Sutra Navigation: Pragnapana ( પ્રજ્ઞાપના ઉપાંગ સૂત્ર )

Search Details

Mool File Details

Anuvad File Details

Sr No : 1106532
Scripture Name( English ): Pragnapana Translated Scripture Name : પ્રજ્ઞાપના ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

पद-२ स्थान

 Translated Chapter :

પદ-૨ સ્થાન
Section : Translated Section :
Sutra Number : 232 Category : Upang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] एते चेव आयरक्खा चउगुणा। कहि णं भंते! हेट्ठिमगेवेज्जगदेवाणं पज्जत्तापज्जत्ताणं ठाणा पन्नत्ता? कहि णं भंते! हेट्ठिमगेवेज्जा देवा परिवसंति? गोयमा! आरणच्चुताणं कप्पाणं उप्पिं जाव उड्ढं दूरं उप्पइत्ता, एत्थ णं हेट्ठिमगेवेज्जगाणं देवाणं तओ गेवेज्जविमानपत्थडा पन्नत्ता–पाईण-पडीणायया उदीण-दाहिणविच्छिन्ना पडिपुण्णचंदसंठाणसंठिता अच्चिमालीभासरासिवण्णाभा सेसं जहा बंभलोगे जाव पडिरूवा। तत्थ णं हेट्ठिमगेवेज्जगाणं देवाणं एक्कारसुत्तरे विमानावाससते हवंतीति मक्खातं। ते णं विमाना सव्वरयणामया जाव पडिरूवा, एत्थ णं हेट्ठिमगेवेज्जगाणं देवाणं पज्जत्तापज्जत्ताणं ठाणा पन्नत्ता। तिसु वि लोगस्स असंखेज्जइभागे। तत्थ णं बहवे हेट्ठिमगेवेज्जगा देवा परिवसंति–सव्वे समिड्ढिया सव्वे समज्जुतीया सव्वे समजसा सव्वे समबला सव्वे समाणुभावा सव्वे समसो-क्खा अणिंदा अप्पेस्सा अपुरोहिया अहमिंदा नामं ते देवगणा पन्नत्ता समणाउसो! कहि णं भंते! मज्झिमगाणं गेवेज्जगदेवाणं पज्जत्तापज्जत्ताणं ठाणा पन्नत्ता? कहि णं भंते! मज्झिमगेवेज्जगा देवा परिवसंति? गोयमा! हेट्ठिमगेवेज्जगाणं उप्पिं सपक्खिं सपडिदिसिं जाव उप्पइत्ता, एत्थ णं मज्झिमगेवेज्जगदेवाणं तओ गेवेज्जगविमानपत्थडा पन्नत्ता–पाईणपडीणायता जहा हेट्ठिमगेवेज्जगाणं, नवरं–सतुत्तरे विमानावाससते हवंतीति मक्खातं। ते णं विमाना जाव पडिरूवा, एत्थ णं मज्झिमगेवेज्जगाणं देवाणं जाव तिसु वि लोगस्स असंखेज्जतिभागे। तत्थ णं बहवे मज्झिमगेवेज्जगा देवा परिवसंति जाव अहमिंदा नामं ते देवगणा पन्नत्ता समणाउसो! कहि णं भंते! उवरिमगेवेज्जगदेवाणं पज्जत्तापज्जत्ताणं ठाणा पन्नत्ता? कहि णं भंते! उवरिमगेवेज्जगा देवा परिवसंति? गोयमा! मज्झिमगेवेज्जगदेवाणं उप्पिं जाव उप्पइत्ता, एत्थ णं उवरिमगेवेज्जगाणं देवाणं तओ गेवेज्जगविमानपत्थडा पन्नत्ता–पाईण-पडीणायता सेसं जहा हेट्ठिमगेवेज्जगाणं, नवरं–एगे विमानावाससते भवतीति मक्खातं। सेसं तहेव भाणियव्वं जाव अहमिंदा नामं ते देवगणा पन्नत्ता समणाउसो!
Sutra Meaning : જુઓ સૂત્ર ૨૨૮
Mool Sutra Transliteration : [sutra] ete cheva ayarakkha chauguna. Kahi nam bhamte! Hetthimagevejjagadevanam pajjattapajjattanam thana pannatta? Kahi nam bhamte! Hetthimagevejja deva parivasamti? Goyama! Aranachchutanam kappanam uppim java uddham duram uppaitta, ettha nam hetthimagevejjaganam devanam tao gevejjavimanapatthada pannatta–paina-padinayaya udina-dahinavichchhinna padipunnachamdasamthanasamthita achchimalibhasarasivannabha sesam jaha bambhaloge java padiruva. Tattha nam hetthimagevejjaganam devanam ekkarasuttare vimanavasasate havamtiti makkhatam. Te nam vimana savvarayanamaya java padiruva, ettha nam hetthimagevejjaganam devanam pajjattapajjattanam thana pannatta. Tisu vi logassa asamkhejjaibhage. Tattha nam bahave hetthimagevejjaga deva parivasamti–savve samiddhiya savve samajjutiya savve samajasa savve samabala savve samanubhava savve samaso-kkha animda appessa apurohiya ahamimda namam te devagana pannatta samanauso! Kahi nam bhamte! Majjhimaganam gevejjagadevanam pajjattapajjattanam thana pannatta? Kahi nam bhamte! Majjhimagevejjaga deva parivasamti? Goyama! Hetthimagevejjaganam uppim sapakkhim sapadidisim java uppaitta, ettha nam majjhimagevejjagadevanam tao gevejjagavimanapatthada pannatta–painapadinayata jaha hetthimagevejjaganam, navaram–satuttare vimanavasasate havamtiti makkhatam. Te nam vimana java padiruva, ettha nam majjhimagevejjaganam devanam java tisu vi logassa asamkhejjatibhage. Tattha nam bahave majjhimagevejjaga deva parivasamti java ahamimda namam te devagana pannatta samanauso! Kahi nam bhamte! Uvarimagevejjagadevanam pajjattapajjattanam thana pannatta? Kahi nam bhamte! Uvarimagevejjaga deva parivasamti? Goyama! Majjhimagevejjagadevanam uppim java uppaitta, ettha nam uvarimagevejjaganam devanam tao gevejjagavimanapatthada pannatta–paina-padinayata sesam jaha hetthimagevejjaganam, navaram–ege vimanavasasate bhavatiti makkhatam. Sesam taheva bhaniyavvam java ahamimda namam te devagana pannatta samanauso!
Sutra Meaning Transliteration : Juo sutra 228