चेव, नवरं–सट्ठाणे छट्ठाणवडिते। जहन्नगुणसीताणं असंखेज्जपएसियाणं पुच्छा। गोयमा! अनंता। से केणट्ठेणं? गोयमा! जहन्नगुणसीते अनंतपदेसिए जहन्नगुणसीतस्स अनंतपएसियस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादिपज्जवेहिं छट्ठाण-वडिते। सीतफासपज्जवेहिं तुल्ले। अवसेसेहिं सत्तफासपज्जवेहिं छट्ठाणवडिते। एवं उक्कोस-गुणसीते वि। अजहन्नमनुक्कोसगुणसीते वि एवं चेव, नवरं–सट्ठाणे छट्ठाणवडिते। जहन्नगुणसीताणं अनंतपदेसियाणं पुच्छा। गोयमा! अनंता। से केणट्ठेणं? गोयमा! जहन्नगुणसीते अनंतपदेसिए जहन्नगुणसीतस्स अनंतपएसियस्स दव्वट्ठयाए तुल्ले। पदेसट्ठयाए छट्ठाणवडिते। ओगाहणट्ठयाए चउट्ठाणवडिते। ठितीए चउट्ठाणवडिते। वण्णादिपज्जवेहिं छट्ठाण-वडिते। सीतफासपज्जवेहिं तुल्ले। अवसेसेहिं सत्तफासपज्जवेहिं छट्ठाणवडिते। एवं उक्कोसगुणसीते वि। अजहन्नमनुक्कोसगुणसीते वि एवं चेव, नवरं–सट्ठाणे छट्ठाणवडिते। एवं उसिणे निद्धे लुक्खे जहा सीते। परमाणुपोग्गलस्स तहेव पडिवक्खो, सव्वेसिं न भण्णइ त्ति भाणितव्वं।
Sutra Meaning : જુઓ સૂત્ર ૩૨૨
Mool Sutra Transliteration : [sutra] paramanupoggalanam bhamte! Kevatiya pajjava pannatta? Goyama! Paramanupoggalanam anamta pajjava pannatta. Se kenatthenam bhamte! Evam vuchchati– paramanupoggalanam anamta pajjava pannatta? Goyama! Paramanupoggale paramanupoggalassa davvatthayae tulle. Padesatthayate tulle. Ogahanatthayae tulle. Thitie siya hine siya tulle siya abbhahie– jadi hine asamkhejjabhagahine va samkhejjabhagahine va samkhejjagunahine va asamkhejjagunahine va. Aha abbhahie asamkhejjabhagamabbhahie va samkhejja-bhagamabbhahie va samkhejjagunamabbhahie va asamkhejjagunamabbhahie va. Kalavannapajjavehim siya hine siya tulle siya abbhahie– jadi hine anamtabhagahine va asamkhejjabhagahine va samkhejjabhagahine va samkhejjagunahine va asamkhejjagunahine va anamtaguna-hine va. Aha abbhahie anamtabhagamabbhahie va asamkhejjabhagamabbhahie va samkhejjabhagamabbhahie va samkhejjagunamabbhahie va asamkhejjagunamabbhahie va anamtagunamabbhahie va. Evam avasesavanna-gamdha-rasa-phasapajjavehim chhatthanavadite. Phasa nam siya-usina-niddha-lukkhehim chhatthana-vadite. Se tenatthenam goyama! Evam vuchchati–paramanupoggalanam anamta pajjava pannatta. Dupadesiyanam puchchha. Goyama! Anamta pajjava pannatta. Se kenatthenam bhamte! Evam vuchchati? Goyama! Dupadesie dupadesiyassa davvatthayae tulle. Padesatthayae tulle. Ogahanatthayae siya hine siya tulle siya abbhahie–jadi hine padesahine. Aha abbhahie padesamabbhahie. Thitie chautthanavadite. Vannadihim uvarillehim chauhim phasehim ya chhatthanavadite. Evam tipaesie vi, navaram–ogahanatthayae siya hine siya tulle siya abbhahie–jadi hine paesahine va dupaesahine va. Aha abbhahie paesamabbhahie va dupaesamabbhahie va. Evam java dasapaesie, navaram–ogahanae paesaparivuddhi kayavva java dasapaesie navapaesahine tti. Samkhejjapadesiyanam puchchha. Goyama! Anamta. Se kenatthenam bhamte! Evam vuchchati? Goyama! Samkhejjapaesie khamdhe samkhejjapaesiyassa khamdhassa davvatthayae tulle. Padesatthayae siya hine siya tulle siya abbhahie– jadi hine samkhejjabhagahine va samkhejjagunahine va. Aha abbhahie evam cheva. Ogahanatthayae vi dutthanavadite. Thitie chautthana-vadite. Vannadi uvarillachauphasapajjavehi ya chhatthanavadite. Asamkhejjapaesiyanam puchchha. Goyama! Anamta. Se kenatthenam bhamte! Evam vuchchati? Goyama! Asamkhejjapaesie khamdhe asamkhejjapaesiyassa khamdhassa davvatthayae tulle. Paesatthayae chautthanavadite. Ogahanatthayae chautthanavadite. Thitie