Sutra Navigation: Samavayang ( સમવયાંગ સૂત્ર )

Search Details

Mool File Details

Anuvad File Details

Sr No : 1103141
Scripture Name( English ): Samavayang Translated Scripture Name : સમવયાંગ સૂત્ર
Mool Language : Ardha-Magadhi Translated Language : Gujarati
Chapter :

समवाय-१६

 Translated Chapter :

સમવાય-૧૬
Section : Translated Section :
Sutra Number : 41 Category : Ang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] पासस्स णं अरहतो पुरिसादानीयस्स सोलस समणसाहस्सीओ उक्कोसिआ समण-संपदा होत्था। आयप्पवायस्स णं पुव्वस्स सोलस वत्थू पन्नत्ता। चमरबलीणं ओवारियालेणे सोलस जोयणसहस्साइं आयामविक्खंभेणं पन्नत्ते। लवणे णं समुद्दे सोलस जोयणसहस्साइं उस्सेहपरिवुड्ढीए पन्नत्ते। इमीसे णं रयणप्पभाए पुढवीए अत्थेगइयाणं नेरइयाणं सोलस पलिओवमाइं ठिई पन्नत्ता। पंचमाए पुढवीए अत्थेगइयाणं नेरइयाणं सोलस सागरोवमाइं ठिई पन्नत्ता। असुरकुमाराणं देवाणं अत्थेगइयाणं सोलस पलिओवमाइं ठिई पन्नत्ता। सोहम्मीसानेसु कप्पेसु अत्थेगइयाणं देवाणं सोलस पलिओवमाइं ठिई पन्नत्ता। महासुक्के कप्पे देवाणं अत्थेगइयाणं सोलस सागरोवमाइं ठिई पन्नत्ता। जे देवा आवत्तं वियावत्तं नंदियावत्तं महानंदियावत्तं अंकुसं अंकुसपलंबं भद्दं सुभद्दं महाभद्दं सव्वओभद्दं भद्दुत्तरवडेंसगं विमानं देवत्ताए उववन्ना, तेसि णं देवाणं उक्कोसेणं सोलस सागरोव-माइं ठिई पन्नत्ता। ते णं देवा सोलसण्हं अद्धमासाणं आणमंति वा पाणमंति वा ऊससंति वा नीससंति वा। तेसि णं देवाणं सोलसवाससहस्सेहिं आहारट्ठे समुप्पज्जइ। संतेगइआ भवसिद्धिआ जीवा, जे सोलसहिं भवग्गहणेहिं सिज्झिस्संति बुज्झिस्संति मुच्चिस्संति परिनिव्वाइस्संति सव्वदुक्खाण मंतं करिस्संति।
Sutra Meaning : જુઓ સૂત્ર ૩૮
Mool Sutra Transliteration : [sutra] pasassa nam arahato purisadaniyassa solasa samanasahassio ukkosia samana-sampada hottha. Ayappavayassa nam puvvassa solasa vatthu pannatta. Chamarabalinam ovariyalene solasa joyanasahassaim ayamavikkhambhenam pannatte. Lavane nam samudde solasa joyanasahassaim ussehaparivuddhie pannatte. Imise nam rayanappabhae pudhavie atthegaiyanam neraiyanam solasa paliovamaim thii pannatta. Pamchamae pudhavie atthegaiyanam neraiyanam solasa sagarovamaim thii pannatta. Asurakumaranam devanam atthegaiyanam solasa paliovamaim thii pannatta. Sohammisanesu kappesu atthegaiyanam devanam solasa paliovamaim thii pannatta. Mahasukke kappe devanam atthegaiyanam solasa sagarovamaim thii pannatta. Je deva avattam viyavattam namdiyavattam mahanamdiyavattam amkusam amkusapalambam bhaddam subhaddam mahabhaddam savvaobhaddam bhadduttaravademsagam vimanam devattae uvavanna, tesi nam devanam ukkosenam solasa sagarova-maim thii pannatta. Te nam deva solasanham addhamasanam anamamti va panamamti va usasamti va nisasamti va. Tesi nam devanam solasavasasahassehim aharatthe samuppajjai. Samtegaia bhavasiddhia jiva, je solasahim bhavaggahanehim sijjhissamti bujjhissamti muchchissamti parinivvaissamti savvadukkhana mamtam karissamti.
Sutra Meaning Transliteration : Juo sutra 38