Sutra Navigation: Samavayang ( સમવયાંગ સૂત્ર )

Search Details

Mool File Details

Anuvad File Details

Sr No : 1103159
Scripture Name( English ): Samavayang Translated Scripture Name : સમવયાંગ સૂત્ર
Mool Language : Ardha-Magadhi Translated Language : Gujarati
Chapter :

समवाय-२५

 Translated Chapter :

સમવાય-૨૫
Section : Translated Section :
Sutra Number : 59 Category : Ang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] मिच्छादिट्ठिविगलिंदिए णं अपज्जत्तए संकिलिट्ठपरिणामे नामस्स कम्मस्स पणवीसं उत्तर पयडीओ निबंधति, तं जहा– तिरियगतिनामं विगलिंदियजातिनामं ओरालियसरीरनामं तेअगसरीरनामं कम्मगसरीरनामं हुंडसंठाणनामं ओरालियसरीरंगोवंगनामं सेवट्टसंघयणनामं वण्णनामं गंधनामं रसनामं फासनामं तिरियानुपुव्विनामं अगरुयलहुयनामं उवघायनामं तसनामं बादरनामं अपज्जत्तय- नामं पत्तेयसरीरनामं अथिरनामं असुभनामं दुभगनामं अनादेज्जनामं अजसोकित्तिनामं निम्माणनामं गंगासिंधुओ णं महानईओ पणवीसं गाउयाणि पुहुत्तेणं दुहओ घडमुहपवित्तिएणं मुत्तावलि-हारसंठिएणं पवातेणं पवडंति। रत्तारत्तवतीओ णं महानईओ पणवीसं गाउयाणि पुहुत्तेणं दुहओ मकरमुहपवित्तिएणं मुत्तावलिहार-संठिएणं पवातेणं पवडंति। लोगबिंदुसारस्स णं पुव्वयस्स पणवीसं वत्थू पन्नत्ता। इमीसे णं रयणप्पभाए पुढवीए अत्थेगइयाणं नेरइयाणं पणवीसं पलिओवमाइं ठिई पन्नत्ता। अहेसत्तमाए पुढवीए अत्थेगइयाणं नेरइयाणं पणवीसं सागरोवमाइं ठिई पन्नत्ता। असुरकुमाराणं देवाणं अत्थेगइयाणं पणवीसं पलिओवमाइं ठिई पन्नत्ता। सोहम्मीसानेसु कप्पेसु देवाणं अत्थेगइयाणं पणवीसं पलिओवमाइं ठिई पन्नत्ता। मज्झिम-हेट्ठिम-गेवेज्जाणं देवाणं जहन्नेणं पणवीसं सागरोवमाइं ठिई पन्नत्ता। जे देवा हेट्ठिम-उवरिम-गेवेज्जगविमानेसु देवत्ताए उववन्ना, तेसि णं देवाणं उक्कोसेणं पणवीसं सागरोवमाइं ठिई पन्नत्ता। ते णं देवा पणवीसाए अद्धमासेहिं आणमंति वा पाणमंति वा ऊससंति वा नीससंति वा। तेसि णं देवाणं पणवीसाए वाससहस्सेहिं आहारट्ठे समुप्पज्जइ। संतेगइया भवसिद्धिया जीवा, जे पणवीसाए भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति।
Sutra Meaning : જુઓ સૂત્ર ૫૫
Mool Sutra Transliteration : [sutra] michchhaditthivigalimdie nam apajjattae samkilitthapariname namassa kammassa panavisam uttara payadio Nibamdhati, tam jaha– tiriyagatinamam vigalimdiyajatinamam oraliyasariranamam teagasariranamam kammagasariranamam humdasamthananamam oraliyasariramgovamganamam sevattasamghayananamam vannanamam gamdhanamam rasanamam phasanamam tiriyanupuvvinamam agaruyalahuyanamam uvaghayanamam tasanamam badaranamam apajjattaya- namam patteyasariranamam athiranamam asubhanamam dubhaganamam anadejjanamam ajasokittinamam nimmananamam Gamgasimdhuo nam mahanaio panavisam gauyani puhuttenam duhao ghadamuhapavittienam muttavali-harasamthienam pavatenam pavadamti. Rattarattavatio nam mahanaio panavisam gauyani puhuttenam duhao makaramuhapavittienam muttavalihara-samthienam pavatenam pavadamti. Logabimdusarassa nam puvvayassa panavisam vatthu pannatta. Imise nam rayanappabhae pudhavie atthegaiyanam neraiyanam panavisam paliovamaim thii pannatta. Ahesattamae pudhavie atthegaiyanam neraiyanam panavisam sagarovamaim thii pannatta. Asurakumaranam devanam atthegaiyanam panavisam paliovamaim thii pannatta. Sohammisanesu kappesu devanam atthegaiyanam panavisam paliovamaim thii pannatta. Majjhima-hetthima-gevejjanam devanam jahannenam panavisam sagarovamaim thii pannatta. Je deva hetthima-uvarima-gevejjagavimanesu devattae uvavanna, tesi nam devanam ukkosenam panavisam sagarovamaim thii pannatta. Te nam deva panavisae addhamasehim anamamti va panamamti va usasamti va nisasamti va. Tesi nam devanam panavisae vasasahassehim aharatthe samuppajjai. Samtegaiya bhavasiddhiya jiva, je panavisae bhavaggahanehim sijjhissamti bujjhissamti muchchissamti parinivvaissamti savvadukkhanamamtam karissamti.
Sutra Meaning Transliteration : Juo sutra 55