Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104465
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२५

 Translated Chapter :

શતક-૨૫
Section : उद्देशक-७ संयत Translated Section : ઉદ્દેશક-૭ સંયત
Sutra Number : 965 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] से किं तं अनसने? अनसने दुविहे पन्नत्ते, तं जहा–इत्तरिए य, आवकहिए य। से किं तं इत्तरिए? इत्तरिए अनेगविहे पन्नत्ते, तं जहा–चउत्थे भत्ते, छट्ठे भत्ते, अट्ठमे भत्ते, दसमे भत्ते, दुवाल-समे भत्ते, चोद्दसमे भत्ते, अद्धमासिए भत्ते, मासिए भत्ते, दोमासिए भत्ते, तेमासिए भत्ते जाव छम्मासिए भत्ते। सेत्तं इत्तरिए। से किं तं आवकहिए? आवकहिए दुविहे पन्नत्ते, तं जहा–पाओवगमणे य, भत्तपच्चक्खाणे य। से किं तं पाओवगमणे? पाओवगमणे दुविहे पन्नत्ते, तं जहा–नीहारिमे य, अणीहारिमे य। नियमं अपडिकम्मे सेत्तं पाओवगमणे। से किं तं भत्तपच्चक्खाणे? भत्तपच्चक्खाणे दुविहे पन्नत्ते, तं जहा–नीहारिमे य, अणीहारिमे य। नियमं सपडिकम्मे। सेत्तं भत्तपच्चक्खाणे। सेत्तं आवकहिए। सेत्तं अनसने। से किं तं ओमोदरिया? ओमोदरिया दुविहा पन्नत्ता, तं० दव्वोमोदरिया य, भावोमोदरिया य। से किं तं दव्वोमोदरिया? दव्वोमोदरिया दुविहा पन्नत्ता, तं जहा–उवगरणदव्वोमोदरिया य, भत्तपाणदव्वोमोदरिया य। से किं तं उवगरणदव्वोमोदरिया? उवगरणदव्वोमोदरिया तिविहा पन्नत्ता, तं जहा–एगे वत्थे, एगे पाए, चियत्तोवगरणसातिज्जणया। सेत्तं उवगरणदव्वोमोदरिया। से किं तं भत्तपाणदव्वोमोदरिया? भत्तपाणदव्वोमोदरिया अट्ठकुक्कुडिअंडगप्पमाणमेत्ते कवले आहारमाहारेमाणे अप्पाहारे, दुवालस कुक्कुडिअंडगपमाणमेत्ते कवले आहारमाहारेमाणे अवड्ढोमोदरिए, सोलस कुक्कुडिअंडगपमाणमेत्ते कवले आहार-माहारेमाणे दुभागप्पत्ते, चउव्वीसं कुक्कुडिअंडगपमाणमेत्ते कवले आहारमाहारेमाणे ओमोदरिए, बत्तीसं कुक्कुडिअंडगपमाणमेत्ते कवले आहारमाहारेमाणे पमाणमेत्ते, एत्तो एक्केण वि घासेनं ऊणगं आहारमाहारेमाणे समणे निग्गंथे नो पकामरसभोजीति वत्तव्वं सिया। सेत्तं भत्तपाणदव्वोमोदरिया। सेत्तं दव्वोमोदरिया। से किं तं भावोमोदरिया? भावोमोदरिया अनेगविहा पन्नत्ता, तं जहा–अप्पकोहे, अप्पमाणे, अप्पमाए, अप्प-लोभे, अप्पसद्दे, अप्पज्झंज्झे, अप्पतुमंतुमे। सेत्तं भावोमोदरिया। सेत्तं ओमोदरिया। से किं तं भिक्खायरिया? भिक्खायरिया अनेगविहा पन्नत्ता, तं जहा–दव्वाभिग्गहचरए, खेत्ताभिग्गहचरए, कालाभिग्गहचरए, भावाभिग्गहचरए, उक्खित्तचरए, णिक्खित्तचरए, उक्खित्त-णिक्खित्तचरए, णिक्खित्तउक्खित्तचरए, वट्टिज्जमाणचरए, साहरिज्जमाणचरए, उवणीयचरए, अवणीयचरए, उवणीयअवणीयचरए, अवनीयउवनीयचरए, संसट्ठचरए, असंसट्ठचरए, तज्जाय-संसट्ठचरए, अन्नयचरए, मोणचरए, सुद्धेसणिए, संखादत्तिए। सेत्तं भिक्खायरिया। से किं तं रसपरिच्चाए? रसपरिच्चाए अनेगविहे पन्नत्ते, तं जहा–निव्विगितिए, पणीय-रसविवज्जए, आयंबिलए, आयामसित्थभोई, अरसाहारे, विरसाहारे, अंताहारे, पंताहारे, लूहाहारे। सेत्तं