chautthanavadite. Vannadiuvarillachauphasehi ya chhatthanavadite Anamtapaesiyanam puchchha. Goyama! Anamta pajjava pannatta. Se kenatthenam bhamte! Evam vuchchati? Goyama! Anamtapaesie khamdhe anamtapaesiyassa khamdhassa davvatthayae tulle. Paesatthayae chhatthanavadite. Ogahanatthayae chautthanavadite. Thitie chautthanavadite. Vanna-gamdha-rasaphasapajjavehim chhatthanavadite. Egapaesogadhanam poggalanam puchchha. Goyama! Anamta pajjava pannatta. Se kenatthenam bhamte! Evam vuchchati? Goyama! Egapaesogadhe poggale egapaesogadhassa poggalassa davvatthayae tulle. Paesatthayae chhatthanavadite. Ogahanatthayae tulle. Thitie chautthanavadite. Vannadi-uvarillachauphasehi ya chhatthanavadite. Evam dupaesogadhe vi java dasapaesogadhe. Samkhejjapaesogadhanam puchchha. Goyama! Anamta. Se kenatthenam bhamte! Evam vuchchati? Goyama! Samkhejjapaesogadhe poggale samkhejjapaesogadhassa poggalassa davvatthayae tulle. Paesatthayae chhatthanavadite. Ogahanatthayae dutthanavadite. Thitie chautthanavadite. Vannai-uvarillachauphasehi ya chhatthanavadite. Asamkhejjapaesogadhanam puchchha. Goyama! Anamta pajjava. Se kenatthenam bhamte! Evam vuchchati? Goyama! Asamkhejjapaesogadhe poggale asamkhejjapaeso-gadhassa poggalassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Vannadi-atthaphasehim chhatthanavadite Egasamayatthitiyanam puchchha. Goyama! Anamta pajjava pannatta. Se kenatthenam bhamte! Evam vuchchati? Goyama! Egasamayatthitie poggale egasamayatthitiyassa poggalassa davvatthayae tulle. Paesatthayae chhatthanavadite. Ogahanatthayae chautthanavadite. Thitie tulle. Vannadi-atthaphasehim chhatthanavadite. Evam java dasasamayatthiie. Samkhejjasamayatthitiyanam evam cheva, navaram–thitie dutthanavadite. Asamkhejjasamayatthitiyanam evam cheva, navaram–thiie chautthanavadite. Egagunakalaganam puchchha. Goyama! Anamta pajjava. Se kenatthenam bhamte! Evam vuchchati? Goyama! Egagunakalae poggale egagunakalagassa poggalassa davvatthayae tulle. Paesatthayae chhatthanavadite. Ogahanatthayae chautthanavadite. Thitie chautthanavadite. Kalavannapajjavehim tulle. Avasesehim vanna-gamdha-rasa-phasapajjavehim chhatthanavadite. Atthahim phasehim chhatthanavadite. Evam java dasagunakalae. Samkhejjagunakalae vi evam cheva, navaram–satthane dutthanavadite. Evam asamkhejjagunakalae vi, navaram–satthane chautthanavadite. Evam anamtagunakalae vi, navaram–satthane chhatthanavadite. Evam jaha kalavannassa vattavvaya bhaniya taha sesana vi vanna-gamdha-rasa-phasanam vattavvaya bhanitavva java anamtagunalukkhe. Jahannogahanaganam bhamte! Dupaesiyanam puchchha. Goyama! Anamta. Se kenatthenam bhamte! Evam vuchchati? Goyama! Jahannogahanae dupaesie khamdhe jahannogahanagassa dupaesiyassa khamdhassa davvatthayae tulle. Paesatthayae tulle. Ogahanatthayae tulle. Thitie chautthanavadite. Kalavannapajjavehim chhatthanavadite. Sesavanna-gamdha-rasapajjavehim chhatthanavadite. Siya-usinanidaddhalukkhaphasapajjavehim chhatthanavadite. Se tenatthenam goyama! Evam vuchchati jahannogahanaganam dupaesiyanam poggalanam anamta pajjava pannatta. Ukkosogahanae vi evam cheva. Ajahannamanukkosogahanao natthi. Jahannogahanayanam bhamte! Tipaesiyanam puchchha. Goyama! Anamta pajjava. Se kenatthenam bhamte! Evam vuchchati? Goyama! Jaha dupaesie jahannogahanae. Ukkosogahanae vi evam cheva. Evam ajahannamanukkosogahanae vi. Jahannogahanayanam