Sutra Navigation: Jivajivabhigam ( જીવાભિગમ ઉપાંગ સૂત્ર )

Search Details

Mool File Details

Anuvad File Details

Sr No : 1105805
Scripture Name( English ): Jivajivabhigam Translated Scripture Name : જીવાભિગમ ઉપાંગ સૂત્ર
Mool Language : Ardha-Magadhi Translated Language : Gujarati
Chapter :

प्रतिपत्ति भूमिका

 Translated Chapter :

પ્રતિપત્તિ ભૂમિકા
Section : Translated Section :
Sutra Number : 5 Category : Upang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से किं तं रूविअजीवाभिगमे? रूविअजीवाभिगमे चउव्विहे पन्नत्ते, तं जहा–खंधा खंधदेसा खंधप्पएसा परमाणुपोग्गला। ते समासओ पंचविहा पन्नत्ता, तं जहा–वण्णपरिणया गंधपरिणया रसपरिणया फासपरिणया संठाणपरिणया। जे वण्ण परिणता ते पंचविहा पन्नत्ता, तं जहा–कालवण्णपरिणता नीलवण्णपरिणता लोहियवण्णपरिणता हालिद्दवण्णपरिणता सुक्किल-वण्णपरिणता। जे गंधपरिणता ते दुविहा पन्नत्ता, तं जहा–सुब्भिगंधपरिणता य दुब्भिगंधपरिणता य। जे रसपरिणता ते पंचविहा पन्नत्ता, तं जहा–तित्तरसपरिणता कडुयरसपरिणता कसायरसपरिणता अंबिलरसपरिणता महुररसपरिणता। जे फासपरिणता ते अट्ठविहा पन्नत्ता, तं जहा–कक्खडफासपरिणता मउयफासपरिणता गरुयफासपरिणता लहुयफासपरिणता सीयफासपरिणता उसिणफासपरिणता निद्धफासपरिणता लुक्खफासपरिणता। जे संठाणपरिणता ते पंचविहा पन्नत्ता, तं जहा–परिमंडलसंठाणपरिणता वट्टसंठाणपरिणता तंससंठाणपरिणता चउरंससंठाणपरिणता आयतसंठाणपरिणता। एवं ते जहा पन्नवणाए। सेत्तं रूविअजीवाभिगमे। सेत्तं अजीवाभिगमे।
Sutra Meaning : જુઓ સૂત્ર ૩
Mool Sutra Transliteration : [sutra] se kim tam ruviajivabhigame? Ruviajivabhigame chauvvihe pannatte, tam jaha–khamdha khamdhadesa khamdhappaesa paramanupoggala. Te samasao pamchaviha pannatta, tam jaha–vannaparinaya gamdhaparinaya rasaparinaya phasaparinaya samthanaparinaya. Je vanna parinata te pamchaviha pannatta, tam jaha–kalavannaparinata nilavannaparinata lohiyavannaparinata haliddavannaparinata sukkila-vannaparinata. Je gamdhaparinata te duviha pannatta, tam jaha–subbhigamdhaparinata ya dubbhigamdhaparinata ya. Je rasaparinata te pamchaviha pannatta, tam jaha–tittarasaparinata kaduyarasaparinata kasayarasaparinata ambilarasaparinata mahurarasaparinata. Je phasaparinata te atthaviha pannatta, tam jaha–kakkhadaphasaparinata mauyaphasaparinata garuyaphasaparinata lahuyaphasaparinata siyaphasaparinata usinaphasaparinata niddhaphasaparinata lukkhaphasaparinata. Je samthanaparinata te pamchaviha pannatta, tam jaha–parimamdalasamthanaparinata vattasamthanaparinata tamsasamthanaparinata chauramsasamthanaparinata ayatasamthanaparinata. Evam te jaha pannavanae. Settam ruviajivabhigame. Settam ajivabhigame.
Sutra Meaning Transliteration : Juo sutra 3