Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106610
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-५ विशेष

 Translated Chapter :

પદ-૫ વિશેષ
Section : Translated Section :
Sutra Number : 310 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पुढविकाइयाणं भंते! केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति–पुढविकाइयाणं अनंता पज्जवा पन्नत्ता? गोयमा! पुढविकाइए पुढविकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए सिय हीने सिय तुल्ले सिय अब्भहिए– जदि हीने असंखेज्जभागहीने वा संखेज्जभागहीने वा संखेज्जगुणहीने वा असंखेज्ज-गुणहीने वा। अह अब्भहिए असंखेज्जभागअब्भहिए वा संखेज्जभागअब्भहिए वा संखेज्ज-गुणअब्भहिए वा असंखेज्जगुणअब्भहिए वा। ठितीए सिय हीने सिय तुल्ले सिय अब्भहिए– जदि हीने असंखेज्जभागहीने वा संखेज्ज-भागहीने वा संखेज्जगुणहीने वा। अह अब्भहिए असंखेज्जभागअब्भहिए वा संखेज्जभाग-अब्भहिए वा संखेज्जगुणअब्भहिए वा। वण्णेहिं गंधेहिं रसेहिं फासेहिं, मतिअन्नाणपज्जवेहिं सुयअन्नाणपज्जवेहिं अचक्खुदंसणपज्जवेहिं छट्ठाणवडिते। आउकाइयाणं भंते! केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति–आउकाइयाणं अनंता पज्जवा पन्नत्ता? गोयमा! आउकाइए आउकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाण-वडिते। वण्ण-गंध-रस-फास-मतिअन्नाण-सुतअ-ण्णाण-अचक्खुदंसणपज्जवेहि य छट्ठाणवडिते। तेउकाइयाणं पुच्छा। गोयमा! अनंता पज्जवा पन्नत्ता। से केणट्ठेणं भंते! एवं वुच्चति–तेउकाइयाणं अनंता पज्जवा पन्नत्ता? गोयमा! तेउकाइए तेउकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाण-वडिते। वण्ण-गंध-रस-फास-मतिअन्नाण-सुयअन्नाण-अचक्खुदंसणपज्जवेहि य छट्ठाणवडिते। वाउकाइयाणं पुच्छा। गोयमा! वाउकाइयाणं अनंता पज्जवा पन्नत्ता। से केणट्ठेणं भंते! एवं वुच्चति–वाउकाइयाणं अनंता पज्जवा पन्नत्ता? गोयमा! वाउकाइए वाउकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाणवडिते। ठितीए तिट्ठाण-वडिते। वण्ण-गंध-रस-फास-मतिअन्नाण-सुयअन्नाण-अचक्खुदंसणपज्जवेहि य छट्ठाणवडिते। वणस्सइकाइयाणं भंते! केवतिया पज्जवा पन्नत्ता? गोयमा! अनंता पज्जवा पन्नत्ता। से केणट्ठेणं भंते! एवं वुच्चति–वणस्सइकाइयाणं अनंता पज्जवा पन्नत्ता? गोयमा! वणस्सइकाइए वणस्सइकाइयस्स दव्वट्ठयाए तुल्ले। पदेसट्ठयाए तुल्ले। ओगाहणट्ठयाए चउट्ठाण-वडिते। ठितीए तिट्ठाणवडिए। वण्ण-गंध-रस-फास-मतिअन्नाण-सुयअन्नाण-अचक्खुदंसणपज्ज-वेहि य छट्ठाणवडिते। से तेणट्ठेणं गोयमा! एवं वुच्चति–वणस्सतिकाइयाणं अनंता पज्जवा पन्नत्ता।
Sutra Meaning : જુઓ સૂત્ર ૩૦૯
Mool Sutra Transliteration : [sutra] pudhavikaiyanam bhamte! Kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati–pudhavikaiyanam anamta pajjava pannatta? Goyama! Pudhavikaie pudhavikaiyassa davvatthayae tulle. Padesatthayae tulle. Ogahanatthayae siya hine siya tulle siya abbhahie– jadi hine asamkhejjabhagahine va samkhejjabhagahine va samkhejjagunahine va asamkhejja-gunahine va. Aha abbhahie asamkhejjabhagaabbhahie va samkhejjabhagaabbhahie va samkhejja-gunaabbhahie va asamkhejjagunaabbhahie va. Thitie siya hine siya tulle siya abbhahie– jadi hine asamkhejjabhagahine va samkhejja-bhagahine va samkhejjagunahine va. Aha abbhahie asamkhejjabhagaabbhahie va samkhejjabhaga-abbhahie va samkhejjagunaabbhahie va. Vannehim gamdhehim rasehim phasehim, matiannanapajjavehim suyaannanapajjavehim achakkhudamsanapajjavehim chhatthanavadite. Aukaiyanam bhamte! Kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati–aukaiyanam anamta pajjava pannatta? Goyama! Aukaie aukaiyassa davvatthayae tulle. Padesatthayae tulle. Ogahanatthayae chautthanavadite. Thitie titthana-vadite. Vanna-gamdha-rasa-phasa-matiannana-sutaa-nnana-achakkhudamsanapajjavehi ya chhatthanavadite. Teukaiyanam puchchha. Goyama! Anamta pajjava pannatta. Se kenatthenam bhamte! Evam vuchchati–teukaiyanam anamta pajjava pannatta? Goyama! Teukaie teukaiyassa davvatthayae tulle. Padesatthayae tulle. Ogahanatthayae chautthanavadite. Thitie titthana-vadite. Vanna-gamdha-rasa-phasa-matiannana-suyaannana-achakkhudamsanapajjavehi ya chhatthanavadite. Vaukaiyanam puchchha. Goyama! Vaukaiyanam anamta pajjava pannatta. Se kenatthenam bhamte! Evam vuchchati–vaukaiyanam anamta pajjava pannatta? Goyama! Vaukaie vaukaiyassa davvatthayae tulle. Padesatthayae tulle. Ogahanatthayae chautthanavadite. Thitie titthana-vadite. Vanna-gamdha-rasa-phasa-matiannana-suyaannana-achakkhudamsanapajjavehi ya chhatthanavadite. Vanassaikaiyanam bhamte! Kevatiya pajjava pannatta? Goyama! Anamta pajjava pannatta. Se kenatthenam bhamte! Evam vuchchati–vanassaikaiyanam anamta pajjava pannatta? Goyama! Vanassaikaie vanassaikaiyassa davvatthayae tulle. Padesatthayae tulle. Ogahanatthayae chautthana-vadite. Thitie titthanavadie. Vanna-gamdha-rasa-phasa-matiannana-suyaannana-achakkhudamsanapajja-vehi ya chhatthanavadite. Se tenatthenam goyama! Evam vuchchati–vanassatikaiyanam anamta pajjava pannatta.
Sutra Meaning Transliteration : Juo sutra 309