Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1103961
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-९

 Translated Chapter :

શતક-૯
Section : उद्देशक-३३ कुंडग्राम Translated Section : ઉદ્દેશક-૩૩ કુંડગ્રામ
Sutra Number : 461 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] तए णं सा देवानंदा माहणी धम्मियाओ जाणप्पवराओ पच्चोरुहति, पच्चोरुहित्ता बहूहिं खुज्जाहिं जाव चेडियाचक्कवाल-वरिसधर-थेरकंचुइज्ज-महत्तरग-वंदपरिक्खित्ता समणं भगवं महावीरं पंचविहेणं अभिगमेणं अभिगच्छइ, तं जहा–१. सचित्ताणं दव्वाणं विओसरणयाए २. अचित्ताणं दव्वाणं अविमोयणयाए ३. विणयोणयाए गायलट्ठीए ४. चक्खुप्फासे अंजलिपग्ग-हेणं ५. मणस्स एगत्तीभावकरणेणं जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ नमंसइ, वंदित्ता नमंसित्ता उसभदत्तं माहणं पुरओ कट्टु ठिया चेव सपरिवारा सुस्सूसमाणी नमंसमाणी अभिमुहा विनएणं पंजलिकडा पज्जुवासइ। तए णं सा देवानंदा माहणी आगयपण्हया पप्पुयलोयणा संवरियवलयबाहा कंचुयपरिक्खित्तिया धाराहयकलंबगं पिव समूसवियरोमकूवा समणं भगवं महावीरं अणिमिसाए दिट्ठीए देहमाणी-देहमाणी चिट्ठइ। एसा देवानंदा माहणी आगयपण्हया पप्पुयलोयणा संवरियवलयबाहा कंचुयपरिक्खित्तिया धाराहयकलंबगं पिव समूसविय रोमकूवा देवाणुप्पियं अणिमिसाए दिट्ठीए देहमाणी-देहमाणी चिट्ठइ? गोयमादि! समणे भगवं महावीरे भगवं गोयमं एवं वयासी–एवं खलु गोयमा! देवानंदा माहणी ममं अम्मगा, अहण्णं देवानंदाए माहणीए अत्तए। तण्णं एसा देवानंदा माहणी तेणं पुव्वपुत्तसिनेहरागेणं आगयपण्हया पप्पुयलोयणा, संवरियवलयबाहा कंचुयपरिक्खित्तिया धाराहयकलंबगं पिव समूसवियरोमकूवा ममं अणिमिसाए दिट्ठीए देहमाणी-देहमाणी चिट्ठइ।
Sutra Meaning : જુઓ સૂત્ર ૪૬૦
Mool Sutra Transliteration : [sutra] tae nam sa devanamda mahani dhammiyao janappavarao pachchoruhati, pachchoruhitta bahuhim khujjahim java chediyachakkavala-varisadhara-therakamchuijja-mahattaraga-vamdaparikkhitta samanam bhagavam mahaviram pamchavihenam abhigamenam abhigachchhai, tam jaha–1. Sachittanam davvanam viosaranayae 2. Achittanam davvanam avimoyanayae 3. Vinayonayae gayalatthie 4. Chakkhupphase amjalipagga-henam 5. Manassa egattibhavakaranenam jeneva samane bhagavam mahavire teneva uvagachchhai, uvagachchhitta samanam bhagavam mahaviram tikkhutto ayahina-payahinam karei, karetta vamdai namamsai, vamditta namamsitta usabhadattam mahanam purao kattu thiya cheva saparivara sussusamani namamsamani abhimuha vinaenam pamjalikada pajjuvasai. Tae nam sa devanamda mahani agayapanhaya pappuyaloyana samvariyavalayabaha kamchuyaparikkhittiya dharahayakalambagam piva samusaviyaromakuva samanam bhagavam mahaviram animisae ditthie dehamani-dehamani chitthai. Esa devanamda mahani agayapanhaya pappuyaloyana samvariyavalayabaha kamchuyaparikkhittiya dharahayakalambagam piva samusaviya romakuva devanuppiyam animisae ditthie dehamani-dehamani chitthai? Goyamadi! Samane bhagavam mahavire bhagavam goyamam evam vayasi–evam khalu goyama! Devanamda mahani mamam ammaga, ahannam devanamdae mahanie attae. Tannam esa devanamda mahani tenam puvvaputtasineharagenam agayapanhaya pappuyaloyana, samvariyavalayabaha kamchuyaparikkhittiya dharahayakalambagam piva samusaviyaromakuva mamam animisae ditthie dehamani-dehamani chitthai.
Sutra Meaning Transliteration : Juo sutra 460