Sutra Navigation: Sthanang ( સ્થાનાંગ સૂત્ર )

Search Details

Mool File Details

Anuvad File Details

Sr No : 1102734
Scripture Name( English ): Sthanang Translated Scripture Name : સ્થાનાંગ સૂત્ર
Mool Language : Ardha-Magadhi Translated Language : Gujarati
Chapter :

स्थान-८

 Translated Chapter :

સ્થાન-૮
Section : Translated Section :
Sutra Number : 734 Category : Ang-03
Gatha or Sutra : Sutra Sutra Anuyog :
Author : Deepratnasagar Original Author : Gandhar
 
Century : Sect : Svetambara1
Source :
 
Mool Sutra : [सूत्र] उप्पिं सणंकुमार-माहिंदाणं कप्पाणं हेट्ठिं बंभलोगे कप्पे रिट्ठविमाण-पत्थडे, एत्थ णं अक्खाडग-समचउरंस-संठाण-संठिताओ अट्ठ कण्हराईओ पन्नत्ताओ, तं जहा– पुरत्थिमे णं दो कण्हराईओ, दाहिणे णं दो कण्हराईओ, पच्चत्थिमे णं दो कण्ह-राईओ, उत्तरे णं दो कण्हराईओ। पुरत्थिमा अब्भंतरा कण्हराई दाहिणं बाहिरं कण्हराइं पुट्ठा। दाहिणा अब्भंतरा कण्हराई पच्चत्थिमं बाहिरं कण्हराइं पुट्ठा। पच्चत्थिमा अब्भंतरा कण्हराई उत्तरं बाहिरं कण्हराइं पुट्ठा। उत्तरा अब्भंतरा कण्हराई पुरत्थिमं बाहिरं कण्हराइं पुट्ठा। पुरत्थिमपच्चत्थिमिल्लाओ बाहिराओ दो कण्हराईओ छलंसाओ। उत्तरदाहिणाओ बाहिराओ दो कण्हराईओ तंसाओ सव्वाओ वि णं अब्भंतरकण्हराईओ चउरंसाओ। एतासि णं अट्ठण्हं कण्हराईणं अट्ठ नामधेज्जा पन्नत्ता, तं जहा–कण्हराईति वा, मेहराईति वा, मधाति वा, माधवतीति वा, वातफलिहेति वा, वातपलिक्खोभेति वा, देवफलिहेति वा, देवपलि-क्खोभेति वा। एतासि णं अट्ठण्हं कण्हराईणं अट्ठसु ओवासंतरेसु अट्ठ लोगंतियविमाणा पन्नत्ता, तं जहा–अच्ची, अच्चिमाली, वइरोअणे, पभंकरे, चंदाभे, सूराभे, सुपइट्ठाभे, अग्गिच्चाभे। एतेसु णं अट्ठसु लोगंतियविमानेसु अट्ठविधा लोगंतिया देवा पन्नत्ता, तं जहा–
Sutra Meaning : જુઓ સૂત્ર ૭૩૩
Mool Sutra Transliteration : [sutra] uppim sanamkumara-mahimdanam kappanam hetthim bambhaloge kappe ritthavimana-patthade, ettha nam akkhadaga-samachauramsa-samthana-samthitao attha kanharaio pannattao, tam jaha– puratthime nam do kanharaio, dahine nam do kanharaio, pachchatthime nam do kanha-raio, uttare nam do kanharaio. Puratthima abbhamtara kanharai dahinam bahiram kanharaim puttha. Dahina abbhamtara kanharai pachchatthimam bahiram kanharaim puttha. Pachchatthima abbhamtara kanharai uttaram bahiram kanharaim puttha. Uttara abbhamtara kanharai puratthimam bahiram kanharaim puttha. Puratthimapachchatthimillao bahirao do kanharaio chhalamsao. Uttaradahinao bahirao do kanharaio tamsao savvao vi nam abbhamtarakanharaio chauramsao. Etasi nam atthanham kanharainam attha namadhejja pannatta, tam jaha–kanharaiti va, meharaiti va, madhati va, madhavatiti va, vataphaliheti va, vatapalikkhobheti va, devaphaliheti va, devapali-kkhobheti va. Etasi nam atthanham kanharainam atthasu ovasamtaresu attha logamtiyavimana pannatta, tam jaha–achchi, achchimali, vairoane, pabhamkare, chamdabhe, surabhe, supaitthabhe, aggichchabhe. Etesu nam atthasu logamtiyavimanesu atthavidha logamtiya deva pannatta, tam jaha–
Sutra Meaning Transliteration : Juo sutra 733