रसपरिच्चाए। से किं तं कायकिलेसे? कायकिलेसे अनेगविहे पन्नत्ते, तं जहा–ठाणादीए, उक्कुडुयासणिए, पडिमट्ठाई, वीरासणिए, नेसज्जिए, आयावए, अवाउडए, अपंडुयए, अनिट्ठुहए, सव्वगायपरिकम्म -विभूसविप्पमुक्के। सेत्तं कायकिलेसे। से किं तं पडिसंलीणया? पडिसंलीणया चउव्विहा पन्नत्ता, तं जहा–इंदियपडिसंलीणया, कसायपडिसंलीणया, जोगपडिसंलीणया, विवित्तसयनासनसेवणया। से किं तं इंदियपडिसंलीणया? इंदियपडिसंलीणया पंचविहा पन्नत्ता, तं जहा–सोइंदियविसय-प्पयारणिरोहो वा, सोइंदियविसयप्पत्तेसु वा अत्थेसु रागदोसविनिग्गहो। चक्खिंदियविसयप्पयार-णिरोहो वा एवं जाव फासिंदियविसयप्पयारणिरोहो वा, फासिंदियविसयप्पत्तेसु वा अत्थेसु रागदोसविनिग्गहो। सेत्तं इंदियपडिसंलीणया। से किं तं कसायपडिसंलीणया? कसायपडिसंलीणया चउव्विहा पन्नत्ता, तं जहा–कोहोदयनिरोहो वा, उदयप्पत्तस्स वा कोहस्स विफलीकरणं। एवं जाव लोभोदयनिरोहो वा, उदयपत्तस्स वा लोभस्स विफलीकरणं। सेत्तं कसायपडिसंलीणया से किं तं जोगपडिसंलीणया? जोगपडिसंलीणया तिविहा पन्नत्ता, तं जहा–मणजोगपडिसंलीणया, वइजोग-पडिसंलीणया, कायजोगपडिसंलीणया। से किं तं मणजोगपडिसंलीणया? मणजोगपडिसंलीणया अकुसलमणनिरोहो वा, कुसलमणउदीरणं वा, मणस्स वा एगत्तीभावकरणं। सेत्तं मणजोगपडिसंलीणया। से किं तं वइजोगपडिसंलीणया? वइजोगपडिसंलीणया अकुसलवइनिरोहो वा, कुसलवइउदीरणं वा, वईए वा एगत्तीभावकरणं। सेत्तं वइजोगपडिसंलीणया। से किं तं कायजोगपडिसंलीणया? कायजोगपडिसंलीणया जण्णं सुसमाहियपसंत-साहरियपाणि-पाए कुम्मो इव गुत्तिंदिए अल्लीण-पल्लीणे चिट्ठति। सेत्तं कायपडिसंलीणया। सेत्तं जोग-पडिसंलीणया। से किं तं विवित्तसयनासनसेवणया? विवित्तसयनासनसेवणया जण्णं आरामेसु वा उज्जाणेसु वा देवकुलेसु वा सभासु वा पवासु वा इत्थी-पसु-पंडगविवज्जियासु वा वसहीसु फासु-एसणिज्जं पीढ-फलग-सेज्जा-संथारगं उवसंपज्जित्ताणं विहरइ। सेत्तं विवित्तसयनासनसेवणया। सेत्तं पडि-संलीणया। सेत्तं बाहिरए तवे। से किं तं अब्भिंतरए तवे? अब्भिंतरए तवे छव्विहे पन्नत्ते, तं जहा–पायच्छित्तं, विनओ, वेयावच्चं, सज्झाओ, ज्झाणं, विउसग्गो। से किं तं पायच्छित्ते? पायच्छित्ते दसविहे पन्नत्ते, तं जहा–आलोयणारिहे जाव पारंचियारिहे। सेत्तं पायच्छित्ते। से किं तं विनए? विनए सत्तविहे पन्नत्ते, तं जहा–नाणविनए, दंसणविनए, चरित्तविनए, मणविनए, वइविनए, कायविनए, लोगोवयारविनए। से किं तं नाणविनए? नाणविनए पंचविहे पन्नत्ते, तं जहा– आभिनिबोहियनाणविनए, सुयनाणविनए, ओहिनाणविनए, मनपज्जवनाणविनए, केवलनाणविनए। सेत्तं नाणविनए। से किं तं दंसणविनए? दंसणविनए दुविहे पन्नत्ते, तं जहा– सुस्सूसणाविनए य, अनच्चासादणाविनए य। से किं तं सुस्सूसणाविनए? सुस्सूसणाविनए अनेगविहे पन्नत्ते, तं जहा–सक्कारे इ वा सम्माणे इ वा किइकम्मे इ वा अब्भट्ठाणे इ वा अंजलिपग्गहे इ वा आसणाभिग्गहे इ वा आसणाणुप्पदाणे इ वा, एंतस्स पच्चुग्गच्छणया, ठियस्स पज्जुवा-सणया, गच्छंतस्स पडिसंसाहणया। सेत्तं सुस्सूसणाविनए। से किं तं