bhamte! Chaupaesiyanam puchchha. Goyama! Jaha jahannogahanae dupaesie taha jahannogahanae chaupaesie. Evam jaha ukkosogahanae dupaesie taha ukkosogahanae chauppaesie vi. Evam ajahannamanukkosogahanae vi chauppaesie, navaram–ogahanatthayae siya hine siya tulle siya abbhahie–jadi hine paesahine. Aha abbhahie paesamabbhahie. Evam java dasapaesie neyavvam, navaram–ajahannukkosogahanae padesaparivuddhi katavva java dasapaesiyassa satta paesa parivaddhijjamti. Jahannogahanaganam bhamte! Samkhejjapaesiyanam puchchha. Goyama! Anamta. Se kenatthenam bhamte! Evam vuchchati? Goyama! Jahannogahanae samkhejjapaesie jahannogahanagassa samkhejjapaesiyassa davvatthayae tulle. Paesatthayae dutthanavadite. Ogahanatthayae tulle. Thitie chautthanavadie. Vannadi-chauphasapajjavehi ya chhatthanavadite. Evam ukkosogahanae vi. Ajahannamanukkosogahanae vi evam cheva, navaram–satthane dutthana-vadite. Jahannogahanaganam bhamte! Asamkhejjapaesiyanam puchchha. Goyama! Anamta. Se kenatthenam bhamte! Evam vuchchati? Goyama! Jahannogahanae asamkhejjapaesie khamdhe jahanno-gahanagassa asamkhejja-paesiyassa khamdhassa davvatthayae tulle. Paesatthayae chautthanavadite. Ogahana-tthayae tulle. Thitie chautthanavadite. Vannadi-uvarillachauphasehi ya chhatthanavadite. Evam ukkosogahanae vi. Ajahannamanukkosogahanae vi evam cheva, navaram–satthane chautthana-vadite. Jahannogahanaganam bhamte! Anamtapaesiyanam puchchha. Goyama! Anamta. Se kenatthenam bhamte! Evam vuchchai? Goyama! Jahannogahanae anamtapaesie khamdhe jahannogahanagassa anamtapaesiyassa khamdhassa davvatthayae tulle. Padesatthayae chhatthanavadite. Ogahanatthayae tulle. Thitie chautthanavadite. Vannadiuvarillachauphasehim chhatthanavadie. Ukkosogahanae vi evam cheva, navaram–thitie tulle. Ajahannamanukkosogahanaganam bhamte! Anamtapaesiyanam puchchha. Goyama! Anamta. Se kenatthenam? Goyama! Ajahannamanukkosogahanae anamtapaesie khamdhe ajahannamanukkoso-gahanagassa anamtapade-siyassa khamdhassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Vannadiatthaphasehim chhatthanavadite. Jahannatthitiyanam bhamte! Paramanupoggalanam puchchha. Goyama! Anamta. Se kenatthenam? Goyama! Jahannatthitie paramanupoggale jahannatthitiyassa paramanupoggalassa davvatthayae tulle. Padesatthayae tulle. Ogahanatthayae tulle. Thitie tulle. Vannadi-duphasehi ya chhatthanavadite. Evam ukkosatthitie vi. Ajahannamanukkosatthitie vi evam cheva, navaram–thitie chautthanavadite. Jahannatthitiyanam dupaesiyanam puchchha. Goyama! Anamta. Se kenatthenam? Goyama! Jahannatthitie dupaesie jahannatthitiyassa dupaesiyassa davvatthayae tulle. Padesatthayae tulle. Ogahanatthayae siya hine siya tulle siya abbhahie– jadi hine padesahine. Aha abbhahie padesamabbhahie. Thitie tulle. Vannadi-chauphasehi ya chhatthanavadite. Evam ukkosatthitie vi. Ajahannamanukkosatthitie vi evam cheva, navaram–thitie chautthanavadite. Evam java dasapadesie navaram–padesaparivuddhi katavva. Ogahanatthayae tisu vi gamaesu java dasapaesie nava paesa vaddhijjamti. Jahannatthitiyanam bhamte! Samkhejjapadesiyanam puchchha. Goyama! Anamta. Se kenatthenam? Goyama! Jahannatthitie samkhejjapadesie khamdhe jahannatthitiyassa samkhejja-paesiyassa khamdhassa davvatthayae tulle. Padesatthayae dutthanavadite. Ogahanatthayae dutthanavadite. Thitie tulle. Vannadiuvarillachauphasehi ya chhatthanavadite Evam ukkosatthitie vi. Ajahannamanukkosatthitie