Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104490
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२६ जीव, लंश्या, पक्खियं, दृष्टि, अज्ञान

 Translated Chapter :

શતક-૨૬ જીવ, લંશ્યા, પક્ખિયં, દૃષ્ટિ, અજ્ઞાન
Section : उद्देशक-२ थी ११ Translated Section : ઉદ્દેશક-૨ થી ૧૧
Sutra Number : 990 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अचरिमे णं भंते! नेरइए पावं कम्मं किं बंधी–पुच्छा। गोयमा! अत्थेगइए एवं जहेव पढमोद्देसए, पढम-बितिया भंगा भाणियव्वा सव्वत्थ जाव पंचिंदियतिरिक्खजोणियाणं। अचरिमे णं भंते! मनुस्से पावं कम्मं किं बंधी–पुच्छा। गोयमा! अत्थेगतिए बंधी बंधइ बंधिस्सइ, अत्थेगतिए बंधी बंधइ न बंधिस्सइ, अत्थेगतिए बंधी न बंधइ बंधिस्सइ। सलेस्से णं भंते! अचरिमे मनुस्से पावं कम्मं किं बंधी? एवं चेव तिन्नि भंगा चरमविहूणा भाणियव्वा एवं जहेव पढमुद्देसे, नवरं–जेसु तत्थ वीससु चत्तारि भंगा तेसु इह आदिल्ला तिन्नि भंगा भाणियव्वा चरिमभंगवज्जा। अलेस्से केवल-नाणी य अजोगी य–एए तिन्नि वि न पुच्छिज्जंति, सेसं तहेव। वाणमंतर-जोइसिय-वेमाणिए जहा नेरइए। अचरिमे णं भंते! नेरइए नाणावरणिज्जं कम्मं किं बंधी–पुच्छा। गोयमा! एवं जहेव पावं, नवर–मनुस्सेसु सकसाईसु लोभकसाईसु य पढम-बितिया भंगा, सेसा अट्ठारस चरमविहूणा, सेसं तहेव जाव वेमाणियाणं। दरिसणावरणिज्जं पि एवं चेव निरवसेसं। वेयणिज्जे सव्वत्थ वि पढम-बितिया भंगा जाव वेमाणियाणं, नवरं–मनुस्सेसु अलेस्से केवली अजोगी य नत्थि। अचरिमे णं भंते! नेरइए मोहणिज्जं कम्मं किं बंधी–पुच्छा। गोयमा! जहेव पावं तहेव निरवसेसं जाव वेमाणिए। अचरिमे णं भंते! नेरइए आउयं कम्मं किं बंधी–पुच्छा। गोयमा! पढम-बितिया भंगा। एवं सव्वपदेसु वि। नेरइयाणं पढम-ततिया भंगा, नवरं–सम्मामिच्छत्ते ततिओ भंगो। एवं जाव थणियकुमाराणं। पुढविक्काइय-आउक्काइय-वणस्सइकाइयाणं तेउलेस्साए ततिओ भंगो। सेसेसु पदेसु सव्वत्थ पढम-ततिया भंगा। तेउकाइय-वाउक्काइयाणं सव्वत्थ पढम-ततिया भंगा। बेइंदिय-तेइंदिय-चउरिंदियाणं एवं चेव, नवरं–सम्मत्ते ओहिनाणे आभिनिबोहियनाणे सुयनाणे–एएसु चउसु वि ठाणेसु ततिओ भंगो। पंचिंदियतिरिक्खजोणियाणं सम्मामिच्छत्ते ततिओ भंगो। सेसपदेसु सव्वत्थ पढम-ततिया भंगा। मनुस्साणं सम्मामिच्छत्ते अवेदए अकसाइम्मि य ततिओ भंगो, अलेस्स-केवलनाण-अजोगी य न पुच्छिज्जंति। सेसपदेसु सव्वत्थ पढम-ततिया भंगा। वाणमंतर-जोइसिय-वेमाणिया जहा नेरइया। नामं गोयं अंतराइयं च जहेव नाणावरणिज्जं तहेव निरवसेसं। सेवं भंते! सेवं भंते! त्ति जाव विहरइ।
Sutra Meaning : જુઓ સૂત્ર ૯૮૩
Mool Sutra Transliteration : [sutra] acharime nam bhamte! Neraie pavam kammam kim bamdhi–puchchha. Goyama! Atthegaie evam jaheva padhamoddesae, padhama-bitiya bhamga bhaniyavva savvattha java pamchimdiyatirikkhajoniyanam. Acharime nam bhamte! Manusse pavam kammam kim bamdhi–puchchha. Goyama! Atthegatie bamdhi bamdhai bamdhissai, atthegatie bamdhi bamdhai na bamdhissai, atthegatie bamdhi na bamdhai bamdhissai. Salesse nam bhamte! Acharime manusse pavam kammam kim bamdhi? Evam cheva tinni bhamga charamavihuna bhaniyavva evam jaheva padhamuddese, navaram–jesu tattha visasu chattari bhamga tesu iha adilla tinni bhamga bhaniyavva charimabhamgavajja. Alesse kevala-nani ya ajogi ya–ee tinni vi na puchchhijjamti, sesam taheva. Vanamamtara-joisiya-vemanie jaha neraie. Acharime nam bhamte! Neraie nanavaranijjam kammam kim bamdhi–puchchha. Goyama! Evam jaheva pavam, navara–manussesu sakasaisu lobhakasaisu ya padhama-bitiya bhamga, sesa attharasa charamavihuna, sesam taheva java vemaniyanam. Darisanavaranijjam pi evam cheva niravasesam. Veyanijje savvattha vi padhama-bitiya bhamga java vemaniyanam, navaram–manussesu alesse kevali ajogi ya natthi. Acharime nam bhamte! Neraie mohanijjam kammam kim bamdhi–puchchha. Goyama! Jaheva pavam taheva niravasesam java vemanie. Acharime nam bhamte! Neraie auyam kammam kim bamdhi–puchchha. Goyama! Padhama-bitiya bhamga. Evam savvapadesu vi. Neraiyanam padhama-tatiya bhamga, navaram–sammamichchhatte tatio bhamgo. Evam java thaniyakumaranam. Pudhavikkaiya-aukkaiya-vanassaikaiyanam teulessae tatio bhamgo. Sesesu padesu savvattha padhama-tatiya bhamga. Teukaiya-vaukkaiyanam savvattha padhama-tatiya bhamga. Beimdiya-teimdiya-chaurimdiyanam evam cheva, navaram–sammatte ohinane abhinibohiyanane suyanane–eesu chausu vi thanesu tatio bhamgo. Pamchimdiyatirikkhajoniyanam sammamichchhatte tatio bhamgo. Sesapadesu savvattha padhama-tatiya bhamga. Manussanam sammamichchhatte avedae akasaimmi ya tatio bhamgo, alessa-kevalanana-ajogi ya na puchchhijjamti. Sesapadesu savvattha padhama-tatiya bhamga. Vanamamtara-joisiya-vemaniya jaha neraiya. Namam goyam amtaraiyam cha jaheva nanavaranijjam taheva niravasesam. Sevam bhamte! Sevam bhamte! Tti java viharai.
Sutra Meaning Transliteration : Juo sutra 983