अनच्चासादणाविनए? अनच्चासादणाविनए पणयालीसइविहे पन्नत्ते, तं जहा–अरहंताणं अनच्चासादणया, अरहंतपण्णत्तस्स धम्मस्स अनच्चासादणया, आयरियाणं अनच्चासादणया, उवज्झायाणं अनच्चासादणया, थेराणं अनच्चासादणया, कुलस्स अनच्चासादणया, गणस्स अनच्चासादणया, संघस्स अनच्चासादणया, किरियाए अनच्चासादणया, संभोगस्स अनच्चासादणया, आभिनिबोहियनाणस्स अनच्चासादणया, जाव केवलनाणस्स अनच्चासादणया, एएसिं चेव भत्ति-बहुमाणेणं एएसिं चेव वण्णसंजलणया। सेत्तं अनच्चासादणयाविनए। सेत्तं दंसणविनए। से किं तं चरित्तविनए? चरित्तविनए पंचविहे पन्नत्ते, तं जहा–सामाइयचरित्तविनए जाव अहक्खायचरित्तविनए। सेत्तं चरित्तविनए। से किं तं मनविनए? मनविनए दुविहे पन्नत्ते, तं जहा–पसत्थमनविनए य, अप्पसत्थमनविनए य। से किं तं पसत्थमनविनए? पसत्थमनविनए सत्तविहे पन्नत्ते, तं जहा–अपावए, असावज्जे, अकिरिए, निरुवक्केसे, अणण्हवकरे, अच्छविकरे, अभूयाभिसंकणे। सेत्तं पसत्थमणविनए। से किं तं अप्पसत्थमनविनए? अप्पसत्थमनविनए सत्तविहे पन्नत्ते, तं जहा–पावए, सावज्जे, सकिरिए, सउवक्केसे, अण्हयकरे, छविकरे, भूयाभिसंकणे। सेत्तं अप्पसत्थमनविनए। सेत्तं मनविनए। से किं तं वइविनए? वइविनए दुविहे पन्नत्ते, तं जहा–पसत्थवइविनए य, अप्पसत्थवइविनए य। से किं तं पसत्थवइविनए? पसत्थवइविनए सत्तविहे पन्नत्ते, तं जहा–अपावए, असावज्जे जाव अभूयाभिसंकणे। सेत्तं पसत्थवइविनए। से किं तं अप्पसत्थवइविनए? अप्पसत्थवइविनए सत्तविहे पन्नत्ते, तं जहा–पावए, सावज्जे जाव भूयाभिसंकणे सेत्तं अप्पसत्थवइविनए। सेत्तं वइविनए। से किं तं कायविनए? कायविनए दुविहे पन्नत्ते, तं जहा–पसत्थकायविनए य, अप्पसत्थ-कायविनए य। से किं तं पसत्थकायविनए? पसत्थकायविनए सत्तविहे पन्नत्ते, तं जहा–आउत्तं गमणं, आउत्तं ठाणं, आउत्तं निसीयणं, आउत्तं तुयट्टणं, आउत्तं उल्लंघणं, आउत्तं पल्लंघणं, आउत्तं सव्विंदिय-जोग-जुंजणया। सेत्तं पसत्थकायविनए। से किं तं अप्पसत्थकायविनए? अप्पसत्थकायविनए सत्तविहे पन्नत्ते, तं जहा–अणाउत्तं गमणं जाव अणाउत्तं सव्विंदियजोगजुंजणया। सेत्तं अप्पसत्थकायविनए। सेत्तं कायविनए। से किं तं लोगोवयारविनए? लोगोवयारविनए सत्तविहे पन्नत्ते, तं जहा–अब्भासवत्तियं, परच्छंदा-णुवत्तियं, कज्जहेउं, कयपडिकइया, अत्तगवेसणया, देसकालण्णया, सव्वत्थेसु अप्पडिलोमया। सेत्तं लोगोवयारविनए। सेत्तं विनए।
Sutra Meaning : જુઓ સૂત્ર ૯૬૩
Mool Sutra Transliteration : [sutra] se kim tam anasane? Anasane duvihe pannatte, tam jaha–ittarie ya, avakahie ya. Se kim tam ittarie? Ittarie anegavihe pannatte, tam jaha–chautthe bhatte, chhatthe bhatte, atthame bhatte, dasame bhatte, duvala-same bhatte, choddasame bhatte, addhamasie bhatte, masie bhatte, domasie bhatte, temasie bhatte java chhammasie bhatte. Settam ittarie. Se kim tam avakahie? Avakahie duvihe pannatte, tam jaha–paovagamane ya, bhattapachchakkhane ya. Se kim tam