Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104443
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२५

 Translated Chapter :

શતક-૨૫
Section : उद्देशक-७ संयत Translated Section : ઉદ્દેશક-૭ સંયત
Sutra Number : 943 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] सामाइयसंजए णं भंते! किं पुलाए होज्जा? बउसे जाव सिणाए होज्जा? गोयमा! पुलाए वा होज्जा, बउसे जाव कसायकुसीले वा होज्जा, नो नियंठे होज्जा, नो सिणाए होज्जा। एवं छेदोवट्ठावणिए वि। परिहारविसुद्धियसंजए णं–पुच्छा। गोयमा! नो पुलाए, नो बउसे, नो पडिसेवणाकुसीले होज्जा; कसायकुसीले होज्जा, नो नियंठे होज्जा, नो सिणाए होज्जा। एवं सुहुमसंपराए वि। अहक्खायसंजए–पुच्छा। गोयमा! नो पुलाए होज्जा जाव नो कसायकुसीले होज्जा, नियंठे वा होज्जा, सिणाए वा होज्जा। सामाइयसंजए णं भंते! किं पडिसेवए होज्जा? अपडिसेवए होज्जा? गोयमा! पडिसेवए वा होज्जा, अपडिसेवए वा होज्जा। जइ पडिसेवए होज्जा–किं मूलगुणपडिसेवए होज्जा, सेसं जहा पुला-गस्स। जहा सामाइयसंजए एवं छेदोवट्ठावणिए वि। परिहारविसुद्धियसंजए–पुच्छा। गोयमा! नो पडिसेवए होज्जा, अपडिसेवए होज्जा। एवं जाव अहक्खायसंजए। सामाइयसंजए णं भंते! कतिसु नाणेसु होज्जा? गोयमा! दोसु वा तिसु वा चउसु वा नाणेसु होज्जा। एवं जहा–कसायकुसीलस्स तहेव चत्तारि नाणाइं भयणाए। एवं जाव सुहुमसंपराए। अहक्खायसंजयस्स पंच नाणाइं भयणाए जहा नाणुद्देसए। सामाइयसंजए णं भंते! केवतियं सुयं अहिज्जेज्जा? गोयमा! जहन्नेणं अट्ठ पवयणमायाओ, जहा कसायकुसीले। एवं छेदोवट्ठावणिए वि। परिहारविसुद्धियसंजए–पुच्छा। गोयमा! जहन्नेणं नवमस्स पुव्वस्स ततियं आयारवत्थुं, उक्कोसेणं असंपुण्णाइं दस पुव्वाइं अहिज्जेज्जा। सुहुमसंपरायसंजए जहा सामाइयसंजए। अहक्खायसंजए–पुच्छा। गोयमा! जहन्नेणं अट्ठ पवयणमायाओ, उक्कोसेणं चोद्दस पुव्वाइं अहिज्जेज्जा, सुयवतिरित्ते वा होज्जा। सामाइयसंजए णं भंते! किं तित्थे होज्जा? अतित्थे होज्जा? गोयमा! तित्थे वा होज्जा, अतित्थे वा होज्जा, जहा कसायकुसीले। छेदोवट्ठावणिए परिहारविसुद्धिए य जहा पुलाए। सेसा जहा सामाइयसंजए। सामाइयसंजए णं भंते! किं सलिंगे होज्जा? अन्नलिंगे होज्जा? गिहिलिंगे होज्जा? जहा पुलाए। एवं छेदोवट्ठावणिए वि। परिहारविसुद्धियसंजए णं भंते! किं–पुच्छा। गोयमा! दव्वलिंगं पि भावलिंगं पि पडुच्च सलिंगे होज्जा, नो अन्नलिंगे होज्जा, नो गिहिलिंगे होज्जा। सेसा जहा सामाइय-संजए। सामाइयसंजए णं भंते! कतिसु सरीरेसु होज्जा? गोयमा! तिसु वा चउसु वा पंचसु वा जहा कसायकुसीले। एवं छेदोवट्ठावणिए वि। सेसा जहा पुलाए। सामाइयसंजए णं भंते! किं कम्मभूमीए होज्जा? अकम्मभूमीए होज्जा? गोयमा! जम्मण-संतिभावं पडुच्च जहा बउसे। एवं छेदोवट्ठावणिए वि। परिहारविसुद्धिए य जहा पुलाए। सेसा जहा सामाइयसंजए।
Sutra Meaning : જુઓ સૂત્ર ૯૪૨
