Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104248
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१८

 Translated Chapter :

શતક-૧૮
Section : उद्देशक-७ केवली Translated Section : ઉદ્દેશક-૭ કેવલી
Sutra Number : 748 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अत्थि णं भंते! देवा जे अनंते कम्मंसे जहन्नेणं एक्केण वा दोहिं वा तीहिं वा, उक्कोसेणं पंचहिं वाससएहिं खवयंति? हंता अत्थि। अत्थि णं भंते! देवा जे अनंते कम्मंसे जहन्नेणं एक्केण वा दोहिं वा तीहिं वा, उक्कोसेणं पंचहिं वाससहस्सेहिं खवयंति? हंता अत्थि। अत्थि णं भंते! देवा जे अनंते कम्मंसे जहन्नेणं एक्केण वा दोहिं वा तीहिं वा, उक्कोसेण पंचहिं वाससयसहस्सेहिं खवयंति? हंता अत्थि। कयरे णं भंते! ते देवा जे अनंते कम्मंसे जहन्नेणं एक्केण वा जाव पंचहिं वाससएहिं खवयंति? कयरे णं भंते! ते देवा जाव पंचहिं वाससहस्सेहिं खवयंति? कयरे णं भंते! ते देवा जाव पंचहिं वाससयसहस्सेहिं खवयंति? गोयमा! वाणमंतरा देवा अनंते कम्मंसे एगेणं वाससएणं खवयंति। असुरिंदवज्जिया भवनवासी देवा अनंते कम्मंसे दोहिं वाससएहिं खवयंति। असुरकुमारा देवा अनंते कम्मंसे तीहिं वाससएहिं खवयंति। गह-नक्खत्त-तारारूवा जोइसिया देवा अनंते कम्मंसे चउहिं वाससएहिं खवयंति। चंदिम-सूरिया-जोइसिंदा जोतिसरायाणो अनंते कम्मंसे पंचहिं वाससएहिं खवयंति। सोहम्मीसानगा देवा अनंते कम्मंसे एगेणं वाससहस्सेणं खवयंति। सणंकुमार-माहिंदगा देवा अनंते कम्मंसे दोहिं वाससहस्सेहिं खवयंति। एवं एएणं अभिलावेणं बंभलोग-लंतगा देवा अनंते कम्मंसे तीहिं वाससहस्सेहिं खवयंति। महासुक्क-सहस्सारगा देवा अनंते कम्मंसे चउहिं वाससह- स्सेहिं खवयंति। आणय-पाणय-आरण-अच्चुयगा देवा अनंते कम्मंसे पंचहिं वाससहस्सेहिं खवयंति। हिट्ठिमगेवेज्जगा देवा अनंते कम्मंसे एगेणं वाससयसहस्सेणं खवयंति। मज्झिमगेवेज्जगा देवा अनंते कम्मंसे दोहिं वाससयसहस्सेहिं खवयंति। उवरिमगेवेज्जगा देवा अनंते कम्मंसे तिहिं वाससयसहस्सेहिं खवयंति। विजय-वेजयंत-जयंत-अपराजियगा देवा अनंते कम्मंसे चउहिं वाससयसहस्सेहिं खवयंति। सव्वट्ठसिद्धगा देवा अनंते कम्मंसे पंचहिं वाससयसहस्सेहिं खवयंति। एए णं गोयमा! ते देवा जे अनंते कम्मंसे जहन्नेणं एक्केण वा दोहिं वा तीहिं वा, उक्कोसेणं पंचहिं वाससएहिं खवयंति। एए णं गोयमा! ते देवा जाव पंचहिं वाससहस्सेहिं खवयंति। एए णं गोयमा! ते देवा जाव पंचहिं वाससयसहस्सेहिं खवयंति। सेवं भंते! सेवं भंते! त्ति।
Sutra Meaning : જુઓ સૂત્ર ૭૪૪
Mool Sutra Transliteration : [sutra] atthi nam bhamte! Deva je anamte kammamse jahannenam ekkena va dohim va tihim va, ukkosenam pamchahim vasasaehim khavayamti? Hamta atthi. Atthi nam bhamte! Deva je anamte kammamse jahannenam ekkena va dohim va tihim va, ukkosenam pamchahim vasasahassehim khavayamti? Hamta atthi. Atthi nam bhamte! Deva je anamte kammamse jahannenam ekkena va dohim va tihim va, ukkosena pamchahim vasasayasahassehim khavayamti? Hamta atthi. Kayare nam bhamte! Te deva je anamte kammamse jahannenam ekkena va java pamchahim vasasaehim khavayamti? Kayare nam bhamte! Te deva java pamchahim vasasahassehim khavayamti? Kayare nam bhamte! Te deva java pamchahim vasasayasahassehim khavayamti? Goyama! Vanamamtara deva anamte kammamse egenam vasasaenam khavayamti. Asurimdavajjiya bhavanavasi deva anamte kammamse dohim vasasaehim khavayamti. Asurakumara deva anamte kammamse tihim vasasaehim khavayamti. Gaha-nakkhatta-tararuva joisiya deva anamte kammamse chauhim vasasaehim khavayamti. Chamdima-suriya-joisimda jotisarayano anamte kammamse pamchahim vasasaehim khavayamti. Sohammisanaga deva anamte kammamse egenam vasasahassenam khavayamti. Sanamkumara-mahimdaga deva anamte kammamse dohim vasasahassehim khavayamti. Evam eenam abhilavenam bambhaloga-lamtaga deva anamte kammamse tihim vasasahassehim khavayamti. Mahasukka-sahassaraga deva anamte kammamse chauhim vasasaha- ssehim khavayamti. Anaya-panaya-arana-achchuyaga deva anamte kammamse pamchahim vasasahassehim khavayamti. Hitthimagevejjaga deva anamte kammamse egenam vasasayasahassenam khavayamti. Majjhimagevejjaga deva anamte kammamse dohim vasasayasahassehim khavayamti. Uvarimagevejjaga deva anamte kammamse tihim vasasayasahassehim khavayamti. Vijaya-vejayamta-jayamta-aparajiyaga deva anamte kammamse chauhim vasasayasahassehim khavayamti. Savvatthasiddhaga deva anamte kammamse pamchahim vasasayasahassehim khavayamti. Ee nam goyama! Te deva je anamte kammamse jahannenam ekkena va dohim va tihim va, ukkosenam pamchahim vasasaehim khavayamti. Ee nam goyama! Te deva java pamchahim vasasahassehim khavayamti. Ee nam goyama! Te deva java pamchahim vasasayasahassehim khavayamti. Sevam bhamte! Sevam bhamte! Tti.
Sutra Meaning Transliteration : Juo sutra 744