Sutra Navigation: Samavayang ( સમવયાંગ સૂત્ર )

Search Details

Mool File Details

Anuvad File Details

Sr No : 1103137
Scripture Name( English ): Samavayang Translated Scripture Name : સમવયાંગ સૂત્ર
Mool Language : Ardha-Magadhi Translated Language : Gujarati
Chapter :

समवाय-१५

 Translated Chapter :

સમવાય-૧૫
Section : Translated Section :
Sutra Number : 37 Category : Ang-04
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] चेत्तासोएसु मासेसु सइं पन्नरसमुहुत्तो दिवसो भवति, सइ पन्नरस मुहुत्ता राई भवति। विज्जाअणुप्पवायस्स णं पुव्वस्स पन्नरस वत्थु पन्नत्ता। मनूसाणं पन्नरसविहे पओगे पन्नत्ते, तं जहा– सच्चमनपओगे मोसमणपओगे सच्चामोस-मनपओगे असच्चामोसमनपओगे सच्चवइपओगे मोसवइपओगे सच्चामोसवइपओगे असच्चा-मोसवइपओगे ओरालिअसरीरकायपओगे ओरालिअमीससरीरकायपओगे वेउव्विअसरीरकाय-पओगे वेउव्विअमीससरीरकायपओगे आहारयसरीरकायपओगे आहारयमीससरीरकायपओगे कम्मयसरीरकाय पओगे। इमीसे णं रयणप्पभाए पुढवीए अत्थेगइयाणं नेरइयाणं पन्नरस पलिओवमाइं ठिई पन्नत्ता। पंचमाए पुढवीए अत्थेगइयाणं नेरइयाणं पन्नरस सागरोवमाइं ठिई पन्नत्ता। असुरकुमाराणं देवाणं अत्थेगइयाणं पन्नरस पलिओवमाइं ठिई पन्नत्ता। सोहम्मीसानेसु कप्पेसु अत्थेगइयाणं देवाणं पन्नरस पलिओवमाइं ठिई पन्नत्ता। महासुक्के कप्पे अत्थेगइयाणं देवाणं पन्नरस सागरोवमाइं ठिई पन्नत्ता। जे देवा नंदं सुनंदं नंदावत्तं नंदप्पभं नंदकंतं नंदवण्णं नंदलेसं नंदज्झयं नंदसिंगं नंदसिट्ठं नंदकूडं नंदुत्तरवडेंसगं विमानं देवत्ताए उववन्ना, तेसिणं देवाणं उक्कोसेणं पन्नरस सागरोवमाइं ठिई पन्नत्ता। ते णं देवा पन्नरसण्हं अद्धमासाणं आणमंति वा पाणमंति वा ऊससंति वा नीससंति वा। तेसि णं देवाणं पन्नरसहिं वाससहस्सेहिं आहारट्ठे समुप्पज्जइ। संतेगइया भवसिद्धिया जीवा, जे पन्नरसहिं भवग्गहणेहिं सिज्झिस्संति बुज्झिस्संति मुच्चि-स्संति परिनिव्वाइस्संति सव्वदुक्खाणं मंतं करिस्संति।
Sutra Meaning : જુઓ સૂત્ર ૩૫
Mool Sutra Transliteration : [sutra] chettasoesu masesu saim pannarasamuhutto divaso bhavati, sai pannarasa muhutta rai bhavati. Vijjaanuppavayassa nam puvvassa pannarasa vatthu pannatta. Manusanam pannarasavihe paoge pannatte, tam jaha– sachchamanapaoge mosamanapaoge sachchamosa-manapaoge asachchamosamanapaoge sachchavaipaoge mosavaipaoge sachchamosavaipaoge asachcha-mosavaipaoge oraliasarirakayapaoge oraliamisasarirakayapaoge veuvviasarirakaya-paoge veuvviamisasarirakayapaoge aharayasarirakayapaoge aharayamisasarirakayapaoge kammayasarirakaya paoge. Imise nam rayanappabhae pudhavie atthegaiyanam neraiyanam pannarasa paliovamaim thii pannatta. Pamchamae pudhavie atthegaiyanam neraiyanam pannarasa sagarovamaim thii pannatta. Asurakumaranam devanam atthegaiyanam pannarasa paliovamaim thii pannatta. Sohammisanesu kappesu atthegaiyanam devanam pannarasa paliovamaim thii pannatta. Mahasukke kappe atthegaiyanam devanam pannarasa sagarovamaim thii pannatta. Je deva namdam sunamdam namdavattam namdappabham namdakamtam namdavannam namdalesam namdajjhayam namdasimgam namdasittham namdakudam namduttaravademsagam vimanam devattae uvavanna, tesinam devanam ukkosenam pannarasa sagarovamaim thii pannatta. Te nam deva pannarasanham addhamasanam anamamti va panamamti va usasamti va nisasamti va. Tesi nam devanam pannarasahim vasasahassehim aharatthe samuppajjai. Samtegaiya bhavasiddhiya jiva, je pannarasahim bhavaggahanehim sijjhissamti bujjhissamti muchchi-ssamti parinivvaissamti savvadukkhanam mamtam karissamti.
Sutra Meaning Transliteration : Juo sutra 35