Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104446
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२५

 Translated Chapter :

શતક-૨૫
Section : उद्देशक-७ संयत Translated Section : ઉદ્દેશક-૭ સંયત
Sutra Number : 946 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] सामाइयसंजयस्स णं भंते! देवलोगेसु उववज्जमाणस्स केवतियं कालं ठिती पन्नत्ता? गोयमा! जहन्नेणं दो पलिओवमाइं, उक्कोसेणं तेत्तीसं सागरोवमाइं। एवं छेदोवट्ठावणिए वि। परिहारविसुद्धियस्स–पुच्छा। गोयमा! जहन्नेणं दो पलिओवमाइं, उक्कोसेणं अट्ठारस सागरोवमाइं, सेसाणं जहा नियंठस्स। सामाइयसंजयस्स णं भंते! केवतिया संजमट्ठाणा पन्नत्ता? गोयमा! असंखेज्जा संजमट्ठाणा पन्नत्ता। एवं जाव परिहारविसुद्धियस्स। सुहुमसंपरायसंजयस्स–पुच्छा। गोयमा! असंखेज्जा अंतोमुहुत्तिया संजमट्ठाणा पन्नत्ता। अहक्खायसंजयस्स–पुच्छा। गोयमा! एगे अजहन्नमणुक्कोसए संजमट्ठाणे पन्नत्ते। एएसि णं भंते! सामाइय-छेदोवट्ठावणिय-परिहारविसुद्धिय-सुहुमसंपराग-अहक्खायसंजयाणं संजमट्ठाणाणं कयरे कयरेहिंतो अप्पा वा? बहुया वा? तुल्ला वा? विसेसाहिया वा? गोयमा! सव्वत्थोवे अहक्खायसंजमस्स एगे अजहन्नमणुक्कोसए संजमट्ठाणे, सुहुमसंपराग-संजयस्स अंतोमुहुत्तिया संजमट्ठाणा असंखेज्जगुणा, परिहारविसुद्धियसंजयस्स संजमट्ठाणा असंखेज्जगुणा, सामाइयसंजयस्स छेदोवट्ठावणियसंजयस्स य एएसि णं संजमट्ठाणा दोण्ह वि तुल्ला असंखेज्जगुणा।
Sutra Meaning : જુઓ સૂત્ર ૯૪૪
Mool Sutra Transliteration : [sutra] samaiyasamjayassa nam bhamte! Devalogesu uvavajjamanassa kevatiyam kalam thiti pannatta? Goyama! Jahannenam do paliovamaim, ukkosenam tettisam sagarovamaim. Evam chhedovatthavanie vi. Pariharavisuddhiyassa–puchchha. Goyama! Jahannenam do paliovamaim, ukkosenam attharasa sagarovamaim, sesanam jaha niyamthassa. Samaiyasamjayassa nam bhamte! Kevatiya samjamatthana pannatta? Goyama! Asamkhejja samjamatthana pannatta. Evam java pariharavisuddhiyassa. Suhumasamparayasamjayassa–puchchha. Goyama! Asamkhejja amtomuhuttiya samjamatthana pannatta. Ahakkhayasamjayassa–puchchha. Goyama! Ege ajahannamanukkosae samjamatthane pannatte. Eesi nam bhamte! Samaiya-chhedovatthavaniya-pariharavisuddhiya-suhumasamparaga-ahakkhayasamjayanam samjamatthananam kayare kayarehimto appa va? Bahuya va? Tulla va? Visesahiya va? Goyama! Savvatthove ahakkhayasamjamassa ege ajahannamanukkosae samjamatthane, suhumasamparaga-samjayassa amtomuhuttiya samjamatthana asamkhejjaguna, pariharavisuddhiyasamjayassa samjamatthana asamkhejjaguna, samaiyasamjayassa chhedovatthavaniyasamjayassa ya eesi nam samjamatthana donha vi tulla asamkhejjaguna.
Sutra Meaning Transliteration : Juo sutra 944