Sutra Navigation: Bhagavati ( ભગવતી સૂત્ર )

Search Details

Mool File Details

Anuvad File Details

Sr No : 1103742
Scripture Name( English ): Bhagavati Translated Scripture Name : ભગવતી સૂત્ર
Mool Language : Ardha-Magadhi Translated Language : Gujarati
Chapter :

शतक-५

 Translated Chapter :

શતક-૫
Section : उद्देशक-५ छद्मस्थ Translated Section : ઉદ્દેશક-૫ છદ્મસ્થ
Sutra Number : 242 Category : Ang-05
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] अन्नउत्थिया णं भंते! एवमाइक्खंति जाव परूवेंति–सव्वे पाणा सव्वे भूया सव्वे जीवा सव्वे सत्ता एवं भूयं वेदनं वेदेंति। से कहमेयं भंते! एवं? गोयमा! जण्णं ते अन्नउत्थिया एवमाइक्खंति जाव सव्वे सत्ता एवंभूयं वेदनं वेदेंति। जे ते एवमाहंसु, मिच्छं ते एवमाहंसु। अहं पुण गोयमा! एवमाइक्खामि जाव परूवेमि–अत्थेगइया पाणा भूया जीवा सत्ता एवंभूयं वेदेणं वेदेंति, अत्थेगइया पाणा भूया जीवा सत्ता अनेवंभूयं वेदनं वेदेंति। से केणट्ठेणं भंते! एवं वुच्चइ–अत्थेगइया पाणा भूया जीवा सत्ता एवंभूयं वेदनं वेदेंति, अत्थेगइया पाणा भूया जीवा सत्ता अनेवंभूयं वेदनं वेदेंति? गोयमा! जे णं पाणा भूया जीवा सत्ता जहा कडा कम्मा तहा वेदनं वेदेंति, ते णं पाणा भूया जीवा सत्ता एवंभूयं वेदनं वेदेंति। जे णं पाणा भूया जीवा सत्ता जहा कडा कम्मा नो तहा वेदनं वेदेंति, ते णं पाणा भूया जीवा सत्ता अनेवंभूयं वेदनं वेदेंति। से तेणट्ठेणं गोयमा! एवं वुच्चइ–अत्थेगइया पाणा भूया जीवा सत्ता एवंभूयं वेदनं वेदेंति, अत्थेगइया पाणा भूया जीवा सत्ता अनेवंभूयं वेदनं वेदेंति। नेरइया णं भंते! किं एवंभूयं वेदनं वेदेंति? अनेवंभूयं वेदनं वेदेंति? गोयमा! नेरइया णं एवंभूयं पि वेदनं वेदेंति, अनेवंभूयं पि वेदनं वेदेंति। से केणट्ठेणं भंते! एवं वुच्चइ–नेरइया णं एवंभूयं पि वेदनं वेदेंति, अनेवंभूयं पि वेदनं वेदेंति? गोयमा! जे णं नेरइया जहा कडा कम्मा तहा वेदनं वेदेंति, ते णं नेरइया एवंभूयं वेदनं वेदेंति। जे णं नेरइया जहा कडा कम्मा नो तहा वेदनं वेदेंति, तेणं नेरइया अनेवंभूयं वेदनं वेदेंसि। से तेणट्ठेणं। एवं जाव वेमाणिया। संसारमंडलं नेयव्वं।
Sutra Meaning : જુઓ સૂત્ર ૨૪૧
Mool Sutra Transliteration : [sutra] annautthiya nam bhamte! Evamaikkhamti java paruvemti–savve pana savve bhuya savve jiva savve satta evam bhuyam vedanam vedemti. Se kahameyam bhamte! Evam? Goyama! Jannam te annautthiya evamaikkhamti java savve satta evambhuyam vedanam vedemti. Je te evamahamsu, michchham te evamahamsu. Aham puna goyama! Evamaikkhami java paruvemi–atthegaiya pana bhuya jiva satta evambhuyam vedenam vedemti, atthegaiya pana bhuya jiva satta anevambhuyam vedanam vedemti. Se kenatthenam bhamte! Evam vuchchai–atthegaiya pana bhuya jiva satta evambhuyam vedanam vedemti, atthegaiya pana bhuya jiva satta anevambhuyam vedanam vedemti? Goyama! Je nam pana bhuya jiva satta jaha kada kamma taha vedanam vedemti, te nam pana bhuya jiva satta evambhuyam vedanam vedemti. Je nam pana bhuya jiva satta jaha kada kamma no taha vedanam vedemti, te nam pana bhuya jiva satta anevambhuyam vedanam vedemti. Se tenatthenam goyama! Evam vuchchai–atthegaiya pana bhuya jiva satta evambhuyam vedanam vedemti, atthegaiya pana bhuya jiva satta anevambhuyam vedanam vedemti. Neraiya nam bhamte! Kim evambhuyam vedanam vedemti? Anevambhuyam vedanam vedemti? Goyama! Neraiya nam evambhuyam pi vedanam vedemti, anevambhuyam pi vedanam vedemti. Se kenatthenam bhamte! Evam vuchchai–neraiya nam evambhuyam pi vedanam vedemti, anevambhuyam pi vedanam vedemti? Goyama! Je nam neraiya jaha kada kamma taha vedanam vedemti, te nam neraiya evambhuyam vedanam vedemti. Je nam neraiya jaha kada kamma no taha vedanam vedemti, tenam neraiya anevambhuyam vedanam vedemsi. Se tenatthenam. Evam java vemaniya. Samsaramamdalam neyavvam.
Sutra Meaning Transliteration : Juo sutra 241