Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104342
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-२४

 Translated Chapter :

શતક-૨૪
Section : उद्देशक-१ नैरयिक Translated Section : ઉદ્દેશક-૧ નૈરયિક
Sutra Number : 842 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पज्जत्तसंखेज्जवासाउयसण्णिमनुस्से णं भंते! जे भविए सक्करप्पभाए पुढवीए नेरइएसु उववज्जित्तए, से णं भंते! केवतिकालट्ठितीएसु उववज्जेज्जा? गोयमा! जहन्नेणं सागरोवमट्ठितीएसु, उक्कोसेणं तिसागरोवमट्ठितीएसु उववज्जेज्जा। ते णं भंते! जीवा एगसमएणं केवतिया उववज्जंति? सो चेव रयणप्पभपुढविगमओ नेयव्वो, नवरं–सरीरोगाहणा जहन्नेणं रयणिपुहत्तं, उक्कोसेणं पंचधनुसयाइं। ठिती जहन्नेणं वासपुहत्तं, उक्कोसेणं पुव्वकोडी। एवं अनुबंधो वि। सेसं तं चेव जाव भवादेसो त्ति। कालादेसेणं जहन्नेणं सागरोवमं वासपुहत्तमब्भहियं, उक्कोसेणं बारस सागरोवमाइं चउहिं पुव्वकोडीहिं अब्भ-हियाइं, एवतियं कालं सेवेज्जा, एवतियं कालं गतिरागतिं करेज्जा। एवं एसा ओहिएसु तिसु गमएसु मणूसस्स लद्धी, नाणत्तं–नेरइयट्ठिति कालादेसेणं सवेहं च जाणेज्जा। सो चेव अप्पणा जहन्नकालट्ठितीओ जाओ, तस्स वि तिसु वि गमएसु एस चेव लद्धी, नवरं–सरीरोगाहणा जहन्नेणं रयणिपुहत्तं, उक्कोसेण वि रयणिपुहत्तं। ठिती जहन्नेणं वासपुहत्तं, उक्कोसेण वि वासपुहत्तं। एवं अनुबंधो वि। सेसं जहा ओहियाणं। संवेहो उवजुंजिऊण भाणियव्वो। सो चेव अप्पणा उक्कोसकालट्ठितीओ जाओ। तस्स वि तिसु वि गमएसु इमं नाणत्तं–सरीरोगाहणा जहन्नेण पंच-धनुसयाइं, उक्कोसेण वि पंचधनुसयाइं। ठिती जहन्नेणं पुव्वकोडी, उक्कोसेण वि पुव्वकोडी। एवं अनुबंधो वि। सेसं जहा पढम-गमए, नवरं–नेरइयठिइं कायसंवेहं च जाणेज्जा। एवं जाव छट्ठपुढवी, नवरं–तच्चाए आढवेत्ता एक्केक्कं संघयणं परिहायति जहेव तिरिक्खजोणियाणं। कालादेसो वि तहेव, नवरं–मनुस्सठित्ती जाणियव्वा। पज्जत्तसंखेज्जवासाउयसण्णिमनुस्से णं भंते! जे भविए अहेसत्तमाए पुढवीए नेरइएसु उववज्जित्तए, से णं भंते! केवतिकालट्ठितीएसु उववज्जेज्जा? गोयमा! जहन्नेणं बावीससागरोवमट्ठितीएसु, उक्कोसेणं तेत्तीससागरोवमट्ठितीएसु उववज्जेज्जा। ते णं भंते! जीवा एगसमएणं केवतिया उववज्जंति? अवसेसो सो चेव सक्करप्पभा-पुढविगमओ नेयव्वो, नवरं–पढमं संघयणं, इत्थिवेदगा न उववज्जंति, सेसं तं चेव जाव अनुबंधो त्ति। भवादेसेणं दोभवग्गहणाइं। कालादेसेणं जहन्नेणं बावीसं सागरोवमाइं वासपुहत्त-मब्भहियाइं, उक्कोसेणं तेत्तीसं सागरोवमाइं पुव्वकोडीए अब्भहियाइं, एवतियं कालं सेवेज्जा, एवतियं कालं गतिरागतिं करेज्जा। सो चेव जहन्नकालट्ठितीएसु उववन्नो, एस चेव वत्तव्वया, नवरं–नेरइयट्ठितिं संवेहं च जाणेज्जा। सो चेव उक्कोसकालट्ठितीएसु उववन्नो, एस चेव वत्तव्वया, नवरं–संवेहं च जाणेज्जा। सो चेव अप्पणा जहन्नकालट्ठितीओ जाओ, तस्स वि तिसु वि गमएसु एस चेव वत्तव्वया, नवरं–सरीरोगाहणा जहन्नेणं रयणिपुहत्तं, उक्कोसेण वि रयणिपुहत्तं। ठिती जहन्नेणं वासपुहत्तं, उक्कोसेण वि वासपुहत्तं। एवं अनुबंधो वि। संवेहो उवजुंजिऊण भाणियव्वो। सो चेव अप्पणा उक्कोसकालट्ठितीओ जाओ, तस्स वि तिसु वि गमएसु एस चेव वत्तव्वया, नवरं–सरीरोगाहणा जहन्नेणं पंचधनुसयाइं, उक्कोसेण वि पंचधनुसयाइं। ठिती जहन्नेणं पुव्वकोडी, उक्कोसेण वि पुव्वकोडी। एवं अनुबंधो वि। नवसु वि एतेसु गमएसु नेरइयट्ठितिं संवेहं च जाणेज्जा। सव्वत्थ भवग्गहणाइं दोन्निजाव नवमगमए। कालादेसेणं जहन्नेणं तेत्तीसं सागरोवमाइं पुव्वकोडीए अब्भहियाइं उक्कोसेण वि तेत्तीसं सागरोवमाइं पुव्वकोडीए अब्भहियाइं, एवतियं कालं सेवेज्जा एवतियं कालं गतिरागतिं करेज्जा। सेवं भंते! सेवं भंते! त्ति जाव विहरइ।
Sutra Meaning : જુઓ સૂત્ર ૮૪૧