paovagamane? Paovagamane duvihe pannatte, tam jaha–niharime ya, aniharime ya. Niyamam apadikamme settam paovagamane. Se kim tam bhattapachchakkhane? Bhattapachchakkhane duvihe pannatte, tam jaha–niharime ya, aniharime ya. Niyamam sapadikamme. Settam bhattapachchakkhane. Settam avakahie. Settam anasane. Se kim tam omodariya? Omodariya duviha pannatta, tam0 davvomodariya ya, bhavomodariya ya. Se kim tam davvomodariya? Davvomodariya duviha pannatta, tam jaha–uvagaranadavvomodariya ya, bhattapanadavvomodariya ya. Se kim tam uvagaranadavvomodariya? Uvagaranadavvomodariya tiviha pannatta, tam jaha–ege vatthe, ege pae, chiyattovagaranasatijjanaya. Settam uvagaranadavvomodariya. Se kim tam bhattapanadavvomodariya? Bhattapanadavvomodariya atthakukkudiamdagappamanamette kavale aharamaharemane appahare, duvalasa kukkudiamdagapamanamette kavale aharamaharemane avaddhomodarie, solasa kukkudiamdagapamanamette kavale ahara-maharemane dubhagappatte, chauvvisam kukkudiamdagapamanamette kavale aharamaharemane omodarie, battisam kukkudiamdagapamanamette kavale aharamaharemane pamanamette, etto ekkena vi ghasenam unagam aharamaharemane samane niggamthe no pakamarasabhojiti vattavvam siya. Settam bhattapanadavvomodariya. Settam davvomodariya. Se kim tam bhavomodariya? Bhavomodariya anegaviha pannatta, tam jaha–appakohe, appamane, appamae, appa-lobhe, appasadde, appajjhamjjhe, appatumamtume. Settam bhavomodariya. Settam omodariya. Se kim tam bhikkhayariya? Bhikkhayariya anegaviha pannatta, tam jaha–davvabhiggahacharae, khettabhiggahacharae, kalabhiggahacharae, bhavabhiggahacharae, ukkhittacharae, nikkhittacharae, ukkhitta-nikkhittacharae, nikkhittaukkhittacharae, vattijjamanacharae, saharijjamanacharae, uvaniyacharae, avaniyacharae, uvaniyaavaniyacharae, avaniyauvaniyacharae, samsatthacharae, asamsatthacharae, tajjaya-samsatthacharae, annayacharae, monacharae, suddhesanie, samkhadattie. Settam bhikkhayariya. Se kim tam rasaparichchae? Rasaparichchae anegavihe pannatte, tam jaha–nivvigitie, paniya-rasavivajjae, ayambilae, ayamasitthabhoi, arasahare, virasahare, amtahare, pamtahare, luhahare. Settam rasaparichchae. Se kim tam kayakilese? Kayakilese anegavihe pannatte, tam jaha–thanadie, ukkuduyasanie, padimatthai, virasanie, nesajjie, ayavae, avaudae, apamduyae, anitthuhae, savvagayaparikamma -vibhusavippamukke. Settam kayakilese. Se kim tam padisamlinaya? Padisamlinaya chauvviha pannatta, tam jaha–imdiyapadisamlinaya, kasayapadisamlinaya, jogapadisamlinaya, vivittasayanasanasevanaya. Se