vi evam cheva, navaram–thitie chautthanavadite. Jahannatthitiyanam asamkhejjapaesiyanam puchchha. Goyama! Anamta. Se kenatthenam? Goyama! Jahannatthitie asamkhejjapaesie jahannatthitiyassa asamkhejjapadesi-yassa davvatthayae tulle. Padesatthayae chautthanavadite. Ogahanatthayae chautthanavadite. Thitie tulle. Vannadi-uvarillachauphasehi ya chhatthanavadite. Evam ukkosatthiie vi. Ajahannamanukkosatthitie vi evam cheva, navaram–thitie chautthanavadite. Jahannatthitiyanam anamtapadesiyanam puchchha. Goyama! Anamta. Se kenatthenam? Goyama! Jahannatthitie anamtapaesie jahannatthitiyassa anamtapaesiyassa davvatthayae tulle. Padesatthayae chhatthanavadite. Ogahanatthayae chautthanavadite. Thitie tulle. Vannadi-atthaphasehi ya chhatthanavadite. Evam ukkosatthitie vi. Ajahannamanukkosatthitie vi evam cheva, navaram–thitie chautthanavadite. Jahannagunakalayanam paramanupoggalanam puchchha. Goyama! Anamta. Se kenatthenam? Goyama! Jahannagunakalae paramanupoggale jahannagunakalagassa paramanu-poggalassa davvatthayae tulle. Padesatthayae tulle. Ogahanatthayae tulle. Thitie chautthanavadite. Kalavannapajjavehim tulle. Avasesa vanna natthi, gamdha-rasa-duphasapajjavehi ya chhatthanavadite. Evam ukkosagunakalae vi. Evamajahannamanukkosagunakalae vi, navaram–satthane chhatthana-vadite. Jahannagunakalayanam bhamte! Dupaesiyanam puchchha. Goyama! Anamta. Se kenatthenam? Goyama! Jahannagunakalae dupaesie jahannagunakalagassa dupaesiyassa davvatthayae tulle. Paesatthayae tulle. Ogahanatthayae siya hine siya tulle siya abbhahie–jadi hine padesahine. Aha abbhahie paesamabbhahie. Thitie chautthanavadite. Kalavannapajjavehim tulle. Avasesavannadi-uvarillachauphasehi ya chhatthanavadite. Evam ukkosagunakalae vi. Ajahannamanukkosagunakalae vi evam cheva, navaram–satthane chhatthana-vadite. Evam java dasapaesie, navaram–dasa paesaparivuddhi, ogahana taheva. Jahannagunakalayanam bhamte! Samkhejjapaesiyanam puchchha. Goyama! Anamta. Se kenatthenam? Goyama! Jahannagunakalae samkhejjapaesie jahannagunakalagassa samkhejja-paesiyassa davvatthayae tulle. Paesatthayae dutthanavadite. Ogahanatthayae dutthanavadite. Thitie chautthanavadite. Kalavannapajjavehim tulle avasesehim vannadi-uvarillachauphasehi ya chhatthanavadite. Evam ukkosagunakalae vi. Evam ajahannamanukkosagunakalae vi, navaram–satthane chhatthanavadite. Jahannagunakalayanam bhamte! Asamkhejjapaesiyanam puchchha. Goyama! Anamta. Se kenatthenam? Goyama! Jahannagunakalae asamkhejjapaesie jahannagunakalagassa asamkhejja-paesiyassa davvatthayae tulle. Paesatthayae chautthanavadite. Thitie chautthanavadite. Ogahanatthayae chautthanavadite. Kalavannapajjavehim tulle. Avasesehim vannadiuvarillachauphasehi ya chhatthana-vadite. Evam ukkosagunakalae vi. Ajahannamanukkosagunakalae vi evam cheva, navaram–satthane chhatthanavadite. Jahannagunakalayanam bhamte! Anamtapaesiyanam puchchha. Goyama! Anamta. Se kenatthenam bhamte! Evam vuchchati? Goyama! Jahannagunakalae anamtapaesie jahannagunakalayassa anamtapaesi-yassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Kalavannapajjavehim tulle. Avasesehim vannadiatthaphasehi ya chhatthanavadite. Evam ukkosagunakalae vi. Ajahannamanukkosagunakalae vi evam cheva, navaram–satthane chhatthanavadite. Evam nila-lohita-halidda-sukkila-subbhigamdha-dubbhigamdha-titta-kaduya-kasaya-ambila-mahurarasa-pajjavehi ya vattavvaya bhaniyavva, navaram–paramanupoggalassa subbhigamdhassa dubbhigamdho na bhannati, dubbhigamdhassa subbhigamdho na bhannati, tittassa avasesa na bhannamti. Evam kaduyadina vi. Sesam tam cheva. Jahannagunakakkhadanam anamtapaesiyanam puchchha. Goyama! Anamta. Se kenatthenam? Goyama! Jahannagunakakkhade anamtapaesie jahannagunakakkhadassa anamta-padesiyassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Vanna-gamdha-rasehim chhatthanavadite. Kakkhada phasapajjavehim tulle. Avasesehim sattaphasapajjavehim chhatthanavadite. Evam ukkosagunakakkhade vi. Ajahannamanukkosagunakakkhade vi evam cheva, navaram–satthane chhatthanavadite. Evam mauya-garuya-lahue vi bhanitavve. Jahannagunasiyanam bhamte! Paramanupoggalanam puchchha. Goyama! Anamta. Se kenatthenam? Goyama! Jahannagunasite paramanupoggale jahannagunasitassa paramanupoggalassa davvatthayae tulle. Padesatthayae tulle. Ogahanatthayae tulle. Thitie chautthanavadite vanna-gamdha-rasehim chhatthanavadite. Sitaphasa-pajjavehi ya tulle. Usinaphaso na bhannati. Niddha-lukkhaphasapajjavehim chhatthanavadite. Evam ukkosa gunasite vi. Ajahannamanukkosagunasite vi evam cheva, navaram–satthane chhatthana-vadite. Jahannagunasiyanam dupaesiyanam puchchha. Goyama! Anamta. Se kenatthenam? Goyama! Jahannagunasite dupaesie jahannagunasiyassa dupaesissa davvatthayae tulle. Paesatthayae tulle. Ogahanatthayae siya hine siya tulle siya abbhahie–jai hine paesahine. Aha abbhahie paesamabbhahie. Thiie chautthanavadite. Vanna-gamdha-rasapajjavehim chhatthanavadite. Sita-phasapajjavehim tulle. Usina-niddha-lukkhaphasapajjavehim chhatthanavadite. Evam ukkosagunasie vi. Ajahannamanukkosagunasite vi evam cheva, navaram–satthane chhatthana-vadite. Evam java dasapaesie, navaram–ogahanatthayae padesaparivuddhi kayavva java dasapaesiyassa nava paesa vaddhijjamti. Jahannagunasiyanam samkhejjapaesiyanam bhamte! Puchchha. Goyama! Anamta. Se kenatthenam? Goyama! Jahannagunasite samkhejjapaesie jahannagunasiyassa samkhejjapaesiyassa davvatthayae tulle. Paesatthayae dutthanavadite. Ogahanatthayae dutthanavadite. Thitie chautthanavadite. Vannaihim chhatthanavadite. Sitaphasapajjavehim tulle. Usinaniddhalukkhehim chhatthanavadite. Evam ukkosagunasie vi. Ajahannamanukkosagunasie vi evam cheva, navaram–satthane chhatthanavadite. Jahannagunasitanam asamkhejjapaesiyanam puchchha. Goyama! Anamta. Se kenatthenam? Goyama! Jahannagunasite anamtapadesie jahannagunasitassa anamtapaesiyassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Vannadipajjavehim chhatthana-vadite. Sitaphasapajjavehim tulle. Avasesehim sattaphasapajjavehim chhatthanavadite. Evam ukkosa-gunasite vi. Ajahannamanukkosagunasite vi evam cheva, navaram–satthane chhatthanavadite. Jahannagunasitanam anamtapadesiyanam puchchha. Goyama! Anamta. Se kenatthenam? Goyama! Jahannagunasite anamtapadesie jahannagunasitassa anamtapaesiyassa davvatthayae tulle. Padesatthayae chhatthanavadite. Ogahanatthayae chautthanavadite. Thitie chautthanavadite. Vannadipajjavehim chhatthana-vadite. Sitaphasapajjavehim tulle. Avasesehim sattaphasapajjavehim chhatthanavadite. Evam ukkosagunasite vi. Ajahannamanukkosagunasite vi evam cheva, navaram–satthane chhatthanavadite. Evam usine niddhe lukkhe jaha site. Paramanupoggalassa taheva padivakkho, savvesim na bhannai tti bhanitavvam.
Sutra Meaning Transliteration : Juo sutra 322