Sutra Navigation: Samavayang ( સમવયાંગ સૂત્ર )

Search Details

Mool File Details

Anuvad File Details

Sr No : 1103145
Scripture Name( English ): Samavayang Translated Scripture Name : સમવયાંગ સૂત્ર
Mool Language : Ardha-Magadhi Translated Language : Gujarati
Chapter :

समवाय-१८

 Translated Chapter :

સમવાય-૧૮
Section : Translated Section :
Sutra Number : 45 Category : Ang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] आयारस्स णं भगवतो सचूलिआगस्स अट्ठारस पयसहस्साइं पयग्गेणं पन्नत्ताइं। बंभीए णं लिवीए अट्ठारसविहे लेखविहाणे पन्नत्ते, तं जहा– १. बंभी २. जवलाणिया ३. दोसऊरिया ४. खरोट्ठिया ५. खरसाहिया ६. पहाराइया ७. उच्चत्तरिया ८. अक्खरपुट्ठिया ९. भोगवइया १. वेणइया ११. निण्हइया १२. अंकलिवी १३. गणियलिवी १४. गंधव्वलिवी १५. आयंसलिवी १६. माहेसरी १७. दामिली १८. पोलिंदी। अत्थिनत्थिप्पवायस्स णं पुव्वस्स अट्ठारस वत्थू पन्नत्ता। धूमप्पभा णं पुढवी अट्ठारसुत्तरं जोयणसयहस्सं बाहल्लेणं पन्नत्ता। पोसासाढेसु णं मासेसु सइ उक्कोसेणं अट्ठारसमुहुत्ते दिवसे भवइ, सइ उक्कोसेणं अट्ठारसमुहुत्ता राती भवइ। इमीसे णं रयणप्पभाए पुढवीए अत्थेगइयाणं नेरइयाणं अट्ठारस पलिओवमाइं ठिई पन्नत्ता। छट्ठीए पुढवीए अत्थेगइयाणं नेरइयाणं अट्ठारस सागरोवमाइं ठिई पन्नत्ता। असुरकुमाराणं देवाणं अत्थेगइयाणं अट्ठारस पलिओवमाइं ठिई पन्नत्ता। सोहम्मीसानेसु कप्पेसु अत्थेगइयाणं देवाणं अट्ठारस पलिओवमाइं ठिई पन्नत्ता। सहस्सारे कप्पे देवाणं उक्कोसेणं अट्ठारस सागरोवमाइं ठिई पन्नत्ता। आणए कप्पे देवाणं जहन्नेणं अट्ठारस सागरोवमाइं ठिई पन्नत्ता। जे देवा कालं सुकालं महाकालं अंजनं रिट्ठं सालं समाणं दुमं महादुमं विसालं सुसालं पउमं पउमगुम्मं कुमुदं कुमुदगुम्मं नलिनं नलिनगुम्मं पुंडरीअं पुंडरीयगुम्मं सहस्सारवडेंसगं विमानं देवत्ताए उववन्ना, तेसि णं देवाणं उक्कोसेणं अट्ठा रस सागरोवमाइं ठिई पन्नत्ता। ते णं देवाणं अट्ठारसहिं अद्धमासेहिं आणमंति वा पाणमंति वा ऊससंति वा नीससंति वा। तेसि णं देवाणं अट्ठारसहिं वाससहस्सेहिं आहारट्ठे समुप्पज्जइ। संतेगइया भवसिद्धिया जीवा, जे अट्ठारसहिं भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति।
Sutra Meaning : જુઓ સૂત્ર ૪૩
Mool Sutra Transliteration : [sutra] ayarassa nam bhagavato sachuliagassa attharasa payasahassaim payaggenam pannattaim. Bambhie nam livie attharasavihe lekhavihane pannatte, tam jaha– 1. Bambhi 2. Javalaniya 3. Dosauriya 4. Kharotthiya 5. Kharasahiya 6. Paharaiya 7. Uchchattariya 8. Akkharaputthiya 9. Bhogavaiya 1. Venaiya 11. Ninhaiya 12. Amkalivi 13. Ganiyalivi 14. Gamdhavvalivi 15. Ayamsalivi 16. Mahesari 17. Damili 18. Polimdi. Atthinatthippavayassa nam puvvassa attharasa vatthu pannatta. Dhumappabha nam pudhavi attharasuttaram joyanasayahassam bahallenam pannatta. Posasadhesu nam masesu sai ukkosenam attharasamuhutte divase bhavai, sai ukkosenam attharasamuhutta rati bhavai. Imise nam rayanappabhae pudhavie atthegaiyanam neraiyanam attharasa paliovamaim thii pannatta. Chhatthie pudhavie atthegaiyanam neraiyanam attharasa sagarovamaim thii pannatta. Asurakumaranam devanam atthegaiyanam attharasa paliovamaim thii pannatta. Sohammisanesu kappesu atthegaiyanam devanam attharasa paliovamaim thii pannatta. Sahassare kappe devanam ukkosenam attharasa sagarovamaim thii pannatta. Anae kappe devanam jahannenam attharasa sagarovamaim thii pannatta. Je deva kalam sukalam mahakalam amjanam rittham salam samanam dumam mahadumam visalam susalam paumam paumagummam kumudam kumudagummam nalinam nalinagummam pumdariam pumdariyagummam sahassaravademsagam vimanam devattae uvavanna, tesi nam devanam ukkosenam attha rasa sagarovamaim thii pannatta. Te nam devanam attharasahim addhamasehim anamamti va panamamti va usasamti va nisasamti va. Tesi nam devanam attharasahim vasasahassehim aharatthe samuppajjai. Samtegaiya bhavasiddhiya jiva, je attharasahim bhavaggahanehim sijjhissamti bujjhissamti muchchissamti parinivvaissamti savvadukkhanamamtam karissamti.
Sutra Meaning Transliteration : Juo sutra 43