kim tam imdiyapadisamlinaya? Imdiyapadisamlinaya pamchaviha pannatta, tam jaha–soimdiyavisaya-ppayaraniroho va, soimdiyavisayappattesu va atthesu ragadosaviniggaho. Chakkhimdiyavisayappayara-niroho va evam java phasimdiyavisayappayaraniroho va, phasimdiyavisayappattesu va atthesu ragadosaviniggaho. Settam imdiyapadisamlinaya. Se kim tam kasayapadisamlinaya? Kasayapadisamlinaya chauvviha pannatta, tam jaha–kohodayaniroho va, udayappattassa va kohassa viphalikaranam. Evam java lobhodayaniroho va, udayapattassa va lobhassa viphalikaranam. Settam kasayapadisamlinaya Se kim tam jogapadisamlinaya? Jogapadisamlinaya tiviha pannatta, tam jaha–manajogapadisamlinaya, vaijoga-padisamlinaya, kayajogapadisamlinaya. Se kim tam manajogapadisamlinaya? Manajogapadisamlinaya akusalamananiroho va, kusalamanaudiranam va, manassa va egattibhavakaranam. Settam manajogapadisamlinaya. Se kim tam vaijogapadisamlinaya? Vaijogapadisamlinaya akusalavainiroho va, kusalavaiudiranam va, vaie va egattibhavakaranam. Settam vaijogapadisamlinaya. Se kim tam kayajogapadisamlinaya? Kayajogapadisamlinaya jannam susamahiyapasamta-sahariyapani-pae kummo iva guttimdie allina-palline chitthati. Settam kayapadisamlinaya. Settam joga-padisamlinaya. Se kim tam vivittasayanasanasevanaya? Vivittasayanasanasevanaya jannam aramesu va ujjanesu va devakulesu va sabhasu va pavasu va itthi-pasu-pamdagavivajjiyasu va vasahisu phasu-esanijjam pidha-phalaga-sejja-samtharagam uvasampajjittanam viharai. Settam vivittasayanasanasevanaya. Settam padi-samlinaya. Settam bahirae tave. Se kim tam abbhimtarae tave? Abbhimtarae tave chhavvihe pannatte, tam jaha–payachchhittam, vinao, veyavachcham, sajjhao, jjhanam, viusaggo. Se kim tam payachchhitte? Payachchhitte dasavihe pannatte, tam jaha–aloyanarihe java paramchiyarihe. Settam payachchhitte. Se kim tam vinae? Vinae sattavihe pannatte, tam jaha–nanavinae, damsanavinae, charittavinae, manavinae, vaivinae, kayavinae, logovayaravinae. Se kim tam nanavinae? Nanavinae pamchavihe pannatte, tam jaha– abhinibohiyananavinae, suyananavinae, ohinanavinae, manapajjavananavinae, kevalananavinae. Settam nanavinae. Se kim tam damsanavinae? Damsanavinae duvihe pannatte, tam jaha– sussusanavinae ya, anachchasadanavinae ya. Se kim tam sussusanavinae? Sussusanavinae anegavihe pannatte, tam jaha–sakkare i va sammane i va kiikamme i va abbhatthane i va amjalipaggahe i va asanabhiggahe i va asananuppadane i va, emtassa pachchuggachchhanaya, thiyassa