Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1104079
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-१३

 Translated Chapter :

શતક-૧૩
Section : उद्देशक-४ पृथ्वी Translated Section : ઉદ્દેશક-૪ પૃથ્વી
Sutra Number : 579 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] एगे भंते! जीवत्थिकायपदेसे केवतिएहिं धम्मत्थिकायपदेसेहिं पुट्ठे? जहन्नपदे चउहिं, उक्कोसपदे सत्तहिं। एवं अधम्मत्थिकायपदेसेहिं वि। केवतिएहिं आगासत्थिकायपदेसेहिं पुट्ठे? सत्तहिं। केवतिएहिं जीवत्थिकायपदेसेहिं पुट्ठे? अनंतेहिं। सेसं जहा धम्मत्थिकायस्स। एगे भंते! पोग्गलत्थिकायपदेसे केवतिएहिं धम्मत्थिकायपदेसेहिं पुट्ठे? एवं जहेव जीवत्थिकायस्स। दो भंते! पोग्गलत्थिकायपदेसा केवतिएहिं धम्मत्थिकायपदेसेहिं पुट्ठा? गोयमा! जहन्नपदे छहिं, उक्कोसपदे बारसहिं। एवं अधम्मत्थिकायपदेसेहिं वि। केवतिएहिं आगासत्थिकायपदेसेहिं पुट्ठा? बारसहिं। सेसं जहा धम्मत्थिकायस्स। तिन्नि भंते! पोग्गलत्थिकायपदेसा केवतिएहिं धम्मत्थिकायपदेसेहिं पुट्ठा? जहन्नपदे अट्ठहिं, उक्कोसपदे सत्तर-सहिं। एवं अधम्मत्थिकायपदेसेहिं वि। केवतिएहिं आगासत्थिकायपदेसेहिं पुट्ठा? सत्तरसहिं। सेसं जहा धम्मत्थिकायस्स। एवं एएणं गमेणं भाणियव्वा जाव दस, नवरं–जहन्नपदे दोन्निपक्खिवियव्वा, उक्कोसपदे पंच। चत्तारि पोग्गलत्थिकायस्स पदेसा जहन्नपदे दसहिं, उक्कोस-पदे बावीसाए। पंच पोग्गलत्थिकायस्स पदेसा जहन्नपदे बारसहिं उक्कोसपदे सत्तावीसाए। छ पोग्गलत्थिकायस्स पदेसा जहन्नपदे चोद्दसहिं, उक्कोसपदे बत्तीसाए। सत्त पोग्गलत्थिकायस्स पदेसा जहन्नपदे सोलसहिं, उक्कोसपदे सत्त तीसाए। अट्ठ पोग्गलत्थिकायस्स पदेसा जहन्नपदे अट्ठारसहिं, उक्कोसपदे बायालीसाए। नव पोग्गलत्थिकायस्स पदेसा जहन्नपदे वीसाए, उक्कोसपदे सीयालीसाए। दस पोग्गलत्थिकायस्स पदेसा जहन्नपदे बावीसाए, उक्कोसपदे बावन्नाए। आगासत्थिकायस्स सव्वत्थ उक्कोसगं भाणियव्वं। संखेज्जा भंते! पोग्गलत्थिकायपदेसा केवतिएहिं धम्मत्थिकायपदेसेहिं पुट्ठा? जहन्नपदे तेणेव संखेज्जएणं दुगुणेणं दुरूवाहिएणं, उक्कोसपदे तेणेव संखेज्जएणं पंचगुणेणं दुरूवाहिएणं। केवतिएहिं अधम्मत्थिकायपदेसेहिं? एवं चेव। केवतिएहिं आगासत्थिकायपदेसेहिं? तेणेव संखेज्जएणं पंचगुणेणं दुरूवाहिएणं। केवतिएहिं जीवत्थिकायपदेसेहिं? अनंतेहिं। केवतिएहिं पोग्गलत्थिकायपदेसेहिं? अनंतेहिं। केवतिएहिं अद्धासमएहिं? सिय पुट्ठे, सिय नो पुट्ठे, जइ पुट्ठे नियमं अनंतेहिं। असंखेज्जा भंते! पोग्गत्थिकायपदेसा केवतिएहिं धम्मत्थिकायपदेसेहिं पुट्ठा? जहन्नपदे तेणेव असंखेज्जएणं दुगुणेणं दुरूवाहिएणं, उक्कोसपदे तेणेव असंखेज्जएणं पंचगुणेणं दुरूवाहिएणं। सेसं जहा संखेज्जाणं जाव नियमं अनंतेहिं। अनंता भंते! पोग्गलत्थिकायपदेसा केवतिएहिं धम्मत्थिकायपदेसेहिं पुट्ठा? एवं जहा असंखेज्जा तहा अनंता वि निरवसेसं। एगे भंते! अद्धासमए केवतिएहिं धम्मत्थिकायपदेसेहिं पुट्ठे? सत्तहिं। केवतिएहिं अधम्मत्थिकायपदेसेहिं पुट्ठे? एवं चेव, एवं आगासत्थिकाएहिं वि। केवतिएहिं जीवत्थिकायपदेसेहिं पुट्ठे? अनंतेहिं, एवं जाव अद्धासमएहिं। धम्मत्थिकाए णं भंते! केवतिएहिं धम्मत्थिकायपदेसेहिं पुट्ठे? नत्थि एक्केण वि। केवतिएहिं अधम्मत्थिकायपदेसेहिं? असंखेज्जेहिं। केवतिएहिं आगासत्थि-कायपदेसेहिं? असंखेज्जेहिं। केवतिएहिं जीवत्थिकायपदेसेहिं? अनंतेहिं। केवतिएहिं पोग्गलत्थि-कायपदेसेहिं? अनंतेहिं। केवतिएहिं अद्धासमएहिं? सिय पुट्ठे सिय नो पुट्ठे, जइ पुट्ठे नियमा अनंतेहिं। अधम्मत्थिकाए णं भंते! केवतिएहिं धम्मत्थिकायपदेसेहिं पुट्ठे? असंखेज्जेहिं। केवतिएहिं अधम्मत्थिकायपदेसेहिं? नत्थि एक्केण वि। सेसं जहा धम्मत्थिकायस्स। एवं एणं गमएणं सव्वे वि सट्ठाणए नत्थि एक्केण वि पुट्ठा, परट्ठाणए आदिल्लएहिं तिहिं असंखेज्जेहिं भाणियव्वं, पच्छिल्लएसु तिसु अनंता भाणियव्वा जाव अद्धासमयो त्ति जाव केवतिएहिं अद्धासमएहिं पुट्ठे? नत्थि एक्केण वि।
Sutra Meaning : જુઓ સૂત્ર ૫૭૮