Mool Sutra Transliteration : [sutra] pajjattasamkhejjavasauyasannimanusse nam bhamte! Je bhavie sakkarappabhae pudhavie neraiesu uvavajjittae, se nam bhamte! Kevatikalatthitiesu uvavajjejja? Goyama! Jahannenam sagarovamatthitiesu, ukkosenam tisagarovamatthitiesu uvavajjejja. Te nam bhamte! Jiva egasamaenam kevatiya uvavajjamti? So cheva rayanappabhapudhavigamao neyavvo, navaram–sarirogahana jahannenam rayanipuhattam, ukkosenam pamchadhanusayaim. Thiti jahannenam vasapuhattam, ukkosenam puvvakodi. Evam anubamdho vi. Sesam tam cheva java bhavadeso tti. Kaladesenam jahannenam sagarovamam vasapuhattamabbhahiyam, ukkosenam barasa sagarovamaim chauhim puvvakodihim abbha-hiyaim, evatiyam kalam sevejja, evatiyam kalam gatiragatim karejja. Evam esa ohiesu tisu gamaesu manusassa laddhi, nanattam–neraiyatthiti kaladesenam saveham cha janejja. So cheva appana jahannakalatthitio jao, tassa vi tisu vi gamaesu esa cheva laddhi, navaram–sarirogahana jahannenam rayanipuhattam, ukkosena vi rayanipuhattam. Thiti jahannenam vasapuhattam, ukkosena vi vasapuhattam. Evam anubamdho vi. Sesam jaha ohiyanam. Samveho uvajumjiuna bhaniyavvo. So cheva appana ukkosakalatthitio jao. Tassa vi tisu vi gamaesu imam nanattam–sarirogahana jahannena pamcha-dhanusayaim, ukkosena vi pamchadhanusayaim. Thiti jahannenam puvvakodi, ukkosena vi puvvakodi. Evam anubamdho vi. Sesam jaha padhama-gamae, navaram–neraiyathiim kayasamveham cha janejja. Evam java chhatthapudhavi, navaram–tachchae adhavetta ekkekkam samghayanam parihayati jaheva tirikkhajoniyanam. Kaladeso vi taheva, navaram–manussathitti janiyavva. Pajjattasamkhejjavasauyasannimanusse nam bhamte! Je bhavie ahesattamae pudhavie neraiesu uvavajjittae, se nam bhamte! Kevatikalatthitiesu uvavajjejja? Goyama! Jahannenam bavisasagarovamatthitiesu, ukkosenam tettisasagarovamatthitiesu uvavajjejja. Te nam bhamte! Jiva egasamaenam kevatiya uvavajjamti? Avaseso so cheva sakkarappabha-pudhavigamao neyavvo, navaram–padhamam samghayanam, itthivedaga na uvavajjamti, sesam tam cheva java anubamdho tti. Bhavadesenam dobhavaggahanaim. Kaladesenam jahannenam bavisam sagarovamaim vasapuhatta-mabbhahiyaim, ukkosenam tettisam sagarovamaim puvvakodie abbhahiyaim, evatiyam kalam sevejja, evatiyam kalam gatiragatim karejja. So cheva jahannakalatthitiesu uvavanno, esa cheva vattavvaya, navaram–neraiyatthitim samveham cha janejja. So cheva ukkosakalatthitiesu uvavanno, esa cheva vattavvaya, navaram–samveham cha janejja. So cheva appana jahannakalatthitio jao, tassa vi tisu vi gamaesu esa cheva vattavvaya, navaram–sarirogahana jahannenam rayanipuhattam, ukkosena vi rayanipuhattam. Thiti jahannenam vasapuhattam, ukkosena vi vasapuhattam. Evam anubamdho vi. Samveho uvajumjiuna bhaniyavvo. So cheva appana ukkosakalatthitio jao, tassa vi tisu vi gamaesu esa cheva vattavvaya, navaram–sarirogahana jahannenam pamchadhanusayaim, ukkosena vi pamchadhanusayaim. Thiti jahannenam puvvakodi, ukkosena vi puvvakodi. Evam anubamdho vi. Navasu vi etesu gamaesu neraiyatthitim samveham cha janejja. Savvattha bhavaggahanaim donnijava navamagamae. Kaladesenam jahannenam tettisam sagarovamaim puvvakodie abbhahiyaim ukkosena vi tettisam sagarovamaim puvvakodie abbhahiyaim, evatiyam kalam sevejja evatiyam kalam gatiragatim karejja. Sevam bhamte! Sevam bhamte! Tti java viharai.
Sutra Meaning Transliteration : Juo sutra 841