Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104154
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१५ गोशालक

 Translated Chapter :

શતક-૧૫ ગોશાલક
Section : Translated Section :
Sutra Number : 654 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं आजीविया थेरा गोसालं मंखलिपुत्तं कालगयं जाणित्ता हालाहलाए कुंभकारीए कुंभकारावणस्स दुवाराइं पिहेंति, पिहेत्ता हालाहलाए कुंभकारीए कुंभकारावणस्स बहुमज्झदेसभाए सावत्थिं नगरिं आलिहंति, आलिहित्ता गोसालस्स मंख-लिपुत्तस्स सरीरगं वामे पदे सुंबेणं बंधंति, बंधित्ता तिक्खुत्तो मुहे उट्ठुभंति, उट्ठुभित्ता सावत्थीए नगरीए सिंघाडग-तिग-चउक्क-चच्चर -चउम्मुह-महापह-पहेसु आकट्ट-विकट्टिं करेमाणा णीयं-णीयं सद्देणं उग्घोसेमाणा-उग्घोसेमाणा एवं वयासी–नो खलु देवानुप्पिया! गोसाले मंखलिपुत्ते जिने जिनप्पलावी जाव विहरिए। एस णं गोसाले चेव मंखलिपुत्ते समणघायए जाव छउमत्थे चेव कालगए। समणे भगवं महावीरे जिने जिनप्पलावी जाव विहरइ–सवह-पडिमोक्खणगं करेंति, करेत्ता दोच्चं पि पूया-सक्कार-थिरीकरणट्ठयाए गोसालस्स मंखलिपुत्तस्स वामाओ पादाओ सुंबं मुयंति, मुइत्ता हालाहलाए कुंभकारीए कुंभकारावणस्स दुवारवयणाइं अवंगुणंति, अवंगुणित्ता गोसालस्स मंखलिपुत्तस्स सरीरगं सुरभिणा गंधोदएणं ण्हाणेंति, तं चेव जाव महया इड्ढिसक्कार-समुदएणं गोसालस्स मंखलिपुत्तस्स सरीरगस्स नीहरणं करेंति।
Sutra Meaning : જુઓ સૂત્ર ૬૪૯
Mool Sutra Transliteration : [sutra] tae nam ajiviya thera gosalam mamkhaliputtam kalagayam janitta halahalae kumbhakarie kumbhakaravanassa duvaraim pihemti, pihetta halahalae kumbhakarie kumbhakaravanassa bahumajjhadesabhae savatthim nagarim alihamti, alihitta gosalassa mamkha-liputtassa sariragam vame pade sumbenam bamdhamti, bamdhitta tikkhutto muhe utthubhamti, utthubhitta savatthie nagarie simghadaga-tiga-chaukka-chachchara -chaummuha-mahapaha-pahesu akatta-vikattim karemana niyam-niyam saddenam ugghosemana-ugghosemana evam vayasi–no khalu devanuppiya! Gosale mamkhaliputte jine jinappalavi java viharie. Esa nam gosale cheva mamkhaliputte samanaghayae java chhaumatthe cheva kalagae. Samane bhagavam mahavire jine jinappalavi java viharai–savaha-padimokkhanagam karemti, karetta dochcham pi puya-sakkara-thirikaranatthayae gosalassa mamkhaliputtassa vamao padao sumbam muyamti, muitta halahalae kumbhakarie kumbhakaravanassa duvaravayanaim avamgunamti, avamgunitta gosalassa mamkhaliputtassa sariragam surabhina gamdhodaenam nhanemti, tam cheva java mahaya iddhisakkara-samudaenam gosalassa mamkhaliputtassa sariragassa niharanam karemti.
Sutra Meaning Transliteration : Juo sutra 649