Mool Sutra Transliteration : [sutra] samaiyasamjae nam bhamte! Kim pulae hojja? Bause java sinae hojja? Goyama! Pulae va hojja, bause java kasayakusile va hojja, no niyamthe hojja, no sinae hojja. Evam chhedovatthavanie vi. Pariharavisuddhiyasamjae nam–puchchha. Goyama! No pulae, no bause, no padisevanakusile hojja; kasayakusile hojja, no niyamthe hojja, no sinae hojja. Evam suhumasamparae vi. Ahakkhayasamjae–puchchha. Goyama! No pulae hojja java no kasayakusile hojja, niyamthe va hojja, sinae va hojja. Samaiyasamjae nam bhamte! Kim padisevae hojja? Apadisevae hojja? Goyama! Padisevae va hojja, apadisevae va hojja. Jai padisevae hojja–kim mulagunapadisevae hojja, sesam jaha pula-gassa. Jaha samaiyasamjae evam chhedovatthavanie vi. Pariharavisuddhiyasamjae–puchchha. Goyama! No padisevae hojja, apadisevae hojja. Evam java ahakkhayasamjae. Samaiyasamjae nam bhamte! Katisu nanesu hojja? Goyama! Dosu va tisu va chausu va nanesu hojja. Evam jaha–kasayakusilassa taheva chattari nanaim bhayanae. Evam java suhumasamparae. Ahakkhayasamjayassa pamcha nanaim bhayanae jaha nanuddesae. Samaiyasamjae nam bhamte! Kevatiyam suyam ahijjejja? Goyama! Jahannenam attha pavayanamayao, jaha kasayakusile. Evam chhedovatthavanie vi. Pariharavisuddhiyasamjae–puchchha. Goyama! Jahannenam navamassa puvvassa tatiyam ayaravatthum, ukkosenam asampunnaim dasa puvvaim ahijjejja. Suhumasamparayasamjae jaha samaiyasamjae. Ahakkhayasamjae–puchchha. Goyama! Jahannenam attha pavayanamayao, ukkosenam choddasa puvvaim ahijjejja, suyavatiritte va hojja. Samaiyasamjae nam bhamte! Kim titthe hojja? Atitthe hojja? Goyama! Titthe va hojja, atitthe va hojja, jaha kasayakusile. Chhedovatthavanie pariharavisuddhie ya jaha pulae. Sesa jaha samaiyasamjae. Samaiyasamjae nam bhamte! Kim salimge hojja? Annalimge hojja? Gihilimge hojja? Jaha pulae. Evam chhedovatthavanie vi. Pariharavisuddhiyasamjae nam bhamte! Kim–puchchha. Goyama! Davvalimgam pi bhavalimgam pi paduchcha salimge hojja, no annalimge hojja, no gihilimge hojja. Sesa jaha samaiya-samjae. Samaiyasamjae nam bhamte! Katisu sariresu hojja? Goyama! Tisu va chausu va pamchasu va jaha kasayakusile. Evam chhedovatthavanie vi. Sesa jaha pulae. Samaiyasamjae nam bhamte! Kim kammabhumie hojja? Akammabhumie hojja? Goyama! Jammana-samtibhavam paduchcha jaha bause. Evam chhedovatthavanie vi. Pariharavisuddhie ya jaha pulae. Sesa jaha samaiyasamjae.
Sutra Meaning Transliteration : Juo sutra 942