Sutra Navigation: Gyatadharmakatha ( ધર્મકથાંગ સૂત્ર )
Search Details
| Mool File Details |
|
Anuvad File Details |
|
| Sr No : | 1104824 | ||
| Scripture Name( English ): | Gyatadharmakatha | Translated Scripture Name : | ધર્મકથાંગ સૂત્ર |
| Mool Language : | Ardha-Magadhi | Translated Language : | Gujarati |
| Chapter : |
श्रुतस्कंध-१ अध्ययन-९ माकंदी |
Translated Chapter : |
શ્રુતસ્કંધ-૧ અધ્યયન-૯ માકંદી |
| Section : | Translated Section : | ||
| Sutra Number : | 124 | Category : | Ang-06 |
| Gatha or Sutra : | Sutra | Sutra Anuyog : | |
| Author : | Deepratnasagar | Original Author : | Gandhar |
| Century : | Sect : | Svetambara1 | |
| Source : | |||
| Mool Sutra : | [सूत्र] तए णं ते मागंदिय-दारगा तस्स सूलाइगस्स अंतिए एयमट्ठं सोच्चा निसम्म बलियतरं भीया तत्था तसिया उव्विग्गा संजायभया सूलाइयं पुरिसं एवं वयासी–कहण्णं देवानुप्पिया! अम्हे रयणदीवदेवयाए हत्थाओ साहत्थिं नित्थरेज्जामो? तए णं से सूलाइए पुरिसे ते मागंदिय-दारगे एवं वयासी–एस णं देवानुप्पिया! पुरत्थिमिल्ले वनसंडे सेलगस्स जक्खस्स जक्खाययणे सेलए नामं आसरूवधारी जक्खे परिवसइ। तए णं से सेलए जक्खे चाउद्दसट्ठमुद्दिट्ठपुण्णमासिणीसु आगय-समए पत्तसमए महया-महया सद्देण एवं वदइ–कं तारयामि? कं पालयामि? तं गच्छह णं तुब्भे देवानुप्पिया! पुरत्थिमिल्लं वण-संडं सेलगस्स जक्खस्स महरिहं पुप्फच्चणियं करेह, करेत्ता जन्नुपायवडिया पंजलिउडा विनएणं पज्जुवासमाणा विहरह। जाहे णं से सेलए जक्खे आगयसमए पत्तसमए एवं वएज्जा–कं तारयामि? कं पालयामि? ताहे तुब्भे एवं वदह–अम्हे तारयाहि अम्हे पालयाहि। सेलए भे जक्खे परं रयणदीवदेवयाए हत्थाओ साहत्थिं नित्थारेज्जा। अन्नहा भे न याणामि इमेसिं सरीरगाणं का मन्ने आवई भविस्सइ? तए णं ते मागंदिय-दारगा तस्स सूलाइयस्स पुरिसस्स अंतिए एयमट्ठं सोच्चा निसम्मा सिग्घं चंडं चवलं तुरियं वेइयं जेणेव पुरत्थिमिल्ले वनसंडे जेणेव पोक्खरिणी तेणेव उवागच्छंति, उवागच्छित्ता पोक्खरिणिं ओगाहेंति, ओगाहेत्ता जलमज्जणं करेति, करेत्ता जाइं तत्थ उप्पलाइं जाव ताइं गेण्हंति, गेण्हित्ता जेणेव सेलगस्स जक्खस्स जक्खाययणे तेणेव उवागच्छंति, उवागच्छित्ता आलोए पणामं करेंति, करेत्ता महरिहं पुप्फच्चणियं करेंति, करेत्ता जन्नुपायवडिया सुस्सूसमाणा नमंसमाणा पज्जुवासंति। तए णं से सेलए जक्खे आगयसमए पत्तसमए एवं वयासी–कं तारयामि? कं पालयामि? तए णं ते मागंदिय-दारगा उट्ठाए उट्ठेंति, उट्ठेत्ता करयल परिग्गहियं सिरसावत्तं मत्थए अंजलिं कट्टु एवं वयासी–अम्हे तारयाहिं अम्हे पालयाहिं। तए णं से सेलए जक्खे ते मागंदिय-दारए एवं वयासी–एवं खलु देवानुप्पिया! तुब्भं मए सद्धिं लवणसमुद्दं मज्झं-मज्झेणं वीईवयमाणाणं सा रयणदीवदेवया पावा चंडा रुद्दा खुद्दा साहसिया बहूहिं खरएहिं य मउएहिं य अणुलोमेहिं य पडिलोमेहिं य सिगारेहि य कलुणेहिं य उवसग्गेहिं उवसग्गं करेहिइ। तं जइ णं तुब्भे देवानुप्पिया! रयणदीवदेवयाए एयमट्ठं आढाह वा परियाणह वा अवयक्खह वा तो भे अहं पट्ठाओ विहुणामि। अह णं तुब्भे रयणदीवदेवयाए एयमट्ठं नो आढाह नो परियाणह नो अवयक्खह तो भे रयणदीवदेवयाए हत्थाओ साहत्थिं नित्थारेमि। तए णं ते मागंदिय-दारगा सेलगं जक्खं एवं वयासी–जं णं देवानुप्पिया! वइस्संति तस्स णं आणा उववाय-वयण-निद्देसे चिट्ठिस्सामो। तए णं से सेलए जक्खे उत्तरपुरत्थिमं दिसीभागं अवक्कमइ, अवक्कमित्ता वेउव्विय-समुग्घाएणं समोहण्णइ, समोहणित्ता संखेज्जाइं जोयणाइं दंडं निस्सिरइ, दोच्चंपि वेउव्विय-समुग्घाएणं समोहण्णइ, समोहणित्ता एगं महं आसरूवं विउव्वइ, विउवित्ता मागंदिय-दारए एवं वयासी–हं भो मागंदिय-दारया! आरुहह णं देवानुप्पिया! मम पट्ठंसि। तए णं ते मागंदिय-दारया हट्ठा सेलगस्स जक्खस्स पणामं करेंति, करेत्ता सेलगस्स पट्ठं दुरूढा। तए णं से सेलए ते मागंदिय-दारए पट्ठे दुरूढे जाणित्ता सत्तट्ठतलप्पमाणमेत्ताइं उड्ढं वेहासं उप्पयइ, उप्पइत्ता ताए उक्किट्ठाए तुरियाए चवलाए चंडाए दिव्वाए देवगईए लवणसमुद्दं मज्झंमज्झेणं जेणेव जंबुद्दीवे दीवे जेणेव भारहे वासे जेणेव चंपा नयरी तेणेव पहारेत्थ गमणाए। | ||