pajjuva-sanaya, gachchhamtassa padisamsahanaya. Settam sussusanavinae. Se kim tam anachchasadanavinae? Anachchasadanavinae panayalisaivihe pannatte, tam jaha–arahamtanam anachchasadanaya, arahamtapannattassa dhammassa anachchasadanaya, ayariyanam anachchasadanaya, uvajjhayanam anachchasadanaya, theranam anachchasadanaya, kulassa anachchasadanaya, ganassa anachchasadanaya, samghassa anachchasadanaya, kiriyae anachchasadanaya, sambhogassa anachchasadanaya, abhinibohiyananassa anachchasadanaya, java kevalananassa anachchasadanaya, eesim cheva bhatti-bahumanenam eesim cheva vannasamjalanaya. Settam anachchasadanayavinae. Settam damsanavinae. Se kim tam charittavinae? Charittavinae pamchavihe pannatte, tam jaha–samaiyacharittavinae java ahakkhayacharittavinae. Settam charittavinae. Se kim tam manavinae? Manavinae duvihe pannatte, tam jaha–pasatthamanavinae ya, appasatthamanavinae ya. Se kim tam pasatthamanavinae? Pasatthamanavinae sattavihe pannatte, tam jaha–apavae, asavajje, akirie, niruvakkese, ananhavakare, achchhavikare, abhuyabhisamkane. Settam pasatthamanavinae. Se kim tam appasatthamanavinae? Appasatthamanavinae sattavihe pannatte, tam jaha–pavae, savajje, sakirie, sauvakkese, anhayakare, chhavikare, bhuyabhisamkane. Settam appasatthamanavinae. Settam manavinae. Se kim tam vaivinae? Vaivinae duvihe pannatte, tam jaha–pasatthavaivinae ya, appasatthavaivinae ya. Se kim tam pasatthavaivinae? Pasatthavaivinae sattavihe pannatte, tam jaha–apavae, asavajje java abhuyabhisamkane. Settam pasatthavaivinae. Se kim tam appasatthavaivinae? Appasatthavaivinae sattavihe pannatte, tam jaha–pavae, savajje java bhuyabhisamkane settam appasatthavaivinae. Settam vaivinae. Se kim tam kayavinae? Kayavinae duvihe pannatte, tam jaha–pasatthakayavinae ya, appasattha-kayavinae ya. Se kim tam pasatthakayavinae? Pasatthakayavinae sattavihe pannatte, tam jaha–auttam gamanam, auttam thanam, auttam nisiyanam, auttam tuyattanam, auttam ullamghanam, auttam pallamghanam, auttam savvimdiya-joga-jumjanaya. Settam pasatthakayavinae. Se kim tam appasatthakayavinae? Appasatthakayavinae sattavihe pannatte, tam jaha–anauttam gamanam java anauttam savvimdiyajogajumjanaya. Settam appasatthakayavinae. Settam kayavinae. Se kim tam logovayaravinae? Logovayaravinae sattavihe pannatte, tam jaha–abbhasavattiyam, parachchhamda-nuvattiyam, kajjaheum, kayapadikaiya, attagavesanaya, desakalannaya, savvatthesu appadilomaya. Settam logovayaravinae. Settam vinae.
Sutra Meaning Transliteration : Juo sutra 963