Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104479
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२६ जीव, लंश्या, पक्खियं, दृष्टि, अज्ञान

 Translated Chapter :

શતક-૨૬ જીવ, લંશ્યા, પક્ખિયં, દૃષ્ટિ, અજ્ઞાન
Section : उद्देशक-१ Translated Section : ઉદ્દેશક-૧
Sutra Number : 979 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] जीवे णं भंते! नाणावरणिज्जं कम्मं किं बंधी बंधइ बंधिस्सइ? एवं जहेव पावकम्मस्स वत्तव्वया तहेव नाणावरणिज्जस्स वि भाणियव्वा, नवरं–जीवपदे मनुस्सपदे य सकसाइम्मि जाव लोभकसाइम्मि य पढम-बितिया भंगा, अवसेसं तं चेव जाव वेमाणिया। एवं दरिसणावरणिज्जेणं वि दंडगो भाणियव्वो निरवसेसो जीवे णं भंते! वेयणिज्जं कम्मं किं बंधी–पुच्छा। गोयमा! अत्थेगतिए बंधी बंधइ बंधिस्सइ, अत्थेगतिए बंधी बंधइ न बंधिस्सइ, अत्थेगतिए बंधी न बंधइ न बंधिस्सइ। सलेस्से वि एवं चेव ततियविहूणा भंगा। कण्हलेस्से जाव पम्हलेस्से पढम-बितिया भंगा। सुक्कलेस्से ततियविहूणा भंगा। अलेस्से चरिमो भंगो। कण्हपक्खिए पढम-बितिया। सुक्कपक्खिया ततियविहूणा। एवं सम्मदिट्ठिस्स वि, मिच्छादिट्ठिस्स सम्मामिच्छादिट्ठिस्स य पढम-बितिया। नाणिस्स ततियविहूणा। आभिनिबोहियनाणी जाव मनपज्जवनाणी पढम-बितिया। केवलनाणी ततियविहूणा। एवं नोसण्णोवउत्ते, अवेदए, अकसायी। सागारोवउत्ते अनागारोवउत्ते–एएसु ततियविहूणा। अजोगिम्मि य चरिमो। सेसेसु पढम-बितिया। नेरइए णं भंते! वेयणिज्जं कम्मं किं बंधी बंधइ? एवं नेरइया जाव वेमानिय त्ति। जस्स जं अत्थि सव्वत्थ वि पढम-बितिया, नवरं–मनुस्से जहा जीवे। जीवे णं भंते! मोहणिज्जं कम्मं किं बंधी बंधइ? जहेव पावं कम्मं तहेव मोहणिज्जं पि निरवसेसं जाव वेमाणिए
Sutra Meaning : જુઓ સૂત્ર ૯૭૮
Mool Sutra Transliteration : [sutra] jive nam bhamte! Nanavaranijjam kammam kim bamdhi bamdhai bamdhissai? Evam jaheva pavakammassa vattavvaya taheva nanavaranijjassa vi bhaniyavva, navaram–jivapade manussapade ya sakasaimmi java lobhakasaimmi ya padhama-bitiya bhamga, avasesam tam cheva java vemaniya. Evam darisanavaranijjenam vi damdago bhaniyavvo niravaseso Jive nam bhamte! Veyanijjam kammam kim bamdhi–puchchha. Goyama! Atthegatie bamdhi bamdhai bamdhissai, atthegatie bamdhi bamdhai na bamdhissai, atthegatie bamdhi na bamdhai na bamdhissai. Salesse vi evam cheva tatiyavihuna bhamga. Kanhalesse java pamhalesse padhama-bitiya bhamga. Sukkalesse tatiyavihuna bhamga. Alesse charimo bhamgo. Kanhapakkhie padhama-bitiya. Sukkapakkhiya tatiyavihuna. Evam sammaditthissa vi, michchhaditthissa sammamichchhaditthissa ya padhama-bitiya. Nanissa tatiyavihuna. Abhinibohiyanani java manapajjavanani padhama-bitiya. Kevalanani tatiyavihuna. Evam nosannovautte, avedae, akasayi. Sagarovautte anagarovautte–eesu tatiyavihuna. Ajogimmi ya charimo. Sesesu padhama-bitiya. Neraie nam bhamte! Veyanijjam kammam kim bamdhi bamdhai? Evam neraiya java vemaniya tti. Jassa jam atthi savvattha vi padhama-bitiya, navaram–manusse jaha jive. Jive nam bhamte! Mohanijjam kammam kim bamdhi bamdhai? Jaheva pavam kammam taheva mohanijjam pi niravasesam java vemanie
Sutra Meaning Transliteration : Juo sutra 978