Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104146
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१५ गोशालक

 Translated Chapter :

શતક-૧૫ ગોશાલક
Section : Translated Section :
Sutra Number : 646 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तं पभू णं भंते! गोसाले मंखलिपुत्ते तवेणं तेएणं एगाहच्चं कूडाहच्चं भासरासिं करेत्तए? विसए णं भंते! गोसा-लस्स मंखलिपुत्तस्स तवेणं तेएणं एगाहच्चं कूडाहच्चं भासरासिं करेत्तए? समत्थे णं भंते! गोसाले मंखलिपुत्ते तवेणं तेएणं एगा-हच्चं कूडाहच्चं भासरासिं करेत्तए? पभू णं आनंदा! गोसाले मंखलिपुत्ते तवेणं तेएणं एगाहच्चं कूडाहच्चं भासरासिं करेत्तए। विसए णं आनंदा! गोसालस्स मंखलिपुत्तस्स तवेणं तेएणं एगाहच्चं कूडाहच्चं भासरासिं करेत्तए। समत्थे णं आनंदा! गोसाले मंखलिपुत्ते तवेणं तेएणं एगाहच्चं कूडाहच्चं भासरासिं करेत्तए, नो चेव णं अरहंते भगवंते, पारियावणियं पुण करेज्जा। जावतिए णं आनंदा! गोसालस्स मंखलिपुत्तस्स तवे तेए, एत्तो अनंतगुणविसिट्ठतराए चेव तवे तेए अणगाराणं भगवंताणं, खंतिखमा पुण अनगारा भगवंतो। जावइए णं आनंदा! अनगाराणं भगवंताणं तवे तेए एत्तो अनंतगुणविसिट्ठतराए चेव तवे तेए थेराणं भगवंताणं, खंतिखमा पुण थेरा भगवंतो। जावतिए णं आनंदा! थेराणं भगवंताणं तवे तेए एत्तो अनंतगुणविसिट्ठतराए चेव तवे तेए अरहंताणं भगवंताणं, खंतिखमा पुण अरहंता भगवंतो। तं पभू णं आनंदा! गोसाले मंखलिपुत्ते तवेणं तेएणं एगाहच्चं कूडाहच्चं भासरासिं करेत्तए, विसए णं आनंदा गोसालस्स मंखलिपुत्तस्स तवेणं तेएणं एगाहच्चं कूडाहच्चं भासरासिं करेत्तए, समत्थे णं आनंदा! गोसाले मंखलिपुत्ते तवेणं तेएणं एगाहच्चं कूडाहच्चं भासरासिं करेत्तए, नो चेव णं अरहंते भगवंते, पारियावणियं पुण करेज्जा।
Sutra Meaning : જુઓ સૂત્ર ૬૪૫
Mool Sutra Transliteration : [sutra] tam pabhu nam bhamte! Gosale mamkhaliputte tavenam teenam egahachcham kudahachcham bhasarasim karettae? Visae nam bhamte! Gosa-lassa mamkhaliputtassa tavenam teenam egahachcham kudahachcham bhasarasim karettae? Samatthe nam bhamte! Gosale mamkhaliputte tavenam teenam ega-hachcham kudahachcham bhasarasim karettae? Pabhu nam anamda! Gosale mamkhaliputte tavenam teenam egahachcham kudahachcham bhasarasim karettae. Visae nam anamda! Gosalassa mamkhaliputtassa tavenam teenam egahachcham kudahachcham bhasarasim karettae. Samatthe nam anamda! Gosale mamkhaliputte tavenam teenam egahachcham kudahachcham bhasarasim karettae, no cheva nam arahamte bhagavamte, pariyavaniyam puna karejja. Javatie nam anamda! Gosalassa mamkhaliputtassa tave tee, etto anamtagunavisitthatarae cheva tave tee anagaranam bhagavamtanam, khamtikhama puna anagara bhagavamto. Javaie nam anamda! Anagaranam bhagavamtanam tave tee etto anamtagunavisitthatarae cheva tave tee theranam bhagavamtanam, khamtikhama puna thera bhagavamto. Javatie nam anamda! Theranam bhagavamtanam tave tee etto anamtagunavisitthatarae cheva tave tee arahamtanam bhagavamtanam, khamtikhama puna arahamta bhagavamto. Tam pabhu nam anamda! Gosale mamkhaliputte tavenam teenam egahachcham kudahachcham bhasarasim karettae, visae nam anamda gosalassa mamkhaliputtassa tavenam teenam egahachcham kudahachcham bhasarasim karettae, samatthe nam anamda! Gosale mamkhaliputte tavenam teenam egahachcham kudahachcham bhasarasim karettae, no cheva nam arahamte bhagavamte, pariyavaniyam puna karejja.
Sutra Meaning Transliteration : Juo sutra 645