Mool Sutra Transliteration : [sutra] ege bhamte! Jivatthikayapadese kevatiehim dhammatthikayapadesehim putthe? Jahannapade chauhim, ukkosapade sattahim. Evam adhammatthikayapadesehim vi. Kevatiehim agasatthikayapadesehim putthe? Sattahim. Kevatiehim jivatthikayapadesehim putthe? Anamtehim. Sesam jaha dhammatthikayassa. Ege bhamte! Poggalatthikayapadese kevatiehim dhammatthikayapadesehim putthe? Evam jaheva jivatthikayassa. Do bhamte! Poggalatthikayapadesa kevatiehim dhammatthikayapadesehim puttha? Goyama! Jahannapade chhahim, ukkosapade barasahim. Evam adhammatthikayapadesehim vi. Kevatiehim agasatthikayapadesehim puttha? Barasahim. Sesam jaha dhammatthikayassa. Tinni bhamte! Poggalatthikayapadesa kevatiehim dhammatthikayapadesehim puttha? Jahannapade atthahim, ukkosapade sattara-sahim. Evam adhammatthikayapadesehim vi. Kevatiehim agasatthikayapadesehim puttha? Sattarasahim. Sesam jaha dhammatthikayassa. Evam eenam gamenam bhaniyavva java dasa, navaram–jahannapade donnipakkhiviyavva, ukkosapade pamcha. Chattari poggalatthikayassa padesa jahannapade dasahim, ukkosa-pade bavisae. Pamcha poggalatthikayassa padesa jahannapade barasahim ukkosapade sattavisae. Chha poggalatthikayassa padesa jahannapade choddasahim, ukkosapade battisae. Satta poggalatthikayassa padesa jahannapade solasahim, ukkosapade satta tisae. Attha poggalatthikayassa padesa jahannapade attharasahim, ukkosapade bayalisae. Nava poggalatthikayassa padesa jahannapade visae, ukkosapade siyalisae. Dasa poggalatthikayassa padesa jahannapade bavisae, ukkosapade bavannae. Agasatthikayassa savvattha ukkosagam bhaniyavvam. Samkhejja bhamte! Poggalatthikayapadesa kevatiehim dhammatthikayapadesehim puttha? Jahannapade teneva samkhejjaenam dugunenam duruvahienam, ukkosapade teneva samkhejjaenam pamchagunenam duruvahienam. Kevatiehim adhammatthikayapadesehim? Evam cheva. Kevatiehim agasatthikayapadesehim? Teneva samkhejjaenam pamchagunenam duruvahienam. Kevatiehim jivatthikayapadesehim? Anamtehim. Kevatiehim poggalatthikayapadesehim? Anamtehim. Kevatiehim addhasamaehim? Siya putthe, siya no putthe, jai putthe niyamam anamtehim. Asamkhejja bhamte! Poggatthikayapadesa kevatiehim dhammatthikayapadesehim puttha? Jahannapade teneva asamkhejjaenam dugunenam duruvahienam, ukkosapade teneva asamkhejjaenam pamchagunenam duruvahienam. Sesam jaha samkhejjanam java niyamam anamtehim. Anamta bhamte! Poggalatthikayapadesa kevatiehim dhammatthikayapadesehim puttha? Evam jaha asamkhejja taha anamta vi niravasesam. Ege bhamte! Addhasamae kevatiehim dhammatthikayapadesehim putthe? Sattahim. Kevatiehim adhammatthikayapadesehim putthe? Evam cheva, evam agasatthikaehim vi. Kevatiehim jivatthikayapadesehim putthe? Anamtehim, evam java addhasamaehim. Dhammatthikae nam bhamte! Kevatiehim dhammatthikayapadesehim putthe? Natthi ekkena vi. Kevatiehim adhammatthikayapadesehim? Asamkhejjehim. Kevatiehim agasatthi-kayapadesehim? Asamkhejjehim. Kevatiehim jivatthikayapadesehim? Anamtehim. Kevatiehim poggalatthi-kayapadesehim? Anamtehim. Kevatiehim addhasamaehim? Siya putthe siya no putthe, jai putthe niyama anamtehim. Adhammatthikae nam bhamte! Kevatiehim dhammatthikayapadesehim putthe? Asamkhejjehim. Kevatiehim adhammatthikayapadesehim? Natthi ekkena vi. Sesam jaha dhammatthikayassa. Evam enam gamaenam savve vi satthanae natthi ekkena vi puttha, paratthanae adillaehim tihim asamkhejjehim bhaniyavvam, pachchhillaesu tisu anamta bhaniyavva java addhasamayo tti java kevatiehim addhasamaehim putthe? Natthi ekkena vi.
Sutra Meaning Transliteration : Juo sutra 578