| Sutra Meaning : | જુઓ સૂત્ર ૧૨૩ | ||
| Mool Sutra Transliteration : | [sutra] tae nam te magamdiya-daraga tassa sulaigassa amtie eyamattham sochcha nisamma baliyataram bhiya tattha tasiya uvvigga samjayabhaya sulaiyam purisam evam vayasi–kahannam devanuppiya! Amhe rayanadivadevayae hatthao sahatthim nittharejjamo? Tae nam se sulaie purise te magamdiya-darage evam vayasi–esa nam devanuppiya! Puratthimille vanasamde selagassa jakkhassa jakkhayayane selae namam asaruvadhari jakkhe parivasai. Tae nam se selae jakkhe chauddasatthamudditthapunnamasinisu agaya-samae pattasamae mahaya-mahaya saddena evam vadai–kam tarayami? Kam palayami? Tam gachchhaha nam tubbhe devanuppiya! Puratthimillam vana-samdam selagassa jakkhassa mahariham pupphachchaniyam kareha, karetta jannupayavadiya pamjaliuda vinaenam pajjuvasamana viharaha. Jahe nam se selae jakkhe agayasamae pattasamae evam vaejja–kam tarayami? Kam palayami? Tahe tubbhe evam vadaha–amhe tarayahi amhe palayahi. Selae bhe jakkhe param rayanadivadevayae hatthao sahatthim nittharejja. Annaha bhe na yanami imesim sariraganam ka manne avai bhavissai? Tae nam te magamdiya-daraga tassa sulaiyassa purisassa amtie eyamattham sochcha nisamma siggham chamdam chavalam turiyam veiyam jeneva puratthimille vanasamde jeneva pokkharini teneva uvagachchhamti, uvagachchhitta pokkharinim ogahemti, ogahetta jalamajjanam kareti, karetta jaim tattha uppalaim java taim genhamti, genhitta jeneva selagassa jakkhassa jakkhayayane teneva uvagachchhamti, uvagachchhitta aloe panamam karemti, karetta mahariham pupphachchaniyam karemti, karetta jannupayavadiya sussusamana namamsamana pajjuvasamti. Tae nam se selae jakkhe agayasamae pattasamae evam vayasi–kam tarayami? Kam palayami? Tae nam te magamdiya-daraga utthae utthemti, utthetta karayala pariggahiyam sirasavattam matthae amjalim kattu evam vayasi–amhe tarayahim amhe palayahim. Tae nam se selae jakkhe te magamdiya-darae evam vayasi–evam khalu devanuppiya! Tubbham mae saddhim lavanasamuddam majjham-majjhenam viivayamananam sa rayanadivadevaya pava chamda rudda khudda sahasiya bahuhim kharaehim ya mauehim ya anulomehim ya padilomehim ya sigarehi ya kalunehim ya uvasaggehim uvasaggam karehii. Tam jai nam tubbhe devanuppiya! Rayanadivadevayae eyamattham adhaha va pariyanaha va avayakkhaha va to bhe aham patthao vihunami. Aha nam tubbhe rayanadivadevayae eyamattham no adhaha no pariyanaha no avayakkhaha to bhe rayanadivadevayae hatthao sahatthim nittharemi. Tae nam te magamdiya-daraga selagam jakkham evam vayasi–jam nam devanuppiya! Vaissamti tassa nam ana uvavaya-vayana-niddese chitthissamo. Tae nam se selae jakkhe uttarapuratthimam disibhagam avakkamai, avakkamitta veuvviya-samugghaenam samohannai, samohanitta samkhejjaim joyanaim damdam nissirai, dochchampi veuvviya-samugghaenam samohannai, samohanitta egam maham asaruvam viuvvai, viuvitta magamdiya-darae evam vayasi–ham bho magamdiya-daraya! Aruhaha nam devanuppiya! Mama patthamsi. Tae nam te magamdiya-daraya hattha selagassa jakkhassa panamam karemti, karetta selagassa pattham durudha. Tae nam se selae te magamdiya-darae patthe durudhe janitta sattatthatalappamanamettaim uddham vehasam uppayai, uppaitta tae ukkitthae turiyae chavalae chamdae divvae devagaie lavanasamuddam majjhammajjhenam jeneva jambuddive dive jeneva bharahe vase jeneva champa nayari teneva paharettha gamanae. | ||
| Sutra Meaning Transliteration : | Juo sutra 123 | ||