Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106618
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-५ विशेष

 Translated Chapter :

પદ-૫ વિશેષ
Section : Translated Section :
Sutra Number : 318 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जहन्नोगाहणगाणं भंते! बेइंदियाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति–जहन्नोगाहणगाणं बेइंदियाणं अनंता पज्जवा पन्नत्ता? गोयमा! जहन्नोगाहणए बेइंदिए जहन्नोगाहणगस्स बेइंदियस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए तुल्ले। ठितीए तिट्ठाणवडिते। वण्ण-गंध-रस-फासपज्जवेहिं दोहिं नाणेहिं दोहिं अन्नाणेहिं अचक्खुदंसणपज्जवेहि य छट्ठाणवडिते। एवं उक्कोसोगाहणए वि, नवरं–णाणा नत्थि। अजहन्नमणुक्कोसोगाहणए जहा जहन्नोगाहणए, नवरं–सट्ठाणे ओगाहणाए चउट्ठाणवडिते। जहन्नट्ठितीयाणं भंते! बेइंदियाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति–जहन्नट्ठितीयाणं बेइंदियाणं अनंता पज्जवा पन्नत्ता? गोयमा! जहन्नट्ठितीए बेइंदिए जहन्नट्ठितीयस्स बेइंदियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तुल्ले। वण्ण-गंध-रस-फासपज्जवेहिं दोहिं अन्नाणेहिं अचक्खुदंसण-पज्जवेहि य छट्ठाणवडिते। एवं उक्कोसट्ठितीए वि, नवरं–दो नाणा अब्भहिया। अजहन्नमनुक्कोसट्ठितीए जहा उक्कोसट्ठितीए, नवरं–ठितीए तिट्ठाणवडिते। जहन्नगुणकालयाणं बेइंदियाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति–जहन्नगुणकालयाणं बेइंदियाणं अनंता पज्जवा पन्नत्ता? गोयमा! जहन्नगुण-कालए बेइंदिए जहन्नगुणकालयस्स बेइंदियस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाणवडिते। कालवण्णपज्जवेहिं तुल्ले। अवसेसेहिं वण्ण-गंध-रस-फासपज्जवेहिं दोहिं नाणेहिं दोहिं अन्नाणेहिं अचक्खुदंसण-पज्जवेहि य छट्ठाण-वडिते। एवं उक्कोसगुणकालए वि। अजहन्नमनुक्कोसगुणकालए वि एवं चेव, नवरं–सट्ठाणे छट्ठाण-वडिते। एवं पंच वण्णा दो गंधा पंच रसा अट्ठ फासा भाणितव्वा। जहन्नाभिनिबोहियनाणीणं भंते! बेंदियाणं केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति? गोयमा! जहन्नाभिनिबोहियनाणी बेइंदिए जहन्नाभिनि-बोहियनाणिस्स बेइंदियस्स दव्वट्ठयाए तुल्ले। पएसट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाणवडिते। वण्ण-गंध-रस-फासपज्जवेहिं छट्ठाणवडिते। आभिनिबोहियनाणपज्जवेहिं तुल्ले। सुयनाणपज्जवेहिं छट्ठाणवडिते। अचक्खुदंसणपज्जवेहिं छट्ठाणवडिते। एवं उक्कोसाभिनिबोहियनाणी वि। अजहन्नमणुक्कोसाभिनिबोहियनाणी वि एवं चेव, नवरं–सट्ठाणे छट्ठाणवडिते एवं सुतनाणी वि, सुतअन्नाणी वि, मतिअन्नाणी वि, अचक्खुदंसणी वि, नवरं–जत्थ नाणा तत्थ अन्नाणा नत्थि, जत्थ अन्नाणा तत्थ नाणा नत्थि। जत्थ दंसणं तत्थ नाणा वि अन्नाणा वि। एवं तेइंदियाण वि। चउरिंदियाण वि एवं चेव, नवरं–चक्खुदंसणं अब्भहियं।
Sutra Meaning : જુઓ સૂત્ર ૩૧૬
Mool Sutra Transliteration : [sutra] jahannogahanaganam bhamte! Beimdiyanam puchchha. Goyama! Anamta pajjava pannatta. Se kenatthenam bhamte! Evam vuchchati–jahannogahanaganam beimdiyanam anamta pajjava pannatta? Goyama! Jahannogahanae beimdie jahannogahanagassa beimdiyassa davvatthayae tulle. Paesatthayae tulle. Ogahanatthayae tulle. Thitie titthanavadite. Vanna-gamdha-rasa-phasapajjavehim dohim nanehim dohim annanehim achakkhudamsanapajjavehi ya chhatthanavadite. Evam ukkosogahanae vi, navaram–nana natthi. Ajahannamanukkosogahanae jaha jahannogahanae, navaram–satthane ogahanae chautthanavadite. Jahannatthitiyanam bhamte! Beimdiyanam puchchha. Goyama! Anamta pajjava pannatta. Se kenatthenam bhamte! Evam vuchchati–jahannatthitiyanam beimdiyanam anamta pajjava pannatta? Goyama! Jahannatthitie beimdie jahannatthitiyassa beimdiyassa davvatthayae tulle. Padesatthayae tulle. Ogahanatthayae chautthanavadite. Thitie tulle. Vanna-gamdha-rasa-phasapajjavehim dohim annanehim achakkhudamsana-pajjavehi ya chhatthanavadite. Evam ukkosatthitie vi, navaram–do nana abbhahiya. Ajahannamanukkosatthitie jaha ukkosatthitie, navaram–thitie titthanavadite. Jahannagunakalayanam beimdiyanam puchchha. Goyama! Anamta pajjava pannatta. Se kenatthenam bhamte! Evam vuchchati–jahannagunakalayanam beimdiyanam anamta pajjava pannatta? Goyama! Jahannaguna-kalae beimdie jahannagunakalayassa beimdiyassa davvatthayae tulle. Padesatthayae tulle. Ogahanatthayae chautthanavadite. Thitie titthanavadite. Kalavannapajjavehim tulle. Avasesehim vanna-gamdha-rasa-phasapajjavehim dohim nanehim dohim annanehim achakkhudamsana-pajjavehi ya chhatthana-vadite. Evam ukkosagunakalae vi. Ajahannamanukkosagunakalae vi evam cheva, navaram–satthane chhatthana-vadite. Evam pamcha vanna do gamdha pamcha rasa attha phasa bhanitavva. Jahannabhinibohiyananinam bhamte! Bemdiyanam kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati? Goyama! Jahannabhinibohiyanani beimdie jahannabhini-bohiyananissa beimdiyassa davvatthayae tulle. Paesatthayae tulle. Ogahanatthayae chautthanavadite. Thitie titthanavadite. Vanna-gamdha-rasa-phasapajjavehim chhatthanavadite. Abhinibohiyananapajjavehim tulle. Suyananapajjavehim chhatthanavadite. Achakkhudamsanapajjavehim chhatthanavadite. Evam ukkosabhinibohiyanani vi. Ajahannamanukkosabhinibohiyanani vi evam cheva, navaram–satthane chhatthanavadite Evam sutanani vi, sutaannani vi, matiannani vi, achakkhudamsani vi, navaram–jattha nana tattha annana natthi, jattha annana tattha nana natthi. Jattha damsanam tattha nana vi annana vi. Evam teimdiyana vi. Chaurimdiyana vi evam cheva, navaram–chakkhudamsanam abbhahiyam.
Sutra Meaning Transliteration